500 ۋيچات ءنومىرىن وتكەرمەلەپ ساتىپ پايداعا كەنەلگەن ادام ءبىر جىل التى ايلىق مەرزىمدى قاماق جازاسىنا ۇكىم ەتىلدى
2022.12.23 16:06 كەلۋ قاينارى : حالىق تورابى
ۋيچات قازىر ەڭ كەڭ كولەمدى قولدانىلىپ وتىرعان حابارلاسۋ قۇرالى، كەيبىر زاڭسىز ەلەمەنتتەر ۋيچات ءنومىرىن ساۋدالاۋمەن اينالىسا باستاعان.
2022 – جىلى 12 – ايدىڭ 9 – كۇنى، شينجياڭ تەكەس اۋداندىق حالىق سوتى ازاماتتاردىڭ جەكەلىك ينفورماتسياسىنا قول سۇعۋ قىلمىستىق دەلوسىنا قاتىستى زاڭ بويىنشا سوت اشتى. ايىپكەر ا X ازاماتتاردىڭ جەكەلىك ينفورماتسياسىنا قول سۇعۋ قىلمىسى بويىنشا ءبىر جىل التى ايلىق مەرزىمدى قاماق جازاسىنا ۇكىم ەتىلدى ءارى سوت مەكەمەسى وعان قىلمىستىق ىستەر بويىنشا 10000 يۋان حالىق اقشاسىندىق اقشالاي ايىپ سالدى، زاڭسىز تاپقان 46617 يۋان پايداسىن ءمۇسادىرالادى.
2021 – جىلى 7 – ايدان بيىل 3 – ايدا دەلو بايقالعانعا دەيىن، ا X ينتەرنەتتەن جوعارى باعادا ۋيچات ءنومىرىن ساتىپ الۋ تۋرالى جارنامانى كورگەن، زاڭسىز پايداعا كەنەلۋ ءۇشىن، ۋيچات ءنومىرىن كوپ مولشەردە ساتىپ الىپ، وعان باعا ۇستەمەلەۋ ارقىلى ساتىپ، ارادان پايداعا كەنەلگەن، جيىنى 500 دەي ۋيچات ءنومىرىن ساتىپ، 46617 يۋان زاڭسىز پايداعا كەنەلگەن. دەلو تۋىلعان سوڭ، ا X ءوزىنىڭ قىلمىسىن شىنايى بايانداعان ءارى زاڭسىز تابىسىن ىرىقتىلىقپەن قايتارعان.
سوت مەكەمەسى بىلاي دەپ قاراعان: ايىپكەر ا X مەملەكەتتىڭ قاتىستى بەلگىلەمەلەرىنە قايشى كەلىپ، ازاماتتاردىڭ جەكەلىك ينفورماتسيالارىنا زاڭسىز تۇردە يە بولعان جانە ونى ساتقان، ىستەگەن ءىسىنىڭ سيپاتى اۋىر، ونىڭ ارەكەتى «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 253 – تارماعىنداعى بەلگىلەمەلەردىڭ بىرىنە قايشى كەلگەن، قىلمىستىق فاكتى انىق، ىسپات شىن ءارى تولىق، ازاماتتاردىڭ جەكەلىك ينفورماتسياسىنا قول سۇعۋ قىلمىسى بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك، الەۋمەتتىك شاعىم ايتۋ ورگاندارىنىڭ ايىپتاماسىندا كورسەتىلگەن قىلمىس قالىپتاسقان، الەۋمەتتىك شاعىم ايتۋ ورگانىن قولداۋ كەرەك.
دەلو ءبىتىرۋدى مىندەتىنە العان سۋديا لي جيالياڭ بىلاي دەدى: شىن اتى بويىنشا كۋالاندىرعان ۋيچات ءنومىرى ازاماتتاردىڭ اتى – ءجونى، ازاماتتىق كۋالىك ءنومىرى، قولفون ءنومىرى قاتارلى ازاماتتىق ينفورماتسيالارىن قامتيدى. شىن اتى بويىنشا كۋالاندىرعان ۋيچات ءنومىرىن مايعا بەرۋ، ساتۋ ارەكەتى زاڭسىز ەلەمەنتتەردىڭ وسىدان پايدالانىپ الدامكوستىك ىستەۋ قاتارلى قىلمىستىق ارەكەتتەرمەن شۇعىلدانۋىنا قولايلىلىق جاراتادى، ۋيچات ءنومىرىن ساۋدالاۋ ازاماتتاردىڭ جەكەلىك ينفورماتسياسىنا قول سۇعۋ ارەكەتىن وتە وڭاي تۋدىرادى. بارشا بۇقارانىڭ بولماشى پايداعا بولا ۋيچات ءنومىرىن ساۋدالاماۋىن، جەكەلىك ينفورماتسياسىن ويداعىداي ساقتاپ، زاڭسىز ەلەمەنتتەرگە پايدالاناتىن وراي جاراتىپ بەرمەۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
