بيىل استىق ءونىمى 155 ميلليارد 260 ميلليون جىڭ بولىپ، ءۇرتىس 13 جىل مەملەكەت بويىنشا ءبىرىنشى ورىندى يەلەدى
حيلۇڭجياڭ استىق حاۋىپسىزدىگىنىڭ نەگىزىن قۇلشىنا بەكەمدەدى
«حالىق گازەتىنىڭ» تىلشىلەرى سۇي جيا، فاڭ يۋان، ليۋ مىڭدان
2022.12.23 16:03 كەلۋ قاينارى : حالىق تورابى
قىس كۇندەرىندەگى حيلۇڭجياڭنىڭ قاقاعان ايازىندا بەيداحۋاڭ توبىنىڭ استىق وندىرىسىنە دايىندالۋ بۋىنى قىسقى قاربالاستىقتىڭ كورىنىسىنە اينالدى.
855 - ەگىس الاڭى استىق جانە ساۋدا سەرىكتەستىگىنىڭ سويا بۇرشاق تۇقىمىن وڭدەۋ سەحىندا التىن سارى سويا بۇرشاقتىڭ تۇقىمى 4 ءتۇرلى جۇمىس ءتارتىبى بويىنشا سۇرىپتالعاننان كەيىن قوراپتاۋ جەلىسىنە كىردى؛ چيشيڭ بولىمشە سەرىكتەستىگىنىڭ اۋىل شارۋاشىلىعى تەحنيكاسىن جالپىلاستىرۋ ورتالىعىنىڭ لابوراتورياسىندا توپىراقتىڭ جاڭا ءبىر ماۋسىمدىق تەكسەرۋ قىزمەتى رەسمي باستالدى؛ باۋچۋانليڭ بولىمشە سەرىكتەستىگىندە تەمىر جول ارناۋلى جەلىسى بويىنشا تيەۋ - ءتۇسىرۋ جۇمىسشىلارى كوكتەمگى حيميالىق تىڭايتقىشتى ءتۇسىرىپ جاتىر...
مەملەكەتتىك ساناق مەكەمەسى 12 - ايدىڭ 12 – كۇنى جاريالاعان ساندى مالىمەتتە كورسەتىلۋىنشە، بيىل حيلۇڭجياڭ ولكەسىنىڭ استىق ءونىم مولشەرى 155 ميلليارد 260 ميلليون جىڭعا جەتىپ، بۇكىل ەلدىڭ جالپى ءونىم مولشەرىنىڭ %11.3 ىن ۇستاپ، ءۇرتىس 13 جىل مەملەكەت بويىنشا ءبىرىنشى ورىندا تۇرعان.
حيلۇڭجياڭ ولكەسىندەگى قالىڭ كادرلار مەن بۇقارا باس شۋجي شي جينپيڭنىڭ «جۇڭگو استىعى، جۇڭگو اس كەسەسى» سىندى ىقىلاستى تاپسىرماسىن باستان - اياق ەستە بەرىك ساقتاپ، پارتيا 20 - قۇرىلتايىنىڭ بايانداماسىندا ورتاعا قويىلعان «استىق حاۋىپسىزدىگىنىڭ نەگىزىن جان - جاقتى بەكەمدەۋ» جونىندەگى ورنالاستىرۋلاردى، تالاپتاردى مۇقيات دايەكتىلەندىرىپ، تياناقتاندىرىپ، جوعارى ولشەمدى ەگىنجاي قۇرىلىسى، تۇقىم شارۋاشىلىعىن گۇلدەندىرۋ ارەكەتى، اۋىل شارۋاشىلىعى عىلىم - تەحنيكاسىنان پايدالانۋ سياقتى شارالاردى تىڭعىلىقتى ىلگەرىلەتىپ، استىقتىڭ جالپىلىق ءوندىرىس قۋاتىن جاپپاي جوعارىلاتتى، مەملەكەتتىڭ ورنىقتىرعىشى بولىپ، قارا توپىراقتى ءىرى ەلدىڭ استىق قامباسىن بارعان سايىن مولىقتىردى.
جوعارى ولشەم بەلگىلەنىپ، «قارا توپىراق، قۇنارلى اتىز» ويداعىداي قورعالدى
قاردان كەيىن كۇن اشىلا باستادى، قىس كۇندەرىندەگى اتىزدارعا كۇن شۇلەن شۇعىلاسىن شاشتى. حيلۇڭجياڭ ولكەسى فۋجين قالاسى شياڭياڭچۋان قالاشىعى يوۋ - ي قىستاعىندا جەر رەتتەۋ قىزمەتى بۇكىلدەي اياقتادى. ەگىنشى لي ليلي وتباسىنىڭ سويا بۇرشاق اتىزىنان بيىل كۇزدە مول ءونىم الىندى، التىن سارى بۇرشاق ءدانى استىق قامباسىنا ءۇيىلدى. قازىر ول كەلەر جىلعى ەگىمشىلىك جوسپارىن ەسەپتەۋدە.
«قىستاعىمىزدىڭ ەگىستىك جەرى كەڭ بولعانىمەن، كوپ ساندىسى ويلى - شۇڭقىر ەدى. بۇرىن ۇلكەن ات كۇشىندىك ماشينامەن جۇمىس ىستەۋگە شاراسىز قالاتىنبىز، كوبىندە جاڭبىر سۋىنا سۇيەنەتىنبىز». لي ليلي بىلاي دەدى: قىستاقتا بىلتىردان باستاپ جوعارى ولشەمدى ەگىنجاي جانە سايكەستى قۇرىلعىلار سالىندى، ويلى – شۇڭقىر بولۋ جاعدايى بارىنشا وزگەردى، «جەر جاقسى بولسا، ءتۇسىم جاقسى بولادى، كەلەر جىلعى استىقتى ەگۋ سەنىمىمىز ءتىپتى دە كۇشەيە ءتۇستى».
بيىل يوۋ - ي قىستاعى جوعارى ولشەمدى ەگىنجاي قۇرىلىسىمەن تۇتاس قىستاقتى جاپپاي قامتىدى. «قۇنارلى اتىزدى قورعاعان قىستاق تۇتاس قىستاقتىڭ جەرىن اماناتتاپ باسقارۋدى جولعا قويىپ، بۇكىل قىستاقتاعى 30 ەگىس ماشينا - جابدىعىن بىرىكتىرىپ، ءبىر تۇتاس باسقارىپ سەپتەدى». قىستاق پارتيا ياچەيكاسىنىڭ شۋجيى فۋ شى - يە بىلاي دەدى: بيىل استىق ءونىمى بىلتىرعىدان 400 مىڭ جىڭ ارتىپ، جان باسىندىق كىرىس مىڭ يۋان ارتتى.
فۋجين قالالىق اۋىل شارۋاشىلىعى، اۋىل - قىستاق مەكەمەسىنىڭ باستىعى جاڭ چۇنشىڭ بىلاي دەپ تانىستىردى: 2022 - جىلى بۇكىل قالا بويىنشا 77 مىڭ 100 مۋ جوعارى ولشەمدى ەگىنجاي قۇرىلىسى نىسانىنا تىڭنان قول جەتكىزىلىپ، جالپى 95 ميلليون 600 مىڭ يۋان قارجى قوسىلدى؛ شىعىس سولتۇستىكتە 244 مىڭ 100 مۋ قارا توپىراقتى قورعاۋ قۇرىلىسى نىسانىنا جاڭادان قول جەتكىزىلىپ، جالپى 397 ميلليون يۋان قارجى قوسىلدى؛ بۇكىل قالانىڭ استىق ءونىم مولشەرى 6 ميلليارد 300 ميلليون جىڭعا جەتتى.
اتىزدار تۇتاستىرىلىپ، تەگىستەلىپ، توعاندار، جولدار دەرلىك جەتكىزىلدى... ەگىنجايلارعا اسپاننان كوز جىبەرسە، شاقپاق اتىزدار رەتتى دە بىركەلكى بولىپ، ايبىندى كورىنەدى. مۇنداي جاعداي بەيداحۋاڭ توبى جالپىلاستىرىپ اتقارعان جوعارى ولشەمدى ەگىنجاي قۇرىلىسىنىڭ ءونىمدى شاراسىنىڭ ارقاسىندا كەلگەن.
«وتباسىمىزدىڭ بۇل ارادا جالپى 340 مۋ جەرى بار، شاقپاق اتىزدى وزگەرتۋ ارقىلى شاعىن اتىزدار ۇلكەن اتىز ەتىپ بىرىكتىرىلىپ، ويپاڭ جەرلەر تەگىستەلدى، بيىل كۇرىشتىڭ مۋ باسىندىق ءونىمى ءبىر مىڭ 400 جىڭنان اسىپ، بىلتىرعىدان 30 جىڭ جوعارىلادى» دەدى بەيداحۋاڭ توبى 856 - ەگىس الاڭى شەكتى سەرىكتەستىگىنىڭ 6 - باسقارۋ رايونىنداعى ەگىنشى لۇي شياڭمين.
«شاقپاق اتىزدار بىرىكتىرىلگەننەن كەيىن، شارت - جاعداي جار بەرگەن جاعدايدا زەردەلىلەندىرۋگە بۇرىلىس جاسالدى، داقىلداردىڭ ءوسۋ جاعدايى مەن كەڭ اتىز ورتاسىنا جالپى بارىستىق باقىلاۋ - ولشەۋ جۇرگىزىلدى» دەدى 856 - ەگىس الاڭى سەرىكتەستىگى اۋىل شارۋاشىلىق ءوندىرىس ءبولىمىنىڭ باستىعى ساۋ يۇي.
«مەجەمەن بيىل جىل سوڭىنان بۇرىن بۇكىل ولكە بويىنشا قۋاڭشىلىقتا دا، سۋ اپاتىندا دا مول ءونىم الىناتىن، ءتۇسىمى تۇراقتى، جوعارى ءتۇسىمدى جوعارى ولشەمدى ەگىس اتىزىنىڭ اۋدانى 100 ميلليون مۋدان اسادى. جوعارى ولشەمدى اتىز بىتكەننەن كەيىن، مۋ باسىندىق ورتاشا استىق ءوندىرىس قۋاتىن %20 – 10 ارتتىرۋعا بولادى». حيلۇڭجياڭ ولكەلىك اۋىل شارۋاشىلىعى، اۋىل - قىستاق مەڭگەرمەسىنىڭ باستىعى ۋاڭ جاۋشيان بىلاي دەپ تانىستىردى: قارا توپىراقتى قورعاۋ ينجەنەرياسىن بار كۇشپەن اتقارۋ ارقىلى بۇكىل ولكەدەگى ەگىستىك جەردىڭ ورتاشا دارەجەسى 3.46 دارەجەلى بولىپ، شىعىس سولتۇستىكتەگى قارا توپىراقتى رايوننان 0.13 دارەجە جوعارى بولدى.
دەربەس جاڭالىق جاراتۋعا سۇيەنىپ، «تۇقىم شارۋاشىلىعىن گۇلدەندىرۋدى» بار كۇشپەن ىلگەرىلەتتى
تاجىريبە ساندى مالىمەتتەرىن رەتتەدى، كۇرىشتىڭ ساپاسىنا تالداۋ جاسادى... بيىل قىستا حيلۇڭجياڭ ولكەلىك اۋىل شارۋاشىلىق عىلىم اكادەمياسى كۇرىش زەرتتەۋ ورنىنىڭ زەرتتەرمەنى پان گوجۇن بۇرىنعى سياقتى تاجىريبەحانادا قاربالاستىققا ءتۇستى.
فان گوجۇن توبى جەتىلدىرگەن «لۇڭجيڭ – 31» سورتى بۇكىل ەل بويىنشا جالپىلاستىرىلىپ، پايدالانىلۋ كولەمى ەڭ ۇلكەن جاتاعان كۇرىش سورتىنا اينالدى. «لۇڭجيڭ – 31 دى» ۋاكىل ەتكەن جەلىلەس سورتتار حيلۇڭجياڭ ولكەسىندە ەگىلەتىن نەگىزگى سورتقا اينالدى. «قازىر ءبىزدىڭ سورتتىڭ بىرلىك ءونىمى وتە جوعارى بولدى، الايدا عىلىم - تەحنيكادا جاڭالىق اشۋدا شەك جوق، تاعى دا ءونىم مولشەرى، توزىمدىلىگى، سونداي - اق ازىقتىق ساپاسى جاقتارىندا ۇزدىكسىز تىڭ ناتيجەلەرگە قول جەتكىزۋگە كۇش سالۋ كەرەك» - دەدى پان گوجۇن.
تۇقىم − اۋىل شارۋاشىلىعىنىڭ «وزەگى». بيىل باسىپ تاراتىلىپ، اتقارىلعان «حيلۇڭجياڭ ولكەسىنىڭ تۇقىم شارۋاشىلىعىن گۇلدەندىرۋ ارەكەتىن اتقارۋ جوباسىندا» «بايلىقتى قورعاۋ، جاڭالىق جاراتۋدا قامال الۋ، كاسىپورىنداردى سۇيەمەلدەۋ، بازار دارەجەسىن جوعارىلاتۋ، بازاردى كىرشىكسىزدەندىرۋ» سىندى 5 ۇلكەن ارەكەت ماڭىزدى تۇتقا ەتىلىپ، حيلۇڭجياڭنىڭ تۇقىم شارۋاشىلىعىن گۇلدەندىرۋدىڭ ۋاقىت كەستەسى، جول كارتاسى جاسالدى. سونىمەن بىرگە، مەملەكەت دارەجەلى سويا بۇرشاق تۇقىم بازاسى مەن جۇگەرى، كۇرىش سياقتى سورتتى تۇقىم جەتىلدىرۋ بازاسى قۇرىلىسىن كۇشەيتىپ، ساپالى، جوعارى ءونىمدى ەگىس داقىلدارىنىڭ تۇقىمىن سۇرىپتاپ جەتىلدىرۋدى جانە جاڭالاۋدى جەدەلدەتىپ، نەگىزگى ەگىس داقىلدارىنىڭ سورتتى تۇقىمىنىڭ تولىق قامتۋىن جۇزەگە اسىرۋ العا قويىلدى.
«بيىل ءبىز نەگىزگى ەگىس داقىلدارىنىڭ 424 جاڭا سورتىن تەكسەرىپ بەكىتتىك، مۇنىڭ ىشىندە كۇرىشتىڭ 222، جۇگەرىنىڭ 104، سويا بۇرشاقتىڭ 87، ءبيدايدىڭ 11 جاڭا سورتى بار». حيلۇڭجياڭ ولكەلىك اۋىل شارۋاشىلىق عىلىم اكادەمياسىنىڭ باستىعى ليۋ دي بىلاي دەپ تانىستىردى: ولكەلىك اۋىل شارۋاشىلىق عىلىم اكادەمياسى ەگىمشىلىك كاسىبىندە جاڭالىق اشۋدى كۇش سالا ىلگەرىلەتىپ، بۇكىل ولكەدەگى ەگىمشىلىك وتباسىلارىنىڭ تۇقىم تاڭداپ پايدالانۋىنا جەتەكشىلىك ەتىپ، استىق ءونىمىن، شارۋالاردىڭ كىرىسىن ارتتىرۋدى جەبەدى.
بەيداحۋاڭ تىڭ يگەرۋ تۇقىم شارۋاشىلىعى شەكتى جارنا سەرىكتەستىگىنىڭ زەرتتەۋ - اشۋ عيماراتىنىڭ جەر استى 1 - قاباتىنداعى ساپالى تۇقىم بايلىعى قامباسىندا 90 مىڭنان استام باعالى تۇقىم بايلىعى ساقتالعان. سەرىكتەستىكتىڭ سويا بۇرشاق زەرتتەۋ ورنىنىڭ باستىعى حۋ شيپيڭ − كىنفىڭ تۇقىم شارۋاشىلىعى ۇسىنىس ەتكەن زەرتتەۋ ماماندارىنىڭ ءبىرى، ول ۇيىرمە باستاپ تۇقىم بايلىعى قۇرامىنداعى تۇقىم جەتىلدىرۋ قۇنى بار يقۋاتتىق گەنگە تالداۋ جاساۋدا، قازىر اشىلعان سۇرى تەڭبىل دەرتىنە توتەپ بەرۋ قۋاتى بار، تۇقىم جەتىلدىرۋگە قولدانىلاتىن يقۋاتتىق چيپ حيلۇڭجياڭ ولكەسىنىڭ سويا بۇرشاقتىڭ سۇر تەڭبىل دەرتىنە توتەپ بەرۋىنە نەگىز قالادى. «ءبىز تۇقىم شارۋاشىلىعىندا جاڭالىق اشۋ مەزگىلىن قارسى الىپ وتىرمىز». حۋ شيپيڭ بىلاي دەدى: بىلتىر سويا بۇرشاقتىڭ جاڭا سورتى «لۇڭكىن - 3092» تەكسەرىپ بەكىتۋدەن ءوتتى، بەلوك قۇرامى %40، ماي قۇرامى %20 بولىپ وتىر، ءار مۋ جەردەگى بىرلىك ءونىمى سول جەردىڭ سورتتارىنان %10 جوعارى بولادى.
ەگىمشىلىكتى گۇلدەندىرۋ ارەكەتىن ىشكەرىلەي اتقارعان حيلۇڭجياڭ نىق قاداممەن العا باستى.
ەگىمشىلىك كاسىبىندە دەربەس جاڭالىق جاراتۋدان قامال الۋدى ىلگەرىلەتتى، حيلۇڭجياڭ ولكەلىك قازىنا 300 ميلليون يۋان قارجى ورنالاستىرىپ، تۇقىم كاسىبىندە جاڭالىق جاراتۋعا جۇمسادى، مۇنىڭ ىشىندە 39 ميلليون 960 مىڭ يۋان قارجىمەن ولكەلىك اۋىل شارۋاشىلىق عىلىم اكادەمياسىنىڭ، شىعىس سولتۇستىك اۋىل شارۋاشىلىق داشۋەسىنىڭ جۇگەرى، كۇرىش، كارتوپ سياقتى ساپالى تۇقىم بايلىعىن جاقسارتۋ جانە ساپالى تۇقىم جەتىلدىرۋ تۇعىرىن قۇرۋ قۇرىلىسىنا قولداۋ كورسەتىلدى. بەيداحۋاڭ كىنفىڭ تۇقىم شارۋاشىلىعىنىڭ مەملەكەتتىڭ سويا بۇرشاق تۇقىمىن جەتىلدىرۋدەن قامال الۋ مىندەتىن باستاماشىلدىقپەن ۇستىنە الۋىنا قولداۋ كورسەتىلدى. سويا بۇرشاقتىڭ ساپالى تۇقىم ءوندىرۋ قۋاتىن جوعارىلاتۋعا قوسىمشا قاراجات بەرۋ ساياساتى ۇزدىكسىز اتقارىلىپ، ولكە ىشىندەگى ءوندىرىس كولەمى ءبىرشاما زور 17 سويا بۇرشاق تۇقىمى كاسىپورنىنا 24 ميلليون 826 مىڭ 500 يۋان كومەك قاراجات بەرىلىپ، تۇقىم شارۋاشىلىعى كاسىپورىندارىنىڭ سورتتى تۇقىم جەتىلدىرۋ بازاسى قۇرىلىسى كۇشەيتىلىپ، ولكە بويىنشا مەملەكەت دارەجەلى ءىرى اۋداندار مەن وڭىرلىك سورتتى تۇقىم جەتىلدىرۋ بازاسى 19 عا جەتىپ، سويا بۇرشاق پەن داعدىلى كۇرىش سورتتى تۇقىمىن جەتىلدىرۋ بازاسىنىڭ كولەمى مەملەكەت بويىنشا الدىڭعى قاتارعا ءوتتى.
اتويشى بولۋعا تالپىنىپ، اۋىل شارۋاشىلىعىنا «عىلىم - تەحنيكامەن قانات ءبىتىرۋدى».
«بيىل جۇگەرىدەن مول ءونىم الۋىم − زەردەلى، ءىرى تۇرپاتتى ەگىس ماشينالارىنىڭ ارقاسى». حاربين قالاسى شۋاڭچىڭ رايونى حۋا - ي وسى زامانعى اۋىل شارۋاشىلىعى ماشينالارى كاسىپتىك سەلبەستىك كووپەراتيۆىنىڭ ەگىمشىلىك ءىرى وتباسى مۇشەسى فۋ چاڭشى 10 ءىرى تۇرپاتتى ەگىس ماشينالارىن نۇسقاپ تۇرىپ: «بۇل تراكتورلارعا جەتىقاراقشى جول نۇسقاۋ جۇيەسى، زات تورابى سياقتى زەردەلى اۋىل شارۋاشىلىعى تەحنيكالارى ەنگىزىلگەن» دەدى.
«بۇل تراكتورلار ءوزى جۇرەدى، جۇمىس ءبىتىرۋى ەرەكشە جاقسى». حۋا – ي وسى زامانعى اۋىل شارۋاشىلىعى ماشينالارى كاسىپتىك سەلبەستىك كووپەراتيۆىنىڭ القا باستىعى دۋ بينشياۋ بىلاي دەدى: «كووپەراتيۆىمىزدە قازىر 500 دەن استام وزىق ءىرى، ورتا تۇرپاتتى ەگىس ماشيناسى بار، وسى بىرنەشە جىلدا حيلۇڭجياڭ حۇيدا عىلىم - تەحنيكانى دامىتۋ شەكتى سەرىكتەستىگى بىزگە زەردەلى ەگىس الاڭىنىڭ جوباسىن ازىرلەپ بەردى، تۇقىم سەبۋ، مايسا وتىرعىزۋ، تىڭايتقىش بەرۋ، ورۋ جۇمىستارىنىڭ بارلىعى اۆتوماتتاستى».
«كوكتەمگى ەگىس كەزىندە جەتىقاراقشى جول نۇسقاۋ جۇيەسى بار، شوفەرسىز جۇرگىزۋ جۇيەسى ورناتىلعان جوعارى جىلدامدىقتى دالمە - ءدال تۇقىم سەبۋ ماشيناسى اتىزدارعا كىرىپ جۇمىس ىستەيدى، قارقىنى تەز، ونىمدىلىگى جوعارى، ونىڭ ۇستىنە ءتۇپ ارالىعى، قاتار ارالىعى بىركەلكى، مايسا مولشەرى دالمە - ءدال بولادى. ءبىر كۇندە 100 مۋ جەردىڭ جۇمىسىن ارتىق بىتىرۋگە بولادى، ءبىر مۋ جەردەن 20 نەشە يۋان پايدا ارتىق تابۋعا بولادى» دەدى فۋ چاڭشى.
«ءبىز اۋىل شارۋاشىلىق جابدىقتارى عىلىم - تەحنيكاسىندا جاڭالىق اشۋعا ۇزدىكسىز كۇش قوسىپ، شارۋالاردىڭ قول تەلەفونمەن اۆتوماتتى جەر جىرتۋ، تۇقىم سەبۋ، باپتاۋ، جيناۋ سياقتى جۇمىستاردى باقىلاۋ - تەكسەرۋدى جۇزەگە اسىرۋىنا مۇمكىندىك جاسادىق» دەدى حيلۇڭجياڭ حۇيدا عىلىم - تەحنيكا شەكتى سەرىكتەستىگىنىڭ جاۋاپتىسى جاڭ يۇي.
مەملەكەت بويىنشا ەڭ ۇلكەن سويا بۇرشاق وندىرەتىن ايماق دارەجەلى قالا حيحى قالاسى سويا بۇرشاق عىلىم - تەحنيكاسىندا ءوزىن الۋەتتەندىرۋدىڭ «سەرىكتەستىك ارەكەتىن» ورىستەتىپ، مىڭ مۋلىق ۇلگى كورسەتۋ بازاسىن قۇرىپ، 110 سانتيمەترلىك كولەمدى شونەكتەۋ سياقتى جاسىل، ساپالى، جوعارى ءتۇسىمدى، جوعارى ءونىمدى ءوندىرىس ۇلگىسىنەن ۇلگى كورسەتتى، جالپىلاستىردى. 2022 – جىلى بۇكىل قالا بويىنشا سويا بۇرشاق 21 ميلليون 901 مىڭ مۋ جەرگە ەگىلىپ، الدىنداعى جىلداعىدان %25 ارتتى.
«ءبىز 40 مىڭ مۋ جەرگە سويا بۇرشاق ەگىپ، مول ءونىم الدىق». حيحى قالاسى سۇنكى اۋدانى فىڭيىڭ وسى زامانعى ەگىس ماشينالارى كاسىپتىك سەلبەستىك كووپەراتيۆىنىڭ القا باستىعى جياڭ دۇڭحۋا بىلاي دەدى: «ءار دارەجەلى ۇكىمەتتەر استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ، تەحنيكاعا سۇيەنە وتىرىپ ەگۋ ستراتەگياسىن ناقتاپ تياناقتاندىردى، ءبىزدىڭ استىق ەگۋدەگى بولاشاعىمىز نۇرلى بولماق».
اۋىل شارۋاشىلىعىن وسىزامانداندىرۋدىڭ تەتىگى عىلىم - تەحنيكادا، دارىندىلاردا. حيلۇڭجياڭ ولكەسى اۋىل شارۋاشىلىق عىلىم - تەحنيكاسىن دامىتۋدى اناعۇرلىم كورنەكتى ورىنعا قويىپ، اۋىل شارۋاشىلىعىن ماشينالاندىرۋدى، زەردەلىلەندىرۋدى كۇش سالا ىلگەرىلەتىپ، اۋىل شارۋاشىلىعىن وسىزامانداندىرۋعا عىلىم - تەحنيكانىڭ قاناتىن ءبىتىردى. 2021 – جىلدىڭ سوڭىنا دەيىن حيلۇڭجياڭ ولكەسىنىڭ ەگىس داقىلدارىن ەگۋ – جيناۋدى جالپىلىق ماشينالاندىرۋ شاماسى %98 تەن جوعارى بولدى. 2021 - جىلى بۇكىل ولكەنىڭ اۋىل شارۋاشىلىق عىلىم - تەحنيكا العاباسارلىعىنىڭ قوسقان ۇلەسى %69.3 كە جەتىپ، بۇكىل ەل بويىنشا الدىڭعى ورەدە تۇردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
