ءسىزدىڭ تۇرمىسىڭىزبەن تىعىز قاتىستى، بۇل بەلگىلەمەلەر كەلەر جىلى 1 – ايدان باستاپ اتقارىلادى
2022.12.26 15:30 كەلۋ قاينارى : حالىق تورابى
2023 – جىلى 1 – اي جاقىنداپ قالدى، 1 - ايدا ءبىر توپ جاڭا بەلگىلەمەلەر اتقارىلادى، بۇل بەلگىلەمەلەر ءجۇرىس – تۇرىس، ەمدەلۋ، جىلجىمالى حابارلاسۋ قاتارلى سالالارعا سايادى، بىرگە حابارلى بولايىق.
تەمىر جول تاسىمالى جونىندەگى جاڭا بەلگىلەمەدە بالالار بەلەتىنە قاتىستى وزگەرىستەر ەنگىزىلدى
جاڭادان وزگەرىس ەنگىزىلگەن «تەمىر جول جولاۋشى تاسىمالى ەرەجەسى» 2023 – جىلى 1 – ايدىڭ 1 – كۇنىنەن باستاپ اتقارىلادى. بەلگىلەمە بويىنشا:
›››› بەلەتتى شىن اتى بويىنشا ساتۋ جونىندەگى بەلگىلەمە اتقارىلعان جاعدايدا، بالالارعا جاسالاتىن تيىمدىلىك ولشەمى ولاردىڭ جاسىنا قاراي بولىنەدى. ەرەسەكتەرمەن بىرگە پويەزگە وتىرعان بالالار 6 جاسقا تولعان ءارى 14 جاسقا تولماعان بولسا، بالالارعا ءتيىمدى باعاداعى بەلەتتى الۋى قاجەت؛ جاسى 14 كە تولعان بولسا، تولىق باعاداعى بەلەتتى الۋى كەرەك.
›››› بەلەت العان ءاربىر ەرەسەك ادام 6 جاسقا تولماعان ءارى جەكە ورىن يەلەمەيتىن ءبىر بالانى پويەزگە تەگىن ەرتىپ شىقسا بولادى، بالا سانى بىردەن اسىپ كەتسە، اسىپ كەتكەن سانىنا قاراي بالالارعا ءتيىمدى باعاداعى بەلەتتى الۋى كەرەك. بالالاردىڭ جاسى پويەزگە وتىرعان كۇن بويىنشا ەسەپتەلەدى.
مۇنان سىرت، جاڭا نۇسقاداعى «تەمىر جولداعى جولاۋشى تاسىمالى ەرەجەسىندە» قىزمەت وتەۋ جاعىندا ءالسىز توپتاعى ادامدارعا ءمان بەرۋ اناعۇرلىم كۇشەيتىلگەن:
›››› كورۋ قۋاتى جاعىندا كەمىستىگى بار جولاۋشىلاردىڭ سوقىرلارعا جول باستايتىن ءيتتى جەتەلەپ پويەز بەكەتىنە كىرۋىنە، پويەزگە شىعۋىنا رۇقسات بەرىلەدى.
›››› تەمىر جولداعى تاسىمالمەن شۇعىلداناتىن كاسىپورىندار بەلەت ساتۋ، پويەزگە وتىرعىزۋ قاتارلى جاقتاردا قىزمەت وتەۋدە قارتتار، سابيلەر، ناۋقاستار، مۇگەدەكتەر، جۇكتى ايەلدەر قاتارلى جولاۋشىلاردى الدىمەن ويلاستىرۋى كەرەك، قارتتارعا جانە باسقا دا كومەك قاجەت ەتەتىن جولاۋشىلارعا قاجەتتى قىزمەت وتەۋگە ادام ورنالاستىرۋى كەرەك.
ءدارى – دارمەكتى تىزىمگە الدىرۋعا ءوتىنىش بەرۋ جاعىندا ەلەكتروندى ءوتىنىش بەرۋ ءتاسىلى اتقارىلادى
مەملەكەتتىك ءدارى – دارمەكتى باقىلاۋ – باسقارۋ مەكەمەسىنىڭ ءدارى – دارمەكتى تىزىمگە الدىرۋعا ءوتىنىش بەرۋ جاعىندا ەلەكتروندى ءوتىنىش بەرۋدى اتقارۋ جونىندەگى ۇقتىرۋىنا ساي، 2023 – جىلى 1 – ايدىڭ 1 – كۇنىنەن باستاپ، مەملەكەتتىك ءدارى – دارمەكتى باقىلاۋ – باسقارۋ مەكەمەسى ءدارى – دارمەكتى تىزىمگە الدىرۋ ءوتىنىشىن تەكسەرىپ بەكىتۋ جانە وعان ساراپتاۋ جۇرگىزۋ بارىسىندا، ءوتىنىش بەرۋشىلەر تولىقتاپ تاپسىراتىن ماتەريالدار قاتارلى ءوتىنىش ماتەريالدارىن تاپسىرۋ فورماسى ەلەكتروندى فورمادا تاپسىرۋعا وزگەرتىلەدى، ءوتىنىش بەرۋشىلەردىڭ قاعاز نۇسقاسىنداعى ءوتىنىش بەرۋ ماتەريالدارىن تاپسىرۋىنىڭ قاجەتى جوق. قازىر اتقارىلىپ وتىرعان قىزمەت ءتارتىبى وزگەرتىلمەيدى.
مەديتسينالىق قور قاراجاتىن زاڭ – تۇزىمگە قايشى تۇردە پايدالانعانداردى اشكەرەلەۋشىلەرگە ەڭ كوپ بولعاندا 200 مىڭ يۋانعا دەيىن سيلىق بەرىلەدى
«مەديتسينالىق قامتاماسىزداندىرۋ قورىنداعى قاراجاتتى زاڭ – تۇزىمگە قايشى تۇردە پايدالانعانداردى اشكەرەلەۋشىلەردى سيلاۋ جونىندەگى ءادىس» (تومەندە قىسقارتىلىپ «سيلاۋ ءادىسى» دەپ اتالادى) 2023 – جىلى 1 – ايدىڭ 1 – كۇنىنەن باستاپ اتقارىلادى، مەديتسينالىق قامتاماسىزداندىرۋ قاراجاتىن زاڭ – تۇزىمگە قايشى تۇردە پايدالانعان ارەكەتتەردى اشكەرەلەۋ جاعىنداعى بارلىق ارەكەتتەردىڭ سيلىق بەرۋ كولەمىنە ەنگىزىلەتىنى ايقىندالعان ءارى جەرگىلىكتى ورىننىڭ ءىس جۇزىندىك جاعدايىنا قاراي وتىرىپ، دەلوعا قاتىستى سومانىڭ ءبىر بولىگىن بەلگىلى سالىستىرما بويىنشا اشكەرەلەگەن ادامعا ءبىر رەتتە سيلىق رەتىندە بەرۋ بەلگىلەنگەن. سونىمەن بىرگە، سيلىق رەتىندە بەرىلگەن سومانىڭ جوعارعى شەگى 100 مىڭ يۋاننان 200 مىڭ يۋانعا جوعارىلاتىلعان ءارى ەڭ تومەن بولعاندا 200 يۋان سيلىق قاراجات بەرۋ سىندى تومەنگى شەك بەلگىلەنگەن، مۇنداعى ماقسات سيلىق بەرۋ ارقىلى شابىتتاندىرۋ رولىن تولىق ساۋلەلەندىرۋ بولىپ تابىلادى.
نەگىزدىك فۋنكتسيالىق جۇمساق بولشەكتەردەن تىس، قولفونعا ورناتىلعان App قولدانبالارىنىڭ بارلىعىن وشىرۋگە بولادى
«جىلجىمالى زەردەلى تەرمينالدارداعى قولدانىلمالى جۇمساق بولشەكتەردى ورناتۋ ارەكەتىن اناعۇرلىم جۇيەگە ءتۇسىرۋ جونىندەگى ۇقتىرۋ» 2023 – جىلى 1 – ايدىڭ 1 – كۇنىنەن باستاپ اتقارىلادى، ۇقتىرۋدا بىلاي دەپ بەلگىلەنگەن: وندىرۋمەن شۇعىلداناتىن كاسىپورىندار جىلجىمالى زەردەلى تەرمينالداردا نەگىزدىك فۋنكتسيالىق رول اتقاراتىن جۇمساق بولشەكتەردەن سىرت، ورناتۋعا بولاتىن قولدانىلمالى جۇمساق بولشەكتەردىڭ بارلىعىن وشىرۋگە بولاتىن ەتىپ جاساۋعا كەپىلدىك ەتۋى ءارى حاۋىپسىز، قولايلى تۇردە ءوشىرۋ تاسىلدەرىن قولدانۋشىلاردىڭ تاڭداۋىنا ۇسىنۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
