مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ ماماندارى ىندەتكە قاتىستى قولامتالى ماسەلەلەر جونىندە جاۋاپ قايتاردى
قانداي ادامدار ۆاكسينانىڭ «ءتورتىنشى دوزاسىن» ەكتىرۋى كەرەك؟ قالاي ەكتىرۋى كەرەك؟
2022.12.26 15:26 كەلۋ قاينارى : حالىق تورابى
جۋىردا، مەملەكەتتىك كەڭەستىڭ بىرلەسكەن ساقتانۋ - تىزگىندەۋ مەحانيزمىنىڭ ۋنيۆەرسال گرۋپپاسى جوبا باسىپ تاراتىپ، كۇشەيتپەلى ۆاكسينانىڭ ەكىنشى دوزاسىن ەگۋ قىزمەتىن ورىستەتۋ جونىندە ورنالاستىرۋ جاسادى. قانداي ادامدار ۆاكسينانىڭ «ءتورتىنشى دوزاسىن» ەكتىرۋى كەرەك؟ ۆاكسينانىڭ «ءتورتىنشى دوزاسىنا» قايسى ۆاكسينانى تاڭداۋ كەرەك؟ جۇرت نازار اۋدارىپ وتىرعان قولامتالى ماسەلەلەردى توڭىرەكتەي وتىرىپ، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ ماماندارى تۇسىنىك بەردى.
1. سۇراۋ: قانداي ادامدار كۇشەيتپەلى ۆاكسينانىڭ ەكىنشى دوزاسىن ەكتىرۋى كەرەك؟
جاۋاپ: قازىرگى كەزەڭدە قارتتار قاتارلى جۇعىمدالۋ حاۋپى جوعارى ادامدار توبى جۇعىمدالۋ حاۋپىنە ۇزدىكسىز ۇشىراۋدا، ۆاكسينانى ەكتىرۋ ىندەتتەن — ساقتانۋ – تىزگىندەۋدىڭ باستى شاراسى جانە ءتاسىلى.
حالىق بۇقاراسىنىڭ دەنساۋلىعىنىڭ اقاۋسىزدىعى مەن ءومىرىنىڭ حاۋىپسىزدىگىنە اناعۇرلىم ويداعىداي كەپىلدىك ەتۋ ءۇشىن، ۆاكسينانى زەرتتەپ جاساۋ جانە شۇعىل پايدالانۋ جاعىنداعى وتىنىشتەردى ماقۇلداۋ جاعدايىنا نەگىزدەلگەندە، جۇعىمدالۋ حاۋپى جوعارى ادامدار، 60 جاستان اسقان قارتتار، ءبىرشاما اۋىر نەگىزدىك اۋرۋى بار ادامدار جانە يممۋنيتەت قۋاتى تومەن ادامدار كۇشەيتپەلى ۆاكسينانىڭ ءبىرىنشى دوزاسىن ەكتىرگەنىنە 6 اي وتكەننەن كەيىن، كۇشەيتپەلى ۆاكسينانىڭ ەكىنشى دوزاسىن ەكتىرسە بولادى.
2. سۇراۋ: قازىر كۇشەيتپەلى ۆاكسينانى ەكتىرۋدىڭ قانداي رولى بار؟
جاۋاپ: جاڭا تيپتى ايدارشا ۆيرۋس ۆاكسيناسىن ەكتىرگەننەن كەيىن، ونىڭ اتقاراتىن باستى قورعاۋ رولى مىنالاردى قامتيدى: انتيدەنە قالىپتاستىرۋ، كلەتكادا يممۋنيتەت قالىپتاستىرۋ، يممۋنيتەت جادىن قالىپتاستىرۋ قاتارلىلار.
ۆاكسينانى ەكتىرگەننەن كەيىن، ۋاقىتتىڭ وتۋىنە بايلانىستى، انتيدەنەنىڭ ورەسى تومەندەيدى. مۇنان سىرت، ۆيرۋستىڭ وزگەرۋىنە بايلانىستى، ونىڭ يممۋنيتەتتەن جالتارۋ قۋاتى دا كۇشەيەدى، وسى سەبەپتەن انتيدەنەنىڭ رولى دا السىرەيدى. الايدا، كلەتكەنىڭ يممۋنيتەت قۋاتىنىڭ سالماقتى ناۋقاسقا شالدىعۋدان جانە قازا بولۋدان ساقتانۋ جاعىندا اتقاراتىن رولى ءبىرشاما ۇزاق ۋاقىتقا جالعاسادى.
زەرتتەۋگە قاراعاندا، كۇشەيتپەلى ۆاكسينانى ەكتىرۋ ارقىلى ورگانيكالىق دەنەنىڭ يممۋنيتەتتىك جادى رولىن اتقاراتىن كلەتكاسىن وياتۋعا بولادى، سونىمەن بىرگە، انتيدەنەنىڭ ورەسىن دە جوعارىلاتۋعا، سالماقتى ناۋقاسقا شالدىعۋدان جانە قازا بولۋدان ساقتانۋ جاعىنداعى الدىن الۋ رولىن اناعۇرلىم بەكەمدەۋگە بولادى. تەك ەكتىرۋ شارتىنا ساي كەلسە بولعانى، كۇشەيتپەلى ۆاكسينانى ەكتىرمەگەندەردىڭ يممۋنيتەت قالىپتاستىرۋ تارتىبىنە قاتىستى بەلگىلەمەلەر بويىنشا، كۇشەيتپەلى ۆاكسينانى تەز ارادا ەكتىرگەنى ءجون، وسىلاي ىستەۋ ارقىلى ۆاكسينانىڭ قورعاۋ ونىمدىلىگىن اناعۇرلىم ارتتىرۋعا بولادى.
3. سۇراۋ: كۇشەيتپەلى ۆاكسينانىڭ ەكىنشى دوزاسىن ەكتىرۋگە قانداي ۆاكسينانى تاڭداۋعا بولادى؟
جاۋاپ: قازىر قوسىمشا شارت بويىنشا بازارعا شىعارۋعا نەمەسە شۇعىل پايدالانۋعا بولادى دەپ بەكىتىلگەن 13 ءتۇرلى ۆاكسينانىڭ بارلىعىن كۇشەيتپەلى ۆاكسينانىڭ ەكىنشى دوزاسى رەتىندە ەكتىرۋگە بولادى. ءتارتىپ بويىنشا اۋىستىرىپ ەكتىرۋ ءتاسىلىن، ياكي، قۇرامىندا وميكرون ۆيرۋس تۇبىرشىگى قامتىلعان نەمەسە وميكرون ۆيرۋس تۇبىرشىگىنە قاتىستى ايقاسپالى يممۋنيتەت قۋاتى بار ۆاكسينانى تاڭداۋدى ەڭ الدىمەن ويلاستىرعان ءجون.
كۇشەيتپەلى ۆاكسينانى ءتارتىپ بويىنشا اۋىستىرىپ ەكتىرۋ دەگەنىمىز ءتۇرلى تەحنيكالىق جولدارمەن جاسالعان ۆاكسينالاردى ەكتىرۋ ارقىلى ءتۇرلى تەكتەگى يممۋنيتەت قۋاتىن كۇشەيتۋدى كورسەتەدى. الدىڭعى مەرزىمدە ەگەر جانسىزداندىرىلعان ۆاكسينانىڭ ءۇش دوزاسىن ەكتىرگەن بولسا، كۇشەيتپەلى ۆاكسينانىڭ ەكىنشى دوزاسىن ەكتىرگەن كەزدە، قايتا جاساقتالعان بەلوك كلەتكاسىندىق ۆاكسينانىڭ، بەز ۆيرۋسىن تاسىمالداۋشى ەتكەن ۆاكسينانىڭ نەمەسە جۇقپالى تۇماۋ ۆيرۋسىن تاسىمالداۋشى ەتكەن ۆاكسينانىڭ بىرەۋىن تاڭداۋعا بولادى، بۇلار مەملەكەت مىسال رەتىندە تانىستىرعان ۆاكسينا ەكتىرۋ تاسىلدەرى ەسەپتەلەدى.
4. سۇراۋ: ۆاكسينانى ەكتىرۋدىڭ حاۋىپسىزدىگى قالاي؟
جاۋاپ: جۇڭگو جۇقپالى اۋرۋلاردان ساقتانۋ جانە ونى تىزگىندەۋ ورتالىعى قازىرگە دەيىن ەلىمىز بويىنشا 3 ميلليارد 400 ميلليون دوزادان استام ۆاكسينانى ەككەن، ءبىر ميلليارد 300 ميلليوننان استام ادامعا ۆاكسينانىڭ كەرى اسەرىنە قاتىستى باقىلاۋ – تەكسەرۋ جۇرگىزۋ بارىسىندا بايقاۋىنشا، ەلىمىزدە جاڭا تيپتى ايدارشا ۆيرۋس ۆاكسيناسىنىڭ كەرى اسەرىنىڭ تۋىلۋ مولشەرى ۇزاق ۋاقىتتان بەرى ەگىلىپ كەلە جاتقان باسقا ۆاكسينالارمەن قارايلاس بولعان، ونىڭ ۇستىنە، قارتتاردا بايقالاتىن كەرى اسەردىڭ تۋىلۋ مولشەرى جاستارعا قاراعاندا ازداپ تومەن بولعان.
قارتتار جونىنەن ايتقاندا، «جاڭا تيپتى ايدارشا ۆيرۋس ۆاكسيناسىن قارتتارعا ەگۋ قىزمەتىن كۇشەيتۋ جونىندەگى جوبادا» 4 ءتۇرلى شەكتەلەتىن جاعداي ايقىندالعان، قانتتى نەسەپ اۋرۋى، جوعارى قان قىسىمى قاتارلى سوزىلمالى اۋرۋلارى بار ناۋقاستار ەگەر ناۋقاستىڭ تۇراقتى مەزگىلىندە بولسا، جاڭا تيپتى ايدارشا ۆيرۋس ۆاكسيناسىن ەكتىرۋىنە بولادى.
5 . سۇراۋ: «بولىمدى» بولعان سوڭ كۇشەيتپەلى ۆاكسينانىڭ ەكىنشى دوزاسىن ەكتىرۋگە بولا ما؟
جاۋاپ: جاڭا تيپتى ايدارشا ۆيرۋستى ەگۋ تەحنيكاسى جونىندەگى قازىرگى باعدارناماداعى بەلگىلەمەلەرگە نەگىزدەلگەندە، ەگەر جاڭا تيپتى ايدارشا ۆيرۋسپەن جۇعىمدالعان دەگەن دياگنوزى تۇراقتاندىرىلسا، جۇعىمدالعان ۋاقىتى مەن جاڭا تيپتى ايدارشا ۆيرۋس ۆاكسيناسىن ەكتىرگەن ۋاقىتىنىڭ ارالىعى 6 ايدان جوعارى بولۋى كەرەك.
قازىرگى جاعدايدان الىپ قاراعاندا، تەك قانا جۇعىمدالۋ بارىسىندا قالىپتاسقان يممۋنيتەتتىك قورعاۋ قۋاتى، جۇعىمدالۋمەن قوسا ۆاكسينانى ەكتىرۋ ارقىلى قالىپتاسقان توعىسپالى يممۋنيتەت قۋاتىنىڭ قورعاۋ رولىنداي كۇشتى بولمايدى. ەگەر ۆاكسينا ەكتىرۋدىڭ ۋاقىت ارالىعىنا قويىلاتىن تالاپقا ساي كەلسە، كۇشەيتپەلى ۆاكسينانىڭ ەكىنشى دوزاسىن ەكتىرگەن ءجون. (شينحۋا اگەنتتىگىنىڭ 12 – ايدىڭ 25 – كۇنى بەيجيڭنەن بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
