شينجياڭ نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋ امبولاتورياسى قۇرىلىسىن جەدەلدەتتى
كەلەر جىلى 3 - ايدىڭ سوڭىنان بۇرىن جاپپاي قامتۋ جۇزەگە اسىرىلادى
2022.12.26 16:34 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى سۋ لۋپيڭ 12 - ايدىڭ 24 - كۇنى ۇرىمجىدەن حابارلايدى. قازىر رايونىمىزدىڭ ىندەتتەن ساقتانۋ - تىزگىندەۋ قىزمەتىنىڭ ءتۇيىنى جۇعىمدالۋدان ساقتانۋ - تىزگىندەۋدەن مەديتسينالىق قۇتقارۋ - ەمدەۋگە ويىستى، نەگىزگى ساتىنىڭ ىندەتتەن ساقتانۋ قىزمەتى دە بۇرىنعى ەرتە بايقاۋدان، ەرتە اۋاشالاۋدان، ءتۇيىندى تۇردە جۇعىمدالۋدان ساقتانىپ، تۇرگە، دارەجەگە ءبولىپ سالاماتتىق قىزمەت وتەۋىنە جانە مەديتسينالىق قۇتقارۋ - ەمدەۋگە قاراي بۇرىلىس جاسادى. نەگىزگى ساتىدا العاشقى دياگنوز قويۋدىڭ ءبىرىنشى قورعانىس شەبىن بەكەمدەۋ ءۇشىن، رايونىمىز نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋ امبولاتورياسى قۇرىلىسىن جەدەل ىلگەرىلەتىپ، 2023 - جىلى 3 - ايدىڭ سوڭىنان بۇرىن جاپپاي قامتۋدى جۇزەگە اسىرۋعا شىنايى كەپىلدىك ەتەدى.
12 - ايدىڭ 20 - كۇنى ساعات 24كە دەيىن، بۇكىل رايوندا 2 - دارەجەلىدەن جوعارى 265 ەمدەۋ قۇرىلىمى، 254 قىزۋ امبولاتورياسى قۇرىلىپ، قۇرۋ - اشۋ قارقىنى ％95.85كە جەتكەن، 889 قىزۋدى ەمدەۋ بولمەسى، 4643 قالدىرىپ باقىلاۋ توسەگى؛ الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعى، اۋىل - قالاشىق شيپاحاناسى سياقتى 1086 نەگىزگى ساتى ەمدەۋ قۇرىلىمى قۇرىلىپ، قۇرىلعان قىزۋ امبولاتورياسى 1020عا جەتىپ، قۇرۋ قارقىنى ％93.92كە جەتتى، قىزۋدى ەمدەۋ بولمەسى 1165كە، قالدىرىپ باقىلاۋ توسەگى 2324كە جەتتى.
نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋ امبولاتورياسى (ەمدەۋ بولمەسى) قۇرىلىسىن كۇشەيتۋ − الدىن الا تەكسەرىپ، ءبولىپ دياگنوز قويۋدى تياناقتاندىرۋدىڭ، دارەجەگە، تۇرگە ءبولىپ قۇتقارۋ - ەمدەۋدى ورىستەتۋدىڭ، ايقاسپالى جۇعىمدالۋدان ساقتانۋدىڭ ماڭىزدى شاراسى. رايونىمىز نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋدى ەمدەۋ بولمەسى قۇرىلىسىن جەدەل ىلگەرىلەتەدى. جەر - جەر بەلسەندى تۇردە قارجى توپتاپ، زارارسىزداندىرۋ، تەكسەرۋ، ساراپتاۋ، جەدەل قۇتقارۋ سياقتى نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋدى ەمدەۋ بولمەسى قۇرىلىسىنا قاجەتتى جابدىقتار مەن ءدارى - دارمەكتەردى تولىق، ويداعىداي دايىنداپ، سايكەستى ەمدەۋ قىزمەتكەرلەرىن كوبەيتىپ ورنالاستىرىپ، كەلەر جىلى 3 - ايدىڭ سوڭىنان بۇرىن نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋدى ەمدەۋ بولمەسى قۇرىلىسىن جاپپاي قامتۋعا شىنايى كەپىلدىك ەتۋى كەرەك.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى جەر - جەردەگى 2 - دارەجەلىدەن جوعارى شيپاحانالار مەن شارت - جاعدايى بار نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزۋ امبولاتورياسىن (ەمدەۋ بولمەسىن) قۇرۋعا تيىستىلەرىن تۇگەل قۇرۋىنا، اشۋعا تيىستىلەرىن تۇگەل اشۋىنا جەتەكشىلىك ەتەدى، بولىمدى جۇعىمدالعانداردى قابىلدادى دەگەندى سىلتاۋ ەتىپ، قىزۋ امبولاتورياسىن نەمەسە ەمدەۋ بولمەسىن بەتالدى جابۋعا بولمايدى. جەر - جەردەگى دەنساۋلىق ساقتاۋ، سالاماتتىق اكىمشىلىك تاراۋلارى قاتىستى ەمدەۋ قۇرىلىمدارىن باقىلاۋدى، تەكسەرۋدى كۇشەيتىپ، ءوز بەتىمەن جابۋ، دياگنوز قويۋدى توقتاتۋ ماسەلەسى بايقالسا، دەرەۋ تۇزەتۋى كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
