بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

الدىڭعى 11 ايدا اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ 288 ميلليون يۋان ءۇي جالداۋ اقىسى ازايتىلدى، كەشىرىم ەتىلدى

7300دەن استام شاعىن، ۇساق كاسىپورىن مەن جەكە كاسىپكەر يگىلىككە كەنەلدى

2022.12.26 16:33     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى شى شين 12 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، 11 - ايدىڭ سوڭىنا دەيىن اۆتونوميالى رايونداعى رايونىمىزعا قاراستى مەملەكەت مەنشىگىندەگى كاسىپورىندار قىزمەت وتەۋ كاسىبى بويىنشا جالپى 7335 شاعىن، ۇساق كاسىپورىن مەن جەكە ساۋدا - ونەركاسىپشىلەردىڭ 288 ميلليون يۋان ءۇي جالداۋ اقىسىن ازايتقان، كەشىرىم ەتكەن.

  بيىل جىل باسىنان بەرى، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتيا ورتالىق كوميتەتىنىڭ، مەملەكەتتىك كەڭەستىڭ قىزمەت وتەۋ كاسىبىن قيىنشىلىق قىسپاعىنان قۇتىلدىرۋ ساياساتىن جاپپاي ويداعىداي يگەرۋ جونىندەگى شەشىمدەرىن، ورنالاستىرۋلارىن قاتاڭ دايەكتىلەندىرىپ، تياناقتاندىرىپ، جالداۋ اقىسىن ازايتۋ ساياساتىن دايەكتىلەندىرۋ، تياناقتاندىرۋ جونىندەگى حابارلاندىرۋدى تالاي رەت باسىپ تاراتىپ، باقىلاۋ - باسقارۋ كاسىپورىندارىن ءۇي جالداۋ اقىسىن ازايتۋ، كەشىرىم ەتۋ ساياساتى جونىندە اقىل - كەڭەس بەرۋ، قابىلداۋ ىستىق لەنياسىن اشۋعا قۋزاپ، ساياساتتى ءتۇسىندىرۋدى مۇقيات ويداعىداي ىستەپ، قوعامداعى ءار سالانىڭ ساياسات جاقتان كەڭەس سۇراۋىنا سابىرلىلىقپەن جاۋاپ قايتاردى.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى تاعى جالداۋ اقىسىن ازايتۋ، كەشىرىم ەتۋ بايلانىسشىسى ءتۇزىمىن، ەسەپ ءتۇزىمىن، سونداي - اق كۇن سايىن مالىمدەۋ، اي سايىن مالىمدەۋ ءتۇزىمىن ورناتتى، سونىمەن بىرگە باقىلاۋ - باسقارۋ كاسىپورىندارىنان ساياساتقا ۇيلەسەتىن شاعىن، ۇساق كاسىپورىندار مەن جەكە ساۋدا - ونەركاسىپشىلەردى تەكسەرىپ بەكىتۋ ءتارتىبىن جاقسارتىپ، قىزمەت وتەۋ ساپاسىن جوعارىلاتىپ، ”ازايتۋعا تيىستىلەرىن تۇگەلدەي ازايتۋ، ەرتە ازايتۋ“ نەگىزىندە ”دەرەۋ تەكسەرىپ، دەرەۋ اداقتاپ، دەرەۋ ازايتۋدى“ جۇزەگە اسىرىپ، شاعىن، ۇساق كاسىپورىندار مەن جەكە ساۋدا - ونەركاسىپشىلەردى ساياساتتىڭ پايداسىنان ەرتەرەك يگىلىكتەندىرۋدى تالاپ ەتتى.

  بيىل 4 - ايدا مەملەكەت مەنشىگىندەگى ۇيلەردىڭ جالداۋ اقىسىن ازايتۋ، كەشىرىم ەتۋ قىزمەتى باستالعاننان بەرى، رايونعا قاراستى مەملەكەت مەنشىگىندەگى كاسىپورىندار ساياساتتىڭ تياناقتانۋ قارقىنىن تەزدەتىپ، ءىس جۇزىندىك ارەكەتتەر ارقىلى قىزمەت وتەۋ سالاسىنداعى شاعىن، ۇساق كاسىپورىندار جانە جەكە ساۋدا - ونەركاسىپشىلەر سياقتى بازار تۇلعالارىنا ”قان قۇيىپ“، اۋىرتپالىعىن جەڭىلدەتتى.

  مۇنىڭ ىشىندە شينجياڭ اۋەجاي (توبى) شەكتى جاۋاپكەرشىلىك سەرىكتەستىگى پارتكومى ىندەتتىڭ كاسىپورىننىڭ تيجاراتىنا جاساعان سوققىسىن جەڭىپ، قىزمەت وتەۋ سالاسىنداعى شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ ءۇي جالداۋ اقىسىنان جيىنى 69 ميلليون 810 مىڭ يۋاندى ازايتتى، كەشىرىم ەتتى.

  شينجياڭ حالىقارالىق ەكونوميكالىق سەلبەستىك (توبى) شەكتى جاۋاپكەرشىلىك سەرىكتەستىگىنە قاراستى شينجياڭ حالىقارالىق شاڭماۋچىڭ شەكتى جاۋاپكەرشىلىك سەرىكتەستىگىندە شينچي الاڭى، گوماۋ ساۋدا سارايى، مادەنيەت - دەنە تاربيە بۇيىمدارى ورتالىعى سىندى 3 بولىمشە بازار بار، تيجارات ەتەتىن دۇكەن 4000نان اسادى، ءتۇرلى كاسىپپەن شۇعىلدانۋشىلار 20 مىڭعا تايايدى، بيىل سەرىكتەستىكتىڭ ساۋداگەرلەردىڭ جالداۋ اقىسى مەن اۆتوكولىك توقتاتۋ اقىسىنان ازايتقان، كەشىرىم ەتكەن سوماسى 57 ميلليون 280 مىڭ يۋانعا جەتتى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار