جۇڭگو مەن شەتەل اراسىندا ادامداردىڭ بارىپ - كەلۋىنە قاتىستى ۋاقىتتىق اتقارىلاتىن شارالار جاريالاندى
2022.12.28 15:37 كەلۋ قاينارى : حالىق تورابى
12 – ايدىڭ 27 – كۇنى، مەملەكەتتىك كەڭەستىڭ جاڭا تيپتى ايدارشا ۆيرۋسپەن جۇعىمدالۋ ىندەتىنە بايلانىستى بىرلەسكەن ساقتانۋ – تىزگىندەۋ مەحانيزمىنىڭ سىرتقى ىستەر گرۋپپاسى «جۇڭگو مەن شەتەل اراسىندا ادامداردىڭ بارىپ – كەلۋىنە قاتىستى ۋاقىتتىق اتقارىلاتىن شارالار جونىندەگى ۇقتىرۋدى» جاريالادى.
پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرۋ ءۇشىن، قازىر جاڭا تيپتى ايدارشا ۆيرۋسپەن جۇعىمدالۋ ىندەتىنە بايلانىستى B تۇردەگى جۇقپالى اۋرۋلارعا B دارەجەلى باسقارۋ شارالارى اتقارىلعاننان كەيىن، جۇڭگو مەن شەتەل اراسىندا ادامداردىڭ بارىپ – كەلۋىنە ساياتىن ۋاقىتتىق شارالار بەلگىلەندى، 2023 – جىلى 1 – ايدىڭ 8 – كۇنىنەن باستاپ اتقارىلادى. قازىر قاتىستى ىستەر جونىندە تومەندەگىدەي ۇقتىرۋ جاريالايمىز:
ءبىرىنشى، كەلۋ الدىندا تەكسەرۋ
جۇڭگوعا كەلۋشىلەر ساپارعا اتتاناردان بۇرىن 48 ساعات ىشىندە حىسۋان تەكسەرتۋى كەرەك، ناتيجەسى بولىمسىز بولسا جۇڭگوعا كەلۋىنە بولادى، ەلىمىزدىڭ شەتەلدە تۇراتىن ەلشىلىگىنە سالاماتتىق كودىن الۋعا ءوتىنىش بەرۋىنىڭ قاجەتى جوق، ەگەر حىسۋان ناتيجەسى بولىمدى بولسا، قاتىستى ادامدار حىسۋان ناتيجەسى بولىمسىز بولىپ وزگەرگەننەن كەيىن جۇڭگوعا كەلگەنى ءجون.
ەكىنشى، شەكارادان كىرگەندە كارانتيندەۋ
مۇنان بىلاي، شەكارادان كىرگەندەردىڭ بارلىعىنا حىسۋان تەكسەرۋدى ورىستەتۋ اتقارىلمايدى، سالاماتتىق جاعدايى جونىندەگى مالىمەت قالىپتى بولعانداردى ءارى كەدەندەگى وتكەلدە جۇرگىزىلگەن داعدىلى كارانتيندەۋ ناتيجەسىندە قالىپسىزدىق بايقالماعانداردى جۇرتشىلىق اراسىنا جىبەرۋگە بولادى.
سالاماتتىق جاعدايى جونىندەگى مالىمەتتە قالىپسىزدىق بايقالعاندار نەمەسە قىزۋى ورلەگەندەر قاتارلى اۋرۋ بەلگىسى بار ادامدارعا كەدەن مەكەمەسى انتيگەندى تەكسەرۋدى ورىستەتەدى. ناتيجەسى بولىمدى بولعانداردىڭ قوسانجارلاسقان سالماقتى نەگىزدىك اۋرۋى جوق بولماسا ءارى اۋرۋ بەلگىسى جوق جۇعىمدالۋشىلار نەمەسە جەڭىل تيپتەگى ناۋقاستار بولسا، ۇيدە اۋاشالانۋىنا، ۋاقىتشا تۇراعىندا اۋاشالانۋىنا نەمەسە ءوزىن – ءوزى كۇتىمدەۋىنە بولادى، باسقا جاعدايلاردا تەزىرەك ەمحاناعا بارىپ ەمدەلگەنى ءجون. ناتيجەسى بولىمسىز بولعاندارعا كەدەن مەكەمەسى داعدى بويىنشا «مەملەكەت شەكاراسىنا قاتىستى دەنساۋلىق ساقتاۋ، كارانتيندەۋ زاڭى» قاتارلى زاڭ – تۇزىمدەر بويىنشا جاي كارانتيندەۋ شارالارىن اتقارادى.
ءۇشىنشى، حالىقارالىق جولاۋشى تاسىمالى ۇشاقتارى
«بەس ءتۇرلى ءبىر»، «ءبىر مەملەكەتكە ءبىر ءتۇرلى ساياسات» جانە جولاۋشى وتىرعىزۋ مولشەرىنە شەكتەمە قويۋ قاتارلى حالىقارالىق جولاۋشى تاسىمالى ۇشاقتارىنىڭ سانىن مەڭگەرۋ شارالارى كۇشىنەن قالدىرىلادى، ۇشاقتاردىڭ سانى كەزەڭگە ءبولىپ ارتتىرىلادى، اۋە جەلىلەرىن ورنالاستىرۋ جاقسارتىلادى. اۋەجايداعى شەكارا سىرتىنان كەلگەن ۇشاقتاردى ءبىر جاقتى ەتۋ ءتارتىبى قاراپايىمداستىرىلادى، ۇشاقتاردى ىسكە قوسۋ ونىمدىلىگى جوعارىلاتىلادى، ءتۇيىندى قالالاردىڭ ۇشاقتاردى قابىلداۋ قۋاتى جاعىنداعى قۇرىلىسى ءتۇيىندى تۇردە كۇشەيتىلەدى. ءارقايسى اۆياتسيا سەرىكتەستىكتەرى ۇشاقتاعى ىندەتتەن ساقتانۋ شارالارىن جالعاستى ويداعىداي ىستەۋى، جولاۋشىلار ۇشاققا وتىرعان كەزدە، ءسوزسىز، ماسكى تاعۋى كەرەك.
ءتورتىنشى، جۇڭگوعا كەلۋ ۆيزاسى
جۇمىستى، ءوندىرىستى قالپىنا كەلتىرۋ، ساۋدا ىستەرى، شەتەلدەن وقۋ، تۋىسشىلاۋ، باس قوسۋ قاتارلى جۇمىستارمەن جۇڭگوعا كەلەتىن شەتەلدىكتەرگە قاتىستى ورنالاستىرۋدى اناعۇرلىم جاقسارتىپ، سايكەستى ۆيزالىق قولايلىلىق ازىرلەنەدى.
بەسىنشى، وتكەلدەردى ىسكە قوسۋ
سايكەستى باسقارۋ شارالارى جاقسارتىلىپ، ءتۇرلى وتكەلدەردەگى جۇك تاسىمالىن قالپىنا كەلتىرىپ، ىندەتتىڭ الدىنداعى ورەگە تەزىرەك جەتكىزۋگە كەپىلدىك ەتىلەدى. قۇرلىق جولى وتكەلىندەگى «جولاۋشىلاردى توقتاتىپ، جۇكتى وتكىزۋ» ساياساتى رەتتەلەدى، جان – جاقتى ساراپتاۋ نەگىزىندە، جولاۋشىلاردىڭ قۇرلىقتىق وتكەلدەگى جولاۋشى تاسىمالى ارقىلى شەكارادان كىرۋى (شەكاراداعى حالىقتىڭ بارىس – كەلىسىن قامتيدى) بىرتىندەپ قالپىنا كەلتىرىلەدى. جولاۋشىلاردىڭ سۋ جولى وتكەلىندەگى جولاۋشى تاسىمالى ارقىلى شەكارادان كىرۋى بىرتىندەپ قالپىنا كەلتىرىلەدى. حالىقارالىق پوچتا كەمەلەرىنە باعىتتاي وتىرىپ، الدىمەن تۇيىندە سىناق ەتۋ، ونان سوڭ بىرتىندەپ رۇقسات بەرۋ شاراسى اتقارىلادى. جۇڭگولىق – شەتەلدىك كەمە قىزمەتكەرلەرىنىڭ جۇڭگو شەكاراسى ىشىندە كەزەك الماستىرۋىنا اناعۇرلىم كوپ قولايلىلىق ازىرلەنەدى.
التىنشى، ساياحاتقا بايلانىستى شەكارادان كىرۋ، شەكارادان شىعۋ
حالىقاراداعى ىندەت جاعدايى مەن ءتۇرلى جاقتاردىڭ قىزمەت وتەۋگە كەپىلدىك ەتۋ قۋاتىنا نەگىزدەلە وتىرىپ، سىناق تۇيىندەرىندە الدىمەن اتقارۋ پرينسيبى بويىنشا، جۇڭگو ازاماتتارىنىڭ ساياحاتقا بايلانىستى شەكارادان شىعۋى تارتىپپەن قالپىنا كەلتىرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
