ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «2023 – جىلعى جاڭا جىل، كوكتەم مەرەكەسى مەزگىلىندەگى قاتىستى قىزمەتتى جاقسى ىستەۋ جونىندەگى ۇقتىرۋدى» باسىپ تاراتتى
2022.12.27 16:50 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 26 - كۇنى، بەيجيڭ. تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «2023 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتى ويداعىداي ىستەۋ جونىندەگى ۇقتىرۋدى» باسىپ تاراتتى. تولىق ءماتىنى تومەندەگىدەي:
2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، مەرەكە كەزىندەگى ءتۇرلى قىزمەتتى مۇقيات جاقسى ىستەپ، حالىق بۇقاراسىنىڭ مەرەكەنى شات - شادىمان وتكىزۋىنە كەپىلدىك ەتۋى كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەردى تومەندەگىدەي ۇقتىرامىز.
ءبىرىنشى، ىندەتتەن ساقتانۋ - تىزگىندەۋ شارالارىن رەتتەۋ كەزەڭىنىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك. حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، عىلمي ساقتانۋ - ەمدەۋدە، دالمە - ءدال شارا قولدانۋدا تاباندى بولىپ، قاراستى جەردىڭ جاۋاپكەرلىگىن كۇشەيتىپ، ءتۇيىندى قۇرىلىمداردىڭ، ءتۇيىندى ورىنداردىڭ، ءتۇيىندى ادامدار شوعىرىنىڭ ىندەتتەن ساقتانۋ - تىزگىندەۋ قىزمەتىن دەن قويا، سۇيىسپەنشىلىكپەن، كۇش سالا ويداعىداي ىستەپ، ىندەتتىڭ حالىق بۇقاراسىنىڭ وندىرىسىنە، تۇرمىسىنا جاسايتىن ىقپالىن ەڭ جوعارى شەكتە ازايتۋ كەرەك. دارەجەگە، ساتىعا ءبولىپ قۇتقارۋ، جەتەكشىلىك ەتۋ مەن ۇيدە جاتقان ناۋقاستاردىڭ دەنساۋلىعىنا جەتەكشىلىك ەتۋدى كۇشەيتىپ، ەمدەۋ، قۇتقارۋ، اسىرەسە، سالماقتى ناۋقاستاردى ەمدەۋ دايىندىعىن تولىق ىستەپ، سالماقتى ناۋقاستاردى ەمدەۋدى جانە قالىپتى ەمدەۋ ءتارتىبىن شىنايى قامتاماسىزداندىرۋ كەرەك. ءدارى - دارمەكتى، ولشەۋ سىناماسىن ءوندىرۋ، ساقتاۋ، جەتكىزۋ قىزمەتىن ويداعىداي ىستەپ، باعانى دۇرمەكپەن قىمباتتاتۋ، باسىپ قويۋ ارەكەتتەرىن زاڭ بويىنشا تەكسەرىپ ءبىر جاقتى ەتۋ كەرەك. سالاماتتىق بىلىمدەرىن جالپىلاستىرۋ ۇگىتىن كۇشەيتىپ، بۇقارانى جەكەلىك قورعانۋعا كوڭىل بولۋگە، ماسكى تاعۋعا، ۇدايى قول جۋۋعا، باس قوسۋدى ازايتۋعا، ءوز دەنساۋلىعىنىڭ ءبىرىنشى جاۋاپتى ادامى بولۋعا جەتەكتەۋ كەرەك.
ەكىنشى، قيىنشىلىعى بار بۇقارانىڭ ءوندىرىسى مەن تۇرمىسىنا كوڭىل ءبولۋ كەرەك. نەگىزگى زەينەتاقى، جۇمىسسىزدىقتى قامسىزداندىرۋ قاراجاتى، جۇمىسسىزدىق كومەك قاراجاتى، ەڭ تومەنگى تۇرمىستى قامتاماسىزداندىرۋ قاراجاتى سياقتىلاردى ۋاعىندا تولىق تاراتىپ، بەلگىلەمە بويىنشا باعا ۋاقىتتىق قوسىمشا قاراجاتىن تاراتىپ، قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋ كەرەك. سەرگەلدەڭ قايىرشىلار، مۇگەدەكتەر، اۋىل - قىستاقتاعى ۇيدە قالعان بالالار، جەتىم بالالار سياقتى ەرەكشە قيىنشىلىعى بار قاۋىمعا قامقورلىق جاساۋدى، كومەكتەسۋدى كۇشەيتىپ، اپاتقا ۇشىراعان بۇقاراعا قاراتىلعان قىس پەن كوكتەمدەگى قۇتقارۋ - كومەكتەسۋدى ويداعىداي ىستەپ، قيىنشىلىعى بار بۇقارانىڭ قىستان امان - ەسەن، قىسىلماي وتۋىنە كەپىلدىك ەتۋ كەرەك. جۇمىستانۋى قيىن ادامداردىڭ جۇمىستانۋىنا كومەك بەرىپ، جۇمىس ورنىن ورنىقتىرۋدى قولداۋ تەبىنىن ارتتىرۋ كەرەك. شارۋا جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن شوعىرلى جونگە سالۋ ارناۋلى ارەكەتىن ىلگەرىلەتىپ، شارۋا جۇمىسكەرلەردىڭ زاڭدى ۇقىق - مۇددەسىن قورعاۋ كەرەك.
ءۇشىنشى، بۇقارانىڭ مەرەكە كەزىندەگى زاتتىق، مادەنيەتتىك قاجەتىن قاناعاتتاندىرۋ كەرەك. كومىر، ەلەكتر، مۇناي، گاز تاسىمالىن سايكەستى قامتاماسىز ەتۋدى كۇشەيتىپ، ەنەرگيامەن حاۋىپسىز قامداۋعا شىنايى كەپىلدىك ەتۋ، تۇرعىنداردىڭ ەلەكتردەن پايدالانۋ باعاسىنىڭ ورنىقتى بولۋىنا كەپىلدىك ەتۋ كەرەك. استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋ مەن كوجە قاتىققا قالا باستىعى جاۋاپتى بولۋ ءتۇزىمىن تياناقتاندىرىپ، ءوندىرۋ مەن ساتۋدى ۇشتاستىرۋدى كۇشەيتىپ، بىرلەسىپ قامتاماسىز ەتۋدى، بىرلەسىپ قامداۋدى كۇشەيتىپ، قاتىناس، زات اينالىمىنىڭ ىركىلىسسىزدىگىنە كەپىلدىك ەتۋدى جۇزەگە اسىرىپ، استىق، ماي، ەت، ءسۇت، جەمىس، كوكونىس سياقتى ماڭىزدى حالىق تۇرمىسى تاۋارلارىمەن قامداۋدى، باعانى ورنىقتىرۋ قىزمەتىن ويداعىداي ىستەپ، مەرەكە كەزىندە بازاردى جەتكىلىكتى قامداۋ كەرەك. تۇرمىستىق قاجەتتى بۇيىمدارمەن شۇعىل قامداۋ ساقتىق جوباسىن جاساپ، بازاردى باقىلاۋدى، ساقتاندىرۋدى كۇشەيتىپ، زاپاس قوردى دەر كەزىندە مولايتۋ كەرەك. «ءبىزدىڭ جۇڭگو ارمانىمىز» − مادەنيەتتى بارشا وتباسىنا جەتكىزۋ قيمىلىن كەڭىنەن ورىستەتىپ، فورماسى الۋان ءتۇرلى، مازمۇنى باي، جەلى ءىشى - سىرتى ءوزارا ۇشتاسقان مادەنيەت، ادەبيەت - كوركەمونەر قيمىلىن ۇيىمداستىرىپ ورىستەتىپ، تاڭداۋلى كينو، تەلە فيلمدەردى تاراتىپ، نەگىزگى اۋەندى اسقاقتاتىپ، وڭ ەنەرگيا جەتكىزىپ، حالىق بۇقاراسىنىڭ مەرەكەلىك مادەنيەت تۇرمىسىن بايىتىپ، جاڭا داۋىردە ەكپىندەي ىلگەرىلەۋدىڭ قۇدىرەتتى رۋحاني كۇشىن ۇيىستىرۋ كەرەك. مادەنيەت، ساياحات دەمالىس كۇندەرىندەگى بازار ءتارتىبىن ارناعا ءتۇسىرىپ، باعا جاعىنداعى زاڭعا قايشى ارەكەتتەردى قاتاڭ تەكسەرىپ ءبىر جاقتى ەتىپ، مادەنيەت، ساياحات تۇتىنۋىنىڭ ءتارتىپتى قالپىنا كەلۋىن، دامۋىن ىلگەرىلەتۋ كەرەك.
ءتورتىنشى، بۇقارانىڭ ءجۇرىس - تۇرىسىن قامتاماسىز ەتۋدى ويداعىداي ىستەۋ كەرەك. بۇقارانىڭ ءجۇرىس - تۇرىس قاجەتىن قاناعاتتاندىرۋ، ىندەتتىڭ تارالۋ حاۋىپ - قاتەرىن تومەندەتۋ، حاۋىپسىز، قولايلى قىزمەت وتەۋ پرينسيبى بويىنشا، كوكتەم مەرەكەسى كەزىندەگى تاسىمال قىزمەتىن ويداعىداي ۇيىمداستىرۋ كەرەك. كاسىپورىن، ءىسورىنداردىڭ قىزمەت قاجەتىمەن جانە جۇمىسشى - قىزمەتكەرلەردىڭ قالاۋىمەن ۇشتاستىرا وتىرىپ تۇرلىشە مەزەتتە دەمالۋىنا جەتەكشىلىك ەتىپ، مەكتەپتەردىڭ تۇرلىشە مەزەتتە دەمالىسقا تاراۋىنا، وقۋ باستاۋىنا جەتەكشىلىك ەتىپ، مەزەتكە بولىنگەن ءجۇرىس - تۇرىستى جۇزەگە اسىرۋ كەرەك. جولاۋشىلار اعىسىنىڭ وزگەرىسىنە سايكەسىپ، تاسىمال قۋاتىمەن قامداۋدى ويداعىداي ىستەپ، جۇرتتى باۋرايتىن وڭىرلەردەگى، لەنيالارداعى، ۋاقىتتارداعى جولاۋشى تاسىمالىن قامتاماسىزداندىرۋدى كۇشەيتىپ، تاسىمالدى ۇشتاستىرۋ مەن جولاۋشىلاردىڭ اۋىسۋىن ساپالىلاندىرىپ، جولدىڭ ىركىلىسسىزدىگىن كۇشەيتىپ، جولاۋشىلاردىڭ ساپار بارىسىندا شوعىرلانۋىن ازايتۋ كەرەك. قاتىناس - تاسىمال كاسىبىمەن شۇعىلدانۋشىلاردىڭ ىندەت، تومەن تەمپەراتۋرا، جاڭبىر، قار - مۇز سياقتى جاعدايلارعا تاپ بولۋىنا باعىتتاي وتىرىپ، شۇعىل جاعدايعا توتەپ بەرۋ جوباسىن ساپالىلاندىرىپ، كەمەلدەندىرىپ، شۇعىل جاعدايعا توتەپ بەرۋ، ءبىر جاقتى ەتۋ قىزمەتىن ويداعىداي ىستەپ، ماڭىزدى جولاۋشى تاسىمال توراپتارىن جاۋىپ تاستاماۋعا، ماڭىزدى جولاۋشى تاسىمال لەنيالارىنا قىزمەت وتەۋدى توقتاتپاۋعا كەپىلدىك ەتۋ كەرەك. قاتىناس - تاسىمال حاۋىپسىزدىگىنىڭ كومەسكى قاتەرىن تەكسەرۋ، جونگە سالۋدى ىشكەرىلەي ورىستەتىپ، حالىق بۇقاراسىنىڭ ءجۇرىس - تۇرىس حاۋىپسىزدىگىن قامتاماسىزداندىرۋ كەرەك.
بەسىنشى، الەۋمەتتىك حاۋىپسىزدىك پەن قوعامنىڭ جاراسىمدىلىعىن، ورنىقتىلىعىن قامتاماسىزداندىرۋ كەرەك. تومەنگى شەكتە ويلاۋدا تاباندى بولىپ، «قاي - قاشان دا الاڭسىز بولا الماۋ» جاۋاپكەرلىك سەزىمىمەن ءوندىرىس حاۋىپسىزدىگى جاۋاپكەرلىگىن جانە شارالاردىڭ تياناقتانۋىن مىقتى يگەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك. قاتەرلى حيميالىق بۇيىمدار، كەن تاۋى، تورسىلداق، ەرەكشە جابدىقتار، ءورت ءوشىرۋ، قۇرىلىس جۇرگىزۋ، قالا - قالاشىقتارداعى جانار گاز، بالىقشىلىق كەمەلەرى سياقتى سالالاردى ارناۋلى جونگە سالۋدى تەرەڭدەتىپ، ءتۇرلى حاۋىپ - قاتەر مەن كومەسكى كىناراتتاردى تەكسەرىپ جونگە سالىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. جاڭبىر، قار، مۇز، ۇسىك اپاتى، ورمان، جايىلىم ءورت قاتەرى سياقتىلاردى باقىلاۋ - ولشەۋ، ساقتاندىرۋ جانە شۇعىل ءبىر جاقتى ەتۋ قىزمەتىن ويداعىداي ىستەۋ كەرەك. قايشىلىقتاردى، داۋ - شاردى ءبىر - بىرلەپ تەكسەرۋدى، شەشۋدى كۇشەيتىپ، قوعامدىق شارلاۋ - ساقتانۋدى جانە ءتۇيىندى زاتتار، ءتۇيىندى كاسىپتەر، ءتۇيىندى سالالارداعى حاۋىپسىزدىكتى باقىلاۋ - باسقارۋدى كۇشەيتىپ، ءتۇيىندى ورىندارداعى حاۋىپسىزدىك ساقتىعىن كۇشەيتىپ، ەلەۋلى الەۋمەتتىك حاۋىپسىزدىك وقيعالارىنىڭ تۋىلۋىنان قاتاڭ ساقتانۋ كەرەك. جىل سوڭى مەن جىل باسىنداعى قوعام اماندىعىنىڭ زاڭدىلىق ەرەكشەلىگىمەن تىعىز ۇشتاستىرىپ، كوپ تۋىلاتىن مال - مۇلىككە قول سۇعۋ قىلمىسى، اۋىر زورلىقتى كۇش قىلمىسى، «سارى الاپات، قۇمارپازدىق، ەسىرتكى»، «ازىق - تۇلىك، ءدارى - دارمەك ساقيناسى» جانە تەلەگراف، توراپ الدامكوستىگى سياقتى زاڭعا قايشى قىلمىستارعا سوققى بەرۋ تەبىنىن ارتتىرىپ، حالىق بۇقاراسىنىڭ حاۋىپسىزدىك سەزىمىن كۇشەيتۋ كەرەك.
التىنشى، «ءتورت ءتۇرلى بۇرىس ستيلدى» تۇزەتۋدە، جاڭا ستيل ورناتۋدا تاباندى بولىپ، سايكەسە كۇش سالۋ كەرەك. پارتيالىلىق، پارتيا ستيلى، پارتيا ءتارتىبى تاربيەسىن كۇشەيتىپ، ءار دارەجەلى باسشى كادرلاردى جاڭا سالتتى، دۇرىس سالتتى بارىنشا ساۋلەلەندىرۋگە جەتەكتەپ، وزىنە قاتاڭ تالاپ قويىپ، قوسىندى قاتاڭ جەتەكتەپ، وتباسى تاربيەسىن، وتباسى ستيلىن قاتايتۋ كەرەك. مەرەكەنى ۇقىپتى، ۇنەمشىل، وركەنيەتتى وتكىزەتىن تاماشا قوعامدىق سالتتى دارىپتەپ، قالىڭ پارتيا مۇشەلەرىن، كادرلاردى جانە بۇقارانى استا - توك ىسىراپشىلدىققا قارسى تۇرۋعا، توي - تومالاق، ءولىم - ءجىتىم ىستەرىندەگى ناشار ادەتتەردى تاستاۋعا تاربيەلەۋ كەرەك. نەگىزگى ساتى كادرلارىنا، اسىرەسە، شارت - جاعدايى جاپالى وڭىرلەردە جانە شۇعىل، قيىن، قاتەرلى، اۋىر مىندەتتەردىڭ ءبىرىنشى شەبىندە قىزمەت ىستەپ جاتقان جولداستارعا كوڭىل ءبولىپ، قامقورلىق جاساپ، ۇكىمەت ءىسى سەبەبىنەن قايتىس بولعان نەگىزگى ساتى كادرلارىنىڭ وتباسىنداعىلاردان حال سۇراۋ، قامقورلىق جاساۋ، قۇتقارۋ جانە ۇزاق ۋاقىت سۇيەمەلدەۋ قىزمەتىن ويداعىداي ىستەپ، قالىڭ پارتيالى كادرلاردى جاۋاپكەرلىك ارقالاپ، ىسكەرلىك كورسەتۋگە ىنتالاندىرۋ كەرەك. ورتالىقتىڭ 8 ءتۇرلى بەلگىلەمەسىنىڭ رۋحىن بۇلجىتپاي تياناقتاندىرىپ، بەلگىلەمەگە قايشى تۇردە ءىشىپ - جەۋ، بەلگىلەمەگە قايشى تۇردە تارتۋ - تارالعى الۋ، ۇسىنۋ، بەلگىلەمەگە قايشى تۇردە قوسىمشا قاراجات نەمەسە يگىلىك تاراتۋ، ۇكىمەت كولىگىن جەكە پايدالانۋ سياقتى ماسەلەلەردى قاداعالاپ، باقىلاۋدى كۇشەيتىپ، تيىلماۋ، ايىلىن تارتپاۋ، حاۋىپ – قاتەرىن بىلە تۇرا تارتىپكە تارتىپكە قايشىلىق جاساۋ ارەكەتتەرىن قاتاڭ، اۋىر ءبىر جاقتى ەتۋ كەرەك. ىندەتتەن ساقتانۋ - تىزگىندەۋ، حالىق تۇرمىسىن قامتاماسىزداندىرۋ، كومەكتەسۋ، قۇتقارۋ، ءوندىرىس حاۋىپسىزدىگى سياقتى جاقتاردا مىندەتىن وتەمەۋ، الباتى ىستەۋ ماسەلەلەرىن كۇش سالا تۇزەتىپ، جونگە سالىپ، جىل سوڭى، جىل باسىندا قىزمەتتى قورىتىندىلاۋ، ورنالاستىرۋ سياقتى اتپەن نەگىزگى ساتىنىڭ اۋىرتپالىعىن اۋىرلاتاتىن فورماشىلدىق ماسەلەلەرىن باتىل تۇزەتۋ كەرەك.
جەتىنشى، كەزەكشىلىك مىندەتىن وتەۋ جانە توسىننان تۋىلعان وقيعالارعا توتەپ بەرۋ قىزمەتىن جاقسى ىستەۋ كەرەك. 24 ساعات ارناۋلى ادام كەزەكشىلىك ىستەۋ جانە باسشىسى كادرلار جۇمىس ورنىندا جەتەكشىلىك ىستەۋ، سىرتقا شىققاندا تىزىمگە الدىرۋ سياقتى تارتىپتەردى قاتاڭ اتقارىپ، مەرەكە مەزگىلىندە ءتۇرلى قىزمەتتىڭ قالىپتى جۇرگىزىلۋىنە كەپىلدىك ەتۋ كەرەك. ءتۇرلى توسىن وقيعالاردى شۇعىل ءبىر جاقتى ەتۋگە دايىندالۋ قىزمەتىن ويداعىداي ىستەپ، ينفورماتسيالىق مالىمەت بەرۋ ءتۇزىمىن قاتاڭ تياناقتاندىرىپ، ماڭىزدى جاعدايلارعا بايلانىستى دەر كەزىندە نۇسقاۋ سۇراپ، مالىمەت بەرۋگە ءارى دەر كەزىندە ءونىمدى ءبىر جاقتى ەتۋگە شىنايى كەپىلدىك ەتۋ كەرەك. بۇقاراعا تىكەلەي قىزمەت وتەيتىن ورىندار مەرەكە كەزىندەگى كەزەكشىلىكتى، مىندەت وتەۋدى ويداعىداي ورنالاستىرۋى ءارى قىزمەت وتەۋ ساپاسىنا كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
