شينجياڭ قۇلجا اۋدانى باتىس بولىك حۋاڭجين ىلە شەكتى جاۋاپكەرشىلىك سەرىكتەستىگى ”24 - جەلتوقسان“ وپىرىلۋ شىرعالاڭىنا بايلانىستى قۇتقارۋ - كومەكتەسۋ قىزمەتى شۇعىل، ءتارتىپتى ورىستەتىلۋدە
2022.12.27 16:56 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى بارشا تەگىس 12 - ايدىڭ 25 - كۇنى قۇلجادان حابارلايدى. شينجياڭ ىلە وبلىسى قۇلجا اۋدانى باتىس بولىك حۋاڭجين ىلە شەكتى جاۋاپكەرشىلىك سەرىكتەستىگى ”24 - جەلتوقسان“ وپىرىلۋ شىرعالاڭى تۋىلعاننان كەيىن، اۆتونوميالى رايون دەرەۋ اۆتونوميالى رايوننىڭ وسى سالاعا جاۋاپتى باسشىلارى باس قولباسشى بولعان باتىس بولىك حۋاڭجين ىلە شەكتى جاۋاپكەرشىلىك سەرىكتەستىگى ”24 - جەلتوقسان“ وپىرىلۋ شىرعالاڭى قۇتقارۋ - كومەكتەسۋ قولباسشىلىق شتابىن قۇرىپ، شىرعالاڭعا بايلانىستى قۇتقارۋ - كومەكتەسۋ قىزمەتىن جۇرگىزۋگە ءبىر تۇتاس قولباسشىلىق ەتتى جانە ۇيىمداستىردى. قازىر ءتۇرلى قۇتقارۋ - كومەكتەسۋ قىزمەتى شۇعىل، ءتارتىپتى ورىستەتىلۋدە.
12 - ايدىڭ 25 - كۇنى تاڭعى ساعات 2 مولشەرىندە ىلە وبلىسىنىڭ تاۋ كەنىندە قۇتقارۋ تارماق اترەتى مەن كەن جاق قىزمەتكەرلەرى كەن جولدارىنىڭ بوگەلۋى، جەل اعىنى، گاز احۋالدارىن تەكسەرىپ بولدى. ”جۇمىس باسىندا بارلاۋ جانە ادامداردىڭ ورنىن تۇراقتاندىرعىشتىڭ كورسەتۋى ارقىلى، قازىر شاحتا استىنداعى ادامداردىڭ ناقتى ورنى تۇراقتاندىرىلدى ءارى شاحتا استىنىڭ اۋاسىن الماستىرۋ قامتاماسىز ەتىلدى. الايدا شاحتا استىنداعى احۋال ءبىرشاما كۇردەلى، ونىڭ ۇستىنە شىرعالاڭ تۋىلعان جەردىڭ توڭىرەگىندەگى قورشاما جىنىستار تۇراقسىز بولعاندىقتان، قۇتقارۋ - كومەكتەسۋ قىزمەتىنە نەداۋىر قيىندىق تۋعىزدى. قازىر 18 ادام ۋاقىتشا بايلانىسسىز كۇيدە تۇر“، - دەدى شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگىنىڭ حاۋىپسىزدىك باس باقىلاۋشىسى لۋ ۋي.
12 - ايدىڭ 25 - كۇنى تاڭەرتەڭ ءتىلشى قۇتقارۋ - كومەكتەسۋ ورنىنان قۇتقارۋ - كومەكتەسۋ قىزمەتكەرلەرىنىڭ 50 مەتر× 50 مەتر كەلەتىن 3 بۇرعى ماشيناسى تەكشەسىن تۇندەلەتىپ تەگىستەگەندىگىن ءارى جارىقتاندىرۋ ەلەكتر جابدىقتارى جالعانعاندىعىن، حابارلاسۋ بايلانىس ارناسىنىڭ كەڭەيتىلگەندىگىن، 120 توننا ديزەل شۇعىل جەتكىزىلگەندىگىن، قۇتقارۋ - كومەكتەسۋدى قامتاماسىزداندىرۋ جۇمىستارى نەگىزىنەن تىڭعىلىقتى ىستەلگەندىگىن كوردى.
شىرعالاڭ تۋىلعاننان كەيىن، قۇتقارۋ - كومەكتەسۋ قولباسشىلق شتابى ءار دارەجەلى شۇعىل جاعدايعا توتەپ بەرۋ كۇشتەرىنەن 300دەن استام ادامدى، قۇتقارۋ كولىگىنەن 80 نەشەسىن، شۇعىل جاعدايعا توتەپ بەرۋ بويىنشا قۇتقارۋ - كومەكتەسۋ جابدىقتارىنان 467سىن تۇندەلەتىپ توپتادى ءارى باتىس بولىك بۇرعىلاپ تەكسەرۋ سەرىكتەستىگى، جۇڭگو مۇناي حيميا توبى شينجياڭ سەرىكتەستىگى، اۆتونوميالى رايوندىق گەولوگيا، كەن ونىمدەرىن بارلاۋ، اشۋ مەكەمەسى سياقتى تاراۋلاردى 6 بۇرعى ماشيناسىن جانە ماماندانعان قوسىندى جيناپ سول جەرگە بارىپ قۇتقارۋ - كومەكتەسۋگە شۇعىل سايكەستىردى. سونىمەن بىرگە، قۇتقارۋ - كومەكتەسۋ قولباسشىلىق شتابى دەر كەزىندە قۇتقارۋ - كومەكتەسۋ ماماندارىن، قاتىستى تاراۋلاردىڭ جاۋاپتىلارىن جيناپ، «باتىس بولىك حۋاڭجين ىلە شەكتى جاۋاپكەرشىلىك سەرىكتەستىگى ”24 - جەلتوقسان“ وپىرىلۋ شىرعالاڭىنا بايلانىستى قۇتقارۋ - كومەكتەسۋ جوباسىن» اقىلداسىپ جاساپ، جۇمىس تۇعىرىن ورناتۋ، قۇدىق بۇرعىلاۋ قىزمەتىن ورىستەتۋ، قامالىپ قالعانداردىڭ تىرشىلىك ينفورماتسيالارىن جانە مەديتسينالىق قۇتقارۋ - كومەكتەسۋ قىزمەتىن تۇراقتاندىرۋ سياقتىلاردىڭ جۇرگىزىلۋ ءتارتىبى مەن قۇتقارۋ - كومەكتەسۋ شارالارىن ايقىنداپ، عىلمي، حاۋىپسىز، جوعارى ءونىمدى قۇتقارۋعا شىنايى كەپىلدىك ەتتى. ىلە وبلىسى حابارلاسۋدى قامتاماسىزداندىرۋ كولىگىن جيناپ جۇمىس باسىنا جىبەرىپ، جىلجىمالى حابارلاسۋ، بىرلەسپە حابارلاسۋ، تەلەگراف حابارلاسۋ ارناسىنىڭ سيىمدىلىعىن كەڭەيتىپ، جۇمىس باسى حابارلاسۋ تورىنىڭ ورنىقتى، ىركىلىسسىز بولۋىن بار كۇشپەن قامتاماسىز ەتتى، وبلىس، اۋدان ەلەكتر سەرىكتەستىگىنىڭ قىزمەتكەرلەرىن ۇيىمداستىرىپ جارىقتاندىرۋ ەلەكتر قۇرىلعىلارىن جەدەل تۇتاستىردى. ماقتالى شاتىر، بۇكتەمەلى توسەك، ماقتالى كورپە - جاستىق، ماقتالى شاپان، ماقتالى باس كيىم جانە شۇعىل جاعدايعا توتەپ بەرۋ بويىنشا جارىقتاندىرۋ جابدىقتارى سياقتى زاتتىق ماتەريالداردى شۇعىل جەتكىزدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
