قايراتتانا ىسكە كىرىسىپ، اۋىل شارۋاشىلىعىنداعى قۋاتتى ەل قۇرۋعا شينجياڭ ۇلەسىن قوسامىز
− ورتالىقتىڭ اۋىل - قىستاق قىزمەتى ءماجىلىسى رايونىمىزدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
2022.12.27 16:54 كەلۋ قاينارى : شينجياڭ گازەتى
ەندى عانا اياقتاعان ورتالىقتىڭ اۋىل - قىستاق قىزمەتى ءماجىلىسىنىڭ اۋىل - قىستاقتى گۇلدەندىرۋدى جاپپاي ىلگەرىلەتۋ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جونىندە جاساعان ستراتەگيالىق ورنالاستىرۋى رايونىمىزداعى ءار ۇلت كادرلارى مەن بۇقاراسى اراسىندا قىزۋ اڭىس قوزعادى.
كوپشىلىك ءبىر اۋىزدان بىلاي دەپ قارادى: باس شۋجي شي جينپيڭنىڭ ماجىلىستەگى ماڭىزدى ءسوزى ءبىزدىڭ اۋىل شارۋاشىلىعىندا قۋاتتى ەل قۇرۋىمىزعا، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋىمىزگە، اۋىل - قىستاقتى گۇلدەندىرۋدى جاپپاي ىلگەرىلەتۋىمىزگە عىلمي باعدارناما جانە ارەكەت تۇعىرناماسىن ازىرلەدى. قايراتتانا ىسكە كىرىسىپ، اۋىل - قىستاقتى گۇلدەندىرۋدى وزەك ەتكەن اۋىل شارۋاشىلىعى، اۋىل - قىستاق، شارۋالار قىزمەتتەرىن ويداعىداي يگەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى زور كۇشپەن ىلگەرىلەتىپ، اۋىل شارۋاشىلىعىندا قۋاتتى ەل قۇرۋعا شينجياڭ ۇلەسىن قوسۋىمىز كەرەك.
ءوز كۇشىمىزگە سۇيەنىپ، اس كەسەمىزدى مىقتى ۇستايمىز
ءماجىلىس مىنالاردى باسا دارىپتەدى: ءوز كۇشىمىزگە سۇيەنىپ، اس كەسەمىزدى مىقتى ۇستاۋىمىز كەرەك. استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتۋ قاشاندا اۋىل شارۋاشىلىعىندا قۋاتتى ەل قۇرۋداعى ماڭداي الدى ءىرى ءىس سانالادى.
”بۇل ءبىزدىڭ بۇدان بىلايعى قىزمەتىمىزگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى“. اۆتونوميالى رايوندىق اۋىل شارۋاشىلىعى جانە اۋىل - قىستاق مەڭگەرمەسىنىڭ باستىعى قۇربانجان قۇتلۇق بىلاي دەدى: بيىل بۇكىل رايون ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ەگىس ۋاقىتىن وتكىزىپ الماي، اۋىل شارۋاشىلىعى ءوندىرىسىنىڭ ءتۇرلى قىزمەتتەرىن ويداعىداي يگەرىپ، استىق ءونىمىن ۇزدىكسىز 7 جىل ارتتىردى، اس كەسەمىزدى ءوز قولىمىزدا مىقتى ۇستادىق. ”كەلەسى قادامدا بۇكىل رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ساياسي جاۋاپكەرشىلىكتى باتىل ارقالاپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى بار كۇشپەن قامتاماسىز ەتەدى. عىلىم - تەحنيكادا جاڭالىق اشۋ ارقىلى اۋىل شارۋاشىلىعىنىڭ ساپاسىن جوعارىلاتۋدى، ونىمدىلىگىن ارتتىرۋدى ىلگەرىلەتىپ، استىق جانە مايلى داقىل ءوندىرىسىنىڭ نىسانا - مىندەتتەرىن باتىلدىقپەن ويداعىداي ورىنداپ، ءدان سالماعىن ارتتىرۋعا، جوعارى ءونىم الۋعا، ساپانى جوعارىلاتۋعا قۇلشىنىپ، مەملەكەتتىڭ استىق حاۋىپسىزدىگىنە كوبىرەك ۇلەس قوسامىز“.
شينجياڭ اۋىل شارۋاشىلىق داشۋەسى ەكونوميكا باسقارۋ شۋەيۋانىنىڭ ورىنباسار باستىعى ءبۇھاجار ابىلا بىلاي دەپ قارادى: جۇڭگو قۋاتتى بولۋ ءۇشىن، اۋىل شارۋاشىلىعى، ءسوز جوق، قۋاتتى بولۋ كەرەك. كەزەكتە شينجياڭ پارتيا 20 - قۇرىلتايىنىڭ رۋحىن جانە ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، اۋىل شارۋاشىلىعىن، اۋىل - قىستاقتى الدىمەن ەسكەرۋگە تاباندى بولىپ، استىق جانە ماڭىزدى اۋىل شارۋاشىلىق ونىمدەرى ءوندىرىسىن مىقتى، ويداعىداي يگەرىپ، ەرەكشەلىككە يە كاسىپ سالاسى شوعىرىن جەدەل قۇرىپ، شارۋالاردىڭ كىرىس ارتتىرۋ، بايۋ ارنالارىن ۇزدىكسىز كەڭەيتىپ، اۋىل شارۋاشىلىعىنىڭ جوعارى ساپالى دامۋىن قۇلشىنا جۇزەگە اسىرۋ كەرەك.
شونجى اۋدانى مەملەكەتتىڭ استىق وندىرىسىندەگى وزات اۋدان، وندا ءار جىلى ءبيداي ەگىلەتىن جەر اۋدانى ءبىر ميلليون مۋ اينالاسىندا بولادى. ”ءبىز استىق حاۋىپسىزدىگىنىڭ تومەنگى شەگىن مىقتاپ ساقتاپ، اۋىل قىستاقتى كۇشەيتۋ، اۋىل شارۋاشىلىعىنا تيىمدىلىك جاساۋ، شارۋالاردى بايىتۋ ساياساتتارىن ناقتاپ دايەكتىلەندىرىپ، تياناقتاندىرىپ، شارۋالاردىڭ مۇددەسى مەن استىق ەگۋ بەلسەندىلىگىن شىنايى قورعاپ، شارۋالاردىڭ استىق ەگۋدەن ناقتى پايداعا كەنەلۋىنە مۇمكىندىك جاسايمىز.“ شونجى اۋداندىق پارتكومنىڭ شۋجيى ليۋ شياۋگاڭ مىنالاردى ءبىلدىردى: شونجى اۋدانى ەگىس اۋماعىن ورنىقتىرۋ، عىلمي جولمەن ەگىن ەگۋ، نەگىزدىك قۇرىلعى قۇرىلىسىن كۇشەيتۋ سياقتى تاسىلدەردى قولدانىپ، جەرگىلىكتى جاعدايعا قاراي تۇرگە ءبولىپ شارا قولدانىپ، استىق ەگۋگە ساياساتتىق جاقتان ىنتالاندىرۋدى كۇشەيتىپ، استىقتىڭ جالپىلىق ءوندىرىس قۋاتىن ۇزدىكسىز كۇشەيتەدى.
اۋىل - قىستاقتى گۇلدەندىرۋدى جاپپاي ىلگەرىلەتەمىز
باس شۋجي شي جينپيڭ بىلاي دەپ اتاپ كورسەتتى: كاسىپ سالاسى، دارىندى، مادەنيەت، ەكولوگيا، ۇيىم سىندى ”بەستى گۇلدەندىرۋدى“ جاپپاي ىلگەرىلەتىپ، ءبىر تۇتاس ورنالاستىرۋ جاساپ، سايكەستى ىلگەرىلەتىپ، ءتۇيىندى يگەرىپ، ولقىلىقتاردى تولىقتاۋ كەرەك.
اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءدىلشات سايىم مىنالاردى ءبىلدىردى: اقسۋ ايماعى ساپا ونىمدىلىگىن ونان ارى كورنەكتىلەندىرىپ، استىق، ماقتا، جەمىس ورمانى ءوندىرىسىن ويداعىداي يگەرەدى؛ كولەم مەن ساپانى كورنەكتىلەندىرىپ، اۋىل شارۋاشىلىعىن كاسىپ سالالاندىرۋ، قۇرىلعىلى ەگىن شارۋاشىلىعى، مال شارۋاشىلىعى جاعىنداعى ولقىلىقتاردى تولىقتايدى؛ كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، لايىقتى كولەمدەگى تيجاراتتى دامىتىپ، اۋىل شارۋاشىلىعىنىڭ قوعامدانعان قىزمەت وتەۋ جۇيەسىن جەدەل اقاۋسىزداندىرىپ، ۇساق شارۋا وتباسىلارىنا ويداعىداي قىزمەت وتەيدى، ولاردى ويداعىداي جەتەكتەيدى؛ 5 دارەجەلى شۋجيلەردىڭ اۋىل - قىستاقتى گۇلدەندىرۋدى يگەرۋىنە تاباندى بولىپ، شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتىپ، شارۋالاردىڭ كىرىس ارتتىرۋ، بايۋ ارنالارىن مۇمكىندىكتىڭ بارىنشا كەڭەيتەدى.
”كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ − اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەكتىك مىندەتى“. حوتان ايماقتىق اكىمشىلىك مەكەمەسىنىڭ ورىنباسار باس حاتشىسى، اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ شۋجيى ياڭ حۋا بىلاي دەدى: ءبىز ءماجىلىس رۋحىن مۇقيات دايەكتىلەندىرىپ، تياناقتاندىرىپ، ”ءتورتتى توقتاتپاۋ“ تالابىن قاتاڭ تياناقتاندىرىپ، جاۋاپكەرشىلىكتى قاتايتىپ، ناقتىلاندىرىپ، كومەكتەسۋ - سۇيەمەلدەۋ ساياساتتارىن ويداعىداي ۇلاستىرىپ، مىندەتتى وقۋ - اعارتۋ، نەگىزگى ەمدەۋ، تۇرعىن ءۇي حاۋىپسىزدىگى، اۋىز سۋ حاۋىپسىزدىگى ورەسىن ۇزدىكسىز بەكەمدەپ جانە جوعارىلاتىپ، قايتا كەدەيلەسۋدەن ساقتانۋدى يكەمدى قاداعالاۋ جانە كومەكتەسۋ - سۇيەمەلدەۋ مەحانيزمىن ۇدايىلاندىرا تياناقتاندىرىپ، قىستاق بويىنشا اۋىل بويىنشا قايتا كەدەيلەسۋ جايتتەرىنىڭ تۋىلۋىنان باتىل ساقتانامىز.
”’بەس گۇلدەندىرۋ‘ − بولىنبەس ورگانيكالىق تۇتاس تۇلعا، ماقساتى شارۋالاردىڭ قۇت - ىرىسىن ارتتىرىپ، اۋىل شارۋاشىلىعىنىڭ قۋاتتى، اۋىل - قىستاقتىڭ كوركەم، شارۋالاردىڭ باي بولۋىن جۇزەگە اسىرۋ“. شاۋەشەك قالالىق پارتكوم ۇيىمداستىرۋ ءبولىمىنىڭ ورىنباسار باستىعى تاڭ ليجۇن مىنالاردى ءبىلدىردى: اۋىل - قىستاقتى گۇلدەندىرۋگە مىعىم دارىندىلار قامتاماسىزدىعىن ازىرلەۋ ءۇشىن، شاۋەشەك قالاسى ”سەركە جەتىلدىرۋ“ ينجەنەرياسىن اتقارىپ، جوعارى ساپالى شارۋالاردى باۋلۋدى ىشكەرىلەي ورىستەتىپ، اۋىل شارۋاشىلىعىن، اۋىل - قىستاقتى وسىزامانداندىرۋعا ۇيلەسەتىن، ءبىر جاقتى باستاۋ ارقىلى ءبىر اۋماقتى جەتەكتەيتىن اۋىل - قىستاق كاسىپ سالاسىن گۇلدەندىرۋ باستاماشىلارى قوسىنىن قۇرادى، ”ءبىز ’ساياسات + شەبەرلىك + نىسان‘ ءبىر تۇلعالى باۋلۋ، سۇيەمەلدەۋ ءادىسىن قولدانىپ، جاڭاشا شارۋالار تيجارات تۇلعاسىن باۋلۋدى زور كۇشپەن ورىستەتەمىز“.
اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالى ىلگەرىلەتەمىز
”عىلىم - تەحنيكا − اۋىل شارۋاشىلىعىن وسىزامانداندىرۋدىڭ پارمەندى تىرەگى“. شينجياڭ اۋىل شارۋاشىلىعى عىلىم اكادەمياسى پارتكومىنىڭ مۇشەسى، ورىنباسار اكادەميا باستىعى يۇي چيڭحۇي مىنانى ءبىلدىردى: اۋىل شارۋاشىلىعى عىلىم اكادەمياسى بۇكىل رايوننىڭ اۋىل شارۋاشىلىعى دامۋىنىڭ كەلەلى قاجەتتەرىنە سالىستىرىپ، اۋىل شارۋاشىلىعىنىڭ جوعارى ساپالى دامۋىنا تۇساۋ بولعان ءبىر توپ قيىن ماسەلەلەردەن شوعىرلى قامال الدى، سونىمەن بىرگە مەملەكەتتىك ءتۇيىندى تاجىريبەحانا جەتىلدىرۋ قۇرىلىسىن ۇزدىكسىز ىلگەرىلەتىپ، ورگانيزم ءتۇرىن جەتىلدىرۋ سەرپىنىن ارتتىرىپ، عىلمي زەرتتەۋ تۇعىرىنىڭ ساپالى ورنالاسۋى مەن دەڭگەيىن كوتەرىپ، دارەجەسىن جوعارىلاتۋىنا دەم بەرەدى. ”ءبىز تەحنيكالىق تىرەكتى كاسىپ سالالارىنىڭ دامۋى مەن شارۋالارعا دەم بەرىپ، كىرىستى ارتتىرۋ قابىلەتىن ۇزدىكسىز جوعارىلاتىپ، ءىس تىندىرعىسى كەلەتىن، ءىس تىندىرا الاتىن، ءىس تىندىرا بىلەتىن جاس مامانداردى زور كۇشپەن جەتىلدىرىپ، جوعارى ساپالى عىلىم - تەحنيكالىق قامداۋ ارقىلى رايونىمىز اۋىل شارۋاشىلىعىنىڭ جوعارى ساپالى دامۋىنا تىرەك بولامىز“، - دەدى يۇي چيڭحۇي.
باس شۋجي شي جينپيڭ اۋىل - قىستاقتى وسىزامانداندىرۋ − اۋىل شارۋاشىلىعىندا قۋاتتى ەل قۇرۋدىڭ ىشكى تالابى جانە قاجەتتى شارتى، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ اۋىل شارۋاشىلىعىندا قۋاتتى ەل قۇرۋدىڭ تيەسىلى ءمانى ەكەندىگىن اتاپ كورسەتتى. بۇل بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى توكەن يماشتى قاتتى جىگەرلەندىردى، ول بىلاي دەدى: ”كورىكتى اۋىل - قىستاق قۇرىلىسى قىستاقتاعىلارعا ساياحاتتىڭ ’التىن كەسەسىن‘ ۇستاتتى، قازىر قىستاق اناعۇرلىم كورىكتەندى، ەگىنشى - مالشىلاردىڭ ساياحاتقا سۇيەنىپ بايۋ يدەيالىق كوزقاراسى كۇشەيە ءتۇستى، بۇدان كەيىنگى كۇندەرىمىزدىڭ بارعان سايىن جاقساراتىندىعىنا سەنەمىز“!
پارتيانىڭ باسشىلىعىنا تاباندى بولۋ اۋىل شارۋاشىلىعىندا قۋاتتى ەل قۇرۋدى جەدەلدەتۋگە پارمەندى كەپىلدىك ازىرلەدى. اتۇش قالاسى سۇنتاق قالاشىعى پاتچان قىستاعى پارتيا ياچەيكاسىنىڭ شۋجيى شاڭ جۇنحۋا بىلاي دەدى: ءبىز باس شۋجي شي جينپيڭنىڭ ”اۋىل - قىستاق نەگىزگى ساتى پارتيا ۇيىمىن پارتيانىڭ باسشىلىعىن ءونىمدى جۇزەگە اسىراتىن پارمەندى جاۋىنگەرلىك قامال ەتىپ قۇرۋ“ تالابى بويىنشا، وزىندىك قۇرىلىستى كۇشەيتىپ، ”اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋ“ نىساناسىن كوزدەپ، اۋىل - قىستاق قۇرىلىسى ارەكەتىن ويداعىداي ۇيىمداستىرىپ اتقارىپ، اسىرەسە، ىندەتتەن ساقتانۋ، قارتتاردى كۇتىمدەۋ، وقۋ - اعارتۋ، ەمدەۋ سياقتى جاقتارداعى الەۋمەتتىك قىزمەت وتەۋ قۇرىلعىلارى قۇرىلىسىن جەدەلدەتىپ، شارۋالاردىڭ ءوز جەرلەرىندە وسى زامانعى وركەنيەتتى تۇرمىس كەشىرۋىنە مۇمكىندىك جاسايمىز.
(ءتىلشى جاڭ يۇنمەي، قاتىناسقان تىلشىلەر ليۋ ي، جاۋ شييا، ۋي يۇڭگۇي، جاڭ جىلي، ءپاريزات ابدۇل، شيە حۇيبيان، جاڭ تيڭ، ياڭ شۋحان، سۇڭ ۋيگو، ەرىكتى ءتىلشى چىن شيا)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
