”تيانشانپايدىڭ“ ورتاقتاسۋ ءماجىلىسى:
ەلەكتروندى ساۋدانى شوعىرلاندىرىپ، ساتۋ جولىن قاراستىردى
□ انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ
2022.12.27 17:00 كەلۋ قاينارى : شينجياڭ گازەتى
12 - ايدىڭ 14 - كۇنى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) تيانجۋشان كوشەسىندەگى جياڭحو دودو تولايىم ساتۋ تۇعىرىنىڭ ءونىم تاڭداۋ ورتالىعىنا بارعانىمىزدا، شىحىزى قالاسى 143 - تۋانىنىڭ كۇلشە شاپتول قورابى كوزىمىزگە ەرەكشە كورىندى. بيىل 8000 جاشىك 20 تونناعا جۋىق كۇلشە شاپتولى وسى ارادان بۇكىل ەلگە ساتىلدى.
جياڭحو دودو تولايىم ساتۋ تۇعىرى ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) ەلەكتروندى ساۋدا قوعامىنا ىرگە تەپكەن ەلەكتروندى ساۋدا دۇكەنى. بۇل قوعام قىزمەت وتەيتىن 1200دەن استام كاسىپورىنعا سۇيەنە وتىرىپ، وسى تۇعىر شينجياڭ ەلەكتروندى ساۋداسىنىڭ ”ارناۋلى“ ەكولوگيالىق شەڭبەرىن قۇردى، وندا كاسىپ بازاسىنداعى ساپالى زاتپەن قامداۋشى ساۋداگەرلەر جانە ءتۇرلى ساتىپ الۋشى ساۋداگەرلەر بار، تۇعىر ارقىلى ”قوس باعىتتا جول الۋ“ جۇزەگە اسىرىلدى.
"وسى ۇلكەن شاڭىراققا كىرگەن 2 جىلدا تابىسىم كۇلشە شاپتولىنىڭ ساتىلۋ مولشەرىنىڭ ارتۋىمەن عانا شەكتەلمەدى“، - دەدى شىحىزى قالاسى حۋايۋان قالاشىعى باۋگاڭ ەگىمشىلىك كاسىپتىك سەلبەستىك كووپەراتيۆىنىڭ جاۋاپتىسى فۋ باۋگاڭ.
فۋ باۋگاڭ ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) ەلەكتروندى ساۋدا قوعامى تالاي جىل جۇمىس جۇرگىزگەن ”تيانشانپايدىڭ“ ورتاقتاسۋ ماجىلىسىنەن جياڭحو دودو تولايىم ساتۋ تۇعىرىن ۇعىسادى. 2 جىلدىڭ الدىندا كۇلشە شاپتولى پىسقان مەزگىلدە دوستارى فۋ باۋگاڭنىڭ كۇلشە شاپتولىن الىپ ورتاقتاسۋ ماجىلىسىنە قاتىناسادى. وسىدان كەيىن فۋ باۋگاڭ نەشە ونداعان سەلبەستىك جاساسۋ تەلەفونىن قابىلداپ، 10 نەشە جاڭا ساتىپ الۋشى ساۋداگەرمەن سەلبەستىك جاساسادى. ”كەيىن كەلە مەن قوعامنىڭ ءبىر مۇشەسىنە اينالدىم، مەنىڭ ونىمدەرىم جياڭحو دودو تولايىم ساتۋ تۇعىرىنا شىعارىلدى“، - دەدى ول.
شينجياڭنىڭ ساپالى اۋىل شارۋاشىلىق ونىمدەرىن اناعۇرلىم جاقسى تانىستىرۋ ءۇشىن، جياڭحو دودو تولايىم ساتۋ تۇعىرى ءونىم تاڭداۋ ورتالىعىن قۇرىپ، نەشە مىڭ ءتۇرلى ءونىمدى كورمەگە قويدى، مۇنىڭ ىشىندە كوپشىلىككە تانىس شيردان قىزىل بۇرىش سىرنەسى، لاۆاندا ەفير مايى، سونداي - اق تىم سيرەك كەزىگەتىن شينجياڭ لاعمان ۇنى، ساۋساقتىڭ ۇلكەندىگىندەي شاحمات تاسىنداي نان سياقتىلار بار، بۇل اراداعى ءاربىر ءونىمدى وندىرەتىن زاۆود، بايلانىس جاساۋشى، باعا تۇگەلدەي اشىق، جاريا. بيىل 6 - ايدا ءونىم تاڭداۋ ورتالىعى قۇرىلعاننان بەرى، ءار كۇنى 10 نەشە كاسىپورىن سەلبەستىك جونىندە كەڭەسۋگە كەلدى. ”مەنىڭ بايلانىس ءنومىرىم ءونىمنىڭ جانىنا جازىلعان، وسى 2 جىلدا جياڭحو دودو تۇعىرى ارقىلى مەن نەشە ونداعان تۇراقتى حاريدار كوبەيتتىم“. فۋ باۋگاڭ بىلاي دەدى: بيىل 7 - ايدا باس شۋجي شينجياڭدى كوزدەن كەشىرگەندە، 143 - تۋان 9 - ليانىنىڭ كۇلشە شاپتول ەگىمشىلىك باقشاسىنا كەلدى، ءبىز بۇدان تەرەڭ شابىت الدىق. 8 - ايدا مەن ’تيانشانپاي‘ ورتاقتاسۋ ءماجىلىسىنىڭ لەكسياشى سيلى قوناعى رەتىندە، قۋانىشم مەن تابىسىمدى كوپشىلىكپەن ءبولىستىم“.
”شينجياڭ سىرتىنداعى ساتىپ الۋشى ساۋداگەرلەر ەگەر شينجياڭدا ءبىر ءتۇر، ءبىر ءتۇر بويىنشا سايكەستىرەمىز دەسە، از دەگەندە، 10 نەشە كۇن، كوپ بولعاندا، بىرنەشە اي قاجەت. ءونىم تاڭداۋ ورتالىعىندا بۇكىل شينجياڭنىڭ جەر - جەرىندەگى ونىمدەرمەن ءبىر ورىندا تانىسا الاسىز، ءونىم تاڭداۋدىڭ وزىندىك قۇنىن بارىنشا ۇنەمدەۋگە بولادى. جياڭحو دودو تولايىم ساتۋ تۇعىرىنىڭ جاۋاپتىسى لي جيڭ بىلاي دەدى: تۇعىر زاتپەن قامداۋشى ساۋداگەرلەردى قاتاڭ مەڭگەرەدى، مۇنداعى ەڭ شەشۋشى ءبىر ءتۇيىن − ءسوز جوق، ارناۋلى ەگىمشىلىك، باعىمشىلىق بازاسى بولۋ، ”ءبىزدىڭ ارمانىمىز − شينجياڭنىڭ اۋىل شارۋاشىلىق قوسىمشا ونىمدەرىنىڭ ساتىلۋ جولىن اشىپ، كاسىپ سالاسىنىڭ دارەجەسىن جوعارىلاتۋعا جەتەكتەۋ“.
جۋىقتا اشىلعان ”تيانشانپاي“ ورتاقتاسۋ ماجىلىسىندە كوپشىلىك ”پارتيا قۇرىلىسىنىڭ پايداسىمەن“ ”كاسىپ سالاسى پايداسىن“ قالاي جەتەكتەۋدى بەلسەنە تالقىلادى. پارتيا 20 - قۇرىلتايىنىڭ بايانداماسىندا: ”جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعان شوعىرلاردىڭ پارتيا قۇرىلىسىن كۇشەيتۋ كەرەك“ دەپ اتاپ كورسەتىلدى. ”جاڭا داۋىردە ’ەكى جاڭا‘ پارتيا ۇيىمدارى پارتيا مۇشەلەرىنىڭ رولىن ساۋلەلەندىرۋىنە تۇعىر ازىرلەپ، پارتيا مۇشەلەرىن كاسىپورىننىڭ، قوعامنىڭ، ۇيىمنىڭ تىرەگىنە اينالدىرىپ، ەكونوميكالىق جانە قوعامدىق قۇرىلىس ءۇشىن كۇش - قۋات قوسۋ كەرەك“، - دەدى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) ەلەكتروندى ساۋدا قوعامىنىڭ باستىعى شيڭ زايپىڭ.
ساتۋ ارناسىنىڭ ىركىلىسسىز بولۋىنىڭ ارقاسىندا، بيىل كوكتەمدە فۋ باۋگاڭ سەلبەستىك كووپەراتيۆىنىڭ مۇشەلەرىن باستاپ كۇلشە شاپتولىن ەگۋ كولەمىن كەڭەيتتى. قازىر ول شاندۇڭدا كۇلشە شاپتولىن ەگۋدىڭ جاڭا تەحنيكاسىن ۇيرەنىپ جاتىر. ”تيانشانپاي“ ورتاقتاسۋ ءماجىلىسى جانە ەلەكتروندى ساۋدا قوعامى ۇيىمداستىرعان ۇيرەنۋ ارقىلى ول وزىق ەگىمشىلىك تەحنيكاسى ارقىلى كۇلشە شاپتولىنىڭ ساپاسىن ورنىقتىرعاندا عانا، ءوز ىشىندە اينالىمعا تۇسكەن شينجياڭنىڭ اۋىل شارۋاشىلىق قوسىمشا ونىمدەرىنىڭ ساتىلۋ مولشەرىنىڭ اعا جۇلدەگەرى بولۋىنا مۇمكىندىك جاساۋعا بولاتىندىعىن تەرەڭ سەزىندى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
