بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تومەن تەمپەراتۋرا قوسىمشا قاراجاتىن تاراتۋ قىزمەتىن تىندىرىمدى ورىنداۋعا كەپىلدىك ەتۋ كەرەك

2022.12.28 15:39     كەلۋ قاينارى : حالىق تورابى

  جۋىردان بەرى، سۋىق اعىستىڭ ىقپالىنا ۇشىراعاندىقتان، ەلىمىزدىڭ كوپ ساندى وڭىرلەرىندە اۋا تەمپەراتۋراسى بۇرىنعى جىلدارداعى وسى مەزگىلدەگىمەن سالىستىرعاندا ءۇرتىس تومەندەۋ بولدى. كوپتەگەن جەرلەردە قاقاعان ايازدى اۋا رايى جارىققا شىققانىمەن، دالادا ەڭبەك ىستەيتىن كوپتەگەن ادامدار ءبىرىنشى شەپتەگى قىزمەت ورنىنان تاپجىلماستان، قالاداعى ءوندىرىس پەن تۇرمىستىڭ قالىپتى اينالىمىن پارمەندى قامتاماسىزداندىردى. تومەن تەمپەراتۋرا قوسىمشا قاراجاتىن قامتىعان تومەن تەمپەراتۋرادا ەڭبەك ىستەۋشىلەردى قورعاۋ شارالارىن اناعۇرلىم ويداعىداي ىستەپ، قاتىستى سالاداعى ەڭبەكشىلەردىڭ مەيىرگە تولى ورتادا ەڭبەك ىستەۋىنە شارت – جاعداي ازىرلەۋ سىندى قىزمەتكە قوعامداعىلار ايرىقشا نازار اۋداردى.

  تومەن تەمپەراتۋرا قوسىمشا قاراجاتى — ەلىمىزدىڭ قاتىستى زاڭ – تۇزىمدەرىندە تۇراقتاندىرىلعان، ونى تاراتۋعا قولداۋ كورسەتىلەدى ءارى بەلگىلى دەڭگەيدە كەپىلدىك ەتىلەدى. تومەن تەمپەراتۋرا ۇزاق ۋاقىت بويى دالادا جۇمىس ىستەيتىندەردىڭ دەنساۋلىعىنا، ءتىپتى ومىرىنە زيان جەتكىزەدى، ەلىمىز «ۇسىك شالۋ» مەن «تومەن تەمپەراتۋرانى» جەكە – جەكە «كاسىپتىك اۋرۋ تۇرلەرى مەن تىزىمدىگىنە» جانە «كاسىپتىك اۋرۋلاردىڭ زياندى فاكتورلارىن تۇرگە ءبولۋ تىزىمدىگىنە» ەنگىزىپ، «تومەن تەمپەراتۋرانى» كاسىپتىك اۋرۋلاردىڭ زياندى فاكتورلارى قاتارىندا باسقارادى ءارى ودان قورعانۋ شارالارىن اتقارادى.

  تومەن تەمپەراتۋرا قوسىمشا قاراجاتىنىڭ سوماسى جوعارى بولماعانىمەن، ەڭبەكشىلەردىڭ ۇقىق – مۇددەسىن قامتاماسىزداندىرۋعا، ەڭبەكشىلەردى قۇرمەتتەۋگە، ەڭبەك داڭقتى دەيتىن تاماشا قوعامدىق سالتتى قالىپتاستىرۋعا سايادى. ادام ىستەتۋشى ورىندار تومەن تەمپەراتۋرا قوسىمشا قاراجاتىن تاراتاتىن نەگىزگى تۇلعا بولعاندىقتان، جۇمىسشى – قىزمەتكەرلەردىڭ زاڭدى ۇقىق – مۇددەسىن سانالىلىقپەن قامتاماسىزداندىرۋ، ولاردىڭ قىزمەت شارت – جاعدايىن قۇلشىنا جاقسارتۋى كەرەك. ادام كۇشى بايلىعى جانە قوعامدىق قامتاماسىزداندىرۋ مينيسترلىگى ەڭبەكاقىنى توپتىق كەڭەسۋدى ۇزدىكسىز ىلگەرىلەتىپ، كاسىپورىنداردى ىشكى بولەگىندەگى ءبولىس بارىسىندا تومەن تەمپەراتۋرا قاتارلى ەرەكشە ورتادا قىزمەت ىستەيتىن جۇمىسشى – قىزمەتكەرلەرگە تولىقتاما قاراجات بەرۋگە جەتەلەيدى. باقىلاۋ – باسقارۋ تاراۋلارى باقىلاۋ – تەكسەرۋدى كۇشەيتۋى، تومەن تەمپەراتۋرا قوسىمشا قاراجاتىن تاراتۋ قىزمەتىن تىندىرىمدى ورىنداۋعا كەپىلدىك ەتۋى كەرەك. كوپ جاق سەلبەسىپ، قامقورلىق جاساۋدا بىرىككەن كۇش قالىپتاستىرعاندا، تومەن تەمپەراتۋرادا قىزمەت ىستەيتىن ەڭبەكشىلەردى قامتاماسىزداندىرۋ تورى اناعۇرلىم ءجيى، اناعۇرلىم بەرىك بولادى.

  تومەن تەمپەراتۋرا قوسىمشا قاراجاتىن تياناقتاندىرۋ تەك ەڭبەكشىلەردىڭ سۋىقتان ساقتانىپ، جىلى ورتادا جۇمىس ىستەۋىنە كومەكتەسۋدىڭ ءبىر ءتۇيىنى عانا. جىلىناتىن قۇرىلعىلاردى كوبەيتىپ دايىنداۋ، كاسىپتىك دەنساۋلىق بىلىمدەرىنە قاتىستى كۋرس ۇيىمداستىرۋدى كۇشەيتۋ قاتارلىلاردى دا ويلاستىرۋعا بولادى. تومەن تەمپەراتۋرادا جۇمىس ىستەيتىن ەڭبەكشىلەردىڭ كاسىپتىك سالاماتتىق ۇقىق – مۇددەسىن شىنايى قورعاۋ جاعىندا مۇنان دا كوپ ىستەردى ىستەۋىمىزگە بولادى. اناعۇرلىم كوپ ىقىلاستى، پەيىلدى جانە ىزگى نيەتكە تولى قامقورلىق شارالارىنىڭ ۇزدىكسىز اتقارىلۋىن ءارى ءونىمدى تۇردە تۇزىمدىك قامتاماسىزداندىرۋ شارالارىنا اينالۋىن، مەيىر – شاپاعات باعىشتاۋ شارالارىن ناقتى، جىنتىكتەي تياناقتاندىرۋدى ىلگەرىلەتىپ، تومەن تەمپەراتۋرالى ورتادا جۇمىس ىستەيتىن بارلىق ەڭبەكشىلەردىڭ قالاۋىنان شىعۋىن ءۇمىت ەتەمىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار