كومىردىڭ ءوندىرىلۋى - ساتىلۋى بىردەي ارتىپ، ونەركاسىپتىڭ ارتۋىن ورنىقتىردى

□ انار بۇلت \ شينجياڭ گازەتىنىڭ ءتىلشىسى يۇي جياڭيان

2022.12.28 17:04 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　ونەركاسىپتىڭ ارتۋىن ورنىقتىراتىن ”تەڭگەرگىش“ رەتىندە بيىل شينجياڭنىڭ كومىر ءوندىرىسى زور مولشەردە ارتتى. الدىڭعى 11 ايدا شينجياڭنىڭ كومىر قازۋ جانە جۋىپ سۇرىپتاۋ كاسىبىنىڭ ۇستەمە قۇنى سايكەس مەزگىلدەگىدەن ％30.8 ارتىپ، كولەمنەن جوعارى ونەركاسىپتىڭ وڭدەلمەگەن كومىر ءونىم مولشەرى 370 ميلليون 656 مىڭ 200 توننا بولىپ، سايكەس مەزگىلدەگىدەن ％29.2 ارتتى.

　　شينجياڭنىڭ كومىر ونەركاسىبى شينجياڭنىڭ ىشكى - سىرتقى بازارىن ءبىر تۇتاس جوسپارلاي وتىرىپ، بۇكىل ەلدىڭ ەنەرگيا بازارىن تەڭگەرۋگە بەلسەنە ات سالىسىپ، ”شينجياڭ كومىرىن سىرتقا تاسىمالداۋدىڭ“ قارقىنىن ۇدەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ماڭىزدى ۇلەس قوستى.

　　وڭدەلمەگەن كومىر ءونىمى ۇزدىكسىز ارتتى

　　12 - ايدىڭ 26 - كۇنى قار قىمتاعان جوڭعار ويپاتىندا شينجياڭ جۇندۇڭ ەكونوميكالىق، تەحنيكالىق اشۋ رايونىنداعى اشىق كومىر كەندەرى قاربالاس جۇمىس جۇرگىزدى.

　　مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى جۇندۇڭ اشىق كومىر كەنىندە نەشە ونداعان قازۋ ماشيناسى توقتاۋسىز كومىر قازدى. قازىپ شىعارىلعان كومىر ەكشەپ سۇرىپتالعاننان كەيىن، تەمىر جول تاسىمال ارناۋلى جەلىسى ارقىلى شينجياڭنىڭ ءىشى - سىرتىنداعى ۇلكەن ەلەكتر ستانسيالارىنا، جىلۋمەن قامداۋ كاسىپورىندارىنا جىلدام جونەلتىلدى.

　　ساندى مالىمەتتەردە كورسەتىلۋىنشە، 11 - ايدىڭ 29 - كۇنىنە دەيىن مەملەكەتتىك ەنەرگيا توبى شينجياڭ سەرىكتەستىگى 70 ميلليون 40 مىڭ توننا كومىر ءوندىرىپ، تۇڭعىش رەت 70 ميلليون توننادان اسىرىپ، سايكەس مەزگىلدەگىدەن ％33.9 ارتقان.

　　مەملەكەتتىك ەنەرگيا توبى شينجياڭ سەرىكتەستىگى كومىر ءوندىرۋ - ساتۋدى زور مولشەردە ارتتىرعان ۋاكىلدىك كاسىپورىنداردىڭ ءبىرى. شينجياڭ جۇندۇڭ ەكونوميكالىق، تەحنيكالىق اشۋ رايونىندا تيانچى ەنەرگيا، يحۋا كەن كاسىبى، جۇڭليان رۇنشى شينجياڭ كومىر كاسىبى سياقتى كومىر وندىرەتىن كاسىپورىندار بيىل كومىر ءونىم مولشەرىن ءۇرتىس زور مولشەردە ارتتىردى. ”12 - ايدىڭ 22 - كۇنى سەرىكتەستىكتىڭ بيىلعى كومىر ءونىم مولشەرى 8 ميلليون 550 مىڭ توننا بولىپ، سايكەس مەزگىلدەگىدەن ％47 ارتتى“، - دەدى جۇڭليان رۇنشى شينجياڭ كومىر كاسىبى شەكتى سەرىكتەستىگى ساتۋ ءبولىمىنىڭ ورىنباسار باستىعى سۇڭ جىيۋان.

　　قۇمىل − شينجياڭداعى كومىر وندىرەتىن ءتورت ءىرى بازانىڭ ءبىرى. قۇمىل قالالىق دامۋ جانە رەفورما كوميتەتىنىڭ ساناعىنا قاراعاندا، 1 - ايدان 11 - ايعا دەيىن 110 ميلليون 950 مىڭ توننا كومىر ءوندىرىلىپ، سايكەس مەزگىلدەگىدەن ％4. 50 ارتىپ، قۇمىل قالاسىنىڭ كومىر ءونىم مولشەرى بيىل تۇڭعىش رەت 100 ميلليون توننالىق دارەجە قاتارىنا قوسىلعان.

　　”شينجياڭ كومىرىن سىرتقا تاسىمالداۋ“ قارقىنى ۇدەدى

　　ورتا ەسەپپەن ءار كۇنى شامامەن 145 مىڭ توننا كومىر ارناۋلى پويەزدارمەن شينجياڭنان شىعادى. شينجياڭ مەملەكەتتىڭ ەنەرگيا حاۋىپسىزدىگى كەلەلى جاعدايىنا قىزمەت كورسەتىپ، باۋىرلاس ولكە، رايون، قالالاردىڭ كومىردەن پايدالانۋ قاجەتىنە بەلسەنە قولداۋ كورسەتۋ ءۇشىن ”شينجياڭ كومىرىن سىرتقا تاسىمالداۋ“ قارقىنىن ۇدەتتى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ ساناعى بويىنشا، بيىل الدىڭعى 11 ايدا ”شينجياڭ كومىرىن سىرتقا تاسىمالداۋ“ مولشەرى 48 ميلليون 461 مىڭ تونناعا جەتىپ، سايكەس مەزگىلدەگىدەن ％1. 46 ارتقان.

　　قۇمىل − ”شينجياڭ كومىرىن سىرتقا تاسىمالداۋداعى“ الدىڭعى شەپ، بيىل 1 - ايدان 11 - ايعا دەيىن كومىردىڭ سىرتقا تاسىلۋ مولشەرى 57 ميلليون 80 مىڭ تونناعا جەتىپ، سايكەس مەزگىلدەگىدەن ％3. 158 ارتتى.

　　اراتۇرىك اۋدانى جوماحۋ كەن رايونى − قۇمىل قالاسىنىڭ ماڭىزدى كومىر وندىرەتىن بازاسى. قىس كىرگەننەن بەرى، جوماحۋ كەن رايونى كومىر وندىرىسىنە قاۋىرت كىرىسىپ، شينجياڭ سىرتىنداعى ەلەكتر ستانسيالارىنىڭ ”قاۋىرت مەزگىلدى قارسى الىپ قىستان ءوتۋىنىڭ“ كومىر قاجەتىن قامتاماسىز ەتتى، قازىر وسى كەن رايونىنان وندىرىلگەن كومىر تەمىر جول، تاس جول ارقىلى حىشي كاريدورى، سىچۋان، چۇڭچيڭ سياقتى جەرلەرگە توقتاۋسىز تاسىمالدانۋدا.

　　”ءبىز ساتۋدا ’ءبىر كاسىپورىنعا ءبىر شارا‘ قولدانىپ، قاريدارلار بايلىعىن تەرەڭدەي اشىپ، سىرتقى بازارعا بەلسەنە ءورىس اشتىق، 11 - ايدا شينجياڭنىڭ 2 ميلليون 217 مىڭ توننا كومىرى سىرتقا ساتىلىپ، سايكەس مەزگىلدەگىدەن ％48. 29 ارتتى“، - دەدى اراتۇرىك گۋاڭحۇي كەن كاسىبى شەكتى سەرىكتەستىگىنىڭ باس ديرەكتورى ان شى - ۋ.

　　گۋاڭحۇي ەنەرگيا جارنا شەكتى سەرىكتەستىگىنىڭ ءوزى قۇرعان تاس جول، تەمىر جول تاسىمال ارناسى بار. ”شينجياڭ كومىرىن سىرتقا تاسىمالداۋ“ قابىلەتىن اناعۇرلىم ءوسىرۋ ءۇشىن، بيىل بۇل سەرىكتەستىك ”ءتورت ۇلكەن كومىر زات اينالىمى ساتۋ بازاسىن“ ورنالاستىرىپ قۇرۋدى باستادى، بۇل، جۇيەدەن، سىچۋان گۋاڭيۋان، گانسۋ ليۋگوۋ، نيڭشيا نيڭدۇڭ جانە جۇڭيۋان زات اينالىمى بازاسىن قامتيدى.

　　ءتىلشىنىڭ قۇمىل قالالىق دامۋ جانە رەفورما كوميتەتىنەن ۇعىسۋىنشا، بيىل قۇمىل قالاسىنىڭ ”شينجياڭ كومىرىن سىرتقا تاسىمالداۋ“ بويىنشا قامداۋدى قامتاماسىز ەتۋ كولەمى بۇرىنعى باتىس تەرىستىك، باتىس وڭتۇستىك نەگىزگى شەبىنەن بىرتىندەپ حۋاجۇڭعا، حۋادۇڭعا، حۋانانعا قاراي كەڭەيگەن.

　　سانجى حۇيزۋ اۆتونوميالى وبلىسىنىڭ كومىرى، نەگىزىنەن، گانسۋ، نيڭشيا، سىچۋان، چيڭحاي، چۇڭچيڭ، حۋبەي، حۋنان سياقتى 7 ولكە، رايون، قالاعا جەتكىزىلەدى، قازىر ”شينجياڭ كومىرىن سىرتقا تاسىمالداۋ“ نىسانا - مىندەتتەرىن اسىرا ورىندادى.

　　وسى زامانعى كومىر حيميا ونەركاسىبىنە قارجى قوسۋ ورلەۋىن قارسى الدى

　　قازىر شينجياڭدا بارلاپ انىقتالعان كومىر بايلىعىنىڭ مولشەرى 450 ميلليارد توننا بولىپ، بۇكىل ەل بويىنشا ەكىنشى ورىندا. 7 - كەزەكتى جۇڭگو − ازيا − ەۆروپا كورمەسىندە شينجياڭنىڭ مول كومىر بايلىعى كوپتەگەن قوماقتى قارجى قوسۋ نىساندارىن باۋرادى.

　　حىنان ەنەرگيا، حيميا ونەركاسىبى توبى شينجياڭ قارجى قوسۋ جارناسى تىزگىندەۋلى شەكتى سەرىكتەستىگى شينجياڭ جۇندۇڭ ەكونوميكالىق، تەحنيكالىق اشۋ رايونىمەن توقتام جاساسىپ، 20 ميلليارد يۋان قارجى قوسىپ، كومىردى گازعا اينالدىرۋ، كومىردەن ولەفين الۋ نىساندارىن قۇرىپ، كومىردى حاۋىپسىز، جاسىل اشۋدى، تازا، جوعارى ءونىمدى پايدالانۋدى ىلگەرىلەتىپ، كومىر تۇتىنۋدىڭ تيبىن جاڭالاپ، دارەجەسىن جوعارىلاتۋدى جوسپارلادى.

　　كەلىسىم بويىنشا، حىنان ەنەرگيا شينجياڭ سەرىكتەستىگى ”14 - بەسجىلدىق“ مەزگىلىندە كومىردەن جىلىنا 2 ميلليارد تەكشەمەتر تابيعي گاز الۋ، جيجيحۋ جىلىنا 15 ميلليون توننا كومىر الاتىن ۇڭعىما كەنى سياقتى نىسانداردى جۇرگىزەدى ءارى سايكەستى كومىر بايلىعىن اشادى. ”كومىردەن تابيعي گاز الۋ نىسانى بولاشاقتاعى حىنان ەنەرگيا جۇندۇڭ وسى زامانعى كومىر حيميا ونەركاسىبى بازاسىنىڭ ’ەنەرگيا ارالى‘ رەتىندە، كومىردەن ولەفين الۋ، ىدىرايتىن سۋلياۋ سياقتى جەلىلەس وزىق حيميا ونەركاسىپ جاڭا ماتەريالدار نىسانىنا قاراي كەڭەيىپ، كومىردەن مۇمكىندىگىنشە تولىق پايدالانادى“، - دەدى حىنان ەنەرگيا شينجياڭ سەرىكتەستىگى پارتكومىنىڭ شۋجيى، باسالقا جۋ جۇنفۋ.

　　سونىمەن قاتار، شينجياڭ جياڭنا ەنەرگيا عىلىم - تەحنيكا توبى اراتۇرىك اۋداندىق حالىق ۇكىمەتىمەن جيىنى 33 ميلليارد 800 ميلليون يۋان قارجى قوسىلاتىن ”جاسىل، تومەن كومىر قىشقىل گازدى كومىر نەگىزدى جاڭا ماتەريالدار بايلىعىن كەشەندى پايدالانۋدان ۇلگى كورسەتۋ نىسانىنا“ قول قويدى. بۇل نىسان قۇرىلعاننان كەيىن، كومىر بايلىعىن تازارتىپ جالپىلىق پايدالانۋدى جۇزەگە اسىرادى، جىلدىق ءونىم قۇنى 15 ميلليارد يۋانعا جەتەدى.

　　9 - ايدىڭ 28 - كۇنى شينجياڭ جۇڭتاي جاڭا ماتەريالدار جارنا شەكتى سەرىكتەستىگىنىڭ بايلىققا اينالدىرىپ كەشەندى پايدالانۋ ارقىلى كاربينول جاساۋ دارەجەسىن كوتەرۋدەن ۇلگى كورسەتۋ نىسانى توقسۇن اۋدانىندا قۇرىلىس باستادى. بۇل نىسان سالىنىپ بولعاننان كەيىن، قازىرگى كاسىپ سالاسى ورنالاسىمىندا پايدا بولعان قىرۋار ەكشەلگەن زاتتار مەن كوكستىك گاز سياقتىلاردى قايتالاي مانەرلەۋگە بولادى. ”وسى تىزبەك تولىقتانعاننان كەيىن، جۇڭتاي توبىنىڭ ىشكى جاعىندا كومىر حيميا ونەركاسىبى مەن مۇناي حيميا ونەركاسىبىنىڭ بايلانىستى دامۋى جۇزەگە اسىرىلىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتىلەدى“، - دەدى شينجياڭ جۇڭتاي جاڭا ماتەريالدار جارنا شەكتى سەرىكتەستىگىنىڭ باسالقاسى جاۋ يۇڭلۋ.

　　”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ نىساناسىن تياناقتاندىرۋدا گۋاڭحۇي ەنەرگياسى كومىردەن تازا، جوعارى ءونىمدى پايدالانۋدى وزەك ەتىپ، نازىك حيميا ونەركاسىبىن، كوكستىك گازدان ەتيلەن گليكول جاساۋدى دامىتتى. بيىل الدىڭعى جارتى جىلدا كوكستىك گازدان كەشەندى پايدالانىپ ەتيلەن گليكول جاساۋ نىسانى وندىرىسكە قوسىلدى؛ كومىر حيميا ونەركاسىبى كاسىپ سالاسى تىزبەگىن ۇزارتىپ، شينجياڭ گويە جاڭا ماتەريالدار عىلىم - تەحنيكا شەكتى سەرىكتەستىگى كاربينولدى شيكىزات ەتىپ، پولي مەتيل الدەگيد وندىرەدى، قازىر بۇل نىساننىڭ جابدىقتارى بىرلەسىپ رەتتەپ، بىرلەسىپ سىناۋ كەزەڭىنە ءوتتى، مولشەرمەن كەلەر جىلى كوكتەمدە وندىرىسكە قوسىلادى.

　　شينجياڭ داشۋەسى حيميا شۋەيۋانى پارتكومىنىڭ شۋجيى، پروفەسسور ليۋ لاڭ مىنالاردى ءبىلدىردى: شينجياڭدا كومىردىڭ ءتۇرى تولىق، ساقتالۋ شارت - جاعدايى جاقسى، اشۋ وزىندىك قۇنى تومەن، كومىر حيميا ونەركاسىبىن دامىتۋدا وزگەشە بايلىق باسىمدىعىنا يە، كاسىپ سالاسى تىزبەگىن ۇزارتۋ ارقىلى كومىر، كومىر ەلەكتر، كومىر حيميا ونەركاسىبى كاسىپ سالاسى شوعىرىن جەدەل دامىتۋ ونەركاسىپ ەكونوميكاسىنىڭ ارتۋىن جەبەۋدە ماڭىزدى رولعا يە. قازىر شينجياڭنىڭ وسى زامانعى كومىر حيميا ونەركاسىبىنە قارجى مولىنان قوسىلۋدا، دامۋ بارىسىندا جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلمي زەرتتەۋ تۇعىرى قۇرىلىسىن كۇشەيتىپ، كاسىپتىڭ جوعارى ساپالى دامۋىنا جەتەكشلىك ەتۋ كەرەك.

جاۋاپتى رەداكتورى : نۇرعيسا قۇرمانجان ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved