شينجياڭ ءبىر ميلليارد 200 ميلليون يۋاندىق ساپالى استىق - ماي تاپسىرىسىن الدى
2022.12.28 17:05 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 12 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنەن ۇعىسۋىمىزشا، تاياۋدا 4 - كەزەكتى جۇڭگو استىق جارمەڭكەسى ينتەرنەت جەلىسى فورماسىندا وتكىزىلگەن. جارمەڭكە كەزىندە، ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، قاشقار ايماعى سياقتى جەرلەردەگى كاسىپورىندار ينتەرنەت ساۋداسىنا بەلسەنە ات سالىسىپ، 319 مىڭ 200 توننا ءتۇرلى وڭدەلگەن استىق، شيكى استىق جانە استىق - ماي ونىمدەرى ساۋداسىنا كەلىسىپ، كەلىسىم سوماسى ءبىر ميلليارد 205 ميلليون يۋانعا جەتىپ، كەلىسىم مولشەرى مەملەكەت بويىنشا الدىڭعى ورىندى يەلەگەن.
تانىستىرۋعا قاراعاندا، وسى كەزەكتى جارمەڭكەدە، بۇكىل شينجياڭنان جالپى 160 نەشە ءتۇرلى ءونىم ”شينجياڭ ۇنى“، ”شينجياڭ مايى“ اتىنان جارمەڭكەگە قاتىناسقان. مۇنىڭ ىشىندە ”جۇڭگو تاڭداۋلى استىق - ماي“ ونىمدەرى بويىنشا 5 كاسىپورىن جارمەڭكەگە قاتىناسقان، ”شينجياڭ تاڭداۋلى استىق - ماي“ ونىمدەرى بويىنشا 28 كاسىپورىن جارمەڭكەگە قاتىناسقان، ەرەكشە، ساپالى استىق - ماي كاسىپورنىنان 8 كاسىپورىن قاتىناسقان، ونىمدەرى ءبيداي تالقانى، كۇرىش، ازىقتىق وسىمدىك مايى، نەگىزگى تاعام سياقتى تۇرلەردى قامتيدى. اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسى VR بۇلتتىق كورمە سارايىندا شينجياڭ ۇنى، شينجياڭ مايى، شينجياڭ كۇرىشى، شونجى ۇنى، شەكارا وتكەلىندە مانەرلەۋ، شينجياڭ نەگىزگى تاعامى سىندى 6 بولىك ورنالاستىرىپ، شينجياڭعا ىقپالى بار ساپالى استىق - ماي مانەرلەۋ كاسىپورىندارى مەن ونىمدەردى ءار قىرىنان، ءتۇرلى ارنامەن، كوپ جاقتان ۇگىتتەپ ايگىلەدى.
”وسى كەزەكتى جارمەڭكەدە تولىق تابىستى بولدىق، شاڭحاي، گۋاڭجوۋ سياقتى جەرلەردەگى كاسىپورىندارمەن سەلبەستىك جاسادىق“. شينجياڭ كاچۇن استىق - ماي شەكتى سەرىكتەستىگىنىڭ ساتۋ باس باقىلاۋشىسى احمەت ابىلەز بىلاي دەدى: بۇرىن كاسىپورىندى دامىتۋدا ينتەرنەت جەلىسىنەن تىس بازارعا باسا ءمان بەرەتىنبىز، قازىر ينتەرنەت جەلىسى مەن ينتەرنەت جەلىسىنەن تىسقارى قاتار دامىدى، جارمەڭكەدەن پايدالانىپ ينتەرنەت جەلىسىندە ساتۋ ارناسىن اشىپ، شامامەن 20 ءتۇرلى استىق - ماي ءونىمىن شىعاردىق؛ زاۆود ەنگىزگەن جاڭا جابدىقتار الدا ىسكە قوسىلادى، سول كەزدە كۇندىك ءبيداي مانەرلەۋ قۋاتى 800 تونناعا جەتىپ، بازار سۇرانىسى اناعۇرلىم قاناعاتتاندىرىلادى.
كەلەسى قادامدا، تۇتاس رايونداعى ءار دارەجەلى استىق جانە زاتتىق ماتەريالداردى زاپاس ساقتاۋ مەكەمەلەرى وسى جولى جارمەڭكەگە قاتىناسقان كاسىپورىندارمەن حابارلاسىپ بايلانىس جاساۋدى كۇشەيتىپ، كاسىپورىنداردىڭ كورمەگە قاتىناسۋ جاعدايى مەن دامۋ سۇرانىسىن ىشكەرىلەي ۇعىسىپ، قىزمەت وتەۋ جۇمىسىن جاقسى ىستەپ، ”شينجياڭ ۇنى“، ”شينجياڭ مايى“ وڭىرلىك ايگىلى ماركا قۇرىلىسىن ۇزدىكسىز ىلگەرىلەتىپ، جاسىل، سالاماتتى ازىق - تۇلىك تۇتىنۋىنا جەتەكشىلىك ەتىپ، استىق، ماي كاسىپورىندارىنىڭ تيبىن وزگەرتىپ، دارەجەسىن جوعارىلاتۋعا دەم بەرىپ، رايونىمىزدىڭ استىق - ماي ايگىلى ماركاسىنىڭ تانىمالىلىعىن بىرتىندەپ جوعارىلاتىپ، استىق كاسىبى سالاسىنىڭ جوعارى ساپالى دامۋىن جەبەيدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
