جۇڭگو كوممۋنيستىك پارتياسى ورتالىق كوميتەتى ۇيىمداستىرۋ ءبولىمى حابارلاندىرۋ تاراتىپ، جاڭا جىل، كوكتەم مەرەكەسى كەزىندە
تۇرمىسىندا قيىنشىلىق بار پارتيا مۇشەلەرىنەن، ساقا پارتيا مۇشەلەرىنەن، ساقا كادرلاردان احۋال ۇعىسىپ، حال سۇراۋ قيمىلىن ورىستەتۋدى تالاپ ەتتى
2022.12.29 16:14 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ۇيىمداستىرۋ ءبولىمى تاياۋدا حابارلاندىرۋ تاراتىپ، ءار دارەجەلى پارتيا ۇيىمدارىنان جاڭا جىل، كوكتەم مەرەكەسى كەزىندە تۇرمىسىندا قيىنشىلىق بار پارتيا مۇشەلەرىنەن، ساقا پارتيا مۇشەلەرىنەن، ساقا كادرلاردان احۋال ۇعىسىپ، حال سۇراۋ قيمىلىن ورىستەتىپ، قالىڭ پارتيا مۇشەلەرىنە، كادرلارعا جانە حالىق بۇقاراسىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن شىنايى سەزىندىرىپ، قالىڭ پارتيا مۇشەلەرىن، كادرلاردى قايراتتانا ۇمتىلۋعا، ەرلىكپەن العا باسۋعا اناعۇرلىم شابىتتاندىرۋدى تالاپ ەتتى.
حابارلاندىرۋدا مىنالار العا قويىلدى: احۋال ۇعىسىپ، حال سۇراۋ قىزمەتى تەبىنىن ارتتىرۋ كەرەك. ءار دارەجەلى پارتكومدار (پارتيا باسشىلىق گرۋپپاسى) تۇرمىسىندا قيىنشىلىق بار پارتيا مۇشەلەرىنىڭ، ساقا پارتيا مۇشەلەرىنىڭ جانە ساقا كادرلاردىڭ احۋالىن جالپى بەتتىك ىشكەرىلەي ۇعىسىپ، پارتيا 20 - قۇرىلتايىنىڭ رۋحىن ۇگىتتەۋمەن ۇشتاستىرىپ، يدەيالىق جاقتان جەتەكتەۋ مەن سۇيىسپەنشىلىك اۋىس - كۇيىسىن كۇشەيتىپ، ولاردىڭ يدەيالىق كۇيى مەن ناقتى تالاپ - تىلەكتەرىن ۇعىسىپ، ءىس جۇزىندىك قيىنشىلىقتارىن باعىتتامالى تۇردە كومەكتەسىپ شەشىپ، ”ءبىر ادامنان حال سۇراپ، ءبىر وتباسىن مەيىرگە بولەپ، ءبىر اۋماقتى جەتەكتەۋ“ سىندى تاماشا ونىمدىلىككە قۇلشىنا قول جەتكىزۋ كەرەك. جاڭا جۇڭگو قۇرىلۋدىڭ الدىندا پارتياعا مۇشە بولعان ساقا پارتيا مۇشەلەرىنەن جاپپاي احۋال ۇعىسىپ، حال سۇراۋ كەرەك. نەگىزگى ساتى كادرلارىنا، اسىرەسە، شارت - جاعدايى جاپالى وڭىرلەردە جانە شۇعىل، قيىن، قاتەرلى ماڭىزدى مىندەتتەردىڭ الدىڭعى شەبىندە قىزمەت ىستەپ جاتقان جولداستارعا كوڭىل ءبولۋ، قامقورلىق جاساۋ كەرەك. قىزمەت سەبەبىنەن قازا بولعان نەگىزگى ساتى كادرلارىنىڭ وتباسىنداعىلاردان احۋال ۇعىسىپ، حال سۇراۋ، ولارعا قارايلاسۋ، كومەكتەسۋ جانە ۇزاق ۋاقىت كومەكتەسۋ - سۇيەمەلدەۋ قىزمەتىن ويداعىداي ىستەۋ كەرەك. ”رەسپۋبليكا وردەنى“، ”مەملەكەتتىك داڭق اتاعىنىڭ“، ”1 - شىلدە وردەنى“ يەگەرلەرىنىڭ جانە ”مەملەكەتتىك تاڭداۋلى كوممۋنيستىك پارتيا مۇشەلەرىنىڭ“، ”مەملەكەتتىك تاڭداۋلى پارتيا ىستەرى قىزمەتكەرلەرىنىڭ“ قاتىستى مامىلەسىن تياناقتاندىرۋ جانە احۋال ۇعىسىپ، حال سۇراۋ قىزمەتىن ويداعىداي ىستەۋ كەرەك. احۋال ۇعىسىپ، حال سۇراۋ كولەمىن ۇيلەسىمدى كەڭەيتىپ، قىستاقتاعى (الەۋمەتتىك اۋماق) ساقا تىرەكتى كادرلار، اۋرۋ سەبەپتى كەدەيلەسكەن ەرەكشە قيىنشىلىعى بار بۇقارا سياقتىلارعا قامقورلىق جاساۋ، كومەكتەسۋ - سۇيەمەلدەۋ قىزمەتىن ويداعىداي ىستەپ، شىنىمەن قيىنشىلىعى بار نەگىزگى ساتى پارتيا ىستەرى قىزمەتكەرلەرىنەن دە احۋال ۇعىسىپ، حال سۇراۋعا بولادى. ورتالىق كوميتەت ۇيىمداستىرۋ ءبولىمى الداعى جەردە ورتالىق كوميتەت اتىنان باسقارىپ وتىرعان پارتيا جارناسىنان احۋال ۇعىسىپ، حال سۇراۋ ارناۋلى قاراجاتىن بولەدى، جەر - جەر، تاراۋلار (جۇيە) سايكەستى قاراجاتتى تەز ارادا تياناقتاندىرىپ، كوكتەم مەرەكەسىنەن بۇرىن حال سۇراۋ وبيەكتىلەرىنىڭ قولىنا تاراتىپ بەرۋگە شىنايى كەپىلدىك ەتۋى كەرەك.
حابارلاندىرۋدا مىنالار تالاپ ەتىلدى: زەينەتكە، دەمالىسقا شىققان كادرلاردىڭ مامىلەسىن تىڭعىلىقتى تياناقتاندىرۋعا شىنايى كەپىلدىك ەتۋ كەرەك. تاياۋ جىلداردان بەرى، شىعارىلعان قاتىستى ءبىر ءبولىم زەينەتكە شىققان كادرلاردىڭ ەمدەۋ مامىلەسىن ءوسىرۋ، زەينەتكە شىققان كادرلاردىڭ تۇرمىستىق قوسىمشا قاراجات ولشەمىن جوعارىلاتۋ، زەينەتكە شىققان كادرلاردى كۇتىمدەۋ اقىسى ولشەمىن جوعارىلاتۋ جانە زەينەتكە شىققان كادرلاردىڭ زەينەتاقىسىن كوبەيتۋ سياقتى قاتىستى ساياساتتاردىڭ تياناقتانۋ جاعدايىنا مۇقيات تەكسەرۋ جۇرگىزىپ، بايقالعان ماسەلەلەردى دەر كەزىندە شەشۋ كەرەك. اۋىل - قىستاقتارداعى جاڭا جۇڭگو قۇرىلۋدان بۇرىن پارتياعا مۇشە بولعان ساقا پارتيا مۇشەلەرىنە جانە قالا - قالاشىقتارداعى زەينەتكە، دەمالىسقا شىعۋ مامىلەسىنەن يگىلىكتەنبەگەن ساقا پارتيا مۇشەلەرىنە تۇرمىستىق قوسىمشا قاراجات تاراتۋ قىزمەتىن مۇقيات ويداعىداي ىستەۋ كەرەك.
حابارلاندىرۋدا مىنالار باسا دارىپتەلدى: ساياسي دەڭگەيدى جوعارىلاتىپ، احۋال ۇعىسىپ، حال سۇراۋ قيمىلىن ورىستەتۋدى پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ ناقتى شاراسى ەتىپ، دەن قويا ۇيىمداستىرىپ، ورنالاستىرىپ، قىزمەتتى كوڭىل قويىپ سۇيىسپەنشىلىكپەن ىستەپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. حالىقتى بارىنەن جوعارى قويۋعا تاباندى بولىپ، احۋال ۇعىسىپ، حال سۇراۋدى جانە مەرەكە كەزىندەگى ءتۇرلى قىزمەتتەردى ءبىر تۇتاس جوسپارلاپ ويداعىداي ىستەپ، احۋال ۇعىسىپ، حال سۇراۋدىڭ قامتۋ اياسىن كەڭەيتۋگە ءمان بەرىپ، ەرەكشە قيىنشىلىعى بار نەگىزگى ساتىداعى پارتيا مۇشەلەرىن، كادرلاردى، بۇقارانى كومەكتەسۋ - سۇيەمەلدەۋ تەبىنىن ۇيلەسىمدى ارتتىرىپ، نەگىزگى ساتىداعى پارتيا مۇشەلەرىنە، كادرلارعا، بۇقاراعا پارتيا ۇيىمىنىڭ كوڭىل ءبولۋىن، قامقورلىعىن شىنايى سەزىندىرۋ كەرەك. پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى احۋال ۇعىسىپ، حال سۇراۋ قيمىلىمەن ۇشتاستىرىپ، احۋال ۇعىسىپ، حال سۇراۋدىڭ ساياسي يقۋاتىن ساۋلەلەندىرۋگە باسا ءمان بەرىپ، قالىڭ پارتيا مۇشەلەرىن، كادرلاردى جانە حالىق بۇقاراسىن ”ەكىنى تۇراقتاندىرۋدىڭ“ شەشۋشى ءمانىن جەتە تۇسىنۋگە، شىن مانىندە ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، پارتيا 20 - قۇرىلتايىنىڭ كەلەلى شەشىمدەرىن، ورنالاستىرۋلارىن قايراتتانا العا باساتىن رۋحپەن دايەكتىلەندىرۋ، تياناقتاندىرۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
