تەكسەرۋ ناتيجەسى بولىمىسىز بولعاننان كەيىن دە جوتەل باسىلماسا، وكپەنى ءسوزسىز CT اسپابى ارقىلى تەكسەرتۋ كەرەك پە؟ ماماندار ەگجەي – تەگجەيلى ءتۇسىندىردى
2022.12.29 15:18 كەلۋ قاينارى : حالىق تورابى
جۋىردا، توراپتاستار جاڭا تيپتى ايدارشا ۆيرۋسپەن جۇعىمدالعان سوڭ قاتتى جوتەلگەنىن ايتتى، ءتىپتى كەيبىرەۋىنىڭ تەكسەرىلۋ ناتيجەسى بولىمسىز بولعان سوڭ دا جوتەلى باسىلماعان، ۇزدىكسىز جوتەلۋ وكپە اۋرۋىنا شالدىقتىرا ما؟ ەمحاناعا بارىپ CT اسپابى ارقىلى تەكسەرىلۋدىڭ قاجەتى بار ما؟
جوتەل وتە قاتتى بولسا، ەمحاناعا بارىپ CT اسپابى ارقىلى تەكسەرىلۋ قاجەت پە؟
فۋدان داشۋەسىنە قاراستى جۇڭشان ەمحاناسىنىڭ سالماقتى اۋرۋلار مەديتسيناسى ءبولىمىنىڭ مەڭگەرۋشىسى جۇڭ ميڭنىڭ تانىستىرۋىنشا، ەگەر تەك قانا تىتىركەنۋ سيپاتىنداعى قۇرعاق جوتەل بولسا، وكپە قابىنعاندىعىنىڭ بەلگىسى ەمەس. ويتكەنى، ەگەر وكپە قابىنعان بولسا، ەنتىگۋ، تىنىسى تارىلۋ سياقتى جاعدايلار بايقالادى.
جوعارعى تىنىس جولىنىڭ جۇعىمدالۋى جوعارعى تىنىس جولىنىڭ قابىنۋ مەن زاقىمدالۋ بارىسى بولعاندىقتان، بوگدە زات تۇرعانداي سەزىلىپ، وڭاي جوتەلدىرەدى. قابىنۋدىڭ جازىلۋىنا جانە جوعارعى تىنىس جولىنداعى زاقىمدالعان كىلەگەيلى قابىقتىڭ قالپىنا كەلۋىنە ۋاقىت قاجەت، قالپىنا كەلۋدەن بۇرىن قۇرعاق جوتەل باسىلماسا، مۇنىڭ بارلىعى قالىپتى جاعداي سانالادى. سوندىقتان، قىسقا ۋاقىت ىشىندە وزدىگىنەن جازىلۋىن توسىپ كورۋگە بولادى، ەگەر جوتەل وتە كۇشتى بولىپ، تۇرمىس ساپاسىنا، ۇيقىعا، قالىپتى قىزمەتكە ىقپال جاساسا، كەيبىر جوتەل باساتىن دارىلەردى ءىشىپ، جوتەلدى باسەڭدەتۋگە بولادى.
الايدا، ەسكەرتۋدى قاجەت ەتەتىن ءىس، كەيدە شۇعىل قابىنعان ورىن تولىق قالپىنا كەلمەي، جوعارعى تىنىس جولىنىڭ سوزىلمالى جۇعىمدالۋىنا اينالسا، جوتەل ۇزاققا سوزىلۋى مۇمكىن. تەكسەرتۋ ناتيجەسى بولىمسىز بولعان وسى مەزگىل ىشىندە، ۋاعىندا دەمالىپ، دەنە قۋاتىن ءبىرشاما جاقسى كۇيدە ساقتاپ، زاقىمدالعان ورىننىڭ قالپىنا كەلۋىنە بارىنشا جاقسى شارت – جاعداي ازىرلەگەن ءجون. الايدا، بۇكىلدەي توسەكتەن تۇسپەي جاتىپ الۋعا دا بولمايدى، ۇيلەسىمدى مولشەردە ارەكەتتەنۋ جانە ءنارلى تاماقتانۋ دا دەنساۋلىقتىڭ قالپىنا كەلۋىنە پايدالى.
ەگەر جوتەلمەن بىرگە قاقىرىق ىلەسە تۇسسە، ءار جولى قاقىرىق وتە كوپ بولسا، بۇل تەك جوعارعى تىنىس جولىنىڭ قابىنۋى ماسەلەسى ەمەس بولۋى، كەڭىردەك جانە وكپە بولىمىمەن دە قاتىستى بولۋى مۇمكىن، وتە – موتە، جوتەلگەن كەزدە كوپ مولشەردە قويۋ سارى قاقىرىق تۇسسە، ەمحاناعا بارىپ تەكسەرىلگەن ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
