بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«فۋتبول پاتشاسى» پەلە 82 جاسىندا ومىردەن ءوتتى

2022.12.30 14:17     كەلۋ قاينارى : حالىق تورابى


  شينحۋا اگەنتتىگىنىڭ ءتىلشىسى چىن حاۋچۋان، جاۋ يان 12 – ايدىڭ 29 – كۇنى سان – پاۋلودان حابارلايدى. برازيليانىڭ البەرت ەينشتەين ەمحاناسى 12 – ايدىڭ 29 – كۇنى حابارلاندىرۋ جاريالاپ، برازيليانىڭ «فۋتبول پاتشاسى» پەلەنىڭ جەرگىلىكتى ۋاقىت بويىنشا 12 – ايدىڭ 29 – كۇنى 82 جاسىندا قايتىس بولعانىن حابارلادى.

  حابارلاندىرۋدا بىلاي دەلىنگەن: «البەرت ەينشتەين ەمحاناسى ەدسون ارانتەس دو ناسيمەنتونىڭ، اتاپ ايتقاندا، پەلەنىڭ بۇگىن، 2022 – جىلى 12 – ايدىڭ 29 – كۇنى ساعات 15 تەن 27 مينۋت وتكەندە، توق ىشەك راگىنان دەنە ورگاندارىنىڭ قىزمەتىنىڭ السىرەۋى سەبەبىنەن ومىردەن وتكەنىن قايعىلى تۇردە تۇراقتاندىردى».

  پەلەنىڭ الەۋمەتتىك جەلىدەگى رەسمي پاراقشاسى دا سول كۇنى «فۋتبول پاتشاسىنىڭ» ومىردەن وتكەنى جونىندەگى حاباردى جاريالادى، حاباردا بىلاي دەپ جازىلعان: «شابىت پەن ماحاببات بۇگىن ومىردەن بايسالدى اتتانعان ‹فۋتبول پاتشاسى› پەلەنىڭ ءومىر ساپارىنىڭ نىشانى بولدى. ءومىر ساپارىندا، ەدسون ءوزىنىڭ سپورتتاعى تالانتىمەن بۇكىل الەمدى وزىنە ءتانتى ەتتى. ول سوعىسقا تيىم سالۋعا اتسالىسقان، دۇنيە ءجۇزى بويىنشا قوعامدىق نىساندارعا قولداۋ كورسەتكەن ءارى ول ءبىزدىڭ بارلىق ماسەلەلەرىمىزدى شەشەتىن شيپالى ءدارى دەپ قاراعان ماحابباتتى ءناسيحاتتادى. ونىڭ بۇكىل ومىرىندە ەتكەن ەڭبەكتەرى كەيىنگىگە مۇرا بولىپ قالادى».

  پەلە 2021 - جىلى 9 – ايدا توق ىشەك راگى سەبەبىنەن وپەراتسيا جاساتقان، وپەراتسيادان كەيىن حيميالىق جولمەن ەمدەۋدى قابىلداعان، بيىل 11 – ايدىڭ 29 – كۇنى ناۋقاسى اسقىنعاندىقتان، سان – پاۋلوداعى البەرت ەينشتەين ەمحاناسىنا قايتادان جاتقان. ونىڭ دەنساۋلىعىنا تەكسەرۋ جۇرگىزۋ جانە الدىڭعى كەزەڭدەگى حيميالىق ەمدەۋدىڭ ناتيجەسىنە ساراپتاۋ جاساۋ ارقىلى ەمحانا حيميالىق جولمەن ەمدەۋدى توقتاتىپ، جادىراتىپ ەمدەۋ ءتاسىلىن قولدانعان.

  پەلەنى جەرلەۋ سالتى سانتوس قالاسىندا وتكىزىلەدى، قازىر پەلەنىڭ وتباسىنداعىلار جەرلەۋ سالتىنىڭ جاي – جاپسارىن ءالى اشىق جاريالامادى. سانتوس قالاسىنداعى سانتوس فۋتبول كومانداسى پەلەنىڭ ونەر كورسەتكەن ۋاقىتى ەڭ ۇزاق كلۋب سانالادى.

  پەلەنىڭ ءوز اتى ەدسون ارانتەس دو ناسيمەنتو، 1940 – جىلى برازيليانىڭ ترەسكولاسوس قالاشىعىندا دۇنيەگە كەلگەن، ول برازيليانىڭ مەملەكەت كومانداسىنىڭ قۇرامىندا 92 رەت جارىسقا قاتىناسىپ، 77 رەت ۇپايعا يە بولىپ، 1958 – جىلى، 1962 – جىلى، 1970 – جىلى ءۇش رەت الەم چەمپيوناتىنىڭ اعا جۇلدەگەرى بولعان، برازيليانىڭ ريمەت ساۋىتىن ماڭگى ساقتاپ قالۋىنا ۇلەس قوسىپ، «فۋتبول پاتشاسى» اتاعىنا يە بولعان. پەلەنىڭ 7 پەرزەنتى بار.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار