1 – ايدا اتقارىلاتىن جاڭا بەلگىلەمەلەر! «ەمدەلۋ، ازىق – تۇلىك، تۇرعىن ءۇي، ءجۇرىس – تۇرىس» جاقتارىنا سايادى، مىناداي جاعدايدا ەڭ جوعارى بولعاندا 200 مىڭ يۋان سيلىق بەرىلەدى
2022.12.30 14:14 كەلۋ قاينارى : حالىق تورابى
جۇڭگو اقپارات تورابى قازىنا – ەكونوميكا ارناسىنىڭ 12 – ايدىڭ 30 – كۇنى بەرگەن حابارى (شيۇڭ سى – ي) ساۋدالىق زەينەتكەرلىك قاراجاتى قىزمەتىن تۇيىندە سىناق ەتۋ باستالادى، مەديتسينالىق قامتاماسىزداندىرۋ قورىنداعى قاراجاتتى زاڭ – تۇزىمگە قايشى تۇردە پايدالانعان ارەكەتتى اشكەرەلەگەندەرگە سيلىق بەرىلەدى، پويەز بەلەتىن ساتقاندا بالالارعا جاسىنا قاراي تيىمدىلىك جاسالادى، ەكى جەردە ەكى بالالى نەمەسە ودان كوپ بالالى بولعان وتباسىلارعا تۋىت قوسىمشا قاراجاتى بەرىلەدى ... 2023 – جىلى 1 – ايدان باستاپ ءبىر توپ جاڭا بەلگىلەمەلەر اتقارىلىپ، «ەمدەلۋ، ازىق – تۇلىك، تۇرعىن ءۇي، ءجۇرىس – تۇرىس» قاتارلى جاقتاردا تۇرمىسىڭىزعا ىقپال جاسايدى، قانەكي، ءبىر شولىپ شىعىڭىز!
مەملەكەت كولەمىندە اتقارىلاتىن جاڭا بەلگىلەمەلەر
مەديتسينالىق قامتاماسىزداندىرۋ قورىنداعى قاراجاتتى زاڭ – تۇزىمگە قايشى تۇردە پايدالانعان ارەكەتتى اشكەرەلەگەندەرگە سيلىق بەرىلەدى
«مەديتسينالىق قامتاماسىزداندىرۋ قورىنداعى قاراجاتتى زاڭ - تۇزىمگە قايشى پايدالانعان ارەكەتتى اشكەرەلەگەندەرگە سيلىق بەرۋ ءادىسى» 2023 – جىلى 1 – ايدىڭ 1 – كۇنىنەن باستاپ اتقارىلادى، مەديتسينالىق قامتاماسىزداندىرۋ قورىنداعى قاراجاتتى زاڭ – تۇزىمگە قايشى تۇردە پايدالانۋعا ساياتىن بارلىق ارەكەتتەردى اشكەرەلەگەندەر سيلاۋ كولەمىنە ەنگىزىلگەن ءارى جەر – جەردىڭ ءىس جۇزىندىك جاعدايىمەن ۇشتاستىرا وتىرىپ، دەلوعا قاتىستى سومانىڭ بەلگىلى سالىستىرماداعى بولىگىن اشكەرەلەۋشىگە ءبىر رەتتىك سيلىق قاراجات رەتىندە بەرۋگە بولادى دەپ بەلگىلەنگەن. «سيلىق بەرۋ ادىسىندە» مىنالار ايتىلعان: سيلىق بەرۋ شارتىنا تولاتىن اشكەرەلەۋشىلەرگە ءبىر رەتتىك سيلىق قاراجات بەرىلەدى، ەڭ كوپ بولعاندا 200 مىڭ يۋاننان اسىپ كەتپەۋى كەرەك، ەڭ تومەن بولعاندا 200 يۋاننان تومەن بولماۋى كەرەك.
ساۋدالىق زەينەتكەرلىك قامسىزداندىرۋىن تۇيىندە سىناق ەتۋ باستالادى
بانكە – قامسىزداندىرۋ ىستەرىن باقىلاۋ – باسقارۋ كوميتەتىنىڭ 11 – ايدا ۇقتىرۋىنشا، 2023 – جىلى 1 – ايدىڭ 1 – كۇنىنەن باستاپ، بەيجيڭ قالاسى، شاڭحاي قالاسى، جياڭسۋ ولكەسى، جىجياڭ ولكەسى، فۋجيان ولكەسى، شاندۇڭ ولكەسى، حىنان ولكەسى، گۋاڭدۇڭ ولكەسى، سىچۋان ولكەسى، شانشي ولكەسى قاتارلى 10 ولكەدە (قالادا) ساۋدالىق زەينەتكەرلىك قاراجاتى تۇيىندە سىناق ەتىلەدى، تۇيىندە سىناق ەتۋ شەكتى مەرزىمى ۋاقىتشا ءبىر جىل بولىپ بەلگىلەنگەن.
پويەز بەلەتىنىڭ باعاسىندا بالالارعا تيىمدىلىك جاسالادى
«تەمىر جول جولاۋشى تاسىمالى ەرەجەسى» 2023 – جىلى 1 – ايدىڭ 1 – كۇنىنەن باستاپ اتقارىلادى، وندا مىنالار ايقىندالعان: پويەز بەلەتىن ساتۋدا شىن اتى – جونىمەن بەلەت الۋ ءتۇزىمى اتقارىلعان بولسا، 6 جاسقا تولعان، 14 جاسقا تولماعان بالاعا ءتيىمدى باعاداعى پويەز بەلەتىن الۋ كەرەك؛ 14 جاسقا تولعان بالاعا تولىق باعاداعى پويەز بەلەتىن الۋ كەرەك. پويەز بەلەتىن ساتۋدا شىن اتى – ءجونى بويىنشا ساتىپ الۋ ءتۇزىمى اتقارىلماعان بولسا، بويىنىڭ بيىكتىگى 1.2 مەتردەن جوعارى، 1.5 مەترگە تولمايتىن بالاعا ءتيىمدى باعادا پويەز بەلەتىن الۋ كەرەك؛ بويىنىڭ بيىكتىگى 1.5 مەتردەن اسقان بالاعا تولىق باعاداعى پويەز بەلەتىن الۋ كەرەك.
جۇمىستانعانىن تىزىمگە الۋ كۋالىگى كۇشىنەن قالدىرىلادى
«جوعارى مەكتەپتەن وقۋ تاۋىسقاندار قاتارلى جاستاردىڭ جۇمىستانۋىنا، شارۋاشىلىق قۇرۋىنا ساياتىن قىزمەتتەردى اناعۇرلىم ويداعىداي ىستەۋ تۋرالى ۇقتىرۋدا» مىنالار ايقىندالعان: 2023 – جىلدان باستاپ، «مەملەكەت بويىنشا جاي جوعارى مەكتەپتەردەن تولىق كۋرس دەڭگەيىندە وقۋ تاۋىسقانداردىڭ جۇمىستانۋىن تىزىمگە الۋ كۋالىگى» جانە «مەملەكەت بويىنشا وقۋ تاۋىسقان اسپيرانتتاردىڭ جۇمىستانۋىن تىزىمگە الۋ كۋالىگى» (جۇمىستانۋدى تىزىمگە الۋ كۋالىگى دەپ ءبىر تۇتاس ايتىلادى) مۇنان بىلاي تاراتىلمايدى، جۇمىستانۋدى تىزىمگە الۋ كۋالىگىن تولىقتاپ ءبىتىرۋ، وزگەرتىپ بەرۋ رەسميەتتەرى كۇشىنەن قالدىرىلادى، جۇمىستانۋدى تىزىمگە الۋ كۋالىگى مۇنان بىلاي جوعارى مەكتەپتەردەن وقۋ تاۋىسقانداردى قىزمەتكە قابىلداۋ، ولاردى نوپوسقا قوندىرۋ، ارحيۆىن قابىلداۋ، جوتكەۋ قاتارلى رەسميەتتەردى بىتىرۋگە قاجەتتى ماتەريال سانالمايدى.
2022 – جىلعى نۇسقاداعى «شەتەل ساۋداگەرلەرىن قارجى قوسۋعا شابىتتاندىراتىن كاسىپ سالالارىنىڭ تىزىمدىگى» اتقارىلادى
2023 – جىلى 1 – ايدىڭ 1 – كۇنىنەن باستاپ، «شەتەل ساۋداگەرلەرىن قارجى قوسۋعا شابىتتاندىراتىن كاسىپ سالالارى تىزىمدىگى (2022 – جىلعى نۇسقاسى)» اتقارىلادى. مەملەكەتتىك دامۋ – رەفورما كوميتەتىنىڭ تانىستىرۋىنشا، جاڭا نۇسقاداعى «شابىتتاندىرۋ تىزىمدىگىندەگى» باستى وزگەرىستەر مىنالار: بىرىنشىدەن، شەتەل قارجىسى جاساۋ كاسىبىن قارجىلاندىرۋعا جالعاستى شابىتتاندىرىلادى، ەكىنشىدەن، شەتەل قارجىسىن ءوندىرىس سيپاتىندىق قىزمەت وتەۋ سالاسىن قارجىلاندىرۋعا جەتەلەۋ ۇزدىكسىز اتقارىلادى، ۇشىنشىدەن، شەتەل قارجىسىنان پايدالاناتىن وڭىرلەردى ورنالاستىرۋ ۇزدىكسىز جاقسارتىلادى.
قولفونعا ساتىپ الۋدان بۇرىن ورناتىلعان App قولدانبالارىن وشىرۋگە بولادى
«جىلجىمالى زەردەلى تەرمينالدارداعى قولدانىلمالى جۇمساق بولشەكتەردى الدىن الا ورناتۋ ارەكەتىن اناعۇرلىم جۇيەگە ءتۇسىرۋ جونىندەگى ۇقتىرۋدا» مىنالار تالاپ ەتىلگەن: وندىرگەن كاسىپورىندار جىلجىمالى زەردەلى تەرمينالدارعا الدىن الا ورناتقان نەگىزدىك فۋنكتسيالىق رول اتقاراتىن جۇمساق بولشەكتەردەن باسقا جۇمساق بولشەكتەردىڭ بارلىعىن وشىرۋگە بولاتىن ەتۋى ءارى حاۋىپسىز دە قولايلى ءوشىرۋ تاسىلدەرىن تۇتىنۋشىلاردىڭ تاڭداپ پايدالانۋىنا ازىرلەۋى كەرەك. جوعارىداعى ۇقتىرۋ 2023 – جىلى 1 – ايدىڭ 1 – كۇنىنەن باستاپ اتقارىلادى.
جاڭادان وزگەرىس ەنگىزىلگەن «اۋىل شارۋاشىلىعى ونىمدەرىنىڭ ساپالىق حاۋىپسىزدىگى زاڭى» اتقارىلادى
جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ اۋىل شارۋاشىلىعى ونىمدەرىنىڭ ساپالىق حاۋىپسىزدىگى زاڭى» 2023 – جىلى 1 – ايدىڭ 1 – كۇنىنەن باستاپ اتقارىلادى. اقپارات قۇرالدارىنىڭ حابارلاۋىنشا، جاڭا زاڭ ازىق – تۇلىك حاۋىپسىزدىگى زاڭىمەن ۇشتاستىرىلىپ، اۋىل شارۋاشىلىعى ونىمدەرىن ءوندىرۋ، تيجارات ەتۋ بارىسىندا مەملەكەت پايدالانۋعا تيىم سالعان اۋىل شارۋاشىلىعىنا پايدالاناتىن زاتتاردى نەمەسە باسقا دا ۋلى، زالالدى زاتتاردى پايدالانعان، اۋىل شارۋاشىلىعى دارىلەرى، مال دارىلەرى قاتارلى حيميالىق زاتتاردىڭ قالدىقتارى مەن اۋىر مەتالدار قاتارلى ۋلى، زالالدى زاتتاردىڭ مولشەرى ولشەمنەن اسىپ كەتكەن اۋىل شارۋاشىلىعى ونىمدەرىن ساتقان جاعدايلاردا اقشالاي ايىپ سالۋ سوماسى جوعارىلاتىلادى؛ قىلمىس قالىپتاستىرعان دارەجەدە بولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.
ءدارى – دارمەكتەردى تىزىمگە الدىرۋ ءوتىنشىن قابىلداۋدا ەلەكتروندى جولمەن ءوتىنىش بەرۋ ءتاسىلى اتقارىلادى
مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ ۇقتىرۋىنشا، 2023 – جىلى 1 – ايدىڭ 1 – كۇنىنەن باستاپ، ءوتىنىش بەرۋشى مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنە ءدارى – دارمەكتەردى تىزىمگە الۋ ءوتىنىشىن تەكسەرىپ بەكىتۋگە تاپسىرعاندا، سونداي – اق، تەكسەرۋ بارىسىندا ماتەريالداردى تولىقتاپ تاپسىرۋ بارىسىندا، ماتەريالداردى ەلەكتروندى فورمادا تاپسىرۋىنا بولاتىن بولىپ رەتتەلەدى، ءوتىنىش بەرۋشىنىڭ قاعاز نۇسقاداعى ءوتىنىش ماتەريالدارىن تاپسىرۋىنىڭ قاجەتى جوق. قازىر اتقارىلىپ وتىرعان قىزمەت ءتارتىبى وزگەرتىلمەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
