شينجياڭنىڭ ”كومىردى ەلەكترگە وزگەرتۋ“ ينجەنەرياسى ميلليون وتباسىنا تيىمدىلىك جەتكىزدى −
حالىق تۇرمىسى ينجەنەرياسى جۇرت جۇرەگىن ”جىلىتتى“
□ انار بۇلت \ شينجياڭ گازەتىنىڭ ءتىلشىسى ۋاڭ يايۇن
2022.12.30 16:28 كەلۋ قاينارى : شينجياڭ گازەتى
”قازىر شينجياڭدا اتقارىلعان ’كومىردى ەلەكترگە وزگەرتۋ‘ ينجەنەرياسى جيىنى ميلليوننان استام وتباسىن قامتىدى“. 12 - ايدىڭ 23 - كۇنى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قۇرىلىستا ەنەرگيا ۇنەمدەۋ جانە عىلىم - تەحنيكا، وقۋ - اعارتۋ باسقارماسىنىڭ باستىعى ۋاڭ شينسو بىلاي دەپ تانىستىردى: ”كومىردى ەلەكترگە وزگەرتۋدىڭ“ 1 - مەرزىمدىك ينجەنەرياسى 892 مىڭ وتباسىن قامتىدى: بيىل − كومىردى ەلەكترگە وزگەرتۋ 2 - مەرزىمدىك ينجەنەرياسى اتقارىلعان العاشقى جىل، اقسۋ ايماعى، قاشقار ايماعى، قىزىلسۋ قىرعىز اۆتونوميالى وبلىسى، قۇمىل قالاسى سياقتى جەرلەر تۇرعىنداردىڭ جىلۋمەن قامداۋ قۇرىلعىسىن وتباسىلارىنا ەنگىزۋ بويىنشا جاڭالاۋ ينجەنەرياسىن بار كۇشپەن ىلگەرىلەتىپ، 188 مىڭ 300 وتباسىندا قۇرىلىس اياقتادى.
پايدالانۋشىلار ميلليوننان اسقان قارساڭدا، قالىڭ بۇقارانىڭ قىستان جىلى وتۋىنە ساياتىن ”كومىردى ەلەكترگە وزگەرتۋ“ سىندى حالىق تۇرمىسى ينجەنەرياسىنا، حالىق تىلەگى ينجەنەرياسىنا قايىرىلا قاراپ كورەيىك.
مەحانيزم ورناتىپ، جاقسى ءىستى ناقتى ىستەدى
”بۇرىن ۇيدە قىستا پەش جاعىپ جىلىنۋشى ەدىك، ءتۇن ورتاسىندا تۇرىپ كومىر سالاتىنبىز، تاعى كومىرتەگى شالا توتىعىنان ۋلانىپ قالۋدان الاڭداۋشى ەدىك. ەلەكترمەن جىلىتۋدان پايدالانعان سوڭ، بۇل ماسەلەگە باس قاتىرمايتىن بولدىق“. 12 - ايدىڭ 21 - كۇنى كۇشار قالاسى چىمان قالاشىعى قايلو قىستاعىنىڭ تۇرعىنى يزاتقان اۋۇتتىڭ ۇيىنەن جىلى لەپ ەستى، ءۇيىنىڭ ءىشى مونتازداي تازا ەكەن. بيىلعى ”كومىردى ەلەكترگە وزگەرتۋ“ ينجەنەرياسىنىڭ اكەلگەن جاقسىلىعىن تىلگە تيەك ەتكەندە، ونىڭ ءجۇزى جادىراپ سالا بەردى.
2022 - جىلى اقسۋ ايماعىندا اتقارىلعان اۋىل - قىستاقتاردا ”كومىردى ەلەكترگە وزگەرتۋدى“ وتباسىلارىنا ەنگىزۋ ينجەنەرياسى 65 مىڭ 773 وتباسىندا تۇگەلدەي ورىندالدى. ”’ءبىر دارەجە ءبىر دارەجەنى يگەرۋ، ساتىلار بويىنشا تياناقتاندىرۋدى يگەرۋ‘ سىندى قىزمەت ارناسى جاڭالاۋ مىندەتىن ءدال ۋاعىندا جوعارى ساپامەن، جوعارى ونىممەن ورىنداۋ نەگىزىن بەكەمدەدى“. اقسۋ ايماقتىق تۇرعىن ءۇي جانە قالا، اۋىل قۇرىلىسى مەكەمەسى قىستاق، قالاشىق ءبولىمىنىڭ ورىنباسار باستىعى تيان پىڭ بىلاي دەدى: ايماقتا كومىردى ەلەكترگە وزگەرتۋ ينجەنەرياسى باسشىلىق گرۋپپاسى كەڭسەسى بار، اۋدان، قالالاردا كومىردى ەلەكترگە وزگەرتۋ بويىنشا وتباسىلارىنا ەنگىزۋ ينجەنەرياسى قولباسشىلىق شتابى بار، اۋىل، قىستاق دارەجەلى ورىنداردا وتباسىلارىنا ەنگىزۋ ينجەنەرياسىن سايكەستىرۋ گرۋپپاسى بار.
2022 - جىلى 3 - ايدا اۆتونوميالى رايوندىق حالىق ۇكىمەتىنىڭ كەڭسەسى «شينجياڭنىڭ كومىردى ەلەكترگە وزگەرتۋ 2 - مەرزىمدىك ينجەنەرياسىن اتقارۋ جوباسىن (2022 − 2024 - جىلدار)» باسىپ تاراتىپ، كوپ جاق ات سالىسىپ، تۇتاستاي بىرلەسىپ ارەكەتتەنەتىن قىزمەت ارناسىن قالىپتاستىرىپ، ”كومىردى ەلەكترگە وزگەرتۋ“ ينجەنەرياسى مەن قاتىستى جوسپار - جوبالاردى، وتباسىلارىنا ەنگىزۋ بويىنشا جاڭالاۋ مەن سايكەستى ەلەكتر جەلىسى قۇرىلىسىن، جاڭالاۋ ينجەنەرياسى مەن جۇمىس جۇرگىزۋ بويىنشا قىزمەت وتەۋدى ۇشتاستىرۋدى ءبىر تۇتاس جوسپارلاۋدى تالاپ ەتتى.
”نىساندى اتقارۋدا ايماق، وبلىس، قالا تۇگەلدەي ايماقتا توپتاما بولۋ، اۋداندا ءتىزىم بولۋ، اۋىلدا ەسەپ بولۋ، قىستاقتا كەستە بولۋ، وتباسىندا ارحيۆ بولۋ سىندى بەس دارەجەلى كومىردى ەلەكترگە وزگەرتۋ بويىنشا وتباسىلارىنا ەنگىزۋ ينجەنەرياسىنىڭ ەگجەي - تەگجەيلى ەسەبى ورناتىلىپ، وتباسى ينفورماتسياسى، جىلۋمەن قامداۋ كولەمى، جاڭالاۋدىڭ اتقارىلۋ اياق الىسىنداعى قارجىنىڭ تياناقتاندىرىلۋى سياقتى قاتىستى ينفورماتسيالار بىردەي اۆتونوميالى رايوننىڭ كومىردى ەلەكترگە وزگەرتۋ بويىنشا وتباسىلارىنا ەنگىزۋ ينجەنەرياسىنىڭ ينفورماتسيالارىن باسقارۋ جۇيەسىنە ەنگىزىلدى“، - دەدى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قۇرىلىستا ەنەرگيا ۇنەمدەۋ جانە عىلىم - تەحنيكا، وقۋ - اعارتۋ باسقارماسىنىڭ قاتىستى جاۋاپتىسى.
قولايلى دا حاۋىپسىز بولىپ، بۇقارا ناقتى يگىلىككە كەنەلدى
”ەلەكترمەن جىلىتۋ بويىنشا جىلۋ تاراتقىش ورناتىلىپ بولا سالىسىمەن، قىزمەتكەرلەر ماعان پايدالانۋدى ۇيرەتتى، وتە وڭاي ەكەن“. جاڭادان ورناتىلعان ەلەكترمەن جىلىتۋ جابدىعى مارالباسى اۋدانى سەرىقبۇيا قالاشىعى بوزارىق قىستاعىنىڭ تۇرعىنى ابدۇقيۇم يسمايىلدىڭ تۇرمىسىنا ەرەكشە زور قولايلىلىق اكەلدى، ”ايىرىپ - قوسقىشتى قوسىپ قالسام، شامى جانادى، كوپ وتپەي ءۇيدىڭ ءىشى جىلىنىپ كەتەدى. تاعى تەمپەراتۋراسىنىڭ جوعارى - تومەندىگىن دە رەتتەۋگە بولادى ەكەن، شىنىمەن دە جاقسى بولدى“.
شينجياڭنىڭ ”كومىردى ەلەكترگە وزگەرتۋ“ 2 - مەرزىمدىك ينجەنەرياسىن اتقارۋ جوباسىنىڭ تالابى بويىنشا، اۆتونوميالى رايون بار كۇشپەن ىستەۋ، شاماعا قاراي ىستەۋ پرينسيبىنە تاباندى بولىپ، ءار وتباسىنا 50 شارشى مەتر، 4 كيلوۆات ولشەمى بويىنشا جاڭالاۋ جۇرگىزدى، قۇرىلىس قاراجاتى 3800 يۋان اينالاسىندا بولدى. مۇنىڭ ىشىندە ورتالىق قازىنادان ％37.5 قوسىمشا قاراجات بەرىلەدى، اۆتونوميالى رايوندىق قازىنادان ％37.5 قوسىمشا قاراجات بەرىلەدى، تۇرعىندار وزدەرى ％25ىن تولەيدى، ولشەمنەن اسقان بولىگىن تۇرعىندار وزدەرىنىڭ ەكونوميكالىق قۋاتىنا قاراي ارقالايدى.
ورناتۋعا قوسىمشا قاراجات بەرىلەدى، پايدالانۋعا ءتيىمدى، بۇل بۇقارانىڭ ”كومىردى ەلەكترگە وزگەرتۋ“ ينجەنەرياسى جونىندەگى ەڭ تىكە اسەرى.
”بۇرىن ءبىر قىستا ۇيدە كومىر جاعۋ ءۇشىن 3000 يۋاننان استام اقشا كەتۋشى ەدى. ەلەكترمەن جىلىتۋ قۇرىلعىسى ورناتىلعاننان كەيىن، 1000 يۋان مولشەرىندەگى ەلەكتر اقىسى جەتىپ اساتىن بولدى. وسىلاي بولعاندا، ءار جىلى 2000 يۋان اينالاسىندا اقشا ۇنەمدەپ قالۋعا بولادى“. شايار اۋدانى قايلور قالاشىعى ىگەرشى قىستاعىنىڭ تۇرعىنى ادىل قۇربان ىشتەي باياعىدا ەگجەي - تەگجەيلى ەسەپ سوعىپ قويىپتى.
بۇقارانى ناعىز تيىمدىلىكتەن يگىلىكتەندىرۋ ءۇشىن، ءار جىلى 10 - ايدىڭ 1 - كۇنىنەن كەلەسى جىلى 4 - ايدىڭ 30 - كۇنىنە دەيىن ەلەكترمەن جىلىتۋدان پايدالانۋشىلار ءار كيلوۆات ساعاتى 22. 0 يۋاندىق وتباسىنا جەتۋ باعاسىنان يگىلىكتەنەدى.
سونىمەن بىرگە جەر - جەر اۆتونوميالى رايوننىڭ قاتىستى تەحنيكالىق ولشەمدەرى بويىنشا جەرگىلىكتى ورىننىڭ كليمات شارت - جاعدايى، تۇرمىس ادەتى، جابدىقتارعا قارجى قوسۋ جانە ءۇي قۇرىلىمى سياقتى فاكتورلارمەن ۇشتاستىرىپ، تۇرعىنداردىڭ قالاۋى مەن تۇرمىس ادەتىنە تولىق قۇرمەت ەتىپ، ”ءبىر وتباسىنا ءبىر جوبا، ءبىر وتباسىنا ءبىر جوسپار“ قولدانۋعا تاباندى بولىپ، ساپاسى جاقسى، جىلىتۋ ونىمدىلىگى جوعارى، ءتيىمدى بولعان ەلەكترمەن جىلىتۋ ءادىسىن قولدانىپ، ەلەكتر ساعاتى ساندىعى، ەلەكتر سىمى باعاناسى، ەلەكتر سىمى، كەرنەۋ وزگەرتكىش سياقتى ەلەكتر قۋاتى نەگىزدىك قۇرىلعىلارىن سايكەستىرۋدى دە عىلمي تۇردە اۋىل - قىستاق ەلەكتر جەلىسىنىڭ قۇرىلىسىندا جوسپارلادى.
ساپا وتكەلىن مىقتى يگەرىپ، وسى زامانعى تۇرمىستان بىرگە يگىلىكتەندى
ءۇيدىڭ ىشىنەن كومىر ىسىنىڭ ءيىسى شىقپايتىن بولدى، اۋا تازاردى؛ اۋلاعا وتىن جانە كومىر ۇيمەيتىن بولدىق، قورشاعان ورتا رەتتى، تازا بولدى؛ بۇكىل قىستاقتا بارلىق ۇيدەن قارا ءتۇتىن بۇرقىراپ جاتپايتىن بولدى، قىستاق كورىكتەندى، قىستاق تۇرعىندارىنىڭ كوڭىل كۇيلەرى دە كوتەرىڭكى. پوسكام اۋدانى اقتام اۋىلى باعاۋات قىستاعىنىڭ 60 جاستان اسقان تۇرعىنى تاشحان تۇردى ءوزىن باقىتتى سەزىندى، ويتكەنى ”بيىل ونىڭ كەڭىردەك قابىنۋى قوزعالمادى“.
”كومىردى ەلەكترگە وزگەرتۋ“ ينجەنەرياسى وتباسىلارىنا كىرەتىن جەلىنى جاڭالاۋدى، بولمە ىشىنە جابدىق ورناتۋدى، ءۇيدىڭ سىرتىنداعى جەرگە جالعاۋ جۇيەسىن ورناتۋدى دا قامتيدى، تاعى اۋىل - قىستاق ەلەكتر جەلىسىن جاڭالاۋ، اۋىل - قىستاق ەلەكتر قۋاتى نەگىزدىك قۇرىلعىلار قۇرىلىسى، تەكسەرۋ، وتكىزىپ الۋ سياقتى قىزمەتتەردى دە قامتيدى. ”قۇرىلىس جۇرگىزىپ ورناتۋ بارىسىندا بۇكىل بارىستا قاتاڭ تۇردە حاۋىپسىز، جۇيەلى جۇمىس جۇرگىزۋ ولشەمى بويىنشا جۇمىس جۇرگىزىلەدى، كەرنەۋىنىڭ، ەلەكترىنىڭ ولشەمگە لايىق كولەمدە بولۋىنا كەپىلدىك ەتىلەدى، ەلەكتر جەلىسىنىڭ حاۋىپسىز دە ورنىقتى جۇمىس جۇرگىزۋىنە شىنايى كەپىلدىك ەتىلەدى“. مەملەكەت ەلەكتر تورى تۇرپان ەلەكترمەن قامداۋ سەرىكتەستىگى قالا اۋماعىن ەلەكترمەن قامداۋ ورتالىعى جۇزىمشىلىك ەلەكترمەن قامداۋ بولىمشەسىنىڭ ورىنباسار باستىعى ياڭ ۋي بىلاي دەدى: ءبىز تاعى كەز - كەلگەن ۋاقىتتا قىستاق تۇرعىندارىنىڭ ۇيلەرىن ارالاپ، ءۇيدىڭ ىشىندەگى جانە ءۇيدىڭ سىرتىنداعى جابدىقتاردى جانە ونىڭ ەلەكتر جولدارىن تەكسەرەمىز جانە كۇتىمدەيمىز.
وتباسىلارىنا ەنگىزۋ ينجەنەرياسى بويىنشا جاڭالاۋدىڭ بەلسەندى، ورنىقتى اتقارىلۋى ءۇشىن، شينجياڭ قۇرىلىس جۇرگىزۋ ساپاسىن جالپى بارىس بويىنشا باقىلاۋ - باسقارۋدى كۇشەيتىپ، ينجەنەريانىڭ ساپا وتكەلىن قاتاڭ يگەرىپ، مەرزىم بويىنشا ينجەنەريانىڭ ساپا حاۋىپسىزدىگىن تەكسەرۋ، ماسەلەلەردى، كومەسكى كىناراتتاردى جاپپاي ءبىر - بىرلەپ تەكسەرۋ ورىستەتىپ، تەحنيكالىق جەتەكشىلىك پەن باۋلۋدى بەلسەنە ورىستەتتى. تەك اقسۋ ايماعىندا 2022 - جىلى ءار دارەجەلى كادرلار جيىنى 763 ادام - رەت تاربيەلەندى، قۇرىلىس جۇرگىزۋشىلەردەن 3100 ادام - رەت تاربيەلەندى، اۋىل - قىستاقتاعى ارتىق ەڭبەككۇشتەردەن 669 ادام سول جەردە، جاقىن ماڭدا باسقا سالاعا ويىسىپ جۇمىستانۋعا قابىلدانىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ اۋىل - قىستاقتى گۇلدەندىرۋمەن ءونىمدى ۇشتاستى.
سونىمەن بىرگە رايونىمىز ”كومىردى ەلەكترگە وزگەرتۋ“ ينجەنەرياسىنىڭ حالىققا ءتيىمدى ساياساتتارى بويىنشا ۇگىت لەكسيانى ۇزدىكسىز ورىستەتىپ، بۇقارانىڭ ات سالىسۋداعى بەلسەندىلىگى مەن ىرىقتىلىعىن جۇمىلدىرىپ، ءار ۇلت بۇقاراسىن حاۋىپسىزدىك تانىمىن جوعارىلاتۋعا جەتەكتەپ، پايدالانۋشىلاردىڭ ەلەكترمەن جىلىتۋ جابدىقتارىنان حاۋىپسىز پايدالانۋىنا جەتەكشىلىك ەتىپ، تەمپەراتۋرانى عىلمي، ۇيلەسىمدى بەلگىلەپ، ەلەكترمەن جىلىتۋدىڭ ەلەكتردى سارىپ ەتۋ مولشەرىن تومەندەتىپ، ”كومىردى ەلەكترگە وزگەرتۋ“ ينجەنەرياسىن اتقارۋدىڭ ونىمدىلىگىن جوعارىلاتىپ، وسى زامانعى وركەنيەتتى تۇرمىس تاسىلىنەن بىرگە يگىلىكتەندى.
”ءبىز الدىن الا كىرىسىپ، جاڭالاناتىن جەلىلەردى بارلاپ، پايدالانۋشىلاردىڭ ينفورماتسيالارىن اداقتاپ، كەلەر جىلعى نىسان قۇرىلىسىنا ويداعىداي دايىندالۋدى جوسپارلاپ وتىرمىز“. مەملەكەت ەلەكتر تورى اۋات اۋداندىق ەلەكترمەن قامداۋ سەرىكتەستىگى تامتوعىراق قالاشىعى ەلەكترمەن قامداۋ بولىمشەسىنىڭ باستىعى لي چيڭسۇڭ مىنانى ءبىلدىردى: ”ءسوزسىز، ’كومىردى ەلەكترگە وزگەرتۋ‘ نىسانىن اناعۇرلىم ويداعىداي ىستەپ، بۇقارانىڭ اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلۋىنە مۇمكىندىك جاسايمىز“.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
