تيانشان الابىنىڭ جاڭا داۋىردەگى تارتىمدى حيكايالارىن ويداعىداي باياندايىق
□ شۇي چيڭگۋاڭ
2022.12.30 16:22 كەلۋ قاينارى : شينجياڭ گازەتى
6 جاس ءاسىلى ادامنىڭ اڭعال دا بالعىن بالالىق جاس شاعى بولۋعا ءتيىس. ايتسەدە ىستىق ىنتاسىنا، تاباندىلىعى مەن باتىلدىعىنا سۇيەنگەن شينجياڭدىق ”سۇيكىمدى بالاقاي“ نيە رۇڭچىن 6 جاسىندا قارلى دالادا جۇلدىزداي جۇيتكىگەن شاڭعى ”مايتالمانى“ بولىپ ”جەتىلىپ“، داۋىرلىك كەرنەۋ كۇشىنە تولى، سان قيلى ”شينجياڭنىڭ تارتىمدى حيكايالارىنىڭ“ نەگىزگى كەيىپكەرىنە اينالدى.
شاڭعى ”مايتالمانى“ نيە رۇڭچىن سياقتى جۇرەكتىلىكپەن ارمان قۋعان حيكايالار شينجياڭدا وتە كوپ. ۇرىمجىدەگى 88 جاستاعى ليۋ جىحۋا اجەي 72 جاسىندا شاڭعى ۇيرەندى، ال ونىڭ ارمانى 100 جاسقا دەيىن شاڭعى تەبۋ؛ شينجياڭدىق جىگىت ”جەل اياق نۇر“ دوپ دەگەندە ىشكەن اسىن جەرگە قويىپ، قاتتى شاعىل تاس ۇستىندە ”ارمانعا قۇلاش سەرمەپ، سارى قۇمدا جاڭا ءورىس اشتى؛ ”شينجياڭدىق ماقتاشى اعاي“ جاڭ حۇڭيۋان ماقتا قىستىرىلعان قوندىرعى باراباندى سوعىپ، باقىتتى دا كورىكتى ءومىردى اسقاق انىمەن جىرلاپ، ەل ىشىندەگى ايگىلى امبەباپ كوركەمونەر كونسەرتى ساحناسىنا شىقتى... وسىنداي تالاي - تالاي ارمانعا، سۇيىسپەنشىلىككە جۇكتى بولعان، تارتىمدى دا قىزىقتى شينجياڭ حيكايالارى شينجياڭنىڭ وسىناۋ توپىراعىن جالىندى تىرشىلىك تىنىسىنا يە ەتىپ، بۇكىل دۇنيە جۇزىندەگى ادامداردىڭ كوكسەگەن جەرىنە اينالدىردى.
شينجياڭ كەڭ دە مىڭ بوياۋلى كورىنىسىمەن كورىكتى، شينجياڭ حيكاياسىنىڭ اياسى كەڭ. ۇلتتار ىنتىماعىنىڭ حيكاياسى، مادەنيەتتىڭ قاتار ءومىر ءسۇرۋ حيكاياسى، قوعامنىڭ جاراسىمدىلىق حيكاياسى، كاسىپ سالاسى جاعىنان شينجياڭدى كوركەيتۋ حيكاياسى، كەدەيلىكتەن ارىلتۋدان قامال الۋ حيكاياسى، ءبىر نيەتپەن ىندەتتى جەڭۋ حيكاياسى، جىبەك جولى ەكونوميكالىق بەلدەۋى وزەكتى رايونى قۇرىلىسى حيكاياسى، تۇنىق سۋ، جاسىل تاۋ − باعالى بايلىق حيكاياسى... ءاربىر اقىل - پاراسات تۇنعان نەمەسە جەر - كوكتى ءدۇر سىلكىندىرگەن حيكايالار بولسىن، بارىندە شينجياڭدىقتاردىڭ اشىق دۇنيە كوزقاراسى، ورگە ۇمتىلعان ءومىر كوزقاراسى، كىرشىكسىز قۇن كوزقاراسى جاتىر، شينجياڭدىقتاردىڭ تۇرمىستى شەكسىز قىزۋ ءسۇيۋى، دۇنيەگە دەگەن ىقىلاس، مەيىرى، قيىنشىلىققا توزىمدىلىكپەن بەتپە - بەت كەلۋى جاتىر. مىنە بۇل شينجياڭنىڭ باۋرامدىلىعى، ءۇمىتى بولىپ تابىلادى.
باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: ”كوپ ساتىلى، جان - جاقتى، ستەرەولدى تۇردە شينجياڭ حيكايالارىن ويداعىداي بايانداپ، شينجياڭنىڭ قوعام ورنىقتىلىعىنىڭ تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ايبىندى ەكپىنمەن ۇگىتتەۋ كەرەك“. دامۋ وزگەرىسى مەن حالىقتىڭ باقىتتى تۇرمىسى شينجياڭنىڭ حيكاياسىن باتىلدىقپەن ويداعىداي بايانداۋداعى ەڭ ۇلكەن ارىن ءارى جۇرت تىلەگىن ۇيىستىراتىن، كۇش - قۋاتتى ۇيىستىراتىن قوزعاۋشى كۇش قاينارى. جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇرعان شينجياڭ جاڭا ساپاردا، ءسوز جوق، ونان ارى ادامنىڭ جان جۇيەسىن تەبىرەنتەتىن، سان قيلى جاڭا حيكايالاردى باياندايتىن بولادى.
جاڭا داۋىردەگى تيانشان الابىنىڭ تاماشا حيكاياسىن ويداعىداي بايانداپ، شينجياڭدىقتاردىڭ جىگەرىن ايگىلەپ، شينجياڭنىڭ ۇمىتكە تولى بولاشاعىن نوبايلاپ، ادامداردىڭ شينجياڭدى شىن جۇرەكتەن سۇيۋىنە مۇمكىندىك جاساۋ ءاربىر مەديا قىزمەتكەرلەرىنىڭ بۇلتارتپاس جاۋاپكەرشىلىگى، ونان دا ماڭىزدىسى، 25 ميلليوننان استام وسىندا تۋىپ، وسىندا ەسەيىپ - ەرجەتكەن شينجياڭدىقتاردىڭ ەڭ قاراپايىم، ەڭ ىقىلاستى تىلەگى.
(”لەپتى لەبىز“ ماقالا جولداۋ پوچتا ساندىعى: xjrbplb@126.com)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
