شينجياڭ ۇيعۇر اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشتى
جەر سىلكىنىسىنەن ساقتانىپ، اپات شىعىنىن ازايتۋ سياقتى قىزمەتتەردى كۇشەيتۋدى اقىلداستى
2022.12.30 16:21 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 12 - ايدىڭ 28 - كۇنى ۇرىمجىدەن حابارلايدى. 12 - ايدىڭ 28 - كۇنى اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 189 - رەتكى ۇنەمىلىك ىستەر ءماجىلىسىن باسقارىپ اشىپ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن جانە جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىنىڭ رۋحىن جەتكىزىپ، دايەكتىلەندىرىپ، تياناقتاندىرىپ، جەر سىلكىنىسىنەن ساقتانىپ، اپات شىعىنىن ازايتۋدى كۇشەيتۋ، عىلىم - تەحنيكا ءتۇزىلىسى رەفورماسىن ىلگەرىلەتۋ، سۋ مەن توپىراقتى ساقتاۋدى كۇشەيتۋ سياقتى جۇمىستاردى اقىلداسىپ، ۇكىمەتتىڭ تاياۋ اراداعى ءتۇيىندى قىزمەتتەرىن ورنالاستىردى.
ءماجىلىس مىنالاردى باسا دارىپتەدى: ورتالىقتىڭ اۋىل - قىستاق قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، اۋىل شارۋاشىلىعىندا قۋاتتى ەل بولۋدىڭ كەلەلى ءمانى مەن اۋىل شارۋاشىلىعىندا قۋاتتى ەل قۇرۋدىڭ جۇڭگوشا ەرەكشەلىگىن تەرەڭ ءتۇسىنىپ، يگەرىپ، اۆتونوميالى رايوندىق پارتكومنىڭ ورنالاستىرۋىن، تالاپتارىن مۇقيات تياناقتاندىرىپ، شينجياڭنىڭ امالياتىمەن تىعىز ۇشتاستىرىپ، رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىن عىلمي جوبالاپ جانە ىلگەرىلەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىنا، ناقتىلانۋىنا شىنايى كەپىلدىك ەتۋ كەرەك. سۋ سىندى وسى ءبىر كەلەلى جۇمىستى جاقسى تىندىرىپ، ەگىستىك جەر قىزىل سىزىعىن باتىل ساقتاپ، كاسىپ سالاسى ارقىلى كومەكتەسۋ - سۇيەمەلدەۋ ساياساتىن تياناقتاندىرىپ، ”8 ءىرى كاسىپ سالاسى شوعىرى“ قۇرىلىسىن ارقاۋ ەتىپ، 1 -، 2 -، 3 - كاسىپتىڭ توعىسپالى دامۋىن ىلگەرىلەتۋ كەرەك. وڭتۇستىك، سولتۇستىك شينجياڭنىڭ سايكەستى دامۋىنا، بيڭتۋان مەن جەرگىلىكتى ورىننىڭ ءبىر تۇلعالى دامۋىنا تاباندى بولىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل - قىستاق رەفورماسىن ۇزدىكسىز تەرەڭدەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى جەدەلدەتۋ كەرەك.
ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ ورنالاستىرۋى بويىنشا، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىن ۇزدىكسىز جاقسى يگەرىپ، ەكونوميكانى ورنىقتىرۋ، ىندەتتەن ساقتانۋ - تىزگىندەۋدىڭ ورنىقتى جاڭا كەزەڭگە ءوتۋى، ءوندىرىس حاۋىپسىزدىگى سياقتى قىزمەتتەردى ۇزدىكسىز مىقتى يگەرىپ، ”ەكىدەن تيتتەي دە اۋىتقىماۋعا“ تاباندى بولىپ، كاسىپورىندارعا ءتيىمدى ءتۇرلى ساياساتتاردى تياناقتاندىرۋ، ەگجەي - تەگجەيلىلەندىرۋ كەرەك. حاۋىپسىز دامۋ ۇستانىمىن مىقتاپ ورناتىپ، ءوندىرىس حاۋىپسىزدىگىندەگى ”ءۇش ءسوز جوق“ تالابىنا ساي، ءوندىرىس حاۋىپسىزدىگى جاۋاپكەرشىلىگىن اناعۇرلىم نىعايتىپ، ناقتىلاندىرىپ، شۇعىل جاعدايعا توتەپ بەرۋ، توسىن وقيعانى ءبىر جاقتى ەتۋ مەحانيزمىنىڭ اقاۋسىزدانۋىن، كەمەلدەنۋىن قۋزاپ، ەلەۋلى، ەرەكشە اۋىر ءوندىرىس حاۋىپسىزدىگى شىرعالاڭىنىڭ تۋىلۋىنان باتىل ساقتانۋ كەرەك. كەلەر جىلعى ۇكىمەت قىزمەتىن مۇقيات جوسپارلاپ، ”ەكىنى ءبىر تۇتاس جوسپارلاۋدى“ اناعۇرلىم ويداعىداي ىلگەرىلەتىپ، ەكونوميكانىڭ جوعارى ساپالى دامۋىن ىلگەرىلەتۋ، زاڭمەن باسقارىلاتىن ۇكىمەت قۇرىلىسى سياقتى جاقتاردا اناعۇرلىم زور تابىستارعا قول جەتكىزۋ كەرەك.
ءماجىلىس مىنالاردى اتاپ كورسەتتى: كەزەكتە رايونىمىزدىڭ ەكونوميكاسى، قوعامى جەدەل دامۋدا، الايدا اۋىر جەر سىلكىنىسى، جويقىن اپات قاتەرىنەن ساقتانۋ مىندەتى اۋىر. جەر - جەر، قاتىستى تاراۋلار ”اۋىر جەر سىلكىنىسىنەن ساقتانۋدى، اۋىر قاتەردەن اراشالاۋدى، جويقىن اپاتتان قۇتقارۋدى“ تياناق ەتىپ، جەر سىلكىنىسىنەن ساقتانىپ، اپات شىعىنىن ازايتۋ قىزمەتىن الدىن الا جوسپارلاپ، قالا - اۋىلدىڭ ءبىر تۇلعالانعان جەر سىلكىنىسىنە قارسى اتتانۋ، ساقتانۋ قۋاتىن ارتتىرىپ، مەحانيزمدى ۇزدىكسىز كەمەلدەندىرىپ، جۇيەنى اقاۋسىزداندىرىپ، جاۋاپكەرشىلىكتى تياناقتاندىرىپ، تۇتاس قوعامنىڭ جەر سىلكىنىسى اپاتىنان ساقتانۋ جانە توتەپ بەرۋ قابىلەتىن ارتتىرىپ، اۋىر جەر سىلكىنىسى اپاتى قاتەرىنەن ءونىمدى ساقتانۋ جانە ونى جويۋ كەرەك.
ءماجىلىس مىنالاردى باسا دارىپتەدى: شينجياڭ ماڭىزدى ستراتەگيالىق وراي كەزەڭىندە تۇر، عىلىم - تەحنيكادا جاڭالىق اشۋ ارقىلى جوعارى ساپالى دامۋدى جەدەل ىلگەرىلەتۋگە ايرىقشا مۇقتاج. جەر - جەر، تاراۋلار عىلىم - تەحنيكا ءتۇزىلىسى رەفورماسىنىڭ 3 جىلدىق قامال الۋ ارەكەت جوسپارىن تۇتقا ەتىپ، نازاردى ولقى، ءالسىز نىساندارعا شوعىرلاندىرا وتىرىپ ۇزدىكسىز كۇش سالىپ، ”4 جاق سەلبەسۋ“ مەحانيزمى مەن عىلىم - تەحنيكا ارقىلى شينجياڭعا كومەكتەسۋ مەحانيزمىنەن ويداعىداي پايدالانىپ، عىلىم - تەحنيكادا جاڭالىق اشۋ ۇسىنىلىم جۇيەسىن كەمەلدەندىرىپ، حالىقارالىق سەلبەستىكتى، اۋىس - كۇيىستى كەڭەيتىپ، ”ءبىر بەلدەۋ، ءبىر جول“ عىلىم - تەحنيكادا جاڭالىق اشۋ ارەكەت جوسپارىن ىشكەرىلەي اتقارىپ، باعالاۋ مەحانيزمىن ورناتىپ، اقاۋسىزداندىرىپ، ءار جاقتىڭ جاۋاپكەرشىلىگىن ناقتىلاندىرىپ، رەفورما شارالارىنىڭ تياناقتانۋىنا، ناقتىلانۋىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: سۋ مەن توپىراقتى ساقتاۋ − ەلىمىزدىڭ ەكولوگيالىق وركەنيەت قۇرىلىسىنىڭ ماڭىزدى قۇرامداس بولەگى، مەملەكەتتىڭ ەكولوگيا حاۋىپسىزدىگىنە، تاسقىننان ساقتانۋ حاۋىپسىزدىگىنە، اۋىز سۋ حاۋىپسىزدىگىنە جانە استىق حاۋىپسىزدىگىنە قاتىستى. الدىن الۋدى نەگىز ەتۋگە، قورعاۋدى الدىمەن ەسكەرۋگە تاباندى بولىپ، تابيعي قالپىنا كەلۋگە باسا ءمان بەرىپ، جان - جاقتى وڭاۋدى كورنەكتىلەندىرىپ، باقىلاۋ - باسقارۋدى كۇشەيتىپ، ءتۇزىلىس - مەحانيزمدە جاڭالىق اشىپ، سۋ مەن توپىراقتى ساقتاۋدىڭ ەكولوگيالىق، ەكونوميكالىق جانە قوعامدىق ونىمدىلىگىن تولىق ساۋلەلەندىرىپ، سۋ، توپىراق بايلىعىنان باياندى پايدالانۋدى جۇزەگە اسىرۋ كەرەك.ءماجىلىس تاعى باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
