14 ايماق، وبلىس، قالا جانە 65 مادەنيەت، ساياحات كاسىپورنى كورمەگە قاتىناستى
شىنجىن مادەنيەت كورمەسىندە شينجياڭ سارايى ”ۇنامدى، تارتىمدى، دۋماندى“ بولدى
2022.12.30 16:29 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى ءابيبا، گاۋ شۇي 12 - ايدىڭ 28 - كۇنى شىنجىننان حابارلايدى. «ماناس» شىرقالدى، شينجياڭ ءان - ءبيى ورىندالدى... 12 - ايدىڭ 28 - كۇنى 18 - كەزەكتى جۇڭگو (شىنجىن) حالىقارالىق مادەنيەت كاسىپ سالاسى كورمە - ساۋدا جارمەڭكەسى اشىلدى، كوزدىڭ جاۋىن الاتىن ءارى شاتتىققا تولعان شينجياڭ سارايى مادەنيەت پەن ساياحاتتى توعىستىرۋ. مادەنيەت تۇتىنۋ سارايىنداعى ەڭ دۋماندى الاڭ - سارايعا اينالدى.
شىنجىن مادەنيەت كورمەسى − مەملەكەت دارەجەلى حالىقارالانعان، جالپىلىق سيپاتتى مادەنيەت كاسىپ سالاسى كورمە - ساۋدا جارمەڭكەسى، 2004 - جىلى رەسمي وتكىزىلگەننەن بەرى جۇڭگو مادەنيەت كاسىپ سالاسىنىڭ دامۋىنا جەتەكشىلىك ەتەتىن ماڭىزدى قوزعالتقىشقا، جۇڭحۋا مادەنيەتىنىڭ سىرتقا شىعۋىن ىلگەرىلەتەتىن ماڭىزدى تۇعىرعا جانە مادەنيەتتى سىرتقا اشىق ۇستاۋ ءورىسىن كەڭەيتەتىن ماڭىزدى تەرەزەگە اينالدى، شينجياڭ ءۇرتىس 15 جىل ۇيىرمە ۇيىمداستىرىپ كورمەگە قاتىناستى.
سول كۇنى تۇستەن كەيىن «شينجياڭ جاقسى جەر − جەلەگىڭدى اش» اتتى كولەمدى ءان - ءبي، جىر، سۋرەتتەردىڭ كورسەتىلۋىمەن جانە «ماناستىڭ» تارتىمدى ورىندالۋىمەن شينجياڭ سارايى رەسمي اشىلدى. كورمە سارايى انار جانە جىبەك جولىن جاسامپازدىقتىڭ قاينارى ەتكەن، تۇتاس تۇلعاسى قۇلپىرا اشىلعان انار گۇلىنە ۇقسايدى، اق، التىن سارى، قىزىل تۇستەر ارقىلى بوياۋ بەرىلىپ، سيفرلاندىرىلعان كورمە ورنالاستىرۋعا جانە كوركەمدىك ورنالاستىرۋىنا ايرىقشا دەن قويىلىپ، عىلىم - تەحنيكا اسەرى، قولدانىلمالىلىعى، تۇلعالىلىعى جانە ءبىر تۇتاستىعى كورنەكتىلەندىرىلگەن.
اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ ورىنباسار باستىعى تاڭ ۋىن بىلاي دەپ تانىستىردى: بيىل شينجياڭ سارايى مەن ءۇرىمجى سارايى بىرگە اشىلدى، كورمە كولەمى 600 شارشى مەتر. شينجياڭ سارايى ”شينجياڭ جاقسى جەر“ نەگىزگى تاقىرىبىندا بىرگە اڭگىمەلەسۋ · مول تابىستى شينجياڭ، بىرگە تاماشالاۋ · كورىكتى شينجياڭ، بىرگە كورۋ · جۇلگەلى شينجياڭ، بىرگە يگىلىكتەنۋ · ىزەتتى شينجياڭ، بىرگە تاماشالاۋ · سيفرلى شينجياڭ جانە ورتاق سي · ءدامدى تاعامعا تولى شينجياڭ سىندى 6 بولەككە ءبولىندى، شينجياڭنان 14 ايماق، وبلىس، قالا جانە 65 مادەنيەت، ساياحات كاسىپورنى كورمەگە قاتىناستى. ”بيىل شينجياڭ سارايى شينجياڭنىڭ مادەنيەت، ساياحات حيكايالارىن دەن قويا، ىقىلاسپەن اڭگىمەلەپ، كوپشىلىككە شينجياڭنىڭ مادەنيەت جانە ساياحات كاسىپ سالاسىنىڭ جۋىق جىلداردان بەرگى دامۋ تابىستارىن كورسەتۋمەن بىرگە، شينجياڭنىڭ كوركەمدىگىن ءار قىرىنان تولىق ايگىلەدى“، - دەدى تاڭ ۋىن.
ءۇرتىس 2 جىل شىنجىن مادەنيەت كورمەسىنە قاتىناسقان شينجياڭ وحۋ مادەنيەت مەديا تاراتۋ شەكتى سەرىكتەستىگىنىڭ نەگىزىن سالۋشى جاڭ كاي تاماشالاي كەلگەندەرگە توسىن قۋانىش، ياعني تۇڭعىش رەت بوي كورسەتكەن شينجياڭ قار - مۇز ساياحاتىنىڭ IP وبرازى ”شۋەياڭياڭ“ مەن وسى وبراز نەگىزىندە جاسالعان شينجياڭ قار - مۇز ساياحات ءانىنىڭ ءان MVىن سيلادى. ”’شۋەياڭياڭ‘ بەينە شينجياڭنىڭ اق مامىق قارى سياقتى باۋىرمال ءارى اشىق - جارقىن، مادەنيەت كورمەسىندە كورسەتىلۋى ينتەرنەت جەلىسى ارقىلى اناعۇرلىم كوپ ادامدى شينجياڭعا كەلىپ شاڭعى تەۋىپ، قاردى تاماشالاۋعا ۇسىنىس ەتۋ بولماق“، - دەدى جاڭ كاي.
شينجياڭنىڭ ۇلتتىق كيىم - كەشەكتەرى، بەس جۇلدىز شىعىستان كوتەرىلدى، چاۋحۋ شياڭشياڭ سياقتى شينجياڭ ەرەكشەلىگىنە يە مادەنيەت جاسامپازدىعى ونىمدەرى جانە حوتان قاس تاسىنان تىس، شينجياڭ سارايى تاعى تۇڭعىش رەت تەرى شاڭعى، تالشىق كوركەمونەرلىك تەرى سۋرەت سياقتى بەيزاتتىق مادەنيەت مۇرالارى نىساندارىن اكەلدى. شينجياڭنىڭ بەيزاتتىق مادەنيەت مۇراسى تەرى شاڭعى جاساۋ ونەرىن جالعاستىرۋشى سىلامبەك ساقىش اكەلگەن تەرى شاڭعى سول كۇنى شينجياڭ سارايىنىڭ جارقىن تۇيىنىنە اينالدى، ”وسى رەتكى كەلۋىم تەرى شاڭعى تەحنولوگياسىن كورسەتۋ، كوپشىلىكتى التايعا بارىپ شاڭعى تەۋىپ، شينجياڭنىڭ قارلى دالا، مۇزدى شىڭدارىنان قار - مۇز سپورتىنىڭ تارتىمدىلىعىن سەزىنۋگە شاقىرۋ ءۇشىن“، - دەدى ول.
اۆتونوميالى رايوندىق مادەنيەت جانە ساياحات مەڭگەرمەسىنىڭ 2 - دارەجەلى شارلاۋشىسى لياڭ جيان بىلاي دەدى: بيىل شينجياڭ سارايى ۇزدىكسىز ”شينجياڭ جاقسى جەر“ دەگەندى كورمەگە قاتىناسۋداعى نەگىزگى تاقىرىپ ەتىپ، شينجياڭنىڭ جاسامپازدىقتى كادەگە جاراتقان، جۇڭحۋانىڭ تاڭداۋلى ءداستۇرلى مادەنيەتىن جاڭالىق اشىپ دامىتقان ونىمدەرىن ءتۇيىندى تۇردە ايگىلەپ، سيفرلى مادەنيەتتىڭ تىڭ جەتىستىكتەرى، مادەنيەت پەن ساياحاتتى توعىستىرعان جاڭا كاسىپ كۇيى، مادەنيەتتىك تۇتىنۋدىڭ جاڭا ۇلگىسى سياقتىلاردى كورنەكتىلەندىرە كورسەتىپ، رايونىمىزدىڭ مادەنيەت - ساياحات ىستەرىنىڭ جوعارى ساپالى دامۋ كۇيىن جان - جاقتىلى كورسەتەدى. ”اسىرەسە، بيىل شينجياڭنىڭ قار - مۇز ساياحاتى دا مادەنيەت كورمەسىنەن ورىن الىپ، تاماشالاۋشىلاردىڭ ۇنامدى، تارتىمدى، دۋماندى بولۋ بارىسىندا شينجياڭ جاقسى جەر ەكەندىگىن ءار قىرىنان، جان - جاقتى سەزىنۋىنە مۇمكىندىك جاسادى“، - دەدى لياڭ جيان.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
