جۇڭگو - رەسەي ەكى ەلدىڭ مەملەكەت باسشىلارى ءوزارا جاڭا جىلدى قۇتتىقتاۋ تەلەگرامماسىن جولدادى
جۇڭگو - رەسەي ەكى ەلدىڭ زۇڭليلەرى ءوزارا جاڭا جىلدى قۇتتىقتاۋ تەلەگرامماسىن جولدادى
2023.01.03 14:18 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 31 - كۇنى، بەيجيڭ. 2022 - جىلى 12 - ايدىڭ 31 - كۇنى مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين ءوزارا جاڭا جىلدى قۇتتىقتاۋ تەلەگرامماسىن جولدادى.
شي جينپيڭ جۇڭگو ۇكىمەتى مەن جۇڭگو حالقى اتىنان پۋتين زۇڭتۇڭعا جانە رەسەي حالقىنا شىن ىقىلاستى قۇتتىقتاۋ ايتتى جانە ىزگى تىلەك تىلەدى. شي جينپيڭ بىلاي دەپ اتاپ كورسەتتى: 2022 - جىل وتە وزگەشە ءبىر جىل بولدى. جەدەل قۇبىلعان حالىقارالىق جاعداي مەن ۇزدىكسىز ورشىگەن دۇنيە جۇزىلىك ىندەت الدىندا جۇڭگو - رەسەي قارىم - قاتىناسى باستان - اياق اقاۋسىز دامۋ جاعدايىن ساقتادى. وسى ءبىر جىلدا جۇڭگو مەن رەسەيدىڭ ەكونوميكا - ساۋدا سەلبەستىگى نىق قاداممەن ىلگەرىلەدى، ەنەرگيا، قارجى قوسۋ، ۇلاستىرۋ - تۇتاستىرۋ سياقتى سالالارداعى سەلبەستىكتە تىڭ جەتىستىكتەرگە قول جەتىپ، ەكى ەلدىڭ بىرگە دامۋىنا دەم بەردى. ەكى جاق جۇڭگو - رەسەي دەنەتاربيە اۋىس - كۇيىس جىلىن رەسمي باستاپ، ەكى ەل حالىقتارىنىڭ ءبىرىن - ءبىرى ءتۇسىنۋى مەن ءداستۇرلى دوستىعى ونان ارى تەرەڭدەدى.
شي جينپيڭ بىلاي دەپ اتاپ كورسەتتى: كەلە جاتقان 2023 - جىل − جۇڭگونىڭ ج ك پ 20 - قۇرىلتايى رۋحىن جاپپاي تياناقتاندىراتىن باستاما جىلى، جۇڭگو - رەسەي قارىم - قاتىناسى دا جاڭا دامۋ ورايىن قارسى الادى. مەن پۋتين زۇڭتۇڭمەن تىعىز بايلانىستى ساقتاپ، ەكى جاقتىڭ جان - جاقتى ستراتەگيالىق سەلبەستىگى مەن ءتۇرلى سالاداعى ناقتى ىستەر سەلبەستىگىن تەرەڭدەتۋىنە جەتەكشىلىك ەتىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايمىن.
پۋتين زۇڭتۇڭ ءتوراعا شي جينپيڭدى مەرەكە بايلانىسىمەن شىن جۇرەكتەن قۇتتىقتادى، دوس جۇڭگو حالقىنىڭ باقىتتى، ساۋ - سالامات بولۋىن تىلەدى. پۋتين مىنالاردى ءبىلدىردى: ءوتىپ بارا جاتقان ءبىر جىلدا رەسەي - جۇڭگو جان - جاقتى ستراتەگيالىق سەلبەستىك سەرىكتەستىك قارىم - قاتىناسى ۇزدىكسىز كۇشەيىپ، قۋاتتى دامۋ ارىنىن ايگىلەپ، سىرتقى سىن - سايىسقا، سىنعا توتەپ بەردى. ەكى ەلدىڭ ساياسي تىلدەسۋىنىڭ مازمۇنى باي، ەكى جاقتى ساۋدا سوماسى تاريحتاعى جاڭا دەڭگەيدى جاراتىپ، شەكارا اتتاعان كەلەلى قاتىناس نەگىزدىك قۇرىلعىلار نىسانى قۇرىلىسى اياقتادى. رەسەي - جۇڭگو دەنەتاربيە اۋىس - كۇيىس جىلىنىڭ ءساتتى وتكىزىلۋى ەكى جاقتىڭ گۋمانيتارلىق سەلبەستىگىن ىلگەرىلەتۋگە ماڭىزدى ۇلەس قوستى. بىرگە قۇلشىنۋ ارقىلى ەكى جاقتىڭ ەكى ەل سەلبەستىگىن تىڭ دا اناعۇرلىم جوعارى دەڭگەيگە كوتەرىپ، رەسەي - جۇڭگو ەكى ەل حالىقتارىن باقىتقا كەنەلتەتىنىنە سەنەمىن.
سول كۇنى مەملەكەتتىك كەڭەستىڭ زۇڭليى لي كىچياڭ رەسەيدىڭ زۇڭليى ميشۋستينمەن ءوزارا جاڭا جىلدى قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: وتكەن ءبىر جىلدا جۇڭگو مەن رەسەيدىڭ جان - جاقتى ناقتى سەلبەستىگى ۇزدىكسىز تەرەڭدەپ، گۋمانيتارلىق اۋىس - كۇيىسى كۇن سايىن جيىلەپ، ەكى ەل دوستىعىنىڭ قوعامدىق، حالىق رايى نەگىزى بارعان سايىن بەكەمدەلدى. ەكى جاق جۇڭگو - رەسەي زۇڭليلەرىنىڭ 27 - رەتكى مەرزىمدى ديدارلاسۋىن ءساتتى وتكىزىپ، ماڭىزدى ورتاق تانىمعا كەلدى. مەن ميشۋستين زۇڭليمەن تىلدەسۋدى، اۋىس - كۇيىستى كۇشەيتىپ، ەكى ەلدىڭ ءتۇرلى سالاداعى ناقتى سەلبەستىگىندە ءتىپتى دە كوپ ناقتى جەتىستىكتەرگە قول جەتكىزۋدى ىلگەرىلەتۋدى قالايمىن. ميشۋستين مىنالاردى ءبىلدىردى: رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسى ۇزدىكسز العا دامۋدا، ەكى ەل زۇڭليلەرىنىڭ مەرزىمدى ديدارلاسۋى جۇلگەسىندە كەلىسكەن ءتۇرلى ورتاق تانىمداردىڭ ەكى ەلدىڭ ستراتەگيالىق سەلبەستىگىن نىعايتۋعا، ەكى ەل حالىقتارىنىڭ قۇت - ىرىسىن ارتتىرۋعا ءتيىمدى بولاتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
