ءبىر جىلدا ون مىڭ يۋانداي اقشا تاباتىن ەتىكشى 14 جىلدا 80 مىڭ يۋاندى جىلۋعا اتاعان
2023.01.03 16:17 كەلۋ قاينارى : حالىق تورابى
جياڭسۋ ولكەسى حۋاي – ان قالاسى حۋاي – ان رايونىنداعى جۇپىنى عانا ەتىكشى دۇكەنىندە 77 جاستاعى اياق كيىم جامايتىن كاريا تۇرادى، بيىل ونىڭ اياق كيىم جاماعانىنا 45 جىلدىڭ ءجۇزى بولعان.
كاريا بالا كۇنىندە اۋرۋعا شالدىعىپ، ءومىر بويى دوڭگەلەكتى ورىندىقتا وتىراتىن بولىپ قالعان. بۇگىنگى تاڭدا، جۇبايى ەكەۋى ءبىر – بىرىنە قارايلاسادى، تاڭعى ساعات 8 دەن تۇستەن كەيىنگى ساعات 5 كە دەيىن، كاريا ءار كۇنىن دەرلىك اياق كيىم جاماۋ دۇكەنىندە وتكىزەدى. ونىڭ ءبىر جۇپ اياق كيىم جاماۋدان تاپقان «تابىسى» كەيدە ءتىپتى بىرنەشە يۋان عانا، ءبىر جىل جاپا شەككەندە 10 مىڭ يۋاننان استام عانا كىرىس كىرگىزەدى.
الايدا، 14 جىلدان بەرى، اياق كيىم جاماۋدان تاپقان تابىسى ارقىلى ول ۋىنچۋان، يا – ان، لۋديان قاتارلى جەرلەردە جەر سىلكىنىسى تۋىلعاندا جىلۋ اتاعان، مۇنان سىرت، وتباسى كەدەي وقۋشىلاردان 30 نەشە وقۋشىعا اقشالاي كومەك بەرىپ، ولاردىڭ ءبىلىم الۋ ارمانىن جالعاستىرۋىنا كومەكتەسكەن.
ون جىلدان استام ۋاقىتتان بەرى، ول جيىنى 80 مىڭ يۋاننان استام اقشانى جىلۋعا اتاعان. بىرەۋلەر وعان كەڭەس بەرىپ: «اقشا تابۋىڭ وڭاي ەمەس، ازىراق جىلۋعا اتاپ، كوڭىلىڭدى بىلدىرسەڭ بولدى – عوي»، — دەگەندە، ول: «ىشەرگە تاماعىم، كيەگەر كيىمىم، باسىمدا باسپانام بولسا جەتەدى»، — دەپ جاۋاپ بەرىپ، ءوز ويىنان قايتپاي جىلۋ اتايدى.
بۇل كاريانىڭ اتى ۋاڭ جيانرۇڭ، ول 3 جاستاعى كەزىندە بالالاردا بولاتىن سال اۋرۋىنا شالدىعىپ، ەكى اياعىنان سالدانىپ قالعان.
32 جاسىنان باستاپ، ول اياق كيىم جاماۋدى وزدىگىنەن ۇيرەنەدى، 41 جاسىندا باسقالاردىڭ تانىستىرۋىمەن ۇيلەنەدى. جۇبايى ەكەۋى ءومىر بويى قۇلشىنىپ، تالاي ادامنىڭ كومەگىنە يە بولادى. بىلتىر جەرگىلىكتى ورىنداعى ۇكىمەت وعان اياق كيىم جامايتىن دۇكەن سالىپ بەرىپ، ونىڭ اياق كيىم جاماۋىنا جايلى ورتا جاراتىپ بەرەدى.
كۇن كورىستەرى جاقسارعان سايىن، ولار: ءال – اۋقاتىمىز بەن كىرىسىمىز باردا، قوعامداعىلاردىڭ جاقسىلىعىن وتەۋىمىز كەرەك، — دەپ ويلايدى. ۋاڭ جيانرۇڭنىڭ تىلشىگە: «وسى جىلدارى مەنى ەڭ قۋانتاتىن ءىس كومەكتەسكەن بالالاردىڭ داشۋەگە ءوتىپ، داشۋەگە بارعان سوڭ ۇنەمى تەلەفون سوعىپ، جاعدايىمدى ۇعىسىپ تۇراتىنى. ءار رەت تەلەفون كەلگەن سايىن، قاتتى قۋانامىن. بالالار داشۋەگە ءوتتى، مەنىڭ قۇلشىنىسىم تەككە كەتكەن جوق»، — دەيدى.
ۋاڭ جيانرۇڭنىڭ ايتۋىنشا، ول اياق كيىم جامايتىن دۇكەندى جالعاستى اشا بەرمەكشى، باسقالارعا كومەكتەسەتىن ءىستى دە جالعاستىرا بەرمەكشى. ءومىردىڭ اشتى – تۇشتىستى از بولماعانىمەن، ول ءوزىنىڭ ونەرىنە، تاباندىلىعىنا سۇيەنىپ، كولدەي مەيىرىن توگە بەرمەك.
زامانا – شالقىعان ءان، قاراپايىمدىلىقتان ۇلىلىق تۋىندايدى.
كارياعا زور دەنساۋلىق، ۇزاق عۇمىر تىلەيمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
