لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2023.01.05 19:52 كەلۋ قاينارى : حالىق تورابى
ماڭىزدى حالىق تۇرمىسى تاۋارلارىمەن جانە ەنەرگيامەن قامداۋ، باعانى ورنىقتىرۋ سياقتى قىزمەتتەردى اناعۇرلىم ويداعىداي ىستەۋ جونىندە ورنالاستىرۋ جاساپ، بۇقارانىڭ تۇرمىسى مەن كاسىپورىنداردىڭ ءوندىرىس قاجەتىن قامتاماسىز ەتتى؛ ءتۇيىندى حالىق تۇرمىسى قىزمەتىن ناقتى، ەگجەي - تەگجەيلى يگەرىپ، بۇقارانىڭ كوكتەم مەرەكەسىن جاقسى وتكىزۋىنە كەپىلدىك ەتۋدى تالاپ ەتتى
شينحۋا اگەنتتىگى، 1 - ايدىڭ 4 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 3 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ماڭىزدى حالىق تۇرمىسى تاۋارلارىمەن جانە ەنەرگيامەن قامداۋ، باعانى ورنىقتىرۋ سياقتى قىزمەتتەردى اناعۇرلىم ويداعىداي ىستەۋ جونىندە ورنالاستىرۋ جاساپ، بۇقارانىڭ تۇرمىسى مەن كاسىپورىنداردىڭ ءوندىرىس قاجەتىن قامتاماسىز ەتتى؛ ءتۇيىندى حالىق تۇرمىسى قىزمەتىن ناقتى، ەگجەي - تەگجەيلى يگەرىپ، بۇقارانىڭ كوكتەم مەرەكەسىن جاقسى وتكىزۋىنە كەپىلدىك ەتۋددى تالاپ ەتتى.
ءماجىلىس مىنالاردى اتاپ كورسەتتى: وتكەن ءبىر جىلدا ەلىمىزدىڭ زات باعاسى ورنىقتى بولدى، استىق، ەنەرگيا سياقتىلارمەن ورنىقتى قامداۋ قۋاتى اناعۇرلىم جوعارىلادى، بۇل وڭاي – وسپاق قولعا كەلمەدى، ەكونوميكانى ورنىقتىرۋعا، حالىق تۇرمىسىن قامتاماسىز ەتۋگە پارمەندى تىرەك ازىرلەدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، ماڭىزدى حالىق تۇرمىسى تاۋارلارى، ەمدەۋ زاتتىق ماتەريالدارى، ەنەرگيا سياقتىلارمەن قامداۋدى، باعانى ورنىقتىرۋدى اناعۇرلىم كۇشەيتىپ، كوكتەم مەرەكەسى كەزىندە بازار قامداۋىنىڭ جەتكىلىكتى بولۋىنا جانە باعانىڭ ورنىقتى بولۋىنا شىنايى كەپىلدىك ەتىپ، بۇقارانىڭ ءدارى - دارمەك قاجەتىن جانە قىستان قىسىلماي ءوتۋىن قامتاماسىز ەتۋ كەرەك. ءبىرىنشى، استىققا ولكە باستىعى جاۋاپتى بولۋ ءتۇزىمىن، كوجە قاتىققا قالا باستىعى جاۋاپتى بولۋ ءتۇزىمىن ونان ارى ناقتىلاندىرىپ، بازاردى ورنالاستىرۋدى دەر كەزىندە ويداعىداي ىستەپ، شاعىن قوراپتى استىق - ماي تۇرلەرىن مولايتىپ، وڭتۇستىكتىڭ كوكونىسىن سولتۇستىككە جەتكىزۋدى، باتىستىڭ جەمىسىن شىعىسقا جەتكىزۋدى كۇشەيتىپ، قوردى ۇيلەسىمدى رەتتەۋ، سونىمەن بىرگە، باسقا دا ماڭىزدى حالىق تۇرمىسى تاۋارلارى ءوندىرىسى مەن قامداۋ - ساتۋدى ۇشتاستىرۋدى ويداعىداي يگەرۋ كەرەك. كوكتەمگى ەگىس دايىندىعى جانە حيميالىق تىڭايتقىش سياقتى اۋىل شارۋاشىلىق ماتەريالدارىن قامتاماسىزداندىرۋعا قىزمەت وتەۋ قىزمەتىن ويداعىداي ىستەپ، استىق ءوندىرىسىن ونان ارى ناقتىلاندىرىپ، زات باعاسىن ورنىقتىرۋ نەگىزىن بەكەمدەۋ كەرەك. ەكىنشى، ەمدەۋ، ىندەتتەن ساقتانۋ ماتەريالدارىمەن قامداۋ قۋاتىن مۇمكىندىكتىڭ بارىنشا جوعارىلاتىپ، ءتۇيىندى كاسىپورىندارعا ءتىزىم ورناتىپ، تولىق وندىرىسكە قولداۋ كورسەتىپ، شيكىزاتپەن قامداۋ، جۇمىسشى ىستەتۋ، قارجى سياقتى جاقتاردا جولىققان قيىنشىلىقتاردى دەر كەزىندە سايكەستىرىپ شەشىپ، ءوندىرىس پەن قامداۋدىڭ ءۇزىلىسسىز بولۋىنا كەپىلدىك ەتۋ كەرەك. ءدارى - دارمەك سياقتى ەمدەۋ ماتەريالدارىن رەتتەپ - جەتكىزۋدى كۇشەيتىپ، ەمدەۋ قۇرىلىمدارى، ۇيدە جاتقان ناۋقاستار، قارتتار كۇتىمحاناسى، اۋىل - قىستاق رايوندارى قاتارلىلاردىڭ قاجەتىن قامتاماسىزداندىرىپ، ىندەتتەن ساقتانۋدى قامتاماسىزداندىرۋ كەرەك. ەمدەۋ قامسىزداندىرۋ كولەمىنە ەنگىزىلگەن اۋرۋ كورسەتۋ مەن ءدارى-دارمەك قاراجاتىن مۇمكىندىكتىڭ بارىنشا ەسەپتەن كوتەرۋ كەرەك. ءۇشىنشى، ەنەرگيامەن قامداۋدى اناعۇرلىم ويداعىداي يگەرۋ كەرەك. كومىردىڭ وزىق ءوندىرىس قۋاتىن ۇزدىكسىز جارىققا شىعارىپ، كومىر، ەلەكتر كاسىپورىندارىنىڭ قيىنشىلىق قىسپاعىنان قۇتىلۋىنا كومەكتەسۋ ساياساتىن تياناقتاندىرىپ، ەنەرگيا كاسىپورىندارىنىڭ مەرەكە كەزىندە حاۋىپسىز، قالىپتى ءوندىرىس جۇرگىزۋىنە قولداۋ كورسەتىپ، ەنەرگيانى رەتتەۋدى كۇشەيتىپ، ەلەكترمەن، تابيعي گازبەن قامداۋدى قامتاماسىز ەتۋ جوباسىن ويداعىداي جاساپ، حالىق تۇرمىسىنا ەنەرگيا پايدالانۋعا كەپىلدىك ەتىپ، ءتۇيىندى وڭىرلەردىڭ، كاسىپتەردىڭ جانە كاسىپورىنداردىڭ ەنەرگيادان پايدالانۋىن قامتاماسىز ەتۋدى كۇشەيتۋ كەرەك. ءتورتىنشى، قاتىناس، زات تاسىمالىنىڭ كۇرە تامىرىن، ميكرو اينالىمنىڭ ىركىلىسسىزدىگىن قامتاماسىز ەتۋ قىزمەتىن ۇزدىكسىز جاقسى ىستەۋ كەرەك. زات اينالىمى كاسىپورىندارىنىڭ تاسىمال قۋاتىن ۇيلەسىمدى ورنالاستىرۋىنا قولداۋ كورسەتىپ، ءبىرىنشى شەپتەگى كۇشتەردى تولىقتاپ، جەدەل جەتكىزۋشىلەر، تاماق تاسۋشىلار قاتارلى ادامدارعا كوڭىل ءبولىپ، قامقورلىق جاساپ، قىزمەت وتەۋدە جولىعۋى مۇمكىن بولعان بوگەتتەردى دەر كەزىندە اشىپ، كوكتەم مەرەكەسى كەزىندە پوچتا ارقىلى جەدەل جەتكىزۋدىڭ ورنىقتى اينالىمىن قامتاماسىز ەتۋ كەرەك. بەسىنشى، جەرگىلىكتى ورىنداردىڭ قيىنشىلىعى بار بۇقاراعا بەلگىلەمە بويىنشا دەر كەزىندە باعا ۋاقىتتىق قوسىمشا قاراجاتىن تاراتۋىنا جەتەكشىلىك ەتۋ كەرەك. التىنشى، بازار مەن باعانى باقىلاۋ - باسقارۋدى كۇشەيتىپ، تاۋاردى باسىپ قويۋ، باعانى جوعارىلاتۋ سياقتى ارەكەتتەردى زاڭ بويىنشا تەكسەرىپ ءبىر جاقتى ەتۋ كەرەك.
ءماجىلىس مىنالاردى اتاپ كورسەتتى: كوكتەم مەرەكەسى تاياپ قالدى، ءتۇيىندى حالىق تۇرمىسى قىزمەتىن دەن قويا، ەگجەي - تەگجەيلى ويداعىداي ىستەۋ كەرەك. ءبىرىنشى، شارۋا جۇمىسكەرلەردىڭ ەڭبەكاقىسىن بەرۋدى ناقتى، ەگجەي - تەگجەيلى قامتاماسىزداندىرۋ كەرەك. ينجەنەريا قۇرىلىسى سالاسىن ءتۇيىن ەتىپ، ۇكىمەت ينجەنەرياسى مەن مەملەكەت مەنشىگىندەگى كاسىپورىن نىساندارىندا جۇمىسشىلاردىڭ ەڭبەكاقىسىن ۋاعىندا تاراتپاعاندارعا قاراتا دەرەۋ رەتتەۋ تۇزەتۋ جۇرگىزىپ، كوكتەم مەرەكەسىنەن بۇرىن ەڭبەكاقىنى تۇگەلدەي تولەپ بولۋعا كۇش سالۋ كەرەك. قازىرشە شەشۋ قيىن بولعان ەڭبەكاقىعا قارىزدار بولۋ ماسەلەسىنە قاراتا جەرگىلىكتى ۇكىمەتتەر ەڭبەكاقى كەپىلدىك اقشاسى، شۇعىل جاعدايعا توتەپ بەرۋ اينالىم قارجىسى سياقتى زاپاس قارجىلاردان پايدالانىپ، شۇعىل قولداۋ كورسەتۋى كەرەك. ساۋدا، مانەرلەۋ - جاساۋ سياقتى سالالارداعى قيىنشىلىعى بار كاسىپورىنداردىڭ ەڭبەكاقىسىن كەشەۋىلدەتۋ ماسەلەسىن ءبىر تۇتاس سايكەستىرىپ شەشۋ كەرەك. ۇقىقتى قورعاۋ ارناسىن ىركىلىسسىزدەندىرىپ، ەڭبەكاقىنى جات نيەتپەن كەشەۋىلدەتۋ ارەكەتىنە زاڭ بويىنشا سوققى بەرۋ كەرەك. شارۋا جۇمىسكەرلەردىڭ زاڭدى ۇقىق - مۇددەسىن قامتاماسىز ەتۋ ارقىلى ولاردىڭ سەنىمىن كۇشەيتىپ، كوكتەم مەرەكەسىنەن كەيىن شارۋا جۇمىسكەرلەردىڭ جۇمىسقا ورنالاسۋ شاماسىنىڭ، جۇمىس ورنىنا ورالۋ شاماسىنىڭ ورنىقتىلىق نەگىزىندە جوعارىلاۋىنا كۇش سالۋ كەرەك. ەكىنشى، قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋدى ويداعىداي ىستەۋ كەرەك. ەڭ تومەنگى تۇرمىستى قامتاماسىزداندىرۋ، قيىنشىلىعى بارلارعا كومەكتەسۋ، جۇمىسسىزدارعا كومەك بەرۋ جانە قۇتقارۋ سياقتى قارجىلاردى دەر كەزىندە تولىق تاراتىپ، ىندەت سەبەبىنەن، اپات سەبەبىنەن قيىنشىلىققا تاپ بولعان بۇقاراعا ۋاقىتتىق كومەك بەرىپ، نەگىزگى حالىق تۇرمىسىنىڭ تومەنگى شەگىن بەكەمدەۋ كەرەك. ءۇشىنشى، ءوندىرىس حاۋىپسىزدىگىن دەن قويا ويداعىداي يگەرۋ كەرەك. ءوندىرىس حاۋىپسىزدىگى جاۋاپكەرلىگىن ونان ارى ناقتىلاندىرىپ، ءتۇيىندى سالالارداعى حاۋىپسىزدىك كومەسكى قاتەرىن ءبىر - بىرلەپ تەكسەرۋدى، جونگە سالۋدى كۇشەيتىپ، ادامدار شوعىرلانعان ورىنداردىڭ حاۋىپسىزدىك كەزەكشىلىگىن كۇشەيتىپ، اۋىر، ەرەكشە اۋىر حاۋىپسىزدىك شىرعالاڭدارىنان باتىل ساقتانۋ كەرەك. ەرەكشە اۋا رايى سياقتى شۇعىل جاعدايعا توتەپ بەرۋ جوباسىن كەمەلدەندىرىپ، قاتىناس، ەنەرگيا، حابارلاسۋ سياقتى نەگىزدىك قۇرىلعىلاردىڭ حاۋىپسىز، ورنىقتى اينالىمىنا كەپىلدىك ەتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
