تومەن تەمپەراتۋراعا قاتىستى بەرىلەتىن قوسىمشا قاراجاتتى زاڭ ارقىلى قامتاماسىزداندىرۋدى كۇشەيتۋ كەزەك كۇتتىرمەيتى ءىس
ۋاڭ ىنكۇي
2023.01.04 15:59 كەلۋ قاينارى : حالىق تورابى
قاقاعان قىستا ورتانى قورعاۋشى جۇمىسكەرلەر، جەدەل جولداما جەتكىزۋشىلەر قاتارلى سىرتتا ەڭبەك ىستەيتىندەر قىزمەت ىستەگەن كەزدە ۇنەمى قولعاپ تاعۋ، ماقتالى كيىم كيۋ ارقىلى سۋىقتان قورعانادى، ولار جونىنەن ايتقاندا، تومەن تەمپەراتۋراعا قاتىستى قوسىمشا قاراجات تاراتۋ توتەنشە قاجەتتى. الايدا، جۋىردا اقپارات قۇرالدارىنىڭ حابارلاۋىنشا، سىرتتا ەڭبەك ىستەيتىن كوپتەگەن ەڭبەكشىلەر تومەن تەمپەراتۋرا قوسىمشا قاراجاتىنىڭ نە نارسە ەكەنىن انىق بىلمەيتىن بولىپ شىققان، ولاردىڭ كوزقاراسىنشا، قىزمەت ورنىنىڭ قولعاپ، باس كيىم قاتارلى سۋىقتان قورعاناتىن كيىم – كەشەكتەردى تاراتۋىنىڭ ءوزى «قامقورلىق» سانالعان.
قازىر، قوعامدا تومەن تەمپەراتۋرادا قىزمەت ىستەۋدىڭ ەڭبەكشىلەردىڭ دەنساۋلىعىنا جەتكىزەتىن زيانى جونىندە ءمان بەرۋ جەتكىلىكسىز، كوپتەگەن كاسىپورىنداردىڭ قاراۋىنشا، جۇمىسشى – قىزمەتكەرلەرگە ماقتالى شاپان، قولعاپ قاتارلى قىس مەزگىلىندە ەڭبەكشىلەردى قورعايتىن بۇيىمداردى تاراتسا بولعانى، تومەن تەمپەراتۋرادا قىزمەت ىستەيتىندەرگە بەرىلەتىن يگىلىك تۇرلەرىن ورىنداعان بولىپ ەسەپتەلەدى. ءىس جۇزىندە، تومەن تەمپەراتۋراعا قاتىستى بەرىلەتىن قوسىمشا قاراجات دەگەنىمىز ادام ىستەتىن ورىنداردىڭ تومەن تەمپەراتۋرادا ەڭبەك ىستەيتىندەرگە بەرەتىن، زاڭدا بەلگىلەنگەن ەڭبەك قوسىمشا قاراجاتى. الايدا، تومەن تەمپەراتۋراعا قاتىستى بەرىلەتىن قوسىمشا قاراجات جونىندەگى بەلگىلەمەلەر مەملەكەت پەن جەر – جەردىڭ ءتۇرلى بەلگىلەمەلەرىنىڭ كولەمىندە بىتىراڭقى قامتىلعان، ارناۋلى قۇجات شىعارىلىپ ايقىندالۋى كەمشىل، ولشەم جانە باقىلاۋ – باسقارۋ كەمشىل، سوندىقتان، تومەن تەمپەراتۋراعا قاتىستى بەرىلەتىن قوسىمشا قاراجاتتى تاراتۋدى قاعىس قالدىراتىن جايتتەر ءجيى تۋىلىپ، سىرتتا ەڭبەك ىستەۋشىلەردى شىنايى مەيىرگە بولەۋ قيىنعا تۇسۋدە.
تومەن تەمپەراتۋرادا ەڭبەك ىستەيتىندەردىڭ دەنساۋلىق جاعىنداعى ۇقىق – مۇددەسىنە كەپىلدىك ەتىپ، تومەن تەمپەراتۋراعا قاتىستى بەرىلەتىن قوسىمشا قاراجاتتى ەش كەمىتپەي تياناقتاندىرۋدىڭ تەتىگى — زاڭ ارقىلى قامتاماسىزداندىرۋدا . جوعارى تەمپەراتۋراعا قاتىستى بەرىلەتىن قوسىمشا قاراجاتى سياقتى، تومەن تەمپەراتۋرادا ەڭبەك ىستەيتىندەردى قورعايتىن ساياساتتاردى جانە ءبىرتۇتاس ولشەمدى ورتاعا قويۋ، تومەن تەمپەراتۋراعا قاتىستى بەرىلەتىن قوسىمشا قاراجاتتى تاراتۋدىڭ بەلگىلەمەسىن جانە تاراتۋ ولشەمىن ايقىن ورتاعا قويىپ، زاڭدىق جاۋاپكەرشىلىگىن انىق بەلگىلەۋ كەرەك. جەر – جەردىڭ ءىس جۇزىندىك جاعدايعا قاراي ناقتىلاندىرۋىنا، كاسىپورىنداردى تومەن تەمپەراتۋرادا جۇمىس ىستەيتىن ەڭبەكشىلەرگە تومەن تەمپەراتۋراعا قاتىستى بەرىلەتىن قوسىمشا قاراجاتىن تاراتۋعا جانە ىشكى جاقتا سۋىقتان ساقتانۋ بۇيىمدارىن بەرۋگە جەتەلەۋىنە بولادى. ادام ىستەتۋشى ورىندار جەرگىلىكتى ورىننىڭ كليمات شارت – جاعدايىنا جانە قىزمەت جاعدايىنا نەگىزدەلە وتىرىپ، ەڭبەكشىلەردىڭ جۇمىس ىستەۋ ۋاقىتىن ۇيلەسىمدى رەتتەۋى، ەڭبەكشىلەردى قورعاۋ قىزمەتىنە ساياتىن ءتۇرلى باسقارۋ تۇزىمدەرىن ورناتۋى، كەمەلدەندىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
