XBB ۆيرۋس تۇبىرشىگى تۋرالى مىناداي ىستەردى ءبىلۋىڭىز قاجەت
2023.01.04 14:35 كەلۋ قاينارى : حالىق تورابى
جۋىردان بەرى، XBB ۆيرۋس تۇبىرشىگى جۇرت نازارىن اۋداردى. ەلىمىزدە قازىرگى كەزەڭدە نەگىزىنەن BA5.2 جانە BF.7 ۆيرۋس تۇبىرشىكتەرى تارالۋدا، الايدا، ءىشىنارا مەملەكەتتەردە BQ.1 جانە XBB قاتارلى ۆيرۋس تۇبىرشىكتەرى باسىم بولۋدا. بۇل ۆيرۋس تۇبىرشىكتەرى قازىر ەلىمىزدە تارالدى ما؟ ىندەتتىڭ تاعى ءبىر رەت تارالۋىن تۋىنداتا ما؟
XBB ۆيرۋس تۇبىرشىگى دەگەن نە؟
جۇڭگو اۋرۋدىڭ الدىن الۋ – تىزگىندەۋ ورتالىعى ۆيرۋستى زەرتتەۋ بولىمشەسىنىڭ باستىعى شۇي ۋىنبو مىنانى ءبىلدىردى: BQ.1 جانە XBB وميكروننىڭ وزگەرگەن جاڭا تارماعى. ەۆروپا، امەريكا ەلدەرىندە باسىم ورىندا تۇرعان ۆيرۋس، نەگىزىنەن ونىڭ تارالۋ قۋاتى مەن يممۋنيتەتتەن جالتارۋ قۋاتى ارتقان.
XBB ۆيرۋس تۇبىرشىگىنىڭ اۋرۋعا شالدىقتىرۋ قۋاتى كۇشەيدى مە؟
شۇي ۋىنبو مىنانى ءبىلدىردى: BQ.1 جانە XBB ۆيرۋسىنىڭ اۋرۋعا شالدىقتىرۋ قۋاتى جاعىندا وميكروننىڭ باسقا وزگەرگەن تۇبىرشىكتەرىنەن كورنەكتى پارقى جوق، BQ.1 جانە XBB ۆيرۋس تۇبىرشىكتەرى تارالعان ەلدەردە سالماقتى ناۋقاسقا شالدىقتىرۋ مولشەرى جانە ولىمگە دۋشار ەتۋ مولشەرى دە ارتقان جوق.
جۋىرداعى ءۇش ايدان بەرى، BF.7، BQ.1، XBB ۆيرۋس تۇبىرشىكتەرىنىڭ ەلىمىزگە تارالىپ كىرگەنى انىقتالدى، الايدا، BQ.1 جانە XBB ۆيرۋس تۇبىرشىكتەرى ەلىمىزدە ءالى تارالۋ باسىمدىلىعىن قالىپتاستىرعان جوق، BA5.2 جانە BF.7 ۆيرۋس تۇبىرشىكتەرىنىڭ تارالۋى باسىم ورىندا تۇر.
قازىر XBB ۆيرۋس تۇبىرشىگىنىڭ ەلىمىزدە جەرگىلىكتى ورىندا تارالعانى بايقالدى ما؟
شاڭحاي قالالىق ىندەتتەن ساقتانۋ – تىزگىندەۋ قىزمەتىنە باسشىلىق ەتۋ گرۋپپاسىنىڭ ماماندار گرۋپپاسىنىڭ مۇشەسى يۋان جىڭ – ان بىلاي دەدى: قازىر شاڭحايدان بايقالعان وميكروننىڭ BQ.1 جانە XBB ۆيرۋس تۇبىرشىكتەرى وتە از سانداعى شەكارادان كىرىپ اۋاشالاۋعا الىنعان ادامداردان انىقتالعان، قوعامدىق جاقتا ءالى جەرگىلىكتى ورىندا تارالعان جوق.
شاڭحاي قالالىق الەۋمەتتىك دەنساۋلىق ساقتاۋ كلينيكالىق ورتالىعىنىڭ ورىنباسار مەڭگەرۋشىسى ليڭ يۇننىڭ ايتۋىنشا، شاڭحاي قالالىق الەۋمەتتىك دەنساۋلىق ساقتاۋ كلينيكالىق ورتالىعى شاڭحايداعى شەكارادان كىرگەن، دياگنوزى تۇراقتاندىرىلعان ناۋقاستاردى قابىلداپ ەمدەيتىن بەلگىلەنگەن ەمحانا رەتىندە، شەكارا سىرتىنان كەلگەن ناۋقاستارعا قاتاڭ تۇيىقتاپ باسقارۋ تالابىن اتقارىپ، ەمحانادان شىعۋ ولشەمىنەن تولعاننان كەيىن عانا اۋاشالاۋدان شىعارادى، قازىر شەكارا سىرتىنان كەلگەن ۆيرۋس تۇبىرشىكتەرىنىڭ جەرگىلىكتى ورىندا تارالعانى بايقالعان جوق.
وميكرون ۆيرۋسىمەن جۇعىمدالىپ جازىلعان سوڭ، ەكىنشى رەت XBB ۆيرۋسىمەن جۇعىمدالۋ ىقتيمالدىعى بار ما؟
بەيجيڭ قالاسى يوۋ – ان ەمحاناسى تىنىس جولى جانە جۇقپالى اۋرۋلار ءبولىمىنىڭ مەڭگەرۋشى شيپاگەرى لي تۇڭزىڭ مىنانى ءبىلدىردى: قازىر XBB ۆيرۋس تۇبىرشىگىنىڭ يممۋنيتەتتەن جالتارۋ قۋاتى ءبىرشاما كۇشەيگەن، ەلىمىزدە تارالعان BA.5 ۆيرۋس تۇبىرشىگىمەن ءبىرشاما پارىقتى، BA.5 ۆيرۋس تۇبىرشىگىمەن جۇعىمدالىپ ءبىر مەزگىل وتكەن سوڭ، قورعانۋ قۋاتىنىڭ ورەسى تومەندەيدى، يممۋنيتەتتەن جالتارۋ قۋاتى كۇشتى ۆيرۋس تۇبىرشىگى جولىقسا، قايتالاي جۇعىمدالۋ حاۋپى ارتا تۇسەدى.
الايدا، قايتالاي جۇعىمدالۋ نەگىزىنەن يممۋنيتەت قۋاتى تومەن ادامدار اراسىندا تۋىلادى، يممۋنيتەت قۋاتى قالىپتى ادامداردىڭ قىسقا مەرزىم ىشىندە قايتالاي جۇعىمدالۋ حاۋپى ءبىرشاما تومەن، ونىڭ ۇستىنە، جۇعىمدالعاننان كەيىنگى اۋرۋ بەلگىلەرى ادەتتە ءبىرىنشى رەتكىمەن سالىستىرعاندا جەڭىل بولادى.
XBB ۆيرۋس تۇبىرشىگى ءىشتى وتكىزە مە؟
ينتەرنەتتە تارالعان XBB ۆيرۋس تۇبىرشىگى قۇسۋ جانە ءىشى ءوتۋ قاتارلى اۋرۋ بەلگىلەرىن تۋىنداتا ما دەگەن سۇراۋعا، لي تۇڭزىڭ بىلاي دەپ جاۋاپ قايتاردى: جاڭا تيپتى ايدارشا ۆيرۋسپەن جۇعىمدالعان ءىشىنارا ادامداردا قۇسۋ جانە ءىشى ءوتۋ سىندى اۋرۋ بەلگىلەرى بايقالادى، ادەتتە 1 – 3 كۇن ىشىندە وزدىگىنەن باسەڭدەيدى، XBB ۆيرۋس تۇبىرشىگىنىڭ جۇرەك، مي قان تامىرى جۇيەسى مەن اس قورىتۋ جۇيەسىنە اناعۇرلىم وڭاي سۇعاناقتىق جاسايتىنى سىندى جاعداي بايقالمادى. تىنىس جولىنىڭ جۇعىمدالۋى مەن اس قورىتۋ جولىنىڭ جۇعىمدالۋىن ەمدەيتىن ءدارى – دارمەكتەردى ۇيلەسىمدى مولشەردە ازىرلەپ قويۋعا بولادى، كوپ مولشەردە جيناپ الۋدىڭ قاجەتى جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
