بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋاڭ چيشان برازيليانىڭ جاڭادان تاعايىندالعان زۇڭتۇڭىنىڭ مىندەتكە وتىرۋ سالتىنا قاتىناستى

2023.01.04 16:58     كەلۋ قاينارى : حالىق تورابى


  2023 - جىلى 1 - ايدىڭ 1 - كۇنى برازيليا ۇكىمەتىنىڭ ۇسىنىسىمەن ءتوراعا شي جينپيڭنىڭ ەرەكشە ۋاكىلى، مەملەكەت ءتوراعاسىنىڭ ورىنباسارى ۋاڭ چيشان برازيليانىڭ استاناسى برازيلدا برازيليانىڭ جاڭادان تاعايىندالعان زۇڭتۇڭى لۋلانىڭ مىندەتكە وتىرۋ سالتىنا قاتىناستى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

  شينحۋا اگەنتتىگى، 1 - ايدىڭ 3 – كۇنى، برازيل (تىلشىلەر بيان جودان، ليۋ بين). 2022 - جىلى 12 - ايدىڭ 31 - كۇنىنەن 2023 - جىلى 1 - ايدىڭ 2 - كۇنىنە دەيىن، برازيليا ۇكىمەتىنىڭ ۇسىنىس ەتۋىمەن ءتوراعا شي جينپيڭنىڭ ەرەكشە ۋاكىلى، مەملەكەت ءتوراعاسىنىڭ ورىنباسارى ۋاڭ چيشان برازيليانىڭ استاناسى برازيل قالاسىندا برازيليانىڭ جاڭادان تاعايىندالعان زۇڭتۇڭى لۋلانىڭ مىندەتكە وتىرۋ سالتىنا قاتىناستى ءارى ونىمەن كەزدەستى. برازيلياداعى مەزگىلدە ۋاڭ چيشان تاعى جاڭادان تاعايندالعان زۇڭتۇڭنىڭ ورىنباسارى الكمينمەن جانە زۇڭتۇڭنىڭ قازىرگى ورىنباسارى موراۋمەن كەزدەستى.

  لۋلامەن كەزدەسكەندە ۋاڭ چيشان لۋلاعا ءتوراعا شي جينپيڭنىڭ ءوز قولىمەن جازعان حاتىن تابىستادى ءارى ءتوراعا شي جينپيڭنىڭ لۋلا زۇڭتۇڭنىڭ تاعى دا برازيليانىڭ زۇڭتۇڭى بولىپ تاعايىندالعانىن قىزۋ قۇتتىقتايتىنىن، تاماشا تىلەك بىلدىرەتىنىن جانە جۇڭگوعا ساپارلاي بارۋدى ۇسىنىس ەتكەنىن جەتكىزدى. ۋاڭ چيشان مىنانى ءبىلدىردىدى: زۇڭتۇڭ مىرزا − جۇڭگو حالقىنىڭ كونە دوسى، جۇڭگو مەن برازيليا قارىم - قاتىناسىنىڭ دامۋىنا ۇزاق ۋاقىتتان بەرى كوڭىل ءبولىپ، قولداۋ كورسەتىپ كەلەدى. تاياۋدا جۇڭگو مەن برازيليا ەل ىشىندەگى كەلەلى ساياسي كۇن تارتىپتەردى ىركەس - تىركەس ورىندادى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جەڭىسپەن اشىلىپ، شي جينپيڭ جولداستى ۇيىتقى ەتكەن جاڭا كەزەكتى ورتالىق باسشىلىق كوللەكتيۆى سايلاندى ءارى الداعى ءبىر مەزگىلدەگى جۇڭگو پارتياسى مەن مەملەكەتى ىستەرىنىڭ دامۋى جونىندە ستراتەگيالىق ورنالاستىرۋ جاسالدى. برازيليا دا ۇكىمەتتىڭ كەزەك اۋىستىرۋىن ورىندادى. ءوز - ءوزىنىڭ جاڭا جورىعى بارىسىندا جۇڭگو - برازيليا ەكى ەل جانە ەكى ەل حالىقتارى، جۇڭگو كوممۋنيستىك پارتياسى مەن برازيليا ەڭبەكشى جۇمىسشى پارتياسى ىنتىماقتى، سەلبەستىكتى ۇزدىكسىز كۇشەيتىپ، جۇڭگو - برازيليا قارىم - قاتىناسىنىڭ اناعۇرلىم كوركەم بولاشاعىن قول ۇستاسا بىرگە اشاتىنىنا سەنەمىن.

  ۋاڭ چيشان جۇڭگو – برازيليا قارىم - قاتىناسىنىڭ كەلەسى قادامداعى دامۋى جونىندە 4 ءتۇرلى ۇسىنىس قويدى. ءبىرىنشى، ەكى جاقتى جوعارى دەڭگەيدەگى جوبالاۋدى كۇشەيتىپ، ەكى جاقتىڭ ديپلوماتيا، پارلامەنت، ءادىليا، ارميا، جەرگىلىكتى ورىن سياقتى سالالارداعى بارىس - كەلىسىن بەلسەنە ىلگەرىلەتۋ كەرەك. ەكىنشى، ەكونوميكا - ساۋدا ناقتى سەلبەستىگىن بەكەمدەۋ، كەڭەيتۋ، اسىرەسە، عىلىم - تەحنيكادا جاڭالىق اشۋ، سيفرلى ەكونوميكا، جاسىل ەكونوميكا سياقتى جاڭادان گۇلدەنگەن كاسىپ سالاسى سەلبەستىگىن بەلسەنە كەڭەيتۋ كەرەك. ءۇشىنشى، كوپ جاقتى ستراتەگيالىق سايكەسۋدى تەرەڭدەتىپ، ناعىز كوپ جاقتىلىقتى بىرگە قورعاپ، كليمات وزگەرىسى سياقتى ماسەلەلەردە سايكەسۋدى كۇشەيتۋ كەرەك. ءتورتىنشى، جۇڭگو مەن لاتىن امەريكاسىنىڭ تۇلعالىق سەلبەستىگىن كۇشەيتۋ كەرەك، جۇڭگو جۇڭگو - لاتىن امەريكاسى تالقى مىنبەرىن وتكىزىپ، وڭتۇستىكتەگى ورتاق بازار، وڭتۇستىك امەريكا ەلدەرى وداعى سياقتى وڭىرلىك ۇيىمدارمەن قارىم - قاتىناستى تەرەڭدەتۋدى قالايدى.

  لۋلا ۋاڭ چيشان ارقىلى ءتوراعا شي جينپيڭگە شىن جۇرەكتەن العىس ايتتى جانە ىقىلاستى سالەم جولدادى، ءتوراعانىڭ ورىنباسارى ۋاڭ چيشاننىڭ برازيلياعا كەلىپ ءوزىنىڭ مىندەتكە وتىرۋ سالتىنا قاتىناسقانىن قىزۋ قارسى الدى. لۋلا مىنانى ءبىلدىردى: برازيليا جاق جۇڭگومەن قاتىناسىنا ايرىقشا ءمان بەرەدى، جۇڭگومەن ستراتەگيالىق، ۇزاق ۋاقىتتىق سەلبەستىكتى كۇشەيتەدى. مەنىڭ قاراۋىمداعى برازيليا ەڭبەكشى جۇمىسشى پارتياسى دا جۇڭگو كوممۋنيستىك پارتياسىمەن پارتيالار ارا اۋىس - كۇيىستى كۇشەيتۋدى قالايدى. برازيليا مەن جۇڭگو − ماڭىزدى ىقپالعا يە مەملەكەتتەر، بەلسەندى رول اتقارىپ، وركەندەپ كەلە جاتقان ەلدەردىڭ بىرگە العا باسۋىن ىلگەرىلەتۋى كەرەك. مەن ۇيىرمە باستاپ جۇڭگوعا ساپارلاي بارىپ، جۇڭگو جاقپەن ءار سالاداعى ناقتى سەلبەستىكتى اناعۇرلىم تەرەڭدەتىپ، ەكى ەل حالىقتارىنىڭ دوستىعىن نىعايتىپ، برازيليا - جۇڭگو قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى ءۇمىت ەتەمىن.

  الكمينمەن كەزدەسكەندە ۋاڭ چيشان ونىڭ جاڭا مىندەتكە وتىرعانىن قۇتتىقتاپ، مىنانى ءبلدىردى: جۇڭگو مەن برازيليا − جەكە - جەكە شىعىس، باتىس جارتى شارداعى ەڭ ۇلكەن وركەندەپ كەلە جاتقان ەلدەر. ۇزاق ۋاقىتتان بەرى ناقتى سەلبەستىك ەكى ەل قارىم - قاتىناسىندا «ورنىقتىرعىش تاس» جانە «ىلگەرىلەتكىش» رولىن اتقارىپ كەلەدى. جۇڭگو مەن برازيليانىڭ جوعارى دارەجەلى كوميتەتى ەكى ەل ۇكىمەتتەرى اراسىنداعى ەڭ جوعارى دارەجەدەگى پىكىرلەسۋ جانە سەلبەستىك مەحانيزمى رەتىندە ەكى ەل قاتىناسىنىڭ دامۋىن تەرەڭدەتۋدە، ەكى ەلدىڭ ءار سالاداعى سەلبەستىگىن ىلگەرىلەتۋگە جەتەكشىلىك ەتۋدە ورنىن وگەيسىتۋگە بولمايتىن رول اتقاردى. زۇڭتۇڭنىڭ ورىنباسارى مىرزانىڭ جوعارى دارەجەلى كوميتەتتىڭ برازيليا جاق ۇيىرمەسىن باستاپ جۇڭگومەن ۇشتاسۋدى كۇشەيتىپ، جاڭا داۋىردەگى ەكى ەل قارىم - قاتىناسىنىڭ ىشكەرىلەي دامۋىنا جاڭا قوزعاۋشى كۇش ۇستەۋىن ءۇمىت ەتەمىن.

  الكمين مىنانى ءبىلدىردى: برازيليا مەن جۇڭگونىڭ دوستىعى ۋاقىت وتكەن سايىن جاڭارىپ كەلەدى. ەكى جاقتىڭ سەلبەستىك سالاسى كەڭ، ەكونوميكا - ساۋدا جاعىندا ءوزارا تولىقتاۋ سيپاتى كۇشتى، كەڭ دامۋ بولاشاعىنا يە. برازيليا جاق جوعارى دارەجەلى كوميتەت سەلبەستىك مەحانيزمىنەن ۇزدىكسىز ويداعىداي پايدالانىپ، جۇڭگو جاقپەن بايلانىستى ونان ارى كۇشەيتىپ، ورايدى يگەرىپ، كومەسكى كۇشتى اشىپ، سەلبەستىك دەڭگەيىن جوعارىلاتۋدى قالايدى.

  موراۋمەن كەزدەسكەندە ۋاڭ چيشان مىنانى ءبىلدىردى: جۇڭگو حالقى سۇيىسپەنشىلىككە ءمان بەرەدى، كونە دوستى ۇمىتپايدى. ءسىز ەكى ەل قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋگە ماڭىزدى ۇلەس قوستىڭىز، جۇڭگو جاق مۇنى ايرىقشا القايدى جانە العىس ايتادى. ءسىزدىڭ جۇڭگو مەن برازيليا قارىم - قاتىناسىنىڭ دامۋىنا بۇرىنعىداي كوڭىل ءبولۋىڭىزدى جانە ونى ىلگەرىلەتۋىڭىزدى ءۇمىت ەتەمىن.

  موراۋ مىنانى ءبىلدىردى: برازيليا - جۇڭگو قارىم - قاتىناسى تاياۋ جىلداردان بەرى باياندى دامىدى، وسى قارىم - قاتىناستىڭ برازيليانىڭ جاڭا كەزەكتى ۇكىمەتىنىڭ الدىمەن ەسكەرەتىن ىسىنە اينالاتىنىنا سەنەمىن. برازىليا مەن جۇڭگونىڭ دوستىق سەلبەستىگى ءۇشىن ءۇرتىس ۇلەس قوسۋدى قالايمىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار