لي كىچياڭ پاكيستاننىڭ زۇڭليى شاحبازبەن تەلەفوندا سويلەستى
2023.01.06 14:35 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 5 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 5 - كۇنى تۇستەن كەيىن جۇڭنانحايداعى زىگۋاڭگى سارايىندا ۋادە بويىنشا پاكيستاننىڭ زۇڭليى شاحبازبەن تەلەفوندا سويلەستى.
ەكى ەل زۇڭليلەرى الدىمەن جاڭا جىل بايلانىسىمەن ءوزارا سالەم جولدادى. لي كىچياڭ مىنانى ءبىلدىردى: جۇڭگو مەن پاكيستاننىڭ دوستىعى حالىقارالىق اۋمالى – توكپەلى جاعدايدىڭ سىنىنان وتكەن، ۋاقىت وتكەن سايىن بەكەمدەلىپ كەلەدى. جۇڭگو جاق باستان - اياق جۇڭگو - پاكيستان قارىم - قاتىناسىن توڭىرەكتىك ديپلوماتيانىڭ الدىڭعى بەتالىسىنا قويىپ، پاكيستاننىڭ مەملەكەتتىڭ تاۋەلسىزدىگىن، يەلىك ۇقىعىن، تەرريتوريا تۇتاستىعىن جانە زاڭدى ۇقىق - مۇددەسىن قورعاۋىن بۇرىنعىداي قولدايدى، پاكيستاننىڭ ەل ءىشىنىڭ ىنتىماعىن، ورنىقتىلىعىن قورعاۋىن، مەملەكەتتىڭ دامۋىن، گۇلدەنۋىن جۇزەگە اسىرۋىن قولدايدى. زۇڭلي مىرزا تاياۋدا جۇڭگوعا ساپارلاي كەلىپ، ەكى ەل قاتىناسىنىڭ دامۋىن پارمەندى ىلگەرىلەتتى. جۇڭگو جاق پاكيستان جاقپەن جوعارى جىكتەگىلەردىڭ بارىس - كەلىسىن جيىلەتىپ، ءتۇيىندى سالالارداعى ناقتى سەلبەستىكتى ىلگەرىلەتىپ، جۇڭگو - پاكيستان قارىم - قاتىناسىنىڭ اناعۇرلىم زور دامۋىن جۇزەگە اسىرۋدى ىلگەرىلەتۋدى قالايدى.
لي كىچياڭ بىلاي دەپ اتاپ كورسەتتى: قازىر دۇنيە ءجۇزىنىڭ ەكونوميكالىق جاعدايى كۇردەلى، اقشانىڭ قۇنسىزدانۋى جوعارى بولۋ، ارتۋدىڭ تومەن بولۋى، اقشا تاپشىلىعى، قارىز مولشەرى جوعارى بولۋ ەرەكشەلىگى كورنەكتىلەندى. ءار ەل ءوزارا ەسىك اشۋدى بىرگە ىلگەرىلەتىپ، ماكرولىق ەكونوميكا، فينانس ساياساتىن سايكەستىرۋدى كۇشەيتىپ، دۇنيە ءجۇزى ەكونوميكاسىنىڭ قالپىنا كەلۋى مەن ارتۋىن كۇش سالا ىلگەرىلەتۋى كەرەك. جۇڭگو جاق پاكيستان جاقتىڭ ەكونوميكانى دامىتۋىن، حالىق تۇرمىسىن جاقسارتۋىن باستان - اياق قولداپ كەلەدى، پاكيستان جاقپەن بىرگە ءوڭىردىڭ بەيبىتشىلىگىن، ورنىقتىلىعىن جانە دامۋىن قورعاۋدى قالايدى. پاكيستان جاقتىڭ جۇڭگو جاقتىڭ پاكيستانداعى قىزمەتكەرلەرىنىڭ، قۇرىلىمدارىنىڭ حاۋىپسىزدىگىن ۇزدىكسىز بار كۇشپەن قامتاماسىز ەتۋىن ءۇمىت ەتەمىن.
شاحباز جۇڭگو جاقتىڭ پاكيستاننىڭ تاسقىن اپاتىنا قارسى اتتانۋىنا وراسان زور قولداۋ كورسەتكەنىنە جانە كومەكتەسكەنىنە العىس ايتىپ، مىنالاردى ءبىلدىردى: جۇڭگو جاقتىڭ پاكيستان قيىنشىلىققا تاپ بولعاندا باستان - اياق پاكيستان جاقپەن بىرگە تۇرعانىن ايرىقشا القايمىز، بۇل پاكيستان مەن جۇڭگونىڭ تاۋدان بيىك، تەڭىزدەن تەرەڭ قۇرىشتاي بەرىك دوستىعىن تولىق ايگىلەدى. پاكيستان ءبىر جۇڭگو پرينسيبىن باتىل اتقارادى، جۇڭگونىڭ وزەكتى مۇددەسىنە ساياتىن بارلىق ماسەلەدە جۇڭگو جاقتى باتىل قولدايدى، جۇڭگو جاقپەن ءتۇرلى سالاداعى سەلبەستىكتى كۇشەيتىپ، پاكيستان - جۇڭگو قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.
ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
