بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شاندۇڭ ولكەسى دىجوۋ قالاسى سورتاڭ جەردى جاقسارتتى

استىقتان مول ءارى ساپالى ءونىم الۋعا كۇش سالدى (كوكتەم مەرەكەسىندە نەگىزگى ساتىنى ارالاۋ)

«حالىق گازەتىنىڭ» ءتىلشىسى لي رۇي

2023.01.06 14:34     كەلۋ قاينارى : حالىق تورابى

  كىرىس ءسوز

  بيىل − پارتيا 20 - قۇرىلتايىنىڭ رۋحىن جاپپاي دايەكتى تياناقتاندىرۋدىڭ باستاما جىلى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقى قايراتتانا العا ۇمتىلىپ، ەرلىكپەن العا باسىپ، قاجىرلىلىقپەن تىڭعىلىقتى ىستەپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما جاراتۋ جولىندا ىنتىماقتاسا كۇرەس جۇرگىزدى.

  كوكتەم كەلۋ الدىندا تۇر، ەكپىندەي ىلگەرىلەيتىن كەزگە تۋرا كەلدىك. بۇگىننەن باستاپ گازەتىمىز «كوكتەم مەرەكەسىندە نەگىزگى ساتىنى ارالاۋ» ارناۋلى ايدارىن اشتى، تىلشىلەرىمىز وتانىمىزدىڭ جەر - جەرىنە، نەگىزگى ساتىنىڭ ءبىرىنشى شەبىنە بارىپ، ءار سالا، ءار كاسىپتى ارالاپ، كادر - جۇرتشىلىقتىڭ بىلەك سىبانا قايراتتانا ىستەگەن كۇرەس ىزدەرىن ەستەلىككە الىپ، جۇڭگونىڭ بايتاق دالاسىنىڭ كۇن سايىن جاڭارعان دامۋ وزگەرىسىن ايگىلەيدى.

  سولتۇستىكتەن جەل ازىناپ، اعاش بۇتاقتارى سىقىرلايدى. لي حۇيجۇن كۇرەك، شيىرشىقتامالى سىزعىش سياقتى قۇرالدارىن الىپ باسىپ اتىز باسىنا قاراي ءجۇردى. ءبيداي اتىزىندا بالاۋسا مايسالار بىتىك وسكەن. اتىز قىرلارى مەن توعاندار ءبىر - بىرىمەن تۇتاسىپ، جولدار جالعاسىپ جاتىر. ادامدار سەمونت پەن قۇمدى ارالاستىرىپ، ارىق قازۋمەن قاربالاس بولۋدا.

  58 جاستاعى لي حۇيجۇن − شاندۇڭ ولكەسى دىجوۋ قالاسى چيڭيۇن اۋدانى چاڭجيا قالاشىعى بەيبانيىڭ قىستاعى پارتيا ياچەيكاسىنىڭ شۋجيى. قىستاق ماجيا وزەنىنىڭ شىعىس جاعالاۋىنا ورنالاسقان، حۋاڭحى وزەنىمەن ىرگەلەس، كەزىندە كوپتەگەن سورتاڭ جەرى بولعان. سورتاڭ جەردى وزگەرتۋ ءۇشىن، قىستاق تۇرعىندارى سابان - توپاندى اتىزعا توگىپ، ۇيلەسىمدى تۇردە كەزەكتەستىرىپ ەگىپ، حۋاڭحى وزەنىنەن مولداپ سۋ باستاپ، استىق ءونىمىن جوعارىلاتتى.

  2 جىلدىڭ الدىندا اۋدانداعى باسشى كادرلار قىستاققا كەلىپ تەكسەرۋ - زەرتتەۋ جۇرگىزىپ، «ءتۇسىمى ءبىر مىڭ 500 كيلوگرام كەلەتىن» وزەكتى رايون قۇرۋ كەرەكتىگىن ايتتى. بۇل نەنى اڭعارتادى؟ ۇعىسىپ كورگەن لي حۇيجۇن ءبىر جىلدا ەكى رەت ءونىم العاندا استىقتىڭ مۋ باسىندىق ءونىمى ءبىر مىڭ 500 كيلوگرامعا جەتەتىنىن بىلەدى.

  2021 - جىلى دىجوۋ قالاسى «ءبىر مىڭ 500 كيلوگرامدىق ءتۇسىم» ءوندىرىس قۋاتى قۇرىلىسىن باستاپ، 5 جىلدا ءبىر ميلليون مۋ وزەكتى رايوننىڭ بىرلىك ءونىمىن ءبىر مىڭ 500 كيلوگرامنان اسىرۋعا كۇش سالدى.

  لي حۇيجۇن بۇل جاقسى ءىس دەپ وي ءتۇيىپ، دەرەۋ ءوتىنىش بەرەدى. سوڭىندا قىستاقتاعى ءبىر مىڭ 200 مۋ جەر وزەكتى رايونعا ەنگىزىلدى. مۋ باسىنان ءبىر مىڭ 500 توننا ءونىم الۋدى جۇزەگە اسىرۋدا سايكەستى قۇرىلعىلار بولۋى كەرەك. «بۇرىن جاڭبىر جاۋسا بولدى ارىق - توعاندار بىتەلىپ قالاتىن، اتىزداعى بالشىق جولداردا اۋىل شارۋاشىلىق ماشينالارى جۇرە المايتىن». بۇرىنعى نەگىزدىك قۇرىلعىلاردى تىلگە العاندا، لي حۇيجۇن ءالسىن - ءالى باسىن شايقاپ كەيىس ءبىلدىردى، «ەندى كونە ناسوس پۋنكتىنە كەلسەك، سۋارۋ ونىمدىلىگى تومەن بولىپ، سۋ بايلىعىن ىسىراپ ەتەتىن».

  چيڭيۇن اۋدانى دىجوۋ قالاسىندا ۇكىمەتتىڭ قاتىستى ارناۋلى زايومىنان 188 ميلليون يۋاندى الدىمەن تاراتىپ، جوعارى ولشەمدى ەگىس اتىزىن سالۋ جانە سايكەستى اۋىل شارۋاشىلىق قۇرىلعىلارىنىڭ دارەجەسىن جوعارىلاتۋ ينجەنەرياسى قۇرىلىسىنا جۇمسادى. سونىمەن بىرگە، جوبالاۋ سەرىكتەستىگىن ۇسىنىس ەتىپ، «ءبىر مىڭ 500 كيلوگرامدىق ءتۇسىم» وزەكتى رايونىنىڭ جول، كوپىر، سۋ قويماسى سياقتى نەگىزدىك قۇرىلعى قۇرىلىستارىن تۇلعالىق جاقتان جوبالادى.

  تاس جول جاسادى، جاڭا كوپىر سالدى، ارىق - توعان جاسادى، ناسوس پۋنكتىن الماستىردى، كومەسكى قۇبىر ورناتتى، بەيبانيىڭ قىستاعى ءبىر مىڭ 200 مۋ جەردە قۇرعاقشىلىق بولسا سۋدان تارىقپاۋدى، سۋ باسسا، ىعىستىرىپ وتىرۋدى نەگىزىنەن ىسكە اسىردى.

  وسى 2 جىلدا دىجوۋ تاعى «ءبىر مىڭ 500 كيلوگرامدىق ءتۇسىم» ەگىستىك جەرلەرىنىڭ قۇنارلىلىعىن جوعارىلاتۋ ينجەنەرياسىن اتقارىپ، چيڭيۇن اۋدانى وزەكتى رايونداعى شارۋالارعا ورگانيكالىق تىڭايتقىش تاراتىپ، ەگىن شارۋاشىلىعى تەحنيكا ماماندارىن «بىرگە ءبىر» قاداعالاپ جەتەكشىلىك ەتۋگە ۇيىمداستىرىپ، توپىراق قۇرامىن ولشەپ، توپىراق قۇرامىنا قاراي تىڭايتقىش بەرۋ تەحنيكاسىنىڭ قامتۋ شاماسىن %100كە جەتكىزدى. چاڭجيا قالاشىعى جاقىن ماڭداعى باعىمشىلىق الاڭىمەن سەلبەسىپ، شالشىق گازى قۇبىرىن جاتقىزىپ، شالشىق گازىمەن اقىسىز قامداپ، حيميالىق تىڭايتقىش بەرۋ مولشەرىن تومەندەتىپ، جەردى قۇنارلاندىردى.

  «بۇرىن توپىراق قاتتى بولاتىن». لي حۇيجۇن جۇرەلەپ وتىرىپ، ءبىر كەسەك توپىراقتى الىپ، اقىرىن ۇگىتتى، «قازىر بۇل جەر ايتارلىقتاي قۇنارلاندى» دەدى ول.

  «ءبىر مىڭ 500 كيلوگرامدىق ءتۇسىم» ءوندىرىس قۋاتىن قۇرۋدى ىلگەرىلەتىپ، شارۋالاردىڭ استىق ەگۋ بەلسەندىلىگىن جوعارىلاتۋ ءۇشىن، دىجوۋ قالاسى 2022 - جىلى «استىق ەگەيلەرى جارىسىن» وتكىزىپ، قالا، اۋدان، اۋىل ءۇش دارەجە بويىنشا باعالاپ، جاز، كۇز ماۋسىمدارىنداعى ءونىم مولشەرىنە نەگىزدەلىپ، قالا دارەجەلى «تۇتاس جىلدىق استىق ەگەيلەرىن» باعالاپ شىقتى.

  لي حۇيجۇن قىستاق پارتيا ياچەيكاسى باستاعان كاسىپتىك سەلبەستىك كووپەراتيۆى اتىنان جارىسقا قاتىناسۋعا تىزىمدەلدى. بىلتىر جازعى جيىن - تەرىن كەزىندە بىرنەشە مامان بەيبانيىڭ قىستاعىنا كەلىپ، ۇشىعىن شىعارىپ تاستاۋ، ولشەۋ، سالماعىن ولشەۋ سياقتى كوپ ءتۇرلى جۇمىس ءتارتىبى ارقىلى وزەكتى رايوننىڭ ءبيدايىنىڭ ناقتى ءونىم مولشەرىن ولشەدى. ناتيجە لي حۇيجۇندى قاتتى قۋاندىردى: ءبيدايدىڭ مۋ باسىندىق ءونىمى 743.2 كيلوگرامعا جەتىپ، اۋدان بويىنشا بىرلىك ءونىم رەكوردىن جاراتتى. بىرنەشە ايدان كەيىن تاعى دا قۋانىشتى حابار تارالدى: جۇگەرىنىڭ مۋ باسىندىق ءونىمى 924.24 كيلوگرامعا جەتىپ، تۇتاس اۋداننىڭ بىرلىك ءونىم رەكوردىن جاڭالادى.

  «قازىرگى ءونىم مولشەرى بويىنشا ەسەپتەگەندە، ءبىر مۋ جەردەن 3 مىڭ يۋاننان استام كىرىس كىرەدى». قازىر لي حۇيجۇن اۋىل شارۋاشىلىق قۇرىلعىلارىن جاڭالاۋ، دارەجەسىن جوعارىلاتۋ ينجەنەرياسىنىڭ تۇگەلدەي اياقتالۋىن اڭساپ وتىر، «جاڭا ءبىر جىلدا كۇش ۇستىنە كۇش قوسىپ، استىقتان مول ءارى ساپالى ءونىم الۋعا كۇش سالامىز» دەدى ول.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار