تەگىس كۇش سالىپ، تۇتىنۋدىڭ جاقسارۋىن، ارتۋىن ىلگەرىلەتتى
□ انار بۇلت \ شينجياڭ گازەتىنىڭ ءتىلشىسى حي حۇڭۋي
2023.01.09 16:46 كەلۋ قاينارى : حالىق تورابى
1 - ايدىڭ 7 - كۇنى قالا تۇرعىندارى ءۇرىمجى قالاسى شۇيموگوۋ رايونى چيي ياڭگۋاڭ تۇرمىس الاڭىندا مەرەكەلىك زاتتاردى ساتىپ الۋدا. كوكتەم مەرەكەسى تاياپ قالدى، ءۇرىمجى قالاسىنداعى ءارقايسى ءىرى ساۋدا سارايلارى، ەرەن بازارلار الدىن الا زات دايىنداپ، مەرەكەلىك زاتپەن جەتكىلىكتى قامداۋدى قامتاماسىز ەتتى.
□ سۋرەتتى انار بۇلت \ شينجياڭ گازەتىنىڭ ءتىلشىسى چين مەيحۋا تۇسىرگەن
قازىر − كونە جىلدىڭ سوڭى مەن جاڭا جىلدىڭ باسىنداعى ءداستۇرلى تۇتىنۋدىڭ قاۋىرت مەزگىلى، ىندەتتەن ساقتانۋ - تىزگىندەۋ شاراسىنىڭ ۇزدىكسىز ساپالىلانۋىنا ىلەسە، كوشە بويىنداعى ”تىرشىلىك تىنىسى“ كۇن سايىن جانداندى − سىرتتان تاماق جەتكىزۋشى ازاماتتار كوشە - كوشەنى كەسىپ ءوتىپ زىر جۇگىردى، جەدەل جولداما زات اينالىمى توقتاۋسىز ۇستەمە جۇمىس ىستەدى، اس - سۋ دۇكەنشىلەرى بىلەك سىبانىپ جالىندى تىرشىلىكتى قايتادان باستادى...
تۇتىنۋدىڭ ءبىر جاعى كاسىپ سالاسىمەن جالعاسسا، ەندى ءبىر جاعى حالىق تۇرمىسىنا سايادى. ورتالىقتىڭ ەكونوميكالىق قىزمەت ءماجىلىسى ”ىشكى سۇرانىستى كۇش سالا كەڭەيتۋدى“ 2023 - جىلعى ءتۇيىندى قىزمەت مىندەتتەرىنىڭ ءبىرى ەتىپ، تۇتىنۋدى قالپىنا كەلتىرۋدى جانە كەڭەيتۋدى الدىڭعى ورىنعا قويۋدى ورتاعا قويدى. جاقىندا عانا اشىلعان اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى تۇتىنۋدى كەڭەيتۋدى الدىڭعى ورىنعا قويىپ، تۇتىنۋدىڭ جاقسارۋىن، ارتۋىن جەبەۋدى ورتاعا قويدى.
جاڭا ءبىر جىلدا رايونىمىز قايتكەندە بازاردىڭ باسىمدىعىن ساۋلەلەندىرىپ، ىشكى سۇرانىستىڭ كومەسكى كۇشىن اشىپ، بۇقارانىڭ ”باتىلدىقپەن تۇتىنۋىنا، تۇتىنۋعا پەيىل بولۋىنا، تۇتىنا الۋىنا“ مۇمكىندىك جاساي الادى؟ ۇكىمەت پەن بازار قايتكەندە تاماشا ىقپالداستىق ارقىلى بىرىككەن كۇش ۇيىستىرىپ، تۇتىنۋ سىندى ”سۇيرەگىشتىڭ“ قارقىنىن تەزدەتە الادى؟ ءتىلشى وسى جونىندە قاتىستى جاقتارعا تىلشىلىك جاسادى.
سەنىمدى سەرپىلتىپ، ۇكىمەت پەن كاسىپورىندار كەشەندى شارالار اتقاردى
”ساۋدا سارايلارى مەرەكەلىك بۇيىمدار فەستيۆالى ءوتىمدى ساتۋ قيمىلىن جولعا قويدى، سونىمەن بىرگە تۇتىنۋ تيىمدىلىك بەلەتىن قاباتتاپ پايدالانۋعا بولادى، قازىر مەرەكەلىك بۇيىم ساتىپ الۋدا مول تيىمدىلىكتەر بار“. 1 - ايدىڭ 6 - كۇنى اقسۋ قالاسىنىڭ تۇرعىنى جاڭ لياڭ ەرەن بازاردا مەرەكەلىك بۇيىمداردى دەن قويا تاڭدادى.
اقسۋ ايماعى جاڭا جىل، كوكتەم مەرەكەسى سياقتى شەشۋشى مەزگىلدەردى مىقتى يگەرىپ، 20 ميلليون يۋان شىعارىپ، ”اقسۋدا شاتتانا زات ساتىپ الۋ“ تۇتىنۋ تيىمدىلىك بەلەتىمەن تۇتىنۋدى جەبەۋ قيمىلىن ورىستەتتى.
”وتكەن مەزگىلدەردەگى ساندى مالىمەتتەرگە ساي مەجەلەگەندە، 20 ميلليون يۋان شىعارىپ، تۇتىنۋ تيىمدىلىك بەلەتىن تاراتۋ ارقىلى 220 ميلليون يۋاندىق تۇتىنۋدى جەبەۋگە بولادى“. اقسۋ ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى حوۋ ميڭپيڭ بىلاي دەدى: قيمىل وتكىزۋدەگى سەبەپ − كاسىپورىنداردىڭ تيجارات سەنىمى مەن ءار ۇلت بۇقاراسىنىڭ تۇتىنۋ سەنىمىن سەرپىلتىپ، بازاردىڭ ومىرشەڭدىك كۇشىن جەدەل قالپىنا كەلتىرىپ، تۇتىنۋ قيمىلدارىن قاباتتاستىرا ورىستەتۋدىڭ، تيىمدىلىك جاساۋ ساياساتتارىن قاباتتاستىرا قولدانۋدىڭ كوبەيتكىش اسەرىن ءونىمدى قالىپتاستىرىپ، بۇكىل قوعامنىڭ باتىلدىقپەن تۇتىنۋ، تۇتىنۋ قالاۋى بولۋ، تۇتىنۋ قابىلەتى بولۋىنىڭ ىشكى قوزعاۋشى كۇشىن جانداندىرۋ ءۇشىن.
شينجياڭنىڭ كوپ جەرى تۇتىنۋ تيىمدىلىك بەلەتىن تاراتۋ قيمىلىن باستادى، نەشە ون ميلليون يۋاندىق تۇتىنۋ تيىمدىلىك بەلەتى يۇنشانفۋ APPى ارقىلى تۇرعىندارعا تاراتىلدى. سونىمەن بىرگە، اۆتونوميالى رايوندىق ساۋدا ىستەرى مەڭگەرمەسى نازاردى ءتۇيىندى سالالارعا، ءتۇيىندى تاۋارلارعا شوعىرلاندىرىپ، مەرەكە كەزىندەگى تۇتىنۋدىڭ قاۋىرت ماۋسىمىنا سۇيەنىپ، ۇكىمەت، كاسىپورىن، بانكە، كاسىپ قوعامدارىنىڭ بىرگە ارەكەتتەنۋىن جەبەپ، ”ايشاڭ شينجياڭ، تۇتىنۋدان ءلاززاتتانۋ“ جالپى حالىقتىق جاڭا تۇتىنۋ مەرەكەسى قارسى الۋ جانە الەمدىك زات ساتىپ الۋ · مەرەكەلىك بۇيىمدار فەستيۆالى قاتارلى جەلىلەس تۇتىنۋدى جەبەۋ قيمىلدارىن ۇيىمداستىرىپ ورىستەتىپ، تۇتىنۋ كومەسكى كۇشىن تەرەڭدەي اشىپ، تۇتىنۋ بازارىنىڭ جەدەل قالپىنا كەلۋىن جەبەدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ مىنالاردى ءبىلدىردى: ۇكىمەت قولداۋ كورسەتۋ، جەتەكتەۋ، كاسىپورىن باعا ءتۇسىرىپ، تيىمدىلىك بەرۋ، تۇتىنۋشى يگىلىككە كەنەلۋ فورماسى ارقىلى مەرەكەلىك تۇتىنۋدىڭ قىزۋ ءتۇيىنىن تۇلعالاپ، جالپى حالىق تۇتىنۋدان ءلاززاتتاناتىن قىزۋ راي قالىپتاستىرىپ، بۇكىل رايوننىڭ تۇتىنۋ بازارىنىڭ ومىرشەڭدىك كۇشىن ىشكەرىلەي جانداندىرۋدى ءۇمىت ەتتىك.
تۇتىنۋ − حالىق تۇرمىسىن جاقسارتۋدىڭ ماڭىزدى مازمۇنى ءارى ەكونوميكالىق ارتۋدىڭ قۋاتتى قوزعاۋشى كۇشى. ”ساياساتتاردىڭ، شارالاردىڭ ۇزدىكسىز تياناقتانىپ، ونىمدىلىك كورسەتۋىنە ىلەسە، تۇتىنۋدىڭ دامۋ تەبىنىنىڭ ۇزدىكسىز جاقسارىپ، تۇتىنۋدىڭ ەكونوميكالىق ارتۋ جونىنەن سۇيرەۋ، جەبەۋ رولىنىڭ دا اناعۇرلىم پارمەندى بولاتىندىعىنا سەنەمىن“. شينجياڭ اۋىل شارۋاشىلىق داشۋەسى ەكونوميكالىق، قوعامدىق دامۋدى زەرتتەۋ ورتالىعىنىڭ مەڭگەرۋشىسى، ەكونوميكالىق باسقارۋ شۋەيۋانىنىڭ ورىنباسار باستىعى بۇاجار ابىلا مىنالاردى ءبىلدىردى: ”تۇتىنۋدىڭ ارتۋى ءبىر جولدا بىتە سالاتىن ءىس ەمەس، ەڭ ءتۇبىرلىسى، جۇمىستاندىرۋ، كىرىس، سالىق جانە قوعامدىق يگىلىك ماسەلەلەرىن شەشۋ كەرەك، سونىمەن قوسا، ول ورتا، ۇزاق مەزگىلدىك ساياساتتاردىڭ قولداۋىن قاجەت ەتەدى“.
ينتەرنەت جەلىسىندە جانە ينتەرنەت جەلىسىنەن تىس كۇش سالىپ، تۇتىنۋدىڭ جاندانۋىن جەبەدى
جاڭا جىلدان بەرى ءۇرىمجى قالاسىنداعى اۆتوكولىك بازارلارى بىرتىندەپ قايتا جاندانا باستادى.
ءۇرىمجى قالاسىنىڭ تۇرعىنى جاڭ شياۋگاڭ جاڭا جىل دەمالىسى ورايىندا 7 ادامدىق اۆتوكولىك ساتىپ الدى: ”وسى تۇردەگى اۆتوكولىككە بۇرىننان كوڭىلىم تۇسكەن ەدى، اۆتوكولىك ساتۋ كاسىپورنى ساتىپ الۋ سالىعىنىڭ جارتىسىن تومەندەتۋ ساياساتىنىڭ ۋاقىتىن سوزدى، مۇنان سىرت، اۆتوكولىك تۇتىنۋ تيىمدىلىك بەلەتىن دە ءوتىنىش ەتىپ الۋعا بولادى، سونىمەن اۆتوكولىك ساتىپ العاندا ءبىرتالاي اقشا ۇنەمدەپ قالۋعا بولادى“.
ءداستۇرلى ۇلكەن ەرەن بازارلار، ءتۇرلى بۇيىمدار دۇكەندەرى ينتەرنەت جەلىسىندە بولشەك ساتۋدىڭ دامۋ تولقىنىنا بەلسەندىلىكپەن ۇيلەسىپ، ينتەرنەت جەلىسىندەگى ساۋدا بازارى، ۋيشين توپتارى، شاعىن پروگرامما، تىكە تاراتۋدا زات ساتۋ سياقتىلار ارقىلى تۇتىنۋ ۇلگىسىندە ۇزدىكسىز جاڭالىق اشىپ، ءداستۇرلى بولشەك ساتۋ كاسىبىندە ينتەرنەت جەلىسى مەن ينتەرنەت جەلىسىنەن تىس ساتۋدىڭ توعىسۋىن جەبەدى.
حايجى وتباسى ەلەكتر بۇيىمدارى · ءۇي جيھازدارى دۇكەنى نەشە مىڭ ءتۇرلى قيمىلدىق تاۋارلاردى شىعاردى، قيمىل كەزىندە بانكە بىرلەستىگىنىڭ قوسىمشا قاراجاتىنان سىرت، تۇتىنۋشىلار تاعى تاۋاردىڭ تيىمدىلىكتى باعاسىنان يگىلىكتەنە الادى، قيمىل ”ينتەرنەت جەلىسىندە + ينتەرنەت جەلىسىنەن تىس“ قاتارلى كوپ ءتۇرلى تۇتىنۋ ورىندارىندا تيىمدىلىك جاسايدى.
”2022 - جىلى 12 - ايدىڭ 31 - كۇنىنەن بۇگىنگە دەيىن، بۇكىل شينجياڭداعى جيناق ساتىلۋ مولشەرى سايكەس مەزگىلدەگىدەن ％40 ارتتى، ەڭ ءوتىمدى جەكە بۇيىمدار مۇزداتقىش، توڭازىتقىش، سۋ جىلىتقىش بولدى“، - دەدى حايىر جىجيا شينجياڭ بولىمشە سەرىكتەستىگىنىڭ ساتۋ باس باقىلاۋشىسى گاۋ شيۋپىڭ.
كوكتەم مەرەكەسى تاياپ قالعاندىقتان، شينجياڭ وجيا ەلەكتر بۇيىمداردى باسقارۋ شەكتى سەرىكتەستىگى ”جاڭا جىلداعى مەرەكەلىك بۇيىمدار فەستيۆالى“ قيمىلىن ورىستەتىپ، ينتەرنەت جەلىسىندە تىكە تاراتۋ قيمىلىن جولعا قويىپ، ءارقايسى ماركالارمەن سەلبەستىك ورناتىپ، تۇتىنۋشىلارعا جاڭا زات ساتىپ الۋ تۇعىرىن ازىرلەدى. اتالعان سەرىكتەستىكتىڭ ساتۋ باس باقىلاۋشىسى يۋان جۇنحۋا بىلاي دەدى: تۇتىنۋشىلار ناقتى دۇكەندەر نەمەسە ۋيشين شاعىن پروگرامماسى ارقىلى ونىمدەردى ساتىپ العاندا، سول كۇنى العان زاتىن 48 ساعاتتىڭ ىشىندە جەتكىزىپ بەرە الامىز. قازىر اتالعان سەرىكتەستىكتىڭ بۇكىل شينجياڭداعى دۇكەندەرىنىڭ كۇندىك ساتۋ سوماسى 2 ميلليون يۋاننان استى، مەرەكە، دەمالىس كۇندەرى 10 ميلليون يۋان مولشەرىندە بولادى.
ينتەرنەت جەلىسىنەن سىرت تۇتىنۋ قىزىپ، ينتەرنەت جەلىسىندەگى تۇتىنۋ دا مەرەكەنىڭ كەلۋىنە ىلەسە ۇزدىكسىز كۇسەتتەندى. اۆتونوميالى رايون ”2023 شينجياڭ ينتەرنەتتەگى مەرەكەلىك بۇيىمدار فەستيۆالى“ قيمىلىن وتكىزدى، بۇكىل شينجياڭنىڭ جەر - جەرى دە 100دەن استام رەت باي مازمۇندى، كوپ فورمالى ينتەرنەت جەلىسىندەگى، ينتەرنەت جەلىسىنەن سىرت تۇتىنۋدى جەبەۋ قيمىلدارىن وتكىزىپ، بۇقارانىڭ كوپ تۇرلىلەنگەن تۇتىنۋ سۇرانىسىن قاناعاتتاندىردى.
”وسى بىرنەشە كۇندە، زات اينالىمى اۆتوكولىكتەرى بازارلى بولدى، بۇگىن ۇستەمە جۇمىس ىستەسەك تە زاتتى جونەلتەمىز“... اقسۋ بايگو چينشين ەلەكتروندىق ساۋدا ىستەرى شەكتى سەرىكتەستىگىنىڭ جاۋاپتىسى ۋاڭ جيڭگاي ۋيشين دوستار شەڭبەرىندە جاعدايدى كەز كەلگەن ۋاقىتتا جاڭالاپ تۇردى. ”كوكتەم مەرەكەسىنەن بۇرىن ءبىز قاتتى قاربالاس بولامىز، كۇندىك ساتىلۋ مولشەرى 1500 تاپسىرىسقا جەتەدى“، - دەدى ۋاڭ جيڭگاي.
تۇتىنۋ تيىمدىلىك بەلەتتەرى ينتەرنەت جەلىسىندەگى جانە ينتەرنەت جەلىسىنەن تىس ەكى تۇتىنۋ ورتاسىنىڭ اراسىن جالعاپ، ناقتى اقشالاي تيىمدىلىكتەر ساۋداگەرلەرگە جول اشىپ، قالا تۇرعىندارىن تيىمدىلىككە كەنەلتتى؛ جاڭا ەنەرگيالىق اۆتوكولىكتەردىڭ ساتىپ الۋ سالىعى ۇزدىكسىز كەشىرىم ەتىلىپ، قورا - جاي نەسيەسىنىڭ اقشاسىن كەشىكتىرىپ تولەۋگە بولادى، مولشەرى قوماقتى تۇتىنۋدى ورنىقتىرۋ دەگەنىمىزدىڭ ءوزى تۇتىنۋ نەگىزگى جاعدايىن ورنىقتىرۋ دەگەندىك؛ كوپتەگەن كورىنىس وڭىرلەرى، جۇلدىز دارەجەلى ساياحات تۇسەلحانالارى بىرلەسپە ساياحات توپتاما بەلەتىن شىعارىپ، ەسىك بەلەتتەرىن ارزانداتىپ، ادامداردىڭ دۋماندى كۇيىن ۇيىستىرىپ، ساۋدانى كۇسەتتەندىردى...
جاڭا بەينە ايگىلەپ، تۇتىنۋدىڭ جاڭا قوزعاۋشى كۇشىن قاۋلاتتى
2022 - جىلى 12 - ايدىڭ 31 - كۇنى كەشتە، ءۇرىمجى قالاسى چاڭچۇن جولىنداعى KL شيڭپينحۇي زات ساتىپ الۋ ورتالىعى دۋماندى جاڭا جىلدى قارسى الۋ قيمىلىن وتكىزدى، DJ ۇلاسپالاۋ، Coser الاڭ ارالاۋ، ەركىن مەكروفوندىق كونسەرت، ون مىڭ يۋاندىق حۇڭباۋ تاراتۋ سياقتىلار ىركەس - تىركەس وتكىزىلگەن بۇل قيمىلعا تالاي جاستار ۋادەلەسىپ الىپ”جاڭا جىلدى قارسى الۋعا“ كەلدى.
”تۇتىنۋشىلاردىڭ كوپ نەگىزدەنگەن سۇرانىسىن قاناعاتتاندىرۋ ءۇشىن، قونالقى، جارمەڭكە، بارىس - كەلىس، ءدامدى تاعام، ءان شىرقاۋ، باس قوسۋ سياقتى تۇتاس الاڭدىق ورىندار بىرتىندەپ اشىلۋدا“، - دەدى KL شيڭپينحۇي ساۋداگەر شاقىرۋ − تيجارات ءبولىمىنىڭ ورىنباسار دۇكەن باستىعى ياڭ ياڭ.
بيىل جاڭا جىل دەمالىسىندا، رايونىمىزدىڭ جەر - جەرى ءبىر توپ جاڭا كاسىپ كۇيىندەگى، جاڭا فورماداعى، جاڭا بەينەدەگى قيمىلداردى جوسپارلاپ، مەرەكەلىك راي قالىپتاستىردى. ولار ”شاعىن دا تارتىمدى“ بولۋمەن بىرگە، ”تىرشىلىك تىنىسى“ قويۋ بولعاندىقتان، ادامداردىڭ تۇتىنۋ ىنتاسىن تاسقىنداتتى.
پارتيا 20 - قۇرىلتايىنىڭ بايانداماسىندا، ىشكى سۇرانىستى كۇش سالا كەڭەيتىپ، تۇتىنۋدىڭ ەكونوميكالىق دامۋ جونىنەن نەگىزدىك رولىن كۇشەيتۋ كەرەكتىگى ورتاعا قويىلدى.
”تۇتىنۋدىڭ جاڭا قوزعاۋشى كۇشىن تاسقىنداتۋ تۇتىنۋدىڭ كاسىپ كۇيى مەن ۇلگىسىندە جاڭالىق اشىپ، جاڭاشا تۇتىنۋدى جەبەۋدى قاجەت ەتەدى“. بۇاجار ابىلا مىنالاردى ءبىلدىردى: شينجياڭنىڭ تۇتىنۋ بۇيىمدارى بازارى ءالى دە وراسان زور دامۋ كومەسكى كۇشى مەن كەڭىستىگىنە يە، بۇل − تۇتىنۋدى قامداۋ ورەسىنىڭ جوعارىلاۋىن ۇزدىكسىز ىلگەرىلەتىپ، تۇتىنۋدىڭ ارتۋىنا ۇيلەسەتىن ءتىپتى دە كوپ ءونىمدى قامداۋ جاراتىپ، كوپ ساتىلى، دارالىققا يە تۇتىنۋ سۇرانىستارىن جەبەپ، تۇتىنۋ كومەسكى كۇشىن جەدەل شىعارۋدى قاجەت ەتەدى.
تۇتىنۋ بازارىنىڭ دارەجە جوعارىلاتۋىنا ىلەسە، بازار تۇلعالارى تۇتىنۋدىڭ جوعارىلاۋ اۋقىمىنا بەلسەندىلىكپەن ۇيلەسىپ جانە ونى يگەرىپ، قامداۋدا جاڭالىق اشۋ، ءونىمدى قامداۋدى ارتتىرۋ ارقىلى ءتىپتى دە زور تۇتىنۋ كومەسكى كۇشىن تاسقىنداتتى. دارالىققا يە، كوپ تۇرلىلەنگەن تۇتىنۋ سۇرانىسى زور كولەمدە جاندانىپ، سەزىنۋ ۇلگىسىندەگى تۇتىنۋ، قىزمەت وتەۋ تۇتىنۋى، مادەنيەت - ساياحاتتىق تۇتىنۋ سياقتى تۇتىنۋ ۇلگىلەرى وسىعان وراي جارىققا شىقتى.
جاڭا جىلدان باستاپ، شينجياڭنىڭ قار - مۇزى قىزۋ قارسى الۋعا بولەندى. قار - مۇز تاقىرىپتىق سايران باقشالارىنان شات كۇلكى ۇندەرى كوتەرىلىپ، ءارقايسى ۇلكەن شاڭعى الاڭدارىندا ساۋدا ۇزدىكسىز قىزىپ، ”قار - مۇز ورلەۋى“، ”قار - مۇز شاتتىعى“ جاڭا جىل دەمالىسىنداعى ءتۇيىندى سوزدەرگە اينالدى. مەيتۋاننىڭ ساندى مالىمەتىندە كورسەتىلۋىنشە، شينجياڭ وڭىرىندەگى تۇسەلحانا، كورىنىس وڭىرلەرى سياقتى مادەنيەت - ساياحات ءتۇرى بويىنشا تۇتىنۋداعى الدىڭعى وندىقتى شينجياڭنان سىرت، چىڭدۋ، بەيجيڭ، شاڭحاي، شي - ان، چۇڭچيڭ، ۋحان، گۋاڭجوۋ، حاڭجوۋ، تيانجين، نانجيڭ سىندى جەرلەر يەلەگەن، ”شاڭعى تەبۋ“ قىسقى ساياحاتشىلاردىڭ شينجياڭعا كەلۋىندەگى باستى سەرۋەن تۇرىنە اينالعان.
”مادەنيەت پەن ساياحاتتىڭ توعىسا دامۋى توڭىرەكتەگى قوناقجاي، اس - سۋ، زات ساتىپ الۋ، ارناۋلى كونسەرت تۇتاس تىزبەكتىك كاسىپ سالالارىنىڭ دامۋىن جەبەدى“. بۇاجار ابىلا بىلاي دەپ قارادى: تۇتىنۋ سۇرانىسىنىڭ بارعان سايىن كوپ ساتىلانۋىنا، كوپ تۇرلىلەنۋىنە جانە دارالىققا يە بولۋىنا ىلەسە، وسىعان سايكەستى تۇردە سالاماتتىق، ەمدەۋ، قارتتاردى كۇتىمدەۋ، بالالاردى اماناتتاپ قاراۋ سياقتى قىزمەت وتەۋ سيپاتتى تۇتىنۋدى زور كۇشپەن جەبەپ، باسىلىم، كورىنىس ءوڭىرى، مادەنيەت - مۇراجاي الاڭ - سارايلارى سياقتى مادەنيەت - ساياحاتتىق تۇتىنۋلاردى ۇزدىكسىز كەڭەيتىپ، ساپالى ونىممەن جانە قىزمەت وتەۋمەن قامداۋدى ارتتىرۋ كەرەك.
حى گوچيڭ مىنالاردى ءبىلدىردى: كەلەسى قادامدا، اۆتونوميالى رايوندىق ساۋدا ىستەرى مەڭگەرمەسى تۇتىنۋ بازارىنىڭ ءىس جۇزىندىگىن تياناق ەتىپ، جەر - جەردىڭ ءبىر توپ جەرگىلىكتى ەرەكشەلىگى ايقىن تۇتىنۋ ماركالى مەرەكە قيمىلدارىن جەتىلدىرىپ، تۇتىنۋ قىزۋ ءتۇيىنى مەن جارقىن ءتۇيىنىن مولىنان شىعارۋدى بارىنشا جەبەپ، تۇتىنۋ بازارىنىڭ قايتا قالپىنا كەلۋىن، دارەجەسىنىڭ جوعارىلاۋىن ىلگەرىلەتىپ، تۇتىنۋدىڭ ەكونوميكالىق دامۋداعى نەگىزدىك سيپاتتىق رولىن اناعۇرلىم ويداعىداي ساۋلەلەندىرۋىنە جەتەكشىلىك ەتەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
