ەڭ جوعارى حالىق پروكۋراتۋراسى ءادىليا قىزمەتكەرلەرىنىڭ مىندەتتىك قىلمىس دەلولارىن باسقارۋدى ارناعا ءتۇسىردى
2023.01.06 15:00 كەلۋ قاينارى : حالىق تورابى
تاياۋدا ەڭ جوعارى حالىق پروكۋراتۋراسى «حالىق پروكۋراتۋراسىنىڭ ءادىليا قىزمەتكەرلەرىنىڭ مىندەتتىك قىلمىس دەلولارىن ءبىر جاقتى ەتۋدە سايكەسۋ، تەجەۋ قىزمەتىن كۇشەيتۋ جونىندەگى بەلگىلەمەنى» (تومەندە قىسقارتىلىپ «بەلگىلەمە» دەلىنەدى) باسىپ تاراتتى، مىندەت ءبولىسى، الدىن الا تەكسەرۋ، تەكسەرىپ قولعا الۋ، تەكسەرىپ ايىپتاۋ، سوتقا قاتىناسىپ الەۋمەتتىك ايىپتاۋ جۇرگىزۋ جانە باسقا دا بەلگىلەمەلەر سياقتى 6 جاقتان پروكۋراتۋرا ورگاندارىنىڭ ءادىليا قىزمەتكەرلەرىنىڭ مىندەتتىك قىلمىس دەلولارىن ءبىر جاقتى ەتۋگە قاتىستى قىزمەتتەر جونىندە ايقىن بەلگىلەمە جاسالدى.
«بەلگىلەمەدە» مىنالار اتاپ كورسەتىلدى: پروكۋراتۋرا ورگاندارى ارىز - شاعىم قيمىلدارىنا زاڭدىق باقىلاۋ جۇرگىزۋ بارىسىندا بايقاعان ءادىليا قىزمەتكەرلەرىنىڭ قىزمەت ۇقىعىنان پايدالانىپ زاڭسىز قاماۋ، قيناپ سۇراققا تارتۋ، زورلاپ مويىنداتۋ، زاڭسىز ءتىنتۋ سياقتى ازاماتتاردىڭ ۇقىعىنا قول سۇعاتىن، ءادىليانىڭ ادىلدىگىنە زيان جەتكىزەتىن قىلمىستارعا بارلاۋ جۇرگىزۋگە جاۋاپتى تاراۋلار (تومەندە قىسقارتىلىپ «بارلاۋ تاراۋلارى» دەلىنەدى) دەلو تۇرعىزىپ بارلاۋ جۇرگىزەدى، مىندەتتىك قىلمىس بويىنشا قولعا الۋ – شاعىم ايتۋ تاراۋلارى (تومەندە قىسقارتىلىپ «مىندەتتى تەكسەرۋ تاراۋلارى دەلىنەدى) تەكسەرىپ قولعا الۋ، تەكسەرىپ ايىپتاۋ، الەۋمەتتىك ايىپتاۋ جانە بارلاۋدى باقىلاۋ، سوت جۇرگىزۋدى باقىلاۋ سياقتى مىندەتتەردى وتەيدى.
الدىن الا ارالاسۋ جاعىندا، «بەلگىلەمەدە» بىلاي دەلىنگەن: بارلاۋ تاراۋلارىنىڭ بارلاۋ بارىسىندا دەلونىڭ قاراستىلىعى، دالەل - سىپات جيناۋ، فاكتىنى تۇراقتاندىرۋ، دەلونىڭ سيپاتىن تۇراقتاندىرۋ، زاڭ قولدانۋ، ماجبۇرلەۋ شارالارىن قولدانۋ، دەلوعا قاتىستى مال – مۇلىكتى ءبىر جاقتى ەتۋ سياقتى ماسەلەلەر جونىندە مىندەتتى تەكسەرۋ تاراۋلارىنىڭ پىكىرىن تىڭداۋىنا بولادى. ءىرى، قيىن، كۇردەلى دەلولاردى بارلاۋ تاراۋلارىنىڭ سول پروكۋراتۋرانىڭ مىندەتتى تەكسەرۋ تاراۋلارىنىڭ الدىن الا بارلاۋ قيمىلىن جۇرگىزۋىن اقىلداسۋىنا بولادى.
تەكسەرۋ، قولعا الۋ ساتىسىندا، «بەلگىلەمەدە» مىنالار تالاپ ەتىلگەن: قىلمىس كۇماندىسىن قولعا الۋ قاجەت بولسا، بارلاۋ تاراۋلارى قىلمىس كۇماندىسىن قولعا الۋ پىكىرىن جازىپ، قاتىستى دالەل - سىپاتتارمەن جانە باسقا دا دەلو ماتەريالدارىمەن بىرگە مىندەتتى تەكسەرۋ تاراۋلارىنىڭ تەكسەرۋىنە وتكىزىپ بەرۋ كەرەك. قىلمىس كۇماندىسى قولعا الىنعاننان كەيىن، بارلاۋ تاراۋلارى ماجبۇرلەۋ شارالارىن وزگەرتۋ ۇيعارىمىن جاساسا، مىندەتتى تەكسەرۋ تاراۋلارىنا دەر كەزىندە مالىمدەۋ كەرەك.
ايىپتاۋدى تەكسەرۋ جاعىندا «بەلگىلەمەدە» مىنالار تالاپ ەتىلدى: تەكسەرىپ ايىپتاۋعا وتكىزىپ بەرۋ ۇيعارىلعان دەلولاردى بارلاۋ تاراۋلارى ايىپتاۋ پىكىرناماسىن نەمەسە ايىپتاماۋ پىكىرناماسىن، قاتىستى دالەل - سىپاتتاردى جانە باسقا دا دەلو ماتەريالدارى سياقتىلاردى بىرگە مىندەتتى تەكسەرۋ تاراۋلارىنىڭ باسقارۋىنا وتكىزىپ بەرۋى كەرەك. سول پروكۋراتۋرانىڭ بارلاۋ تاراۋلارى ايىپتاۋعا جولداعان دەلولار جونىندە مىندەتتى تەكسەرۋ تاراۋلارى ادەتتە بۇرىنعى ماجبۇرلەۋ شارالارىن قولدانادى. مىندەتتى تەكسەرۋ تاراۋى تەكسەرگەننەن كەيىن دەلونى تولىقتاپ بارلاۋ قاجەت دەپ قاراسا، تولىقتاپ بارلاۋ تەزيسىن جاساپ، دەلو ماتەريالدارىمەن قوسا بارلاۋ تاراۋىنا قايتارادى. قاجەت بولعاندا، بارلاۋ تاراۋلارىمەن بايلانىس جاساعاننان كەيىن وزدىگىنەن تولىقتاپ بارلاۋىنا بولادى.
سوتقا قاتىناسىپ الەۋمەتتىك ايىپتاۋ جۇرگىزۋ بۋىنىندا، «بەلگىلەمەدە» مىنالار تالاپ ەتىلگەن: سوت جۇرگىزۋ بارىسىندا سوت جۇرگىزۋگە قاجەتتى دالەل - سىپاتتاردى تولىقتاپ بەرۋ نەمەسە تولىقتاپ بارلاۋ جۇرگىزۋ قاجەت بولعان دەلولار جونىندە مىندەتتى تەكسەرۋ تاراۋلارى بارلاۋ تاراۋلارىنىڭ دالەل - سىپاتتاردى تولىقتاپ، كەمەلدەندىرىپ، قاتىستى قىزمەتتەردى ويداعىداي ىستەۋگە سايكەسۋىن تالاپ ەتەدى. سوت مەكەمەسى سوت اشىپ قاراۋدى ۇيعارعان دەلولار جونىندە مىندەتتى تەكسەرۋ تاراۋلارى سوت اشۋ ينفورماتسياسىن دەر كەزىندە بارلاۋ تاراۋلارىنا مالىمدەۋ كەرەك. بارلاۋ تاراۋلارىنىڭ سوت تەرگەۋىن سىرتتاي تىڭداۋعا قىزمەتكەر جىبەرۋىنە بولادى. سوت مەكەمەسى ۇكىم جاريالاۋدان بۇرىن مىندەتتى تەكسەرۋ تاراۋلارى ارىز - شاعىمدى وزگەرتۋ، تولىقتاۋ، جالعاستى تولىقتاۋ، قايتارىپ الۋ قاجەت ەكەنىن بايقاسا، بارلاۋ تاراۋلارىنىڭ پىكىرىن العاننان كەيىن، باس پروكۋروردىڭ ۇيعارىم جاساۋىنا جولداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
