شينجياڭ الدىمەن 4 تاس جول شەكارا وتكەلىنىڭ جولاۋشى تاسىمالىن قالپىنا كەلتىردى
2023.01.09 12:56 كەلۋ قاينارى : حالىق تورابى
انار بۇلت – شينجياڭ گازەتىنىڭ حابارى (شىن چياڭۋەي). 1 - ايدىڭ 8 - كۇنى تۇستەن بۇرىن ساعات 10 دا، قورعاس تاس جولى شەكارا وتكەلىنىڭ جولاۋشىلاردى تەكسەرۋ زالىندا كەدەندىك ءوتىنىش بەرۋ تەكشەسىنىڭ الدىندا تۇڭعىش توپتاعى قازاقستاننان شەكارادان كىرگەن جولاۋشىلاردى كۇتتى. مەملەكەتتىك كەڭەستىڭ «جۇڭگولىق، شەتەلدىك ادامداردىڭ بارىس - كەلىس ۋاقىتتىق شاراسى جونىندەگى ۇقتىرۋىنىڭ» رۋحىنا ساي، 2023 - جىلى 1 - ايدىڭ 8 - كۇنىنەن باستاپ، شينجياڭ قورعاس، ەركەشتام، قاراسۋ، تايكەشكەن سىندى 4 تاس جول شەكارا وتكەلىنىڭ جولاۋشى تاسىمالىن الدىمەن قالپىنا كەلتىردى.
شينجياڭنىڭ وڭىرلىك باسىمدىعى كورنەكتى، 8 مەملەكەتپەن شەكارالاسادى، جىل بويى 17 وتكەل اشىلادى، بۇل ەلىمىزدىڭ باتىسقا ەسىك اشۋداعى العى قامالى. مەملەكەتتىك كەڭەستىڭ «جاڭا تيپتى ايدارشا ۆيرۋسىمەن جۇعىمدالۋدى ‹B تۇردەگى اۋرۋعا B تۇردەگى باسقارۋ شاراسىن› قولدانۋدى اتقارۋ جونىندەگى جالپى تۇلعالىق جوباسىنا» ساي، 1 – ايدىڭ 8 – كۇنىنەن باستاپ، جاڭا تيپتى ايدارشا ۆيرۋسىمەن جۇعىمدالعاندارعا « Bتۇردەگى اۋرۋعا B تۇردەگى باسقارۋ شاراسىن» اتقاردى. وسى رەتكى 1 - توپتاعى جولاۋشى تاسىمالىن قالپىنا كەلتىرگەن 4 وتكەل جۇڭگونىڭ شينجياڭى مەن توڭىرەكتەگى ەلدەر اراسىنداعى ماڭىزدى قۇرلىق جولى وتكەلى: قورعاس وتكەلى قازاقستاننىڭ جەتسۋ وبلىسىنا ىرگەلەس؛ ەركەشتام وتكەلى قىرعىزستاننىڭ وش وبلىسىمەن ىرگەلەس؛ قاراسۋ وتكەلى جۇڭگو مەن تاجىكستان اراسىنداعى بىردەن - ءبىر قۇرلىق جولى وتكەلى؛ تايكەشكەن وتكەلى موڭعۇليانىڭ قوبدا ولكەسىمەن ىرگەلەس، جۇڭگو شينجياڭنىڭ موڭعۇلياعا اشقان ءبىرىنشى ۇلكەن وتكەلى.
قازىر، شينياڭ ۇيعۇر اۆتونوميالى رايونىنداعى قاتىستى ورىندار، شينجياڭدا تۇراتىن تەكسەرۋ ورىندارى قۇرىلعى جابدىقتارى مەن مەحانيزم اينالىمى جاعىندا كەمەلدەندىرىپ، تولىقتاپ، جولاۋشى تاسىمالىنىڭ كەدەننەن ءوتۋىن قالپىنا كەلتىرۋگە ويداعىداي كەپىلدىك ەتتى.
ءۇرىمجى كەدەنى اۆياتسيا وتكەلى، تاس جول وتكەلى جانە تەمىر جول وتكەلى ەرەكشەلىگىنە قاراتا سايكەستى جوبا جاساپ، «ءبىر وتكەلگە ءبىر جوباۋ جاساۋدى» ورىنداپ، جولاۋشىلاردىڭ كەدەننەن ءوتۋىنىڭ ىركىلىسسىزدىگىنە كەپىلدىك ەتتى.
1 - ايدىڭ 7 - كۇنى شينجياڭ شەكارادان كىرىپ - شىعۋ شەكارا قورعانىس تەكسەرۋ باس پۋنكتى قاراسۋ شەكارادان كىرىپ - شىعۋ شەكارا قورعانىس تەكسەرۋ پۋنكتىنىڭ حالىق ساقشىلارى جولاۋشىلاردى قارسى الۋ دايىندىعىن الدىن الا جاقسى ىستەپ، شەكارا وتكەلىندە دايىندىق جاساپ، كاسىپورىندارمەن بايلانىستى كۇشەيتىپ، شۇعىل جاعدايعا توتەپ بەرۋ جوباسىن ويداعىداي جاساپ، شەكارا وتكەلىنىڭ جولاۋشى تاسىمالىنىڭ ءساتتى بولۋىنا كەپىلدىك ەتتى.
«ءبىز كەدەن شەكارالىق تەكسەرۋ سياقتى تاراۋلارمەن كوپ رەت جولاۋشىلاردى جەتكىزۋ جانە زاتتاردى تىكە جەتكىزۋ قىزمەتىن سايكەستىرۋ، ورنالاستىرۋ ءماجىلىسىن اشىپ، ءتۇرلى قىزمەت جوباسىن ويداعىداي جاساپ، شەكارادان كىرىپ - شىعۋ سياقتى ساياساتتاردى ۇگىتتەۋدى كۇشەيتىپ، شەكارا وتكەلىندەگى قۇرىلعىلاردى الدىن الا ويداعىداي قورعاپ، اينالىمنىڭ قالىپتى بولۋىنا كەپىلدىك ەتتىك، سونىمەن بىرگە شەكارا وتكەلىنىڭ قونالقى، اس - سۋ سياقتى قاتىستى ورنالاستىرۋىن جاساپ، جولاۋشىلاردىڭ حاۋىپسىز، قولايلى بولۋىنا بار كۇشپەن كەپىلدىك ەتتىك» دەدى التاي ايماقتىق تايكەشكەن شەكارا وتكەلىن باسقارۋ كوميتەتى كەڭسەسىنىڭ مەڭگەرۋشىسى چي ۋيجياڭ.
شينجياڭ ۇيعۇر اۆتونوميالى رايوندىق حالىق ۇكىمەتى سىرتقى ىستەر كەڭسەسى شەكارا وتكەلى جالپىلىق باسقارماسىنىڭ ورىنباسار باستىعى جيا فاڭ شەكارا وتكەلدەرىنىڭ ادامداردىڭ بارىس - كەلىسىن قالپىنا كەلتىرۋ شينجياڭنىڭ شەكارا وتكەلدەرىنىڭ سىرتقا ەسىك اشۋ دەڭگەيىن اناعۇرلىم جوعارىلاتۋعا، حالىقارالىق اۋىس - كۇيىستى، سەلبەستىكتى جەبەۋگە ءتيىمدى، شينجياڭنىڭ باتىسقا ەسىك اشۋداعى ۇلكەن ارنا رولىن تولىق ساۋلەلەندىرە الادى. سوڭعى مەزگىلدە رايونىمىز تاجىريبە توپتاۋ جانە جالپىلىق باعالاۋ جاعدايىنا نەگىزدەلىپ، باسقا شەكارا وتكەلدەرىنىڭ جولاۋشى تاسىمال كەدەننەن ءوتۋىن تارتىپپەن قالپىنا كەلتىرەدى دەگەندى ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
