”جۇمىس بولسا كومەكتەسەمىن“ قىزمەت وتەۋى اۋىلعا قايتۋ جولىن مەيىرگە بولەدى
□ انار بۇلت \ شينجياڭ گازەتىنىڭ ءتىلشىسى لۋ فىڭباۋ
2023.01.09 16:48 كەلۋ قاينارى : شينجياڭ گازەتى
كوكتەم بوساعالىعىن ۇسىندى، تەرەزە ويۋىن جاپسىردى، ءتۇيىندى جولاۋشىلاردىڭ بەكەتكە كىرۋىنە كومەكتەستى... 1 - ايدىڭ 7 - كۇنى 40 كۇنگە جالعاساتىن كوكتەمگى تاسىمال جاپپاي باستالدى، ءۇرىمجى ۆوگزالى وتە ءتارتىپتى، ەرىكتىلەر مەن قىزمەتكەرلەر جولاۋشىلاردىڭ ۆوگزالعا كىرۋىنە جەتەكشىلىك ەتتى ءارى قولما - قول جازىلعان كوكتەم بوساعالىعىن ۇسىندى، ۆوگزال ءىشى مەيىرگە تولدى.
وسى كۇنى ساعات 10دا ءار جاقتان ءۇرىمجى ۆوگزالىنا كەلگەن جولاۋشىلار قايشالىسىپ جاتتى، ءتۇرلى - ءتۇستى قورجىن - قولاڭدار ولاردىڭ ءبىر جىلداعى جيعان - تەرگەندەرىنە جانە جانۇياسىنداعىلارعا دەگەن تەرەڭ ساعىنىشىنا تولعان ەدى.
ءۇرىمجى ۆوگزالىنىڭ 1 - قاباتىندا تەمىر جول قىزمەتكەرلەرى مەن ”شياۋچيڭگو“ ەرىكتىلەرى ءوز جۇمىس ورىندارىندا الدەقاشان قاربالاستىققا ءتۇسىپ كەتكەن ەدى، كەيبىرەۋلەرى جولاۋشىلارعا جول كورسەتىپ، كەڭەس بەرۋدە، كەيبىرەۋلەرى سول جەردىڭ ءتارتىبىن ساقتاۋدا، كەيبىرەۋلەرى قارتتاردىڭ جۇگىن كوتەرىسۋدە، كەيبىرەۋلەرى ءجۇرىپ - تۇرۋى قولايسىز جولاۋشىلاردى ۆوگزالعا دوڭگەلەكتى اربامەن كىرگىزۋدە...
”ءبىز 50 نەشە ەرىكتىنى بەلەت ساتۋ زالى، ۆوگزالعا كىرەر اۋىز، ۆوگزالدان شىعار اۋىز، پويەز كۇتۋ زالى سياقتى اۋماقتاردا جولاۋشىلاردىڭ بەلەت ساتىپ الۋىنا جەتەكشىلىك ەتۋ، اۆتوماتتى اپپارات ارقىلى ۇعىسىپ بەرۋ، ۆوگزالعا كىرۋىنە كومەكتەسۋ سياقتى جاقتاردا قىزمەت وتەۋگە ۇيىمداستىردىق“، - دەدى ءۇرىمجى ۆوگزالى جولاۋشى تاسىمال سەحى پارتيا باس ياچەيكاسىنىڭ شۋجيى لي شۋەسىن.
بيىلعى كوكتەمگى تاسىمال − ىندەتتەن ساقتانۋ ساياساتىن ساپالىلاندىرىپ رەتتەگەننەن كەيىنگى تۇڭعىش كوكتەمگى تاسىمال. مۇندا وقۋشىلار اعىنى، جۇمىسكەرلەر اعىنى، تۋىسشىلاۋشىلار اعىنى، ساياحاتشىلار اعىنى سياقتى نەگىزگى جولاۋشىلاۋ سۇرانىسى بەلگىلى كولەمدى يەلەيدى، تەمىر جولداعى جولاۋشىلار اعىنى قايتا مولايۋ اۋقىمى جارىققا شىعادى دا، جالپى جاقتان ءبىرشاما ورنىقتى بولادى.
كوكتەمگى تاسىمال كەزىندە، شينجياڭداعى تەمىر جولدا جونەلتىلگەن جولاۋشى سانى مەجەمەن 2 ميلليون 603 مىڭ 700 ادام - رەت بولادى، كۇنىنە جونەلتىلگەن جولاۋشى سانى 65 مىڭ 100 ادام - رەت بولادى. تەمىر جول تاراۋلارى جولاۋشى پويەزدارىن قاتىناتۋ جوباسىن ساپالىلاندىرىپ، ىندەتتەن ساقتانۋ - تىزگىندەۋ شارالارىن دالمە - ءدال تياناقتاندىرىپ، حالىققا قولايلى جەلىلەس قىزمەت وتەۋ شارالارىن شىعارىپ، كوكتەمگى تاسىمالدا حاۋىپسىز، ءتارتىپتى، جايلى جاعدايىن بار كۇشپەن قالىپتاستىردى.
كوكتەمگى تاسىمال كەزىندە، تەمىر جول تاراۋلارى نەگىزگى ۆوگزالداردا ”قارتتارعا قىزمەت وتەۋدى“ العا قويدى. قارتتارعا جانە ينتەرنەتتەن پايدالانۋدى بىلمەيتىندەرگە مەڭزەس، ءۇرىمجى ۆوگزالىنىڭ ”جىبەك جولى مەرۋەرتى“ قىزمەت وتەۋ تۇعىرى ”جاسىل جىبەك لەنتا“ اتىنداعى قامقورلىق جاساۋ، قىزمەت وتەۋ سەرپىنىن ۇزدىكسىز ارتتىرىپ، دوڭگەلەكتى اربا، زۋزا سياقتى قوسالقى جابدىقتاردى دايىنداپ، 12306 سايتىندا ۋادەلەسكەن قارتتار، ناۋقاستار، مۇگەدەكتەر سياقتى بەلەت الاتىن جولاۋشىلاردىڭ ۆوگزالعا الدىمەن كىرۋىنە كومەكتەسىپ، پويەزعا وتىرۋعا، پويەزدان تۇسۋگە كومەكتەسۋ، ۆوگزالدان شىعۋعا قولايلىلىق جاساۋ سياقتى جاقتاردا قىزمەت وتەيدى.
”جولاۋشىلارعا جىلى مەيىر تانىتىپ، اۋىلعا قايتۋ جولىن مەيىرگە بولەيمىز“. پويەز كۇتۋ زالىنداعى ”جىبەك جولى مەرۋەرتى“ قىزمەت وتەۋ تۇعىرىنىڭ الدىندا جولاۋشى تاسىمال قىزمەتكەرى سۇن يان كۇلىمسىرەي بىلاي دەدى: ”ۋادەلەسكەن ءتۇيىندى جولاۋشىلاردان سىرت، ءجۇرىس - تۇرىسى قولايسىز جولاۋشىلار بولسا، ولارعا ىرىقتىلىقپەن كومەكتەسەمىز“.
ءۇرىمجى ۆوگزالىنداعى بالالاردىڭ ويناي ءجۇرىپ پويەز كۇتۋ اۋماعىندا بىرنەشە بالا دوپ، اعاش ات سياقتى ويىنشىقتارمەن ويناۋدا، اتا - انالار ولاردىڭ جانىندا الاڭسىز پويەز كۇتۋدە. انالار مەن نارەستەلەردىڭ ارناۋلى پويەز كۇتۋ بولمەسى جاڭالانىپ پايدالانۋعا بەرىلدى، مۇندا نارەستەلەر توسەگى، قالتقى سياقتى قۇرىلعىلاردان سىرت، سىمىرگىش جايالىق، سۋلى قاعاز، بالالار ماسكاسى سياقتى بۇيىمدار دا ازىرلەنىپ، قاجەتى تۇسكەن جولاۋشىلارعا قولايلىلىق جاسالدى.
ۆوگزالعا كىرگەن جولاۋشىلار بىرتىندەپ كوبەيىپ، پويەز كۇتۋ زالىندا بوس ورىندىق قالمادى. بىرنەشە حاتكەر ”جىبەك جولى مەرۋەرتى“ قىزمەت وتەۋ تۇعىرىنىڭ الدىندا قىل قالاممەن سول جەردىڭ وزىندە جازعان كوكتەم بوساعالىقتارىن جولاۋشىلارعا ۇسىندى.
پويەزدار بەلگىلەنگەن ۋاقىتتا بىرىنەن سوڭ ءبىرى جولعا شىقتى، قورجىن - قولاڭدارىن كوتەرىپ، سيا ءيىسى اڭقىعان كوكتەم بوساعالىعىن العان جولاۋشىلار پويەز تەكشەسىنە قاراي جىلجىدى.
ۇرىمجىدەن قۇمىلعا قاتىنايتىن D8806 كەزەكشى پويەزىندا، پويەز قىزمەتكەرلەرى پويەزدىڭ تەرەزەسىنە ”福“ ءارىبى فورماسىنداعى تەرەزە ويۋىن جاپسىردى. ساعات 11دەن 40 مينۋت وتكەندە پويەز باياۋ جىلجىدى، مەيىر مەن مەرەكەلىك رايعا تولعان وسى پويەز قۇمىلعا قاراي ءجۇرىپ كەتتى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
