ونىنشى نۇسقاداعى ساقتانۋ – تىزگىندەۋ جوباسىندا نەگىزىنەن قانداي جاقتاردا رەتتەۋ جۇرگىزىلگەن؟ مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى ءتۇسىندىردى
2023.01.09 16:14 كەلۋ قاينارى : حالىق تورابى
1 – ايدىڭ 5 – كۇنى ساعات 15 تە، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى اقپار جاريالاۋ ءماجىلىسىن اشتى، مەملەكەتتىك اۋرۋدىڭ الدىن الۋ جانە تىزگىندەۋ مەكەمەسى جۇقپالى اۋرۋلاردان ساقتانۋ مەڭگەرمەسىنىڭ باستىعى، 1 – دارەجەلى شارلاۋشىسى لەي جىڭلۇڭنىڭ تانىستىرۋىنشا، «جاڭا تيپتى ايدارشا ۆيرۋسپەن جۇعىمدالۋدان ساقتانۋ – تىزگىندەۋ جوباسىندا (ونىنشى نۇسقاسى)» باستىسى مىناداي بىرنەشە جاقتان رەتتەۋ جۇرگىزىلگەن:
بىرىنشىدەن، اۋرۋدىڭ اتى وزگەرتىلدى. «جاڭا تيپتى ايدارشا ۆيرۋس وكپە قابىنۋى» دەگەن ات «جاڭا تيپتى ايدارشا ۆيرۋسپەن جۇعىمدالۋ» بولىپ وزگەرتىلدى.
ەكىنشىدەن، باقىلاۋ جانە ساقتىق دابىلىن قاعۋ جونىندە. ادەتتەگى جاعدايدا، باستىسى ۆيرۋستىڭ وزگەرگەن تۇبىرشىگىن باقىلاۋ، جەكەلەي جاعدايلار تۋرالى مالىمەت بەرۋ، كۇزەتتىك ەمحانالاردا باقىلاۋ جۇرگىزۋ، سەبەبى بەلگىسىز وكپە قابىنۋىنا باقىلاۋ جۇرگىزۋ، قالاداعى لاس سۋعا باقىلاۋ جۇرگىزۋ قاتارلى قىزمەتتەر ىستەلەدى. شۇعىل جاعدايدا، حىسۋان جانە انتيگەن تەكسەرۋ، ءتۇيىندى قۇرىلىمداردا تەكسەرۋ قاتارلى قىزمەتتەر ارتتىرىلادى.
ۇشىنشىدەن، تەكسەرۋ تاكتيكاسىنا رەتتەۋ جۇرگىزىلدى. مۇنان بىلاي جاپپاي حىسۋان تەكسەرۋ ورىستەتىلمەيدى، الەۋمەتتىك اۋماقتاعى تۇرعىنداردىڭ قاجەتىنە قاراي «تەكسەرۋدى قالايتىنداردى تولىق تەكسەرۋ» ورىستەتىلەدى. قارتتاردى كۇتىمدەۋ قۇرىلىمدارى، الەۋمەتتىك قامقورلىق قۇرىلىمدارى قاتارلىلاردىڭ قىزمەتكەرلەرى مەن كۇتىمدەلۋشىلەر، الەۋمەتتىك اۋماقتاعى ناۋقاسى سالماقتى، حاۋىپ – قاتەر دارەجەسى جوعارى ادامدار قاتارلىلارعا انتيگەندى نەمەسە حىسۋاندى تەكسەرۋ ورىستەتىلەدى.
تورتىنشىدەن، تارالۋ قاينارىن باسقارۋ جاعىندا. جاڭا تيپتى ايدارشا ۆيرۋسپەن جۇعىمدالعاندارعا مۇنان بىلاي اۋاشالاۋ شاراسى اتقارىلمايدى، دارەجەگە، تۇرگە ءبولىپ قابىلداۋ ارقىلى ەمدەۋ شاراسى اتقارىلادى؛ مۇنان بىلاي تىكەلەي جاناسۋشىلار دەپ ۇيعارىم شىعارىلمايدى؛ مۇنان بىلاي حاۋىپ – قاتەر دارەجەسى جوعارى، تومەن ورىندار بەلگىلەنبەيدى.
بەسىنشىدەن، ىندەت تارالعان مەزگىلدە شۇعىل ساقتانۋ – تىزگىندەۋ شارالارى اتقارىلادى. ىندەت تارالعان مەزگىلدە، ۆيرۋستىڭ وزگەرىس جاعدايىنا، ىندەتتىڭ تارالۋ جاعدايىنا، ەمدەۋ بايلىعىنىڭ كوتەرىمدىلىگىنە جانە قوعام اينالىمىنىڭ جاعدايىنا ۇشتاستىرا وتىرىپ، جان – جاقتى ساراپتاۋ جۇرگىزىلىپ، ۇيلەسىمدى ساتتە ۋاقىتتىق ساقتانۋ – تىزگىندەۋ شارالارى اتقارىلىپ، ادامداردىڭ شوعىرلانۋى، ادامداردىڭ ءجۇرىس – تۇرىسى ازايتىلادى، جۇعىمدالۋشىلاردىڭ قىسقا مەزگىل ىشىندە كۇرت ارتۋى سەبەبىنەن قوعامنىڭ اينالىمى مەن ەمدەۋ بايلىقتارى قاتارلىلارعا تۇسەتىن قىسىم جەڭىلدەتىلەدى. (باس ستانسيا ورتالىق تەلەۆيزيا ءتىلشىسى شى يىڭچۇن، ليۋ تيڭيۇي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
