مەملەكەتتىك مەديتسينالىق قامتاماسىزداندىرۋ مەكەمەسى جاڭا تيپتى ايدارشا ۆيرۋستى ەمدەيتىن ءدارى – دارمەكتەرگە ساياتىن مەديتسينالىق قامتاماسىزداندىرۋ جاعىنداعى كەلىسسوزدىڭ جاعدايىن جاريالادى
2023.01.09 15:34 كەلۋ قاينارى : حالىق تورابى
مەملەكەتتىك مەديتسينالىق قامسىزداندىرۋدىڭ 2022 – جىلعى كولەمىندە قامتىلاتىن ءدارى – دارمەكتەر تىزىمدىگى جونىندەگى ءتورت كۇنگە جالعاسقان كەلىسسوز 1 – ايدىڭ 8 – كۇنى بەيجيڭدە جابىلدى. مەملەكەتتىك مەديتسينالىق قامتاماسىزداندىرۋ مەكەمەسىنىڭ ءدارى – دارمەكتەردى باسقارۋ مەڭگەرمەسىنىڭ جاۋاپتىسى جاڭا تيپتى ايدارشا ۆيرۋسقا ساياتىن كەلىسسوزدىڭ جاعدايى جونىندە مىناداي جاۋاپ قايتاردى: وسى رەتكى كەلىسسوز كولەمىندە جيىنى 3 ءدارى قامتىلعان، ازۆدين تابلەتكاسى، وكپەنى تازالاپ، ۋىتتى ايدايتىن ۇنتاق ءدارى سىندى ەكى دارىگە ساياتىن كەلىسسوز ءساتتى بولدى، حۇيرۇي نەماتۆير تابلەتكاسى \ ريتوناۆير تابلەتكاسى بىرىكتىرىلىپ قوراپتالعان دارىگە قويىلعان باعا وتە جوعارى بولعاندىقتان، كەلىسسوز ءساتتى بولمادى.
اتالعان جاۋاپتىنىڭ ايتۋىنشا، مەملەكەتتىك مەديتسينالىق قامتاماسىزداندىرۋ مەكەمەسى قاتارلى ءتورت تاراۋ جۋىردا «‹B تۇردەگى اۋرۋلارعا B دارەجەلى باسقارۋ شارالارى› اتقارىلعاننان كەيىن جاڭا تيپتى ايدارشا ۆيرۋسپەن جۇعىمدالعان ناۋقاستاردى ەمدەۋ قاراجاتىنا ساياتىن مەديتسينالىق قامتاماسىزداندىرۋ ساياساتىن جاقسارتۋ جونىندەگى ۇقتىرۋدى» باسىپ تاراتىپ، جاڭا تيپتى ايدارشا ۆيرۋسپەن جۇعىمدالعانداردى ەمدەۋ جوباسىندا قامتىلعان جاڭا تيپتى ايدارشا ۆيرۋسپەن جۇعىمدالعانداردى ەمدەيتىن ءدارى – دارمەكتەردىڭ اقىسىن مەديتسينالىق قامسىزداندىرۋ قورىنان تولەۋ سىندى ۋاقىتتىق ساياساتتى اتقارۋدى ءارى الدىمەن 2023 – جىلى 3 – ايدىڭ 31 – كۇنىنە دەيىن اتقارا تۇرۋدى ايقىنداعان.
بىلايشا ايتقاندا، وسى رەت كەلىسسوز وتكىزىلگەن ازۆدين تابلەتكاسى، وكپەنى تازالاپ، ۋىتتى ايدايتىن ۇنتاق ءدارى جانە حۇيرۇي نەماتۆير تابلەتكاسى \ ريتوناۆير تابلەتكاسى بىرىكتىرىلىپ قوراپتالعان ءدارى تۇگەلدەي مەديتسينالىق قامسىزداندىرۋ قورىنان تولەۋ كولەمىنە ۋاقىتتىق قامتىلعان، ناۋقاستار 2023 – جىلى 3 – ايدىڭ 31 – كۇنىنەن بۇرىن ەمدەلۋ اقىسىن مەديتسينالىق قامسىزداندىرۋ قورىنان تولەۋگە قاتىستى ساياساتتاردان يگىلىكتەنە الادى.
مۇنان سىرت، ازۆدين تابلەتكاسى مەن وكپەنى تازالاپ، ۋىتتى ايدايتىن ۇنتاق ءدارى وسى رەتكى كەلىسسوز بارىسىندا مەملەكەتتىك مەديتسينالىق قامسىزداندىرۋ كولەمىندەگى ءدارى – دارمەكتەر تىزىمدىگىنە ەنگىزىلگەن سوڭ، مەملەكەتتىك مەديتسينالىق قامسىزداندىرۋ كولەمىندەگى ءدارى – دارمەكتەر قاتارىندا قىزۋى ورلەۋ، جوتەلۋ قاتارلى جاڭا تيپتى ايدارشا ۆيرۋس اۋرۋ بەلگىلەرىن ەمدەيتىن ءدارى – دارمەكتەردىڭ سانى 600 دەن استام تۇرگە جەتكەن.
اتالعان جاۋاپتىنىڭ ايتۋىنشا، جۋىق ارادا، جەر – جەردەگى مەديتسينالىق قامتاماسىزداندىرۋ مەكەمەلەرى جەرگىلىكتى ورىنداعى مەديتسينالىق قامسىزداندىرۋ قورىنىڭ ىسكە قوسىلۋ جاعدايىمەن ۇشتاستىرا وتىرىپ، جاڭا تيپتى ايدارشا ۆيرۋسپەن جۇعىمدالعانداردى اۋرۋ بەلگىلەرىنە قاراي ەمدەۋدە قولدانىلاتىن تاعى ءبىر توپ ءدارى – دارمەكتەردى جەرگىلىكتى ورىننىڭ مەديتسينالىق قامسىزداندىرۋ قورىنان تولەۋ كولەمىنە ەنگىزەدى. جالپى جاقتان ايتقاندا، جاڭا تيپتى ايدارشا ۆيرۋسپەن جۇعىمدالعانداردى ەمدەۋدە مەديتسينالىق قامسىزداندىرۋ قورىنىڭ ەسەبىنەن كوتەرۋگە بولاتىن ءدارى – دارمەكتەردىڭ ءتۇرى مول. كەلەسى قادامدا، مەملەكەتتىك مەديتسينالىق قامتاماسىزداندىرۋ مەكەمەسى مەديتسينالىق قامسىزداندىرۋ كولەمىندەگى ءدارى – دارمەكتەردىڭ تىزىمدىگىن رەتتەپ، اناعۇرلىم كوپ جاڭا ءدارى – دارمەكتەردى مەديتسينالىق قامسىزداندىرۋ كولەمىندەگى ءدارى – دارمەكتەردىڭ تىزىمدىگىنە قوسىپ، بۇقارانىڭ ەمدەلۋ جاعىنداعى اۋىرتپالىعىن شىنايى جەڭىلدەتەدى.
ۇعىسۋعا قاراعاندا، مەملەكەتتىك مەديتسينالىق قامسىزداندىرۋدىڭ 2022 -جىلعى كولەمىندە قامتىلاتىن ءدارى – دارمەكتەردىڭ تىزىمدىگىنە ساياتىن كەلىسسوزدىڭ ەڭ سوڭعى ناتيجەسىن جۋىق ارادا جاريالاۋدان ءۇمىت بار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
