شينجياڭ 4 تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋدى الدىمەن قالپىنا كەلتىردى
2023.01.10 15:10 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 1 - ايدىڭ 8 - كۇنى ۇرىمجىدەن حابارلايدى. 1 - ايدىڭ 8 - كۇنى تۇستەن بۇرىن ساعات 10 دا، قورعاس تاس جول شەكارا وتكەلى بىرلەسىپ تەكسەرۋ زالىندا كەدەن قىزمەتكەرلەرى كەدەنگە مالىمدەۋ تەكشەسىنىڭ الدىندا، قازاقستاننان شەكارادان كىرەتىن ءبىرىنشى توپتاعى جولاۋشىلاردى كۇتۋدە. مەملەكەتتىك كەڭەستىڭ «جۇڭگولىق - شەتەلدىك ادامداردىڭ بارىس - كەلىسى جونىندەگى ۋاقىتشا اتقارۋ شاراسى تۋرالى حابارلاندىرۋىنىڭ» رۋحى بويىنشا، 2023 - جىلى 1 - ايدىڭ 8 - كۇنىنەن باستاپ، رايونىمىز قورعاس، ەركەشتام، قاراسۋ، تايكەشكەن سىندى 4 تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋدى الدىمەن قالپىنا كەلتىردى.
شينجياڭنىڭ وڭىرلىك ورىن باسىمدىعى كورنەكتى بولىپ، 8 مەملەكەتپەن شەكارالاسىپ، تۇراقتى اشىلعان شەكارا وتكەلى 17گە جەتەدى، ەلىمىزدىڭ باتىسقا ەسىك اشۋىنىڭ الدىڭعى شەبى. مەملەكەتتىك كەڭەستىڭ «جاڭا تيپتى ايدارشا ۆيرۋسپەن جۇعىمدالۋدى”B تۇردەگى B باسقارۋ“ بويىنشا اتقارۋ تۇلعالىق جوباسىنا» ساي، 1 - ايدىڭ 8 - كۇنىنەن باستاپ، جاڭا تيپتى ايدارشا ۆيرۋسپەن جۇعىمدالۋدى ”B تۇردەگى B باسقارۋ“ بويىنشا اتقاردى. وسى رەت جولاۋشى تاسىمالى بويىنشا كەدەننەن ءوتۋدى قالپىنا كەلتىرگەن ءبىرىنشى توپتاعى 4 شەكارا وتكەلى − جۇڭگونىڭ شينجياڭى مەن توڭىرەكتەگى ەلدەردىڭ اراسىنداعى ماڭىزدى قۇرلىق شەكارا وتكەلدەرى: قورعاس شەكارا وتكەلى قازاقستان جەتىسۋ وبلىسىمەن كورشىلەس؛ ەركەشتام شەكارا وتكەلى قىرعىزستاننىڭ وش وبلىسىمەن كورشىلەس؛ قاراسۋ شەكارا وتكەلى جۇڭگو مەن تاجىكستاننىڭ اراسىنداعى بىردەن - ءبىر قۇرلىق شەكارا وتكەلى؛ تايكەشكەن شەكارا وتكەلى موڭعۇليانىڭ قوبدا ولكەسىمەن كورشىلەس بولىپ، جۇڭگو شينجياڭنىڭ موڭعۇلياعا اشقان ءبىرىنشى ۇلكەن شەكارا وتكەلى.
كەزەكتە، اۆتونوميالى رايوننىڭ قاتىستى ورىندارى، شينجياڭدا تۇراتىن تەكسەرۋ ورىندارى قۇرىلعى جابدىقتاردى جانە مەحانيزم اينالىسى جاقتارىن كەمەلدەندىرىپ، تولىقتاپ، جولاۋشى تاسىمالى بويىنشا كەدەننەن ءوتۋىن قالپىنا كەلتىرۋدى قامتاماسىز ەتتى.
ءۇرىمجى كەدەنى اۆياتسيا شەكارا وتكەلىنىڭ، تاس جول شەكارا وتكەلىنىڭ جانە تەمىر جول شەكارا وتكەلىنىڭ ەرەكشەلىگىنە قاراي سايكەستى جوبالاردى جاساپ، ”ءبىر شەكارا وتكەلىندە ءبىر جوبا“ بولۋدى ورىنداپ، جولاۋشى تاسىمالى بويىنشا كەدەننەن ءساتتى وتۋىنە كەپىلىك ەتتى.
1 - ايدىڭ 7 - كۇنى، شينجياڭ شەكارادان كىرىپ - شىعۋ شەكارا قورعانىسى تەكسەرۋ باس پۋنكتى قاراسۋ شەكارادان كىرىپ - شىعۋ شەكارا قورعانىسى تەكسەرۋ پۋنكتىنىڭ حالىق ساقشىلارى جولاۋشىلاردى قارسى الۋعا ويداعىداي دايىندالىپ، شەكارا وتكەلىندە ەلىكتەمەلى جاتتىعۋ ورىستەتىپ، كاسىپورىندارمەن بايلانىستى كۇشەيتىپ، توتەنشە جاعدايعا توتەپ بەرۋ دايىندىق جوباسىن ويداعىداي جاساپ، جولاۋشى تاسىمالى بويىنشا كەدەننەن ءساتتى وتۋىنە شىنايى كەپىلدىك ەتتى.
”ءبىز كەدەن، شەكارالىق تەكسەرۋ سياقتى تاراۋلارمەن جولاۋشىلاردى وتكىزۋ جانە زاتتاردى تىكەلەي وتكىزۋ قىزمەتىن سايكەستىرۋ، ورنالاستىرۋ جونىندە كوپ رەت ءماجىلىس اشىپ، قىزمەت جوبالارىن ويداعىداي جاساپ، شەكارا وتكەلىنىڭ تەكسەرۋ قۇرىلعىلارىن الدىن الا ويداعىداي كۇتىمدەدىك ءارى شەكارا وتكەلىندەگى جاتاق، اس - سۋ سياقتى جاقتارعا دا قاتىستى ورنالاستىرۋلار جاساپ، جولاۋشىلاردىڭ كەدەننەن حاۋىپسىز، قولايلى وتۋىنە بار كۇشپەن شىنايى كەپىلدىك ەتتىك“، - دەدى التاي ايماعى تايكەشكەن شەكارا وتكەلىن باسقارۋ كوميتەتىنىڭ كەڭسە مەڭگەرۋشىسى چي ۋيجياڭ.
اۆتونوميالى رايوندىق حالىق ۇكىمەتى سىرتقى ىستەر كەڭسەسى شەكارا وتكەلى جالپىلىق باسقارماسىنىڭ ورىنباسار باستىعى جيا فاڭ مىنالاردى ءبىلدىردى: بۇدان كەيىن رايونىمىز توپتاعان تاجىريبەلەرگە جانە جالپىلىق ساراپتاۋ جاعدايىنا نەگىزدەلە وتىرىپ، باسقا دا شەكارا وتكەلدەرىنىڭ جولاۋشى تاسىمالى بويىنشا كەدەننەن ءوتۋىن ءتارتىپتى قالپىنا كەلتىرەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
