”دۇنيە جۇزىندەگى تانىمال ءىسلام ءدىنى قايراتكەرلەرى جانە وقىمىستىلار ۋاكىلدەر ۇيىرمەسى“ شينجياڭعا ساپارلاي كەلدى
2023.01.10 15:16 كەلۋ قاينارى : شينجياڭ گازەتى
انار بۇلت \شينجياڭ گازەتىنىڭ ءتىلشىسى جىڭ جو 1 - ايدىڭ 8 - كۇنى ۇرىمجىدەن حابارلايدى. 1 - ايدىڭ 8 - كۇنى ”دۇنيە جۇزىندەگى تانىمال ءىسلام ءدىنى قايراتكەرلەرى جانە وقىمىستىلار ۋاكىلدەر ۇيىرمەسىندەگى“ 30دان استام ادام اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇننىڭ، سىرتقى ىستەر مينيسترلىگى باتىس ازيا، سولتۇستىك افريكا مەكەمەسىندەگى لي ليانحى باس ەلشىنىڭ سەرىك بولۋىندا، شينجياڭعا ەكسكۋرسيالاي، ساپارلاي كەلدى.
ەكسكۋرسيالاي، ساپارلاي كەلگەن ءىسلام ءدىنى قايراتكەرلەرى جانە وقىمىستىلار اراب بىرىككەن امىرلىگى، ساۋد ارابياسى، ەگيپەت، سيريا، باحرەين، بوسنيا - گەرتسەگوۆينا، تۋنيس، سەربيا، وڭتۇستىك سۋدان، ماۆريتانيا، يندونەزيا، كۆەيت، يوردانيا، ومان سىندى 14 مەملەكەتتەن كەلگەن.
1 - ايدىڭ 8 - كۇنى ۇرىمجىگە جەتكەن سوڭ، ۋاكىلدەر ۇيىرمەسىندەگىلەر شينجياڭ حالىقارالىق كورمە ورتالىعىنا بارىپ ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى، ناقتى زات، جەكە مىسالدار ارقىلى ۋاكىلدەر ۇيىرمەسىنىڭ مۇشەلەرى جۇڭگو شينجياڭىنىڭ لاڭكەستىككە قارسى تۇرۋىنىڭ جانە ۇشقارىلىقتى الاستاۋىنىڭ قازىرگى جاعدايىن ۇعىستى، جۇڭگو شينجياڭىنىڭ لاڭكەستىككە قارسى تۇرۋدا، ۇشقارىلىقتى الاستاۋدا جاساعان قۇلشىنىستارى مەن قول جەتكىزگەن تابىستارىن قولدايتىندىقتارىن جانە تولىق تۇراقتاندىراتىندىقتارىن ءبىلدىردى.
اۆتونوميالى رايوندىق مۇراجايدا ۋاكىلدەر ۇيىرمەسىنىڭ مۇشەلەرى شينجياڭنىڭ دارالىق ەرەكشەلىككە يە ۇلت مادەنيەتىن سەزىندى. 12 مۇقام ويىنىن تاماشالاعان ساتتە، مۇشەلەر ايرىقشا ىقىلاس تانىتىپ، جابال تەلەفوندارىن الىپ شىعىپ سازدى اۋەن مەن تارتىمدى ءبيدى ەستەلىككە الدى. شينجياڭ حالىقارالىق ۇلكەن بازارىندا الۋان ءتۇرلى قۇرعاق جەمىس - جيدەك، اتلاس سياقتى ەرەكشە ونىمدەردى كوپشىلىك قولدارىنان تاستامادى. ەكسكۋرسيا بارىسىندا ۋاكىلدەر ۇيىرمەسىنىڭ مۇشەلەرى سول جەردەگى بۇقارامەن ىستىق ىقىلاسقا تولى دوستىق اۋىس - كۇيىس، ىقپالداستىق جاسادى، سونداي - اق بىرگە ەستەلىك سۋرەتكە ءتۇستى.
شينجياڭنىڭ دارالىق ەرەكشەلىككە يە مادەنيەتى ماۆريتانيادان كەلگەن جازۋشى، وقىمىستى باح ابدالا سەيدگە تەرەڭ اسەر قالدىردى. ول بىلاي دەدى: شينجياڭداعى ءار ۇلت شۇعىلالى مادەنيەتتى بىرگە جاراتتى، ءبىز سونىمەن بىرگە جۇڭگونىڭ كوپ ۇلت مادەنيەتىن قالاي قورعاۋ، ارداقتاۋ جونىندە كۇش سالا ىستەگەن قىزمەتىن دە كوردىك، بۇل بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ مادەنيەتتى قورعاۋ جانە جەبەۋ باس ماقساتىنا بۇكىلدەي ۇيلەسەدى.
ءۇرىمجى قالاسى تيانشان رايونى ياڭحاڭ مەشىتىندە، شينجياڭ ءىسلام ءدىنى شۋەيۋانىندا ءدىني قايراتكەرلەر كۇندەلىكتى ناماز وقۋ، سونداي - اق مەشىت شارت - جاعدايىنىڭ جاقسارعاندىعى سىندى جاعدايلاردى تانىستىردى. ۋاكىلدەر ۇيىرمەسىنىڭ مۇشەلەرى شينجياڭ ءىسلام ءدىنى شۋەيۋانىنداعى كۋرسانتتارمەن بىرگە ناماز وقىدى، كوپشىلىك جۇڭگو شينجياڭىنىڭ ءدىني وقىتۋشى - قىزمەتكەرلەردى باۋلۋ، ءدىني قيمىل الاڭدارىنىڭ ورتاسىن جاقسارتۋ، دىنگە سەنەتىن بۇقارانىڭ كۇندەلىكتى قاجەتىن قامتاماسىز ەتۋدەگى ءتۇرلى شارالارىن القادى، جۇڭگو شينجياڭىنىڭ ءدىني سەنىم ەركىندىگى ساياساتىن تياناقتاندىرعانىن وسكەلەڭ مويىندادى.
ۋاكىلدەر ۇيىرمەسىنىڭ باستىعى، دۇنيە ءجۇزى مۇسىلماندار قاۋىمداستىعى القالار كەڭەسىنىڭ ءتوراعاسى ءالي راشيد نوۋمي مىنالاردى ءبىلدىردى: شينجياڭداعى مۇسىلمانداردىڭ باقىتتى تۇرمىس كەشىرىپ جاتقانىن كورىپ قاباعات قۋاندىق، ولار ءدىني سەنىم ەركىندىگىنە بارىنشا كەنەلىپتى. ەكسكۋرسيالاۋ، ساپارلاۋ ارقىلى ءارقايسى ەلدىڭ جۇڭگو شينجياڭىمەن بولعان اۋىس - كۇيىسىن، بايلانىسىن جەبەۋدى ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
