چۇڭچيڭ قالاسى بيشان رايونى لايفىڭ ءمالى باسقارماسى اۋلا كەڭەسى ارقىلى حالىق تۇرمىسى ىستەرىن تىڭعىلىقتى ىستەدى (كوكتەم مەرەكەسىندە نەگىزگى ساتىنى ارالاۋ)
«حالىق گازەتىنىڭ» تىلشىلەرى ۋاڭ بينلاي، چاڭ بيلو
2023.01.09 17:04 كەلۋ قاينارى : حالىق تورابى
اق ورىك اعاشىنىڭ استىندا ءبىر شارشى ۇستەل، ونداعان ورىندىق قويىلعان، چۇڭچيڭ قالاسى بيشان رايونى لايفىڭ ءمالى باسقارماسى دىڭفىڭ قىستاعىنىڭ تۇرعىندارى قورالانىپ وتىر.
«كوكتەم مەرەكەسى تاياپ قالدى، كوپشىلىكتىڭ قانداي ماسەلەسى بار ەكەن، تۇگەلدەي اڭىس ەتىڭىزدەر». لايفىڭ ءمالى باسقارماسىنىڭ قىستاقتى كوتەرمەگە العان كادرى چيۋ جيان اۋلا كەڭەسىنىڭ بەتاشارىن اشتى.
«قىستاعىمىزداعى سۋارۋ قۇبىرىن تاعى 100 مەتر سوزۋعا بولا ما، جوق پا؟» قىستاق تۇرعىنى جىڭ كايحۇي الدىمەن لەبىز ءبىلدىردى.
«ءسىز اڭىس ەتكەن بۇل ءىستى ناق مايدانعا بارىپ كورگەنبىز، رايوندىق سۋ ىستەرى مەكەمەسىمەن سايكەسىپ ءبىر جاقتى ەتپەكشى بولىپ وتىرمىز، كوكتەم كەلسە بىتىرەمىز». چيۋ جيان داپتەرگە شەتىنەن ەستەلىككە الىپ وتىردى.
وسى رەتكى اۋلا كەڭەسىنە قىستاق تۇرعىندارى، رايون، ءمالى باسقارماسى، قىستاق سىندى 3 دارەجەلى ورىنداعى پارتيالى كادرلار قاتىناستى. «ءۇش دارەجەلى اۋلا كەڭەسى» مەحانيزمى ارقىلى بيشان رايونىنداعى ءار دارەجەلى كادرلار نەگىزگى ساتىعا بارىپ، نازاردى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋگە شوعىرلاندىردى.
«شۋجي، الدىڭعى جولى ايتىلعان قالامشا كاسىبىن قىستاعىمىز جۇرگىزسە بولا ما، جوق پا؟» دەپ سۇرادى قىستاق تۇرعىنى ۋان دۇڭجۇي.
قىستاق پارتكومىنىڭ شۋجيى لۇڭ لين بۇعان: «بۇنى كوتەرمەگە بەرۋ تاسىلىمەن جۇرگىزۋگە بولمايدى، قىستاعىمىزدىڭ جەردەن پايدالانۋ كورسەتكىشىنە قاراۋ كەرەك. قىستاعىمىزدىڭ جاعراپيالىق ورنى جاقسى، قاتىناسى دا ابزال، قارجىنى ەڭ وڭتايلى جەرگە جۇمساۋ كەرەك» دەپ جاۋاپ بەردى.
«سول جەردىڭ وزىندە شەشۋگە بولاتىندارىن سول جەردىڭ وزىندە شەشەمىز، سول جەردىڭ وزىندە شەشۋگە بولمايتىندارىن بۇقارامەن بىرگە اقىلداسىپ شەشەمىز» دەدى لايفىڭ ءمالى باسقارماسى پارتيا قىزمەتى كوميتەتىنىڭ شۋجيى پىڭ يۇي تىلشىگە.
چيۋ جيان قولىنداعى قۇجاتتى بۇلعاپ، قىستاق تۇرعىنى سۇن ليانحۋاعا قاراپ: «لاۋسۇن، الدىڭعى جولى سەن ايتقان جول جوندەۋ ءىسىن كەڭستەن كەيىن ەگجەي - تەگجەيلى تۇسىندىرەمىن، بۇل _ جاڭادان شىعارىلعان ساياسات، ءبىز بىرگە ۇيرەنەيىك» دەدى.
«بۇرىن جيىندا كادرلار كوپ سويلەپ، بۇقارا از سويلەيتىن، <3 دارەجەلى اۋلا كەڭەسىندە> <اۋلادا ىستەردى ورتاعا قويۋ، تاراۋلار بىتىرۋگە جاۋاپتى بولۋ> تاسىلىمەن بۇقارانىڭ قيىن ماسەلەلەرى شەشىلەدى، بۇقارانىڭ نەگىزگى رولدى ورىنداۋىنا مۇمكىندىك جاسالادى». بيشان رايوندىق پارتكوم ۇيىمداستىرۋ ءبولىمى باستىعىنىڭ ۇنەمىلىك ىستەرگە جاۋاپتى ورىنباسارى شياۋ لۇنيوۋ بىلاي دەپ تانىستىردى: قاتىستى تاراۋلار مەحانيزم ورناتىپ، بۇقارا اڭىس ەتكەن ماسەلەلەر تىزىمدىگىن رەتتەپ، جاۋاپكەرلىك تۇلعاسىن، ءبىتىرىپ اياقتاتۋ ۋاقىت شەگىن ايقىنداپ، رايون دارەجەلى ورىندار ءبىر تۇتاس جوسپارلاپ سايكەستىرۋگە ءتيىستى ماسەلەلەردى رايوندىق پارتكومنىڭ «ءۇش دارەجەلى اۋلا كەڭەسى» ماسەلەسىن ءبىتىرۋ جۇيەسىنە ەنگىزىپ، قاتىستى تاراۋلار كۇش بىرىكتىرە ىلگەرىلەتەدى. ءبىر جاقتى ەتىلىپ بولعان ىستەر دەر كەزىندە اڭىس ەتىلەدى ءارى بۇقارا ءىستىڭ ناتيجەسىن باعالاۋعا ۇسىنىس ەتىلەدى.اۋلا كەڭەسىنىڭ رولىن اۋىزعا العاندا، لايفىڭ ءمالى باسقارماسى لۋحى قىستاعىنىڭ تۇرعىنى ليۋ جيادى تەرەڭ اسەر العانىن ءبىلدىردى. ول بىلاي دەدى: بۇرىن قىستاق جولىنان اۋلامىزعا تۇتاساتىن قىسقا جولعا قارا ماي توسەلمەگەن، كوكونىس، جەمىس - جيدەك تاسىمالداۋعا قولايسىز بولاتىن. «3 - دارەجەلى اۋلا كەڭەسىن» اشۋ ورايىندا رايونداعى قاتىناس تاراۋلارىنان قىزمەتكەرلەر كەلدى، مەن تالاپ - تىلەگىمدى العا قويدىم. باستابىندا قالاي بولارىن بىلمەدىم. ويلاماعان جەردەن 4 ايدان كەيىن 1200 مەتر جولعا قارا ماي توسەلىپ، ەسىك الدىنا دەيىن جەتتى. قازىر جول ىركىلىسسىز بولدى، قالتامىز دا قامپايدى!
انە – مىنە دەگەنشە ەكى ساعات وتە شىقتى. جيىن تاراعاننان كەيىن، دىڭفىڭ قىستاعىنداعى كوكونىس ەگەتىن ءىرى وتباسىنىڭ مۇشەسى ۋان گۋاڭلياڭ قۋانىشپەن ۇيىنە قايتتى. الدىڭعى جولى اۋلا كەڭەسىندە كوكونىستىڭ وتپەي قالۋ ماسەلەسى اڭىس ەتىلگەن بولاتىن، لايفىڭ ءمالى باسقارماسى دەرەۋ ساتۋ ارناسىن اشۋ ءۇشىن بايلانىس جاساپ كومەكتەسكەن ەدى، قازىر ۋان گۋاڭلياڭ زات جەتكىزۋدىڭ قاربالاستىعىنا ءتۇستى. ول: «جاس كوكونىستى دەرەۋ قالاعا جەتكىزەمىز، كوكتەم مەرەكەسىنىڭ الدىندا قاربالاستىققا تۇستىك!» دەدى دە، اۆتوموبيلگە شىقتى، ارتقى ساندىققا كوكونىس تولتىرىپ العان ول الىسقا جول تارتتى.
كادرلار مەن بۇقارا بەتپە - بەت وتىرىپ كەڭەسىپ، كوڭىل توعىستىرۋ كوپىرىن سالدى. 2022 - جىلى 4 - ايدان بەرى بيشان رايونى 2 مىڭ 795 مايدان اۋلا كەڭەسىن اشىپ، 3 مىڭ 500 دەن استام ماسەلە جونىندە ۇسىنىس جينادى، بۇقارانىڭ 2 مىڭ 631 ماسەلەسىن شەشىپ، سول جەردىڭ وزىندە شەشۋ شاماسىن %88 كە جەتكىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
