كەدەننەن ءوتۋ ىركىلىسسىز، ءتارتىپتى، قىزمەت وتەۋ جوعارى ءونىمدى، قولايلى بولدى
− قورعاس تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋ قالىپنا كەلگەن تۇڭعىش كۇنى كورگەن - بىلگەندەرىمىز
2023.01.10 15:12 كەلۋ قاينارى : شينجياڭ گازەتى
- ايدىڭ 8 - كۇنى، قورعاس تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋدى قالىپنا كەلتىردى. سۋرەتتە: قىزمەتكەرلەر وسى شەكارا وتكەلىنىڭ بىرلەسىپ تەكسەرۋ زالىندا بيىل تۇڭعىش توپتا شەكارادان كىرگەن جولاۋشىلارعا شەكارادان كىرۋ راسمياتتارىن بىتىرۋدە.
□سۋرەتتى لۋ بين تۇسىرگەن
انار بۇلت \ شينجياڭ گازەتىنىڭ ءتىلشىسى بارشا تەگىس
1 - ايدىڭ 8 - كۇنى ساعات 13تەن 30 مينۋت وتكەندە، جولاۋشىلارعا لىق تولعان 2 حالىقارالىق بىرلەسىپ تاسىمالداۋ جولاۋشى اۆتوبۋزى قورعاس تاس جول شەكارا وتكەلى بىرلەسىپ تەكسەرۋ زالىنىڭ اۆتوكولىك توقتاتۋ الاڭىنا كىردى. سول كۇنى جۇڭگو مەن قازاقستاننىڭ ەڭ ۇلكەن تاس جول شەكارا وتكەلى بولعان ”قورعاس − نۇرجول“ شەكارا وتكەلىندە جولاۋشى تاسىمالى بويىنشا كەدەننەن ءوتۋدى قالپىنا كەلتىرىپ، 2023 - جىلى شەكارادان كىرگەن تۇڭعىش توپتاعى جولاۋشىلاردى رەسمي قارسى الدى.
بىرلەسىپ تەكسەرۋ زالىنىڭ ەسىگى باياۋ اشىلىپ، شەكارادان كىرگەن جولاۋشىلار كەزەكشى حالىق ساقشىلارىنىڭ جەتەكشىلىگىندە كولىكتەن رەتىمەن ءتۇسىپ قاتارعا تۇردى. قازاقستاننىڭ جاركەنت قالاسىنان كەلگەن بايتاس اقىلشا قۇلجا قالاسىنداعى دوسىنا امانداسا بارماق، ول ساعاتىنا قاراپ قويىپ كوڭىلدى تۇردە بىلاي دەدى: ”بۇل ارانىڭ تەكسەرىپ كەدەننەن وتكىزۋ قىزمەت وتەۋى جوعارى ءونىمدى، قولايلى ەكەن، تەز ارادا دوسىممەن قاۋىشاتىن بولدىم“.
بايتاس قازاقستان ازاماتى، قورعاس شەكارا وتكەلىندە جولاۋشى تاسىمالى بويىنشا كەدەننەن ءوتۋدىڭ قالپىنا كەلتىرىلگەندىگىن ەستي سالا دەرەۋ بەلەت ساتىپ الدى. اۆتوكولىكتەن تۇسە سالا، ول شەكارادان كىرگەن جولاۋشىلار قاتارىنىڭ ەڭ الدىنا قۋانا بارىپ تۇردى.
سول كۇنى قورعاس شەكارادان كىرىپ - شىعۋ شەكارا قورعانىسى تەكسەرۋ پۋنكتىنىڭ كەزەكشى حالىق ساقشىلارى جۇمىس ورىندارىنا ەرتە كەلىپ، قايتا - قايتا جاتتىعۋ جاسادى. كەزەكشى حالىق ساقشىسى ديانا كەرىم بىلاي دەدى: ”تەكسەرۋ قىزمەت ونىمدىلىگىن جوعارىلاتۋ ءۇشىن، وسى بىرنەشە كۇندە قايتا - قايتا باۋلىپ، قايتا - قايتا جاتتىعىپ، جولاۋشى تاسىمالى بويىنشا كەدەننەن ءوتۋدى قالپىنا كەلتىرۋگە ويداعىداي قىزمەت وتەۋگە دايىندالدىق“.
شەكارا وتكەلىنەن ءوتۋ ونىمدىلىگىن جوعارىلاتۋ ءۇشىن، قورعاس قالالىق پارتكوم مەن قالالىق ۇكىمەت بىرلەسىپ تەكسەرۋ ورىندارىمەن سايكەسىپ، سەلبەسىپ، جۇمىس ورنالاستىرۋدى ساپالىلاندىرىپ، شەتەلگە ساياتىن زاڭ اتقارۋ سەلبەستىگى باسىمدىعىن ساۋلەلەندىرىپ، قازاقستان جاقتىڭ شەكارالىق تەكسەرۋ ورگاندارىمەن پىكىرلەسۋدى، اۋىس - كۇيىستى جيىلەتىپ، جۇڭگولىق، شەتەلدىك ادامداردىڭ بارىس - كەلىسىنىڭ جانە شەكارا اتتاعان تاسىمالدىڭ ىركىلىسسىز بولۋىن قامتاماسىز ەتۋدى بار كۇشپەن جەبەدى. قورعاس شەكارادان كىرىپ - شىعۋ شەكارا قورعانىسى تەكسەرۋ پۋنكتى قاۋىرت مەزگىلدى الدىن الا بولجاپ، ”شەكارادان كىرۋ شەكارادان شىعۋ بويىنشا بىرلەسىپ قيمىلداپ، ۋاقىت كەزەڭىنە ءبولىپ كومەكتەسۋ“ سياقتى شارالاردى اتقارىپ، شەكارادان كىرىپ - شىعاتىن ادامداردىڭ ەڭ قىسقا ۋاقىتتا كەدەننەن حاۋىپسىز، ءتارتىپتى ءوتۋىن قامتاماسىز ەتتى.
كەدەننەن ءوتۋ قالپىنا كەلگەن سوڭ، شەكاردان كىرەتىندەر حىسۋان تەكسەرۋدىڭ 48 ساعات ىشىندەگى كۇشكە يە بولىمسىز مالىمەتى بولسا بولدى، شەكارادان كىرە الادى، شەكارادان كىرەتىن جۇك اۆتوموبيلدەرى كەدەن تاراۋلارىنا شوفەردىڭ جانە اۆتوكولىكتىڭ ينفورماتسيالارىن الدىن الا مالىمدەيدى.
ۇعىسۋعا قاراعاندا، سول كۇنى شەكارادان كىرگەندەردىڭ ىشىندە تۋعان - تۋىستارى مەن دوس - جاراندارىنا امانداسا كەلگەندەردەن تىس، ارناۋلى تۇردە ساۋدا اقىلداسۋعا جانە تاۋار ساتىپ الۋعا كەلگەندەر دە بار ەكەن. قازاقستان الماتىلىق ساۋداگەر جانۇزاقوۆ بەرەكە جۇڭگوداعى سەلبەستىك كاسىپتەسىنە دەرەۋ كەزىگەتىنىن ويلاعاندا اسەرلەنىپ بىلاي دەدى: جاڭا جىلدا كاسىپتەسىمىزبەن بولعان ساۋدامىزدىڭ بارعان سايىن كۇسەت بولۋىن ءۇمىت ەتەمىن، سونداي - اق ەكى ەلدىڭ قارىم - قاتىناسىنىڭ بارعان سايىن جاقسارا ءتۇسۋىن تىلەيمىن.
”حالىق ساقشىلارى ىقىلاسپەن امانداسقاندا ۇيگە قايتقانداي بولدىم، قورعاس شەكارا وتكەلىنەن كىرگەن كەزدەگى جوعارى ءونىمدى، مەيىرلى قىزمەت وتەۋدەن ايرىقشا اسەرلەندىم“، - دەدى قورعاس تاس جول شەكارا وتكەلى بىرلەسىپ تەكسەرۋ زالىنان شىققان، قازاقستاندا ۋاقىتشا قونىستانعان حۋاچياۋ قابيت جۇما.
”كيىم - كەشەك، بەزەنۋ بۇيىمدارى، القا - مونشاق، اراق، تەمەكى سياقتى زاتتاردى تولىق دايىندادىق“، - دەدى جۇڭگو − قازاقستان قورعاس حالىقارالىق شەكارا سەلبەستىك ورتالىعى ەۆروپا باجىسىز بازارىنىڭ باس ديرەكتورى دۇڭ جيانبو.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
