شي جينپيڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ مىنانى دارىپتەدى
پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، پارتيا 20 - قۇرىلتايىنىڭ شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى قامتاماسىزداندىرۋ كەرەك
لي چياڭ، جاۋ لىجي، ۋاڭ حۋنيڭ، ساي چي، ديڭ شۋە شياڭ ماجىلىسكە قاتىناستى، لي شي ءماجىلىستى باسقاردى
2023.01.10 15:59 كەلۋ قاينارى : حالىق تورابى
 |
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 9 - كۇنى جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
■ پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ساياتىن بيىك تۇرعىدان، پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى نىشان ەتۋدەن باستان - اياق جازباي، ستراتەگيالىق تۇراقتىلىقتى ساقتاپ، وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، ماڭگى اتوي سالۋ دابىلىن قاعىپ، قاتاڭ نەگىزگى اۋەندى، قاتاڭ شارانى، قاتاڭ جاعدايدى ۇزاق ۋاقىت جالعاستىرىپ، پارتيانىڭ ۇلى وزىندىك توڭكەرىسىن سوڭىنا دەيىن جۇرگىزۋ كەرەك. قاتاڭ باسقارۋ مەن مەيىربان بولۋدى ۇشتاستىرۋدا، شابىتتاندىرۋ مەن تەجەۋگە تەڭ ءمان بەرۋدە تاباندى بولىپ، «ءۇشتى پارىقتاندىرۋدا» تاباندى بولىپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم تاسقىنداتىپ، جاڭا جورىقتاپ ەكپىندەي ىلگەرىلەپ، جاڭا داۋىرگە ۇلەس قوسۋدىڭ قويۋ رايى مەن جاندى جاعدايىن قالىپتاستىرۋ كەرەك
■ مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا كوركەيگەندە عانا مەملەكەتتى قۇدىرەتتەندىرۋگە بولادى. جاڭا داۋىردەگى 10 جىلدا پارتيا ورتالىق كوميتەتى پارتيانى جاپپاي قاتاڭ باسقارۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، پىشاقتىڭ ءجۇزىن ىشكە قاراتىپ، سۇيەكتى قىرىپ، ۋىتتى ايداپ، كۇشتى دارىمەن اۋرۋدى الاستاپ، بىلىقپالىقتى قاتاڭ جونگە سالىپ، پارتيانىڭ توڭكەرىستىك شىڭدالۋ بارىسىندا اناعۇرلىم پارمەندى بولۋىنا مۇمكىندىك جاساۋ كەرەك. پارتيانى جاپپاي قاتاڭ باسقارۋ ماڭگى جالعاسادى، ۇلكەن پارتيادا عانا بولاتىن قيىن ماسەلەلەردى شەشۋدىڭ سەرگەكتىگى مەن تاباندىلىعىن قاي - قاشان دا ساقتاۋ كەرەك. قايتكەندە اۋەلگى ماقساتتى ۇمىتپاي، بورىشتى ەستە بەرىك ساقتاۋعا بولادى، قايتكەندە يدەيانى، ەرىك - جىگەردى، ارەكەتتى بىرلىككە كەلتىرۋگە بولادى، قايتكەندە باستان - اياق قۇدىرەتتى بيلىك جۇرگىزۋ قابىلەتى مەن باسشىلىق ورەسىن ازىرلەۋگە بولادى، قايتكەندە باستان - اياق ءىس تىندىرىپ، شارۋاشىلىق قۇرۋ رۋحاني كۇيىن ساقتاۋعا بولادى، قايتكەندە وزىندە ساقتالعان ماسەلەلەردى دەر كەزىندە بايقاۋعا جانە شەشۋگە بولادى، قايتكەندە ستيلى پاك، سالتى دۇرىس ساياسي ەكولوگيانى ساقتاۋعا بولادى، مىنە، بۇلاردىڭ بارلىعى ۇلكەن پارتيا سانالاتىن ءبىزدىڭ شەشۋگە ءتيىستى وزگەشە قيىن ماسەلەلەرىمىز. وسى قيىن ماسەلەلەردى شەشۋ جاڭا ءداۋىر، جاڭا جورىقتاعى پارتيانىڭ بورىشى مەن مىندەتىن جۇزەگە اسىرۋدا، ءسوز جوق، الۋعا ءتيىستى قامال، پارتيانى جاپپاي قاتاڭ باسقارۋدىڭ جاڭا جاعدايعا، جاڭا تالاپقا ۇيلەسۋىندە، ءسوز جوق، شەشۋگە ءتيىستى قيىن ءتۇيىن سانالادى
■ پارتيانى جاپپاي قاتاڭ باسقارۋ جۇيەسىن ورناتۋ − جالپى جاعدايلىق، جاسامپازدىق سيپاتقا يە قىزمەت. جاڭا داۋىردەگى 10 جىلدا پارتيامىز وزىندىك توڭكەرىس زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيا قۇرىلىسىنىڭ نازاريادا، امالياتتا، تۇزىمدە جاڭالىق اشۋىن ۇزدىكسىز ىلگەرىلەتىپ، پارتيانى جاپپاي قاتاڭ باسقارۋ جۇيەسىن العاشقى ادىمدا ورناتتى. پارتيانى جاپپاي قاتاڭ باسقارۋ جۇيەسى مازمۇنى باي، فۋنكتسياسى كەمەلدى، عىلمي ارناعا تۇسكەن، اينالىمى جوعارى ءونىمدى اۋقىمدىق جۇيە بولۋعا ءتيىس. بۇل جۇيەنى كەمەلدەندىرۋ پارتيانى ءتۇزىم ارقىلى باسقارۋدا، پارتيانى بەلگىلەمە ارقىلى باسقارۋدا تاباندى بولىپ، پارتيانىڭ ءار جاقتاعى قۇرىلىستارىنىڭ ورگانيكالى ۇشتاسۋىن، ىقپالداستىعىن، سايكەسىمدىلىگىن اناعۇرلىم كورنەكتىلەندىرىپ، ءتۇزىلىس، مەحانيزمنىڭ كەمەلدەنۋى مەن اقاۋسىز بولۋىن جانە زاڭ - ەرەجە، ءتۇزىمنىڭ عىلمي، ءونىمدى بولۋىن اناعۇرلىم كورنەكتىلەندىرىپ، باسقارۋ ۇستانىمى، جۇيەلى كوزقاراس، ديالەكتيكالىق وي جەلىسى ارقىلى پارتيانى باسقارۋدى، پارتيانى جونگە سالۋدى، پارتيا قۇرىلىسىن يگەرۋدى اناعۇرلىم كورنەكتىلەندىرۋدى قاجەت ەتەدى. مازمۇن جاعىنان جاپپاي قامتۋدا، وبيەكتى جاعىنان جاپپاي قامتۋدا، جاۋاپكەرلىك جاعىنان تۇتاس تىزبەكتى بولۋدا، ءتۇزىم جاعىنان تولىق توعىستىرۋدا تاباندى بولىپ، پارتيانى جاپپاي قاتاڭ باسقارۋ جۇيەسىن ونان ارى اقاۋسىزداندىرىپ، پارتيانى جاپپاي قاتاڭ باسقارۋ قىزمەتتەرىندە داۋىرلىك سيپاتتىڭ اناعۇرلىم ويداعىداي ايگىلەنۋىنە، زاڭدىلىقتىڭ يگەرىلۋىنە، جاسامپازدىققا باي بولۋىنا مۇمكىندىك جاساۋ كەرەك
شينحۋا اگەنتتىگى، 1 - ايدىڭ 9 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 9 - كۇنى تۇستەن بۇرىن جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەدى. ول بىلاي دەپ دارىپتەدى: پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ساياتىن بيىك تۇرعىدان، پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى نىشان ەتۋدەن باستان - اياق جازباي، ستراتەگيالىق تۇراقتىلىقتى ساقتاپ، وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، ماڭگى اتوي سالۋ دابىلىن قاعىپ، قاتاڭ نەگىزگى اۋەندى، قاتاڭ شارانى، قاتاڭ جاعدايدى ۇزاق ۋاقىت جالعاستىرىپ، پارتيانىڭ ۇلى وزىندىك توڭكەرىسىن سوڭىنا دەيىن جۇرگىزۋ كەرەك. قاتاڭ باسقارۋ مەن مەيىربان بولۋدى ۇشتاستىرۋدا، شابىتتاندىرۋ مەن تەجەۋگە تەڭ ءمان بەرۋدە تاباندى بولىپ، «ءۇشتى پارىقتاندىرۋدا» تاباندى بولىپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم تاسقىنداتىپ، جاڭا جورىقتاپ ەكپىندەي ىلگەرىلەپ، جاڭا داۋىرگە ۇلەس قوسۋدىڭ قويۋ رايى مەن جاندى جاعدايىن قالىپتاستىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ءماجىلىستى باسقاردى.
شي جينپيڭ بىلاي دەپ اتاپ كورسەتتى: مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا كوركەيگەندە عانا مەملەكەتتى قۇدىرەتتەندىرۋگە بولادى. جاڭا داۋىردەگى 10 جىلدا پارتيا ورتالىق كوميتەتى پارتيانى جاپپاي قاتاڭ باسقارۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، پىشاقتىڭ ءجۇزىن ىشكە قاراتىپ، سۇيەكتى قىرىپ، ۋىتتى ايداپ، كۇشتى دارىمەن اۋرۋدى الاستاپ، بىلىقپالىقتى قاتاڭ جونگە سالىپ، پارتيانىڭ توڭكەرىستىك شىڭدالۋ بارىسىندا اناعۇرلىم پارمەندى بولۋىنا مۇمكىندىك جاساۋ كەرەك. پارتيانى جاپپاي قاتاڭ باسقارۋ ماڭگى جالعاسادى، ۇلكەن پارتيادا عانا بولاتىن قيىن ماسەلەلەردى شەشۋدىڭ سەرگەكتىگى مەن تاباندىلىعىن قاي - قاشان دا ساقتاۋ كەرەك. قايتكەندە اۋەلگى ماقساتتى ۇمىتپاي، بورىشتى ەستە بەرىك ساقتاۋعا بولادى، قايتكەندە يدەيانى، ەرىك - جىگەردى، ارەكەتتى بىرلىككە كەلتىرۋگە بولادى، قايتكەندە باستان - اياق قۇدىرەتتى بيلىك جۇرگىزۋ قابىلەتى مەن باسشىلىق ورەسىن ازىرلەۋگە بولادى، قايتكەندە باستان - اياق ءىس تىندىرىپ، شارۋاشىلىق قۇرۋ رۋحاني كۇيىن ساقتاۋعا بولادى، قايتكەندە وزىندە ساقتالعان ماسەلەلەردى دەر كەزىندە بايقاۋعا جانە شەشۋگە بولادى، قايتكەندە ستيلى پاك، سالتى دۇرىس ساياسي ەكولوگيانى ساقتاۋعا بولادى، مىنە، بۇلاردىڭ بارلىعى ۇلكەن پارتيا سانالاتىن ءبىزدىڭ شەشۋگە ءتيىستى وزگەشە قيىن ماسەلەلەرىمىز. وسى قيىن ماسەلەلەردى شەشۋ جاڭا ءداۋىر، جاڭا جورىقتاعى پارتيانىڭ بورىشى مەن مىندەتىن جۇزەگە اسىرۋدا، ءسوز جوق، الۋعا ءتيىستى قامال، پارتيانى جاپپاي قاتاڭ باسقارۋدىڭ جاڭا جاعدايعا، جاڭا تالاپقا ۇيلەسۋىندە، ءسوز جوق، شەشۋگە ءتيىستى قيىن ءتۇيىن سانالادى.
شي جينپيڭ مىنالاردى دارىپتەدى: پارتيانى جاپپاي قاتاڭ باسقارۋ جۇيەسىن ورناتۋ − جالپى جاعدايلىق، جاسامپازدىق سيپاتقا يە قىزمەت. جاڭا داۋىردەگى 10 جىلدا پارتيامىز وزىندىك توڭكەرىس زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيا قۇرىلىسىنىڭ نازاريادا، امالياتتا، تۇزىمدە جاڭالىق اشۋىن ۇزدىكسىز ىلگەرىلەتىپ، پارتيانى جاپپاي قاتاڭ باسقارۋ جۇيەسىن العاشقى ادىمدا ورناتتى. پارتيانى جاپپاي قاتاڭ باسقارۋ جۇيەسى مازمۇنى باي، فۋنكتسياسى كەمەلدى، عىلمي ارناعا تۇسكەن، اينالىمى جوعارى ءونىمدى اۋقىمدىق جۇيە بولۋعا ءتيىس. بۇل جۇيەنى كەمەلدەندىرۋ پارتيانى ءتۇزىم ارقىلى باسقارۋدا، پارتيانى بەلگىلەمە ارقىلى باسقارۋدا تاباندى بولىپ، پارتيانىڭ ءار جاقتاعى قۇرىلىستارىنىڭ ورگانيكالى ۇشتاسۋىن، ىقپالداستىعىن، سايكەسىمدىلىگىن اناعۇرلىم كورنەكتىلەندىرىپ، ءتۇزىلىس، مەحانيزمنىڭ كەمەلدەنۋى مەن اقاۋسىز بولۋىن جانە زاڭ - ەرەجە، ءتۇزىمنىڭ عىلمي، ءونىمدى بولۋىن اناعۇرلىم كورنەكتىلەندىرىپ، باسقارۋ ۇستانىمى، جۇيەلى كوزقاراس، ديالەكتيكالىق وي جەلىسى ارقىلى پارتيانى باسقارۋدى، پارتيانى جونگە سالۋدى، پارتيا قۇرىلىسىن يگەرۋدى اناعۇرلىم كورنەكتىلەندىرۋدى قاجەت ەتەدى. مازمۇن جاعىنان جاپپاي قامتۋدا، وبيەكتى جاعىنان جاپپاي قامتۋدا، جاۋاپكەرلىك جاعىنان تۇتاس تىزبەكتى بولۋدا، ءتۇزىم جاعىنان تولىق توعىستىرۋدا تاباندى بولىپ، پارتيانى جاپپاي قاتاڭ باسقارۋ جۇيەسىن ونان ارى اقاۋسىزداندىرىپ، پارتيانى جاپپاي قاتاڭ باسقارۋ قىزمەتتەرىندە داۋىرلىك سيپاتتىڭ اناعۇرلىم ويداعىداي ايگىلەنۋىنە، زاڭدىلىقتىڭ يگەرىلۋىنە، جاسامپازدىققا باي بولۋىنا مۇمكىندىك جاساۋ كەرەك.
شي جينپيڭ بىلاي دەپ اتاپ كورسەتتى: پارمەندى ساياسي باقىلاۋ ارقىلى پارتيا 20 - قۇرىلتايىنىڭ شەشىمدەرى مەن ورنالاستىرۋلارىنىڭ تياناقتانىپ، ناتيجە بەرۋىن قامتاماسىز ەتۋ كەرەك. ساياسي باقىلاۋ − بۇكىل پارتيانى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولۋعا قۋزايتىن پارمەندى شارا، ونى ناقتىلاندىرۋعا، دالمە - ءدال جۇرگىزۋگە، ۇدايىلاندىرۋعا اناعۇرلىم زور كۇش سالۋ كەرەك. پارتيا 20 - قۇرىلتايىنىڭ رۋحىن، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تاراۋلاردىڭ، كاسىپتەردىڭ، سالالاردىڭ ءىس جۇزىندىگىمەن تىعىز ۇشتاستىرۋدى ىلگەرىلەتۋدە پارتيا 20 - قۇرىلتايىنىڭ جاڭا دامۋ ۇستانىمىن جاپپاي دايەكتىلەندىرۋ، ساپالى دامۋدى كۇش سالا ىلگەرىلەتۋ، جاڭا دامۋ ارناسىن ىرىقتىلىقپەن ورناتۋ سياقتى ستراتەگيالىق ورنالاستىرۋلاردىڭ تياناقتانعان - تياناقتانباعانىنا، تياناقتانۋىنىڭ ويداعىداي بولعان - بولماعانىنا قاراۋ؛ پارتيا ورتالىق كوميتەتى العا قويعان ءتۇيىندى مىندەتتەردىڭ، ءتۇيىندى شارالاردىڭ، ماڭىزدى ساياساتتاردىڭ، ماڭىزدى تالاپتاردىڭ قالاي دايەكتىلەندىرىلگەنىنە قاراۋ؛ ءوز ءوڭىرىنىڭ، ءوز تاراۋىنىڭ، ءوز ورنىنىڭ قىزمەت جاۋاپكەرلىگىنىڭ ارقالانعان - ارقالانباعانىنا قاراۋ كەرەك. بۇيرىقتى اتقارماۋ، تيىم سالسا دا تيىلماۋ، تالعام جاساۋ، وزگەرتىپ ىستەۋ، تولىق ىستەمەۋ، جالپى جاعدايمەن ساناسپاۋ، تاراۋلىق جانە جەرگىلىكتى قورعانىمپازدىقپەن شۇعىلدانۋ، ابستراكت كوشىرىپ قولدانۋ، نەگىزى ءالسىز، ناتيجەسى ماردىمسىز بولۋ سياقتى كورنەكتى ماسەلەلەردى ۋاعىندا، دۇرىس بايقاپ، دايەكتى اتقارۋ بارىسىنداعى بوگەتتەردى، قيىن تۇيىندەردى شىنايى ىركىلىسسىزدەندىرۋ كەرەك. پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرۋدى ىلگەرىلەتىپ، پارمەندى، ءونىمدى كۇندەلىكتى باقىلاۋ ارقىلى ءتۇرلى ساياساتتاردىڭ تياناقتانۋىن جەبەۋ كەرەك.
شي جينپيڭ بىلاي دەپ دارىپتەدى: ورتالىقتىڭ 8 ءتۇرلى بەلگىلەمەسىن جاساۋى جانە اتقارۋى − پارتيامىزدىڭ جاڭا داۋىردە تيپتەردى كورنەكتىلەندىرىپ سەنىم ورناتۋ شاراسى، ونى، ءسوز جوق، بوساڭسىماي مىقتى يگەرىپ، ۇزاق ۋاقىت كۇش سالىپ، ناعىز سالت - ساناعا اينالدىرىپ، تاڭداۋلى پارتيا ستيلى ارقىلى قوعامدىق ستيلگە، حالىقتىق ستيلگە جەتەكشىلىك ەتۋ كەرەك. راقاتقۇمارلىق، استا - توك ىسىراپشىلدىق ستيلىن ۇزدىكسىز تۇزەتۋ، ستيل قۇرىلىسىنداعى وڭىرلىك، كاسىپتىك، كەزەڭدىك ەرەكشەلىكتەردى يگەرۋ، ۇنەمى تۋىلعان، كوپ قايتالاپ جارىققا شىققان ماسەلەلەردى شەشۋدى مىقتى يگەرىپ، ىشكەرىلەي جونگە سالىپ، ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ كەرەك. فورماشىلدىقتى، تورەشىلدىكتى تۇزەتۋدى اناعۇرلىم كورنەكتى ورىنعا قويىپ، ستيل قۇرىلىسىنىڭ ءتۇيىندى مىندەتى ەتىپ، باعىتتامالى شارالاردى زەرتتەپ، عىلمي، دالمە - ءدال نىسانالى وڭاپ، شىنداپ كىرىسىپ، قيىن تۇيىندەرگە باتىل كىرىسىپ، ناقتى ونىمدىلىككە ۇمتىلۋ كەرەك.
شي جينپيڭ بىلاي دەپ اتاپ كورسەتتى: ءتارتىپ − پارتيانى باسقارۋدىڭ، پارتيا ىستەرىن باسقارۋدىڭ «ساقتاندىرعىشى»، سونداي - اق پارتيا مۇشەلەرىنىڭ، كادرلاردىڭ ءوز ارەكەتىن تەجەۋ ولشەمى جانە تياناعى. ءتارتىپ قۇرىلىسىن اناعۇرلىم كورنەكتى ورىنعا قويىپ، پارتيا ەرەجەلەرىن بەلگىلەۋدىڭ، پارتيا ءتارتىبى تاربيەسىنىڭ، ءتارتىپتىڭ اتقارىلۋىن باقىلاۋدىڭ تۇتاس بارىسىندا قاتاڭدىق تالابىن دايەكتىلەندىرۋ، تەمىردەي قاتاڭ ءتارتىپتىڭ ايبارىن اسىرۋمەن بىرگە، كادرلار ءمان بەرەتىن، قىراعىلىعىن ارتتىراتىن، تارتىپكە قايشىلىق جاساۋدان تيىلاتىن بولۋ ارقىلى بۇكىل پارتيادا ەرەجەگە، تارتىپكە بويسۇناتىن وسكەلەڭ سانالىلىق قالىپتاستىرۋ كەرەك. ءاربىر كوممۋنيست، اسىرەسە، باسشى كادرلار پارتيا ۋستاۆى تانىمىن بەرىك ورناتىپ، پارتيا ۋستاۆىن اناعۇرلىم سانالى تۇردە ۇيرەنىپ، پارتيا ۋستاۆىنا بويسۇنىپ، دايەكتىلەندىرىپ، پارتيا ۋستاۆىن قورعاۋى، پارتيا ۋستاۆى، پارتيا ەرەجەسى، پارتيا ءتارتىبى ارقىلى ءوزىنىڭ ءسوز - ارەكەتىن تەجەپ، ءتارتىپ تانىمىن، ەرەجە تانىمىن كۇشەيتۋى، باقىلاۋ جانە تەجەۋ بولاتىن ورتادا قىزمەت ىستەۋ، تۇرمىس كەشىرۋ ادەتىن ىشكەرىلەي جەتىلدىرۋى كەرەك.
شي جينپيڭ بىلاي دەپ دارىپتەدى: شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ، كۇردەلى، ءورشۋدى تەجەۋ، قالدىق قورلاردى الاستاۋ مىندەتى ءالى دە جاپالى.ءسوز جوق، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى، جۇيەلى باسقارۋدى تەرەڭدەتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋ كەرەك. شىرىكتەسۋگە باتىلدىق ەتپەۋ جاعىندا ۇزدىكسىز قىسىم ءتۇسىرىپ، استە راقىم ەتپەۋ، سەس كورسەتۋ جاعدايىن وزگەرتپەي، تەگەۋرىندى جازالاۋ كۇشىن باستان - اياق ساقتاپ، تىزگىنىن تارتپاعانداردى، ويىنا كەلگەنىن ىستەگەندەردى باتىل جازالاپ، ساياسي ماسەلە مەن ەكونوميكالىق ماسەلە ارالاسىپ كەتكەن شىرىكتەسۋدى باتىل تەكسەرىپ ءبىر جاقتى ەتىپ، باسشى كادرلاردىڭ مۇددە توبى مەن ۇقىق توبىنىڭ جارشىسى، ۋاكىلى بولۋىنان باتىل ساقتانىپ، اكىمشىلىك پەن ساۋدانى بايلانىستىرۋ، كاپيتالدىڭ ساياسي سالاعا ءسىڭىپ كىرۋى سياقتى ساياسي ەكولوگيا مەن ەكونوميكالىق دامۋ ورتاسىن بۇلدىرۋدەن باتىل ساقتانۋ كەرەك. ءبىرشاما كورنەكتى كاسىپتىك، جۇيەلىك، وڭىرلىك ماسەلەلەردى ارناۋلى وڭاۋ كەرەك. شىرىكتەسۋگە مۇمكىندىك بولماۋ جاعىندا ىشكەرىلەي ءورىس اشىپ، شىرىكتەسۋگە قارسى تۇرۋ وتكەلىن الدىعا جىلجىتىپ، تۋ باستان باسقارۋدى تەرەڭدەتىپ، ءتۇيىندى سالالارداعى باقىلاۋ مەحانيزمى رەفورماسى مەن ءتۇزىم قۇرىلىسىن كۇشەيتىپ، شىرىكتەسۋدىڭ تۋىلۋىنان ساقتانۋ جانە ونى باسقارۋ ءتۇزىلىس، مەحانيزمىن اقاۋسىزداندىرۋ كەرەك. شىرىكتەسۋدى ويىنا الماۋدى بەكەمدەۋ، جوعارىلاتۋ جاعىندا توركىنىن تۇزەپ، قاينارىن تازالاۋعا، ارقاۋدى بەكەمدەپ، نەگىزدى جەتىلدىرۋگە اناعۇرلىم ءمان بەرىپ، جاڭا داۋىردەگى پاكتىك مادەنيەت قۇرىلىسىن كۇشەيتىپ، شىندىققا جۇگىنىپ، ناقتى ءىس تىندىراتىن، ىنتىماقتاسا كۇرەس جۇرگىزەتىن ءداۋىردىڭ جاڭا سالتىن جەتىلدىرۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءونىمدى ۇشتاستىرۋ، ۇشەۋىندە ءبىر ۋاقىتتا كۇش سالىپ، بىرگە كۇش سالىپ، جان - جاقتى كۇش سالىپ، شىرىكتەسۋگە باتىلدىق ەتكىزبەيتىن سەسكەندىرۋ قۋاتىن، شىرىكتەسۋگە مۇمكىندىك بەرمەيتىن تەجەۋ قۋاتىن، شىرىكتەسۋدى ويىنا المايتىن باۋراۋ قۋاتىن ۇشتاستىرۋ كەرەك. پارا بەرگەندەردى جازالاۋ جونىندەگى زاڭدار مەن زاڭدىق ەرەجەلەردى ونان ارى اقاۋسىزداندىرىپ جانە كەمەلدەندىرىپ، پارا بەرۋشىلەردى بىرلەسىپ جازالاپ ساقتاندىرۋ مەحانيزمىن كەمەلدەندىرۋ كەرەك. «ارتقى كورىنىسى» بار «ساياسي الدامكوستەرگە» قاتاڭ سوققى بەرۋ كەرەك.
شي جينپيڭ بىلاي دەپ اتاپ كورسەتتى: پارتيا ءبىر تۇتاس باسشىلىق ەتەتىن، جاپپاي قامتىعان، بەدەلدى، جوعارى ءونىمدى باقىلاۋ جۇيەسىن اقاۋسىزداندىرۋ − مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى جۇزەگە اسىرۋدىڭ ماڭىزدى بەلگىسى. پارتكومدار (پارتيا باسشىلىق گرۋپپالارى) جەتەكشىلىك رولىن ساۋلەلەندىرىپ، ءتۇرلى باقىلاۋ كۇشتەرىن بىرىكتىرۋدى، ءتارتىبىن سايكەستىرۋدى، قىزمەتتى توعىستىرۋدى ءبىر تۇتاس جوسپارلاپ ىلگەرىلەتۋ كەرەك. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، ارناۋلى جاۋاپكەرلىكتى ناقتىلاندىرىپ، باقىلاۋ تۇعىرىن ورناتىپ، باقىلاۋ تورىن بەكەمدەپ، پارتكومنىڭ باقىلاۋ جۇيەسىنىڭ جوعارى ءونىمدى اينالىمىن ىلگەرىلەتۋىنە كومەكتەسۋ كەرەك. شارلاۋدىڭ وتكىر سەمسەرىن ءتىپتى دە جارقىلداتىپ، ايقىن پوزيتسيا بىلدىرۋگە باتىل بولىپ، قاشان دا الماس سەمسەردى جارقىلداتىپ، ۇدايى سەس كورسەتىپ وتىرۋ كەرەك.
شي جينپيڭ بىلاي دەپ اتاپ كورسەتتى: ءتارتىپ تەكسەرۋ، باقىلاۋ - تەكسەرۋ ورگاندارى − پارتيانى جاپپاي قاتاڭ باسقارۋدى ىلگەرىلەتۋدەگى ماڭىزدى كۇش، بورىشى داڭقتى، جاۋاپكەرلىگى اۋىر، ءسوز جوق، پارتياعا ادال بولىپ، اۋىر مىندەتتى باتىلدىقپەن ارقالاپ، قيان - كەسكى شايقاسقا باتىل بولىپ، شەبەرلىكپەن كۇرەس جۇرگىزىپ، قامال الۋ كۇرەسىنىڭ ۇزاققا سوزىلاتىن شايقاسىندا باستان - اياق اتويلاپ الدا ءجۇرۋ كەرەك. پارتيالىلىق ارقىلى ءىس تىندىرۋدا تاباندى بولىپ، پارتيا قۇرۋ ۇلى رۋحىن ساۋلەلەندىرىپ، وزىنە توڭكەرىس جاساۋعا باتىل بولىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىنىڭ ءبىرىنشى شەبىندە مىنەز - قۇلىقتى شىڭداپ، وزەكتى ارقاۋ ەتۋ، جالپى جاعدايعا قىزمەت ەتۋ بارىسىندا جاۋاپكەرلىك ارقالاۋدى، ىسكەرلىك كورسەتۋدى ايگىلەپ، ءتۇرلى حاۋىپ - قاتەر، سىن - سايىس بارىسىندا بەرىك قالتقى ورناتۋ كەرەك. زاڭمەن باسقارۋ تانىمىن، ءتارتىپ تانىمىن، دالەل - سىپات تانىمىن كۇشەيتىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جۇيەلىلەنۋ، زاڭمەن باسقارىلۋ، ارناعا ءتۇسۋ دەڭگەيىن ۇزدىكسىز جوعارىلاتۋ كەرەك. ىشكى تىزگىندەۋ مەحانيزمىن كەمەلدەندىرىپ، ءار جاقتىڭ باقىلاۋىن سانالىلىقپەن قابىلداپ، ءتارتىپ تەكسەرۋ، باقىلاۋ - تەكسەرۋ كادرلارىن قاتاڭ باسقارىپ، جۇيەدەگى شىرىكتەسكەندەردى قاتاڭ جازالاپ، «شامنىڭ ءتۇبى قاراڭعى» بولۋدان باتىل ساقتانۋ كەرەك. بۇكىل پارتيادا ورىستەتىلەتىن نەگىزگى تاقىرىپتىق تاربيەمەن ۇشتاستىرىپ، يدەيانى، ۇيىمدى كىرشىكسىزدەندىرۋدى كورنەكتى ماسەلە رەتىندە يگەرىپ، ساياسي تاربيەنى، پارتيالىلىق تاربيەسىن شىن مانىندە كۇشەيتىپ، زاڭ - ءتارتىپتى قاتايتىپ، جۇرتتى زيانداۋشىلاردى باتىل الاستاپ، تەمىردەي ءتارتىپ ارقىلى ادال، كىرشىكسىز، جاۋاپكەرلىك ارقالايتىن قۇرىش قوسىن قۇرۋ كەرەك.
لي شي ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە ۇلكەن پارتيادا وزگەشە قيىن ماسەلەلەردىڭ قالىپتاسۋ سەبەبىنە، باستى بەينەسىنە جانە شەشۋ جولىنا ىشكەرىلەي تالداۋ جاسالىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ نىسانا - مىندەتتەرى، امالياتتىق تالاپتارى ىشكەرىلەي پايىمدالىپ، پارتيانى جاپپاي قاتاڭ باسقارۋدى تاباندىلىقپەن ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسالدى. بۇل بيىكتە تۇرىپ الىستى بولجاعان، يدەياسى تەرەڭ، مازمۇنى باي، پايىمداۋى ەگجەي - تەگجەيلى ءسوز بولدى، وتە كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا يە، بۇل − پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ءتۇبىرلى تياناعى، جاڭا ءداۋىردىڭ جاڭا جورىعىنداعى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىنىڭ ءتۇبىرلى جەتەكشىسى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» اناعۇرلىم كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا ءداۋىردىڭ جاڭا جورىعىندا پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدى پارمەندى كەپىلمەن قامداۋ كەرەك.ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، 20 - كەزەكتى ورتالىق كوميتەتكە مۇشە پارتيا مەن مەملەكەتتىڭ باسقا دا باسشى جولداستارى، ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ تاراۋلارىنداعى، حالىقتىق ۇيىمدارداعى نەگىزگى جاۋاپتى جولداستار، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.
ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ولكە، اۆتونوميالى رايون، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىنا، سونداي - اق ارميانىڭ قاتىستى ورىندارىندا بولىمشە ءماجىلىس الاڭى ورنالاستىرىلدى.
جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى 1 - ايدىڭ 9 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 9 - كۇنى تۇستەن كەيىن لي شي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا جورىقتا پارتيانى جاپپاي قاتاڭ باسقارۋدى بۇلجىماستان ىلگەرىلەتەيىك» دەگەن تاقىرىپتا قىزمەت بايانداماسىن جاسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
