كومەسكى كۇش ايگىلەنىپ، ەنەرگيا بايلىعىنىڭ جەتەكشى رولى ساۋلەلەندى
انار بۇلت \ شينجياڭ گازەتىنىڭ تىلشىلەرى يۇي جياڭيان، شى شين
2023.01.11 14:51 كەلۋ قاينارى : شينجياڭ گازەتى
جاڭا جىلدىڭ باسىندا شينجياڭنىڭ ءشول دالاسى مەن جاپان ءتۇزى دۋمانعا بولەندى. ”اجال تەڭىزى“ اتالعان تاكلاماكان ءشولىنىڭ قويناۋىندا بۇرعى ماشينالارى گۇرىلدەپ، مۇناي مەن تابيعي گازدى جيناۋ، جەتكىزۋ قۇبىرلارى جىپىرلاي ورنالاستى؛ اپپاق قار جامىلعان جوڭعار ويپاتىندا قازۋ ماشينالارى بىلەكتەرىن سەرمەپ، تولاسسىز كومىر قازدى...
ەنەرگيا − ونەركاسىپتىڭ ”ازىعى“، حالىق شارۋاشىلىعى دامۋىنىڭ جان تامىرى. ورتالىقتىڭ ەكونوميكالىق قىزمەت ءماجىلىسى ”ماڭىزدى ەنەرگيا، كەن ونىمدەرى بايلىقتارىن بارلاپ اشۋدى جانە قورىن مولايتىپ، ءونىمىن جوعارىلاتۋدى كۇشەيتۋدى“ ماڭىزدى ستراتەگيالىق ورىنعا كوتەردى. جاقىندا عانا جابىلعان اۆتونوميالى رايوندىق 10 - كەزەكتى پارتكومنىڭ جەتىنشى جالپى ماجىلىسىندە كومىردى نەگىز، مۇناي مەن تابيعي گازدى شەشۋشى تەتىك، جاڭا ەنەرگيانى بەتالىس ەتىپ، جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىن جاپپاي ىلگەرىلەتىپ، بۇكىل ەلدىڭ ەنەرگيا جانە بايلىق ستراتەگيالىق قامتاماسىزدىعى بازاسىن قۇرۋ كەرەك دەپ ورتاعا قويىلدى.
جاڭا ءبىر جىلدا شينجياڭ ەنەرگيانى بارلاۋ - اشۋ كومەسكى كۇشىن قالاي شاپشاڭ ساۋلەلەندىرۋى كەرەك؟ شينجياڭنىڭ ءىشى - سىرتىنداعى بازارلاردى قايتكەندە جوعارى ءونىمدى ءبىر تۇتاس جوسپارلاپ، ەنەرگيامەن قامداۋدى قامتاماسىز ەتۋ قابىلەتىن كۇشەيتۋگە بولادى؟ تىلشىلەر وسى جونىندە سۇحبات جاسادى.
عىلىم - تەحنيكادا جاڭالىق اشۋ ارقىلى جەتەكشىلىك ەتىپ، مۇناي مەن تابيعي گازدى اشۋ كومەسكى كۇشىن ساۋلەلەندىردى
1 - ايدىڭ 8 - كۇنى تارىم مۇنايلىعى فۋيۋان مۇناي - تابيعي گاز ىسكە قوسۋ - قورعاۋ ورتالىعىندا شيكى مۇناي مەن تابيعي گاز بار كۇشپەن ءوندىرىلىپ جاتىر، فۋمان مۇنايلىعىنىڭ كۇندىك ءبىر جاقتى ەتەتىن شيكى مۇنايى 8000 توننادان، تابيعي گازى 2 ميلليون 400 مىڭ تەكشەمەتردەن استى.
فۋمان مۇنايلىعى تاكلاماكان ءشولىنىڭ قويناۋىندا، كەزىندەگى اتى ەل - جۇرتقا بەيمالىم وسى ”ەلەۋسىز جەر“ تۇلەي ءتۇسىپ، 2021 - جىلى وسى اۋماقتان ءبىر ميلليارد توننا دارەجەلى مۇناي قورى بايقالعاننان بەرى بارلاۋ - اشۋ تەبىنى ارتا ءتۇستى. 2022 - جىلى فۋمان مۇنايلىعىنىڭ مۇناي - تابيعي گاز ءوندىرۋ مولشەرى 3 ميلليون توننادان استى، 2025 - جىلى 5 ميلليون توننا نىسانانى جۇزەگە اسىرادى. ”ەلەۋسىز جەر“ ”نەگىزگى تىرەككە“ اينالادى.
قازىر تارىم مۇنايلىعىنىڭ ％80تەن استام اسا تەرەڭ ۇڭعىمالارى فۋمان مۇنايلىعىنا شوعىرلانعان، ەڭ تەرەڭ جوبالانعان ۇڭعىما 9325 مەترگە جەتەدى، كەلەسى 2 − 3 جىلدا 10 مىڭ مەتر تەرەڭدىكتەگى ۇڭعىما ورنالاستىرىلىپ، عىلىم - تەحنيكادا جاڭالىق اشۋ ارقىلى مۇناي - تابيعي گاز ءوندىرىس قۋاتىن ايگىلەۋدى ىلگەرىلەتەدى.
جاقىنعى جىلداردان بەرى، دۇنيە جۇزىندەگى مۇناي - تابيعي گاز بايلىعىن بارلاپ اشۋ ”تەرەڭ تەڭىز، تەرەڭ قاتپار جانە داعدىلى ەمەس“ باعدارعا قاراي شەرۋ تارتتى. تارىم ويپاتىندا تەرەڭدىگى 8000 مەتردەن اساتىن ۇڭعىمادان جۇزدەن ارتىعى قازىلىپ، مۇناي - تابيعي گازدىڭ جاڭا ”ارتۋ ۇيەگىنە“ اينالۋدا.
جەمسارى مەملەكەت دارەجەلى قۇرلىق فاتسيالى تاقتاتاس مۇنايىنان ۇلگى كورسەتۋ رايونى ەلىمىزدەگى ەڭ ءىرى تاقتاتاس مۇناي قورى بولىپ تابىلادى، بايلىق مولشەرى ءبىر ميلليارد تونناعا جەتەدى. تاقتاتاس مۇنايى داعدىلى ەمەس مۇناي - تابيعي گاز بايلىعىنا جاتادى، داعدىلى قازۋ تەحنيكاسى بۇل اراعا ۇيلەسپەيدى. قاجىماي - تالماي ىزدەنىس جاساۋ ارقىلى شينجياڭ مۇنايلىعىنىڭ اشۋ تەحنيكاسى كۇن سايىن كەمەلدەنىپ، تاقتاتاس مۇناي اشۋى وسىدان باستاپ جىلدام ارناعا ءتۇسىپ، 2022 - جىلعى ءوندىرىس مولشەرى 500 مىڭ توننادان استى.
مۇناي - تابيعي گاز − ونەركاسىپ ارتۋىنىڭ ”ورنىقتىرعىشى“، شينجياڭنىڭ ونەركاسىپ ەكونوميكاسىن ارتتىراتىن قوزعالتقىش. جاڭا ەمتيحان تاپسىرۋ جولىندا تارىم مۇنايلىعى 2023 - جىلى مۇناي - تابيعي گازدىڭ ءوندىرىس مولشەرىنىڭ بالاماسىن 33 ميلليون 530 مىڭ تونناعا جەتكىزىپ، 2025 - جىلعا بارعاندا ەلىمىزدەگى ەڭ ۇلكەن اسا تەرەڭ قاباتتاعى مۇناي - تابيعي گاز ءوندىرىس بازاسىن سالىپ شىعىپ، جۇڭگو ۇلگىسىندە وسىزاماندانعان، دۇنيە جۇزىندە بىرەگەي ەنەرگيا كاسىپورنى قۇرىلىسىندا ماڭىزدى ىلگەرىلەۋشىلىككە قول جەتكىزۋ سىندى نىسانانى ايقىندادى؛ 2023 - جىلى شينجياڭ مۇنايلىعى دامۋعا جاڭالىق اشۋ ارقىلى دەم بەرۋ ستراتەگياسىن بۇلجىتپاي اتقارىپ، كەلەلى سالالارداعى عىلمي زەرتتەۋدەن قامال الۋدى تەزدەتىپ، دۇنيە ءجۇزى بويىنشا بىرەگەي 20 ميلليون توننالىق كەشەندى ەنەرگيا سەرىكتەستىگى قۇرىلىسىندا جاڭا جاعداي اشۋعا قايراتتانا قۇلشىنادى.
تالاي اسۋدان استى
ەنەرگيانى سىرتقا جەتكىزۋ كولەمى ۇلعايدى
شينجياڭنىڭ ەكونوميكالىق قۇرىلىمىندا ەنەرگيا بايلىعى جەتەكشى ورىندا تۇرادى.
كومىردى شينجياڭنىڭ ونەركاسىپ ەكونوميكاسىنىڭ ”تەڭگەرگىشى“ دەۋگە بولادى. 2022 - جىلى شينجياڭ كومىر ءوندىرۋ، ساتۋدا مەملەكەتتىڭ ءبىر تۇتاس ۇلكەن بازارىمەن توعىسۋدى جەدەلدەتىپ، بايلىق باسىمدىعىن ەكونوميكالىق باسىمدىققا اينالدىرۋدى ىلگەرىلەتتى.
قۇمىل قالاسى شينجياڭنىڭ كومىرىن سىرتقا جەتكىزۋدەگى الدىڭعى شەپ بازاسى، 2022 - جىلى كومىر ءوندىرىم مولشەرى مەجەمەن 125 ميلليون 600 مىڭ تونناعا جەتىپ، سايكەس مەزگىلدەگىدەن ％49 ارتادى؛ 65 ميلليون 300 مىڭ توننا كومىر سىرتقا تاسىلىپ، سايكەس مەزگىلدەگىدەن ％165 ارتادى دەپ مەجەلەنگەن بولاتىن. ”باتىس سولتۇستىكتىڭ، باتىس وڭتۇستىكتىڭ كومىرىن سىرتقا ساتۋ شەبىن بەكەمدەۋمەن بىرگە، 2022 - جىلى ءبىز كومىردى حۋاجۇڭ، حۋادۇڭ، حۋابەي، حۋانانعا ساتتىق“، - دەدى قۇمىل قالالىق دامۋ جانە رەفورما كوميتەتى كومىر ءبولىمىنىڭ ورىنباسار باستىعى لي بەيكاڭ.
اۆتونوميالى رايوندىق دامۋ جانە رەفورما كوميتەتىنىڭ ساناعىنا نەگىزدەلگەندە، 2022 - جىلى بۇكىل شينجياڭداعى وڭدەلمەگەن كومىردىڭ ءوندىرىس مولشەرى 400 ميلليون تونناعا جەتىپ، سايكەس مەزگىلدەگىدەن ％25 ارتقان؛ سىرتقا تاسىلعان كومىر 80 ميلليون توننا بولىپ، سايكەس مەزگىلدەگىدەن ءبىر ەسەگە جۋىق ارتقان.
شينجياڭ شينجياڭنىڭ ەلەكترىن سىرتقا جەتكىزۋ كولەمىن ۇزدىكسىز ارتتىرىپ، تابيعي گازدى باتىستان شىعىسقا جەتكىزۋدەگى تابيعي گازبەن قامداۋ قابىلەتىن كۇشەيتتى. 2022 - جىلى 9 - ايدىڭ 28 - كۇنى ”شينجياڭنىڭ ەلەكترىن چۇڭچيڭگە جەتكىزۋدىڭ“ سايكەستى كومىر ەلەكتر نىسانى مەن تابيعي گازدى باتىستان شىعىسقا جەتكىزۋ 4 - جەلىسى نىسانى ءبىر ۋاقىتتا قۇرىلىس باستادى. قازىرگە دەيىن شينجياڭنىڭ ەلەكترىن سىرتقا جەتكىزۋ جيىنى 600 ميلليارد كيلوۆات ساعاتتان اسىپ، بۇكىل ەلدىڭ 20 ولكە، رايون، قالاسىن قامتىدى؛ تابيعي گازدى باتىستان شىعىسقا جەتكىزۋ 1 - جەلىسى تومەنگى اعاردى 310 ميلليارد تەكشەمەتردەن استام گازبەن قامداپ، بۇكىل ەلدىڭ 15 ولكە، رايون، قالاسىنداعى، 120 ءىرى، ورتاشا قالاداعى 400 ميلليوننان استام تۇرعىندى يگىلىككە كەنەلتتى.
اۆتونوميالى رايوندىق دامۋ جانە رەفورما كوميتەتى كومىر باسقارماسىنىڭ باستىعى ياۋ ياۋ مىنالاردى ءبىلدىردى: شينجياڭ بيىل ەنەرگيا ارتىقشىلىعى مەن رايون ورنى ابزالدىلىعىن تياناق ەتە وتىرىپ، مەملەكەتتىك ”ءۇش بازا، ءبىر ارنا“ قۇرىلىسىن جاپپاي ىلگەرىلەتىپ، مۇناي - تابيعي گاز بايلىعىنىڭ قورىن مولايتىپ، ءونىمىن جوعارىلاتۋدى زور كۇشپەن ىلگەرىلەتىپ، كومىردىڭ وزىق، ساپالى ءوندىرىس قۋاتىن جەدەل شىعارىپ، ەنەرگيانىڭ ءوندىرىس مولشەرىن جوعارىلاتۋ، قامداۋدى قامتاماسىز ەتۋ، قورىن مولايتۋ، اينالىمىن ىركىلىسسىزدەندىرۋ، مەملەكەتتىڭ كەلەلى جاعدايىنا قىزمەت وتەۋ قىزمەتتەرىن بار كۇشپەن جاقسى ىستەپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتەدى.
بيىل شينجياڭ تاعى وسى زامانعى ەنەرگيا نەگىزدىك قۇرىلعىلارى جۇيەسىن جەدەل قۇرىپ، جوعارى ساپالى ەلەكتر تورى جۇلگەسىن كەمەلدەندىرەدى. ”شينجياڭنىڭ ەلەكترىن سىرتقا جەتكىزۋ“ 3 - ارناسى ينجەنەرياسىن، باينعولين موڭعۇل اۆتونوميالى وبلىسىنان تىكەندىگە دەيىنگى، چارقىلىققا دەيىنگى قاتارلى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىن، تابيعي گازدى باتىستان شىعىسقا جەتكىزۋ 2 - جەلىسى، 3 - جەلىسى كەڭساي ستراتەگيالىق حاۋىپسىز قۇبىر ينجەنەرياسىنىڭ قۇرىلىستارىن باستاپ سالادى. ”شينجياڭنىڭ ەلەكترىن سىرتقا جەتكىزۋ“ 4 - ارناسىنىڭ، چارقىلىقتان حۋاتۋگوۋعا دەيىنگى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ باستاپقى مەزگىلدىك قىزمەتتەرىن ىلگەرىلەتەدى.
كاسىپ سالالارى شوعىرىن جەتىلدىرەدى، ۇلعايتادى، شينجياڭ كومىر، كومىر ەلەكتر، كومىر حيميا ونەركاسىبىنىڭ كاسىپ سالالار شوعىرىن بەلسەندىلىكپەن تۇلعالاپ، مۇناي - تابيعي گاز ءوندىرۋ، مانەرلەۋ كاسىپ سالالارى شوعىرىن جەتىلدىرىپ، ۇلعايتىپ، جاڭا ەنەرگيا، جاڭا ماتەريال قاتارلى ستراتەگيالىق جاڭادان گۇلدەنگەن كاسىپ سالالارى شوعىرىن زور كۇشپەن دامىتىپ، مۇناي - تابيعي گاز، كومىر قاتارلى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، مەملەكەتتىڭ ەنەرگيا، سونداي - اق كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىنە قىزمەت ەتەدى جانە ونى قامتاماسىز ەتەدى.
شوعىرلى دامىدى
جاڭا ەنەرگيا كاسىپ سالاسى تەبىندەي ءتۇستى
جاڭا ەنەرگيا كاسىپ سالاسى كاسىپ سالاسى قۇرىلىمىن رەتتەۋدەگى، جاقسارتۋداعى، دامۋدىڭ جاڭا قوزعاۋشى كۇشىن جەتىلدىرۋدەگى، دامىتۋداعى ماڭىزدى سالا. جەل، كۇن نۇرى بايلىعى شەكسىز شينجياڭ ساياساتتىق ورايدى مىقتاپ يگەرىپ، بايتاق ءشول دالادا، جاپان تۇزدە جوعارى ساپالى دامۋدىڭ قۇلاشىن كەڭ جايعان ”شارىقتاۋ كارتيناسىن“ سىزىپ شىقتى.
جاقىنعى مەزگىلدە حۋاديان شينجياڭ ەلەكتر شەكتى سەرىكتەستىگىنەن جاعىمدى حابارلار ءجيى تارالدى: 2022 - جىلى 12 - ايدا ياركەن 100 مىڭ كيلوۆاتتىق فوتوۆولتتىق ەلەكتر نىسانى، كەلپىن 100 مىڭ كيلوۆاتتىق فوتوۆولتتىق ەلەكتر نىسانى، ۇلىقشات 100 مىڭ كيلوۆاتتىق فوتوۆولتتىق ەلەكتر نىسانى سياقتى 8 جاڭا ەنەرگيا نىسانى ىركەس - تىركەس جەلىگە قوسىلىپ ەلەكتر تاراتتى، جەلىگە قوسىلۋ كولەمى 820 مىڭ كيلوۆاتقا جەتتى.
قازىر حۋاديان شينجياڭ سەرىكتەستىگى «شينجياڭنىڭ جاڭا ەنەرگيا بازاسى جانە كاسىپ سالاسى قۇرىلىسىنىڭ جالپى تۇلعالىق اتقارۋ جوباسىن» جاساپ، كولەمدى جالپىلىق ەنەرگيا، جاڭا ەنەرگيا كاسىپ سالاسى سىندى ”ەكى بازانى“ كۇش سالا تۇلعالاپ، عىلىم - تەحنيكادا جاڭالىق اشۋ، جالپىلىق ەنەرگيا قاينارىن تەكسەرۋ، ولشەۋ جانە زەردەلى قورعاۋ، تەكسەرۋ ”ەكى ورتالىعىن“ سالىپ، نازاردى كوپ ءتۇرلى ەنەرگيانىڭ ءوزارا تولىقتاۋىن ءبىر تۇلعالاندىرۋ، فوتوتەرمالدىق ەلەكتر تاراتۋ، سۋتەگى ەنەرگياسى، ەنەرگيا ساقتاۋ، اۋىل - قىستاقتى گۇلدەندىرۋ، كومىر قىشقىل گازىن شىعارمايتىن باقشا - رايون سىندى كەشەندى ەنەرگيالارعا شوعىرلاندىرعان ”N“ قىزمەت وتەۋ نىسانىن اتقاردى. ”ءبىز حۋادياننىڭ شينجياڭداعى ستراتەگيالىق تازا ەنەرگيا بازاسى قۇرىلىسىن كاسىپ سالاسىمەن سايكەستى ىلگەرىلەتەمىز“، - دەدى حۋاديان شينجياڭ ەلەكتر شىعارۋ شەكتى سەرىكتەستىگى پارتكومىنىڭ شۋجيى، القا باستىعى حان سۇڭ.
اۆتونوميالى رايوننىڭ ”14 - بەسجىلدىق“ جوباسىندا جانە 2035 - جىلعا دەيىنگى بولاشاقتىق نىسانا باعدارلاماسىندا جۇندۇڭ 10 ميلليون كيلوۆات دارەجەلى ەنەرگيا بازاسىن سالىپ، قۇمىلدىڭ سولتۇستىگىندەگى 10 ميلليون كيلوۆات دارەجەلى جاڭا ەنەرگيا بازاسى مەن وڭتۇستىك شينجياڭداعى تارىمدى شارپىعان 10 ميلليون كيلوۆات دارەجەلى تازا ەنەرگيامەن قامداۋ قامتاماسىزدىق اۋماعى قۇرىلىسىن ىلگەرىلەتۋ، جاڭا ەنەرگيانى ارزان باعادا جەلىگە قوسۋدان ۇلگى كورسەتۋ نىسانى رايونىن قۇرۋ ورتاعا قويىلدى.
قولداۋ ساياساتتارى قاباتتاسا كەلىپ، قاشقار ايماعىنىڭ جاڭا ەنەرگيا كاسىپ سالاسىن دامىتۋىنا مىڭدا ءبىر كەزدەسەتىن تاريحي وراي الا كەلدى. ”14 - بەسجىلدىقتان“ بەرى قاشقار ايماعى جالپى 10 ميلليون كيلوۆاتتىق فوتوۆولتتىق ەلەكتر شىعارۋ نىسانىنىڭ قۇرىلىسىن باستادى، 2022 - جىلى فوتوۆولتتىق ەلەكتر شىعارۋدا جەلىگە قوسىلعان اگراگات كولەمى 890 مىڭ كيلوۆاتقا جەتتى، 2023 - جىلى سالىنىپ جاتقان 9 ميلليون 110 مىڭ كيلوۆاتتىق فوتوۆولتتىق ەلەكتر شىعارۋ نىسانى قۇرىلىسىن زور كۇشپەن ىلگەرىلەتەدى، مەجەمەن جاڭادان ارتقان فوتوۆولتتىق ەلەكتر شىعارۋدىڭ جەلىگە قوسىلۋ كولەمى 5 ميلليون كيلوۆاتتان اسىپ، وڭتۇستىك شينجياڭنىڭ قاشقارىندا 10 ميلليون كيلوۆات دارەجەلى جاڭا ەنەرگيا بازاسى باستاپقى قادامدا قالىپتاسادى. ”گۋاڭدۇڭ ولكەسىنىڭ كاسىپ سالاسى ارقىلى شينجياڭعا كومەكتەسۋدەگى 20 ميلليون كيلوۆاتتىق فوتوۆولت جانە كاسىپ سالاسى نىسانىن تايانىش ەتىپ، جاڭا ەنەرگيا، جاڭا ماتەريال قاتارلى ستراتەگيالىق جاڭادان گۇلدەنگەن كاسىپ سالالارى شوعىرىنىڭ دامۋىن زور كۇشپەن ىلگەرىلەتىپ، فوتوۆولت جوعارعى، تومەنگى بۋىنداعى كاسىپ سالالارى، ەنەرگيا ساقتاۋ كاسىپ تىزبەگى، ەنەرگيا تۇتىنىمى جوعارى كاسىپ سياقتى نىسانداردى ەنگىزگەندە، بايلىقتى كاسىپ سالاسىنا اۋىستىرۋدى، كاسىپ سالاسى ارقىلى دامۋدى جەبەۋدى، دامۋ ارقىلى جۇمىستانۋعا جەتەكتەۋدى شىن مانىندە جۇزەگە اسىرۋعا بولادى“، - دەدى قاشقار ايماقتىق ونەركاسىپ جانە ينفورماتسيالاندىرۋ مەكەمەسىنىڭ باستىعى چىن ۋيدۇڭ.
اۆتونوميالى رايوندىق دامۋ جانە رەفورما كوميتەتىنىڭ ساناعىنا نەگىزدەلگەندە، 2022 - جىلى بۇكىل شينجياڭدا قۇرىلىس باستاعان جاڭا ەنەرگيا نىساندارىنىڭ كولەمى شامامەن 58 ميلليون كيلوۆات بولىپ، بۇكىل رايونداعى جەل ەلەكتر، فوتوۆولتتىق ەلەكتر كاسىپ سالالارى ءۇرتىس اقاۋسىز دامۋ كەزەڭىنە وتكەن، قازىر جاڭا ەنەرگيا اگراگاتىنىڭ كولەمى ％34تەن اسىپ، ”14 - بەسجىلدىق“ مەزگىلىندە رايونىمىزدى بۇكىل ەلدەگى ماڭىزدى تازا ەنەرگيا بازاسى ەتىپ قۇرىپ شىعۋعا بەرىك نەگىز قالاعان.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
