شينجياڭ ۇيعۇر اۆتونوميالى رايونىنىڭ ”زاڭمەن باسقارۋ ساباقحاناسى . ءار ايدىڭ 9 -، 19 -، 29 - كۇندەرى، ءسوزسىز، ساباق سويلەۋ“ زاڭمەن باسقارۋ كۋرسىنىڭ 10 - لەكسياسى باستالدى
ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، جاڭ چۇنلين، حى جۇڭيوۋ قاتىناستى، لي يفي باسقاردى، شۇي شيانميڭ ارناۋلى تاقىرىپتا لەكسيا سويلەدى
2023.01.11 14:50 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ شياڭ 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 9 - كۇنى تۇستەن كەيىن اۆتونوميالى رايوننىڭ ”زاڭمەن باسقارۋ ساباقحاناسى .ءار ايدىڭ 9 -، 19 -، 29 - كۇندەرى، ءسوزسىز، ساباق سويلەۋ“ زاڭمەن باسقارۋ كۋرسىنىڭ 10 - لەكسياسى باستالدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي باسقاردى.
مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى باقىلاۋ - تەكسەرۋ جانە ءادىليا كوميتەتىنىڭ ورىنباسار مەڭگەرۋشى مۇشەسى شۇي شيانميڭ ۇسىنىس بويىنشا ارناۋلى تاقىرىپتا لەكسيا سويلەدى. شۇي شيانميڭ شي جينپيڭنىڭ زاڭمەن باسقارۋ يدەياسىن تۇراقتاندىرۋدىڭ كەلەلى ءمانى، نە ءۇشىن مەملەكەتتى جاپپاي زاڭمەن باسقارۋ كەرەك، قايتكەندە مەملەكەتتى جاپپاي زاڭمەن باسقارۋعا بولادى، شي جينپيڭنىڭ زاڭمەن باسقارۋ يدەياسىنداعى ديالەكتيكا سياقتى 4 جاقتان شي جينپيڭنىڭ زاڭمەن باسقارۋ يدەياسىنىڭ داۋىرلىك استارىن، وزەكتى ءمانىن، امالياتتىق تالابىن، سونداي - اق جۇڭگوشا سوتسياليستىك زاڭمەن باسقارۋ جولى، جۇڭگوشا سوتسياليستىك زاڭمەن باسقارۋ جۇيەسى، سوتسياليستىك زاڭمەن باسقارىلاتىن مەملەكەت قۇرۋ سياقتىلاردىڭ ماندىك ءمانى مەن لوگيكالىق قاتىناسىن تەرەڭدەي ءتۇسىندىردى.
لي يفي ءماجىلىستى باسقارعاندا مىنالاردى اتاپ كورسەتتى: ارناۋلى تاقىرىپتىق لەكسيانىڭ نەگىزگى تاقىرىبى ايقىن، ويى ورەلى، اياسى كەڭ، مازمۇنى باي، ءبىزدىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋىمىز، ۇگىتتەۋىمىز، دايەكتىلەندىرۋىمىز شي جينپيڭنىڭ زاڭمەن باسقارۋ يدەياسىن اناعۇرلىم ويداعىداي ۇيرەنۋىمىز، ءتۇسىنۋىمىز، دۇرىس يگەرۋىمىز، دايەكتىلەندىرۋىمىز، تياناقتاندىرۋىمىز، زاڭمەن باسقارىلاتىن شينجياڭ قۇرۋىمىز جونىنەن ماڭىزدى جەبەۋ رولىنا يە. شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن باستان - اياق بيىك ۇستاپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، ەگجەي - تەگجەيلى ءتۇسىنىپ، قايراتتانا العا ۇمتىلىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ وسكەلەڭ سانالىلىعىن ساقتاپ، شي جينپيڭنىڭ زاڭمەن باسقارۋ يدەياسىن ۇيرەنۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتۋ كەرەك. پارتيا 20 - قۇرىلتايىنىڭ ورنالاستىرۋلارىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسىنىڭ تالابى بويىنشا، زاڭمەن باسقارىلاتىن شينجياڭ قۇرىلىسىنىڭ ءتۇيىندى مىندەتتەرىن ىشكەرىلەي يگەرىپ، ەگجەي - تەگجەيلى يگەرىپ، ناقتى يگەرىپ، شينجياڭ قىزمەتىنىڭ باس نىساناسىن جۇزەگە اسىرۋعا، قايراتتانا ىسكەرلىك كورسەتىپ كورىكتى شينجياڭ قۇرۋعا دەم بەرۋ كەرەك. ”شەشۋشى ازشىلىقتىڭ“ جەتەكشىلىك ەتۋ، ۇلگى كورسەتۋ رولىن تولىق ساۋلەلەندىرىپ، باسشى كادرلاردىڭ بىلۋگە ءتيىستى زاڭ، زاڭ ەرەجە ءتىزىمى ءتۇزىمىن تياناقتاندىرىپ، زاڭ بويىنشا شەشىم جاساۋ قابىلەتى مەن دەڭگەيىن ۇزدىكسىز جوعارىلاتىپ، زاڭمەن باسقارۋ قۇرىلىسى جاۋاپكەرشىلىگىن مۇقيات، ىجداعاتتى، شىنايى تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن شينجياڭدى زاڭمەن باسقارۋدىڭ ءىس جۇزىندىك ارەكەتىنە شىنايى اينالدىرۋ كەرەك.
چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، قاتىستى تاراۋلارداعى، ورىندارداعى نەگىزگى جاۋاپتى جولداستار، ت. ب قاتىناستى. ارناۋلى تاقىرىپتىق لەكسيا تەلەۆيزور - تەلەفون ءماجىلىسى تاسىلىندە وتكىزىلدى، ءارقايسى ايماق، وبلىس، قالا، اۋدان، قالا، رايون، اۋىل - قالاشىق، ءمالى باسقارماسىندا بولىمشە ءماجىلىس الاڭى ورنالاستىرىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
