ءتورت تاراۋ قۇجات جاريالادى
جاڭا تيپتى ايدارشا ۆيرۋسپەن جۇعىمدالعانداردى ەمدەۋ قاراجاتىن مەديتسينالىق قامسىزداندىرۋ ەسەبىنەن كوتەرۋگە قاتىستى ساياساتتاردى ايقىندادى
2023.01.10 15:41 كەلۋ قاينارى : حالىق تورابى
حالىق گازەتىنىڭ ءتىلشىسى يە زى 1 – ايدىڭ 9 – كۇنى بەيجيڭنەن حابارلايدى. مەملەكەتتىك مەديتسينالىق قامتاماسىزداندىرۋ مەكەمەسى، قازىنا مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى، مەملەكەتتىك اۋرۋدىڭ الدىن الۋ – تىزگىندەۋ مەكەمەسى سىندى ءتورت تاراۋ «‹B تۇردەگى اۋرۋلارعا B دارەجەدەگى باسقارۋ شارالارى› اتقارىلعاننان كەيىن جاڭا تيپتى ايدارشا ۆيرۋسپەن جۇعىمدالعانداردى ەمدەۋ قاراجاتىن مەديتسينالىق قامسىزداندىرۋ ەسەبىنەن قامتاماسىزداندىرۋعا قاتىستى ساياساتتار جونىندەگى ۇقتىرۋدى» باسىپ تاراتىپ، جاڭا تيپتى ايدارشا ۆيرۋسقا شالدىعىپ ەمحاناعا جاتقاندارعا «B تۇردەگى اۋرۋلارعا Aدارەجەدەگى باسقارۋ شارالارىن اتقارۋ» ۋاقىتتىق ساياساتىن جالعاستى قولدانىپ، جاڭا تيپتى ايدارشا ۆيرۋسپەن جۇعىمدالعانداردىڭ ەمحاناعا جاتقان قاراجاتىنا تولىق سوما بويىنشا كەپىلدىك ەتۋدى بەلگىلەدى.
ۇقتىرۋدا مىنالار ايقىندالعان: ەمدەۋ قۇرىلىمدارى جاڭا تيپتى ايدارشا ۆيرۋسپەن جۇعىمدالعانداردى قابىلداپ ەمدەگەن كەزدەگى، دەنساۋلىق ساقتاۋ – سالاماتتىق تاراۋلارى بەلگىلەگەن جاڭا تيپتى ايدارشا ۆيرۋسپەن جۇعىمدالعانداردى ەمدەۋ جوباسىنا ساي كەلەتىن ەمحاناعا جاتىپ ەمدەلۋ بارىسىنداعى قاراجاتىن نەگىزدىك مەديتسينالىق قامسىزداندىرۋ قورى، سالماقتى ناۋقاستاردى قامسىزداندىرۋ قورى، مەديتسينالىق كومەك بەرۋ قاتارلى جولدار ارقىلى بەلگىلەمە بويىنشا تولەپ بولعان سوڭ، جەكەلەر ارقالاۋعا ءتيىستى بولىگىنە قازىنادان قوسىمشا قاراجات بەرىلەدى. بۇل ساياسات جاڭا تيپتى ايدارشا ۆيرۋسپەن جۇعىمدالعاندار ەمحاناعا جاتقان ۋاقىتتان باستاپ ەسەپتەلەدى، بۇل قازىرشە 2023 – جىلى 3 – ايدىڭ 31 – كۇنىنە دەيىن اتقارىلادى.
مۇنان سىرت، قامسىزداندىرۋعا قاتىناسقان ناۋقاستار نەگىزدىك مەديتسينالىق قامسىزداندىرۋ كولەمىندە بەلگىلەنگەن ەمدەۋ قۇرىلىمدارىندا ەمدەلگەن كەزدەگى جاڭا تيپتى ايدارشا ۆيرۋسپەن جۇعىمدالعانداردى ەمدەۋگە قاتىستى (مەديتسينالىق قامسىزداندىرۋ تىزىمدىگىنىڭ كولەمىندەگى) امبۋلاتوريالىق ەمدەۋ، شۇعىل ەمدەۋ قاراجاتتارىنا بايلانىستى، پرينسيپتىك جاقتان، ەڭ تومەنگى شەك پەن ەڭ جوعارعى شەك بەلگىلەنبەيدى، ەسەپتەن كوتەرۋ سالىستىرماسى %70 تەن تومەن بولمايدى. ناقتى بەلگىلەمەنى جەرگىلىكتى مەديتسينالىق قامتاماسىزداندىرۋ تاراۋلارى قازىنا تاراۋلارىمەن كەڭەسە وتىرىپ، مەديتسينالىق قامسىزداندىرۋ قاراجاتىن پايدالانۋ جاعدايىنا ساي زەرتتەپ بەكىتەدى، بۇل قازىرشە 2023 – جىلى 3 – ايدىڭ 31 – كۇنىنە دەيىن اتقارىلادى.
قامسىزداندىرۋعا قاتىناسقانداردىڭ باسقا ەمدەۋ قۇرىلىمدارىندا جاڭا تيپتى ايدارشا ۆيرۋسقا قاتىستى شۇعىل ەمدەلۋ بارىسىنداعى قاراجاتتارعا B تۇردەگى باسقا جۇقپالى اۋرۋلاردى ەمدەتۋ قاراجاتىن مەديتسينالىق قامسىزداندىرۋ قورىنىڭ ەسەبىنەن كوتەرۋ ساياساتى اتقارىلادى، مەديتسينالىق قامسىزداندىرۋ كولەمىنە ەنگىزىلگەن ەمدەلۋ جانە ءدارى – دارمەك قاراجاتىن ەسەپتەن كوتەرۋگە ءتيىستى بولسا تۇگەل ەسەپتەن كوتەرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
