جاڭا تيپتى ايدارشا ۆيرۋسپەن جۇعىمدالىپ، دەنساۋلىق قالپىنا كەلۋ مەزگىلىندە، مىناداي 9 ءىستى ىستەۋ بارىسىندا، ءسوزسىز، اباي بولعانىڭىز ءجون
2023.01.11 15:13 كەلۋ قاينارى : حالىق تورابى
دەنە ارەكەتىمەن شۇعىلدانعان كەزدە، قاتتى ارەكەتتەنبەگەنىڭىز ءجون
دەنساۋلىق قالپىنا كەلۋ بارىسىندا، ۇيلەسىمدى مولشەردە ارەكەتتەنۋ دەنساۋلىقتىڭ قالپىنا كەلۋىنە پايدالى، الايدا، قاتتى ارەكەتتەنبەگەن ءجون. قاتتى ارەكەتتەنۋ دەنساۋلىقتىڭ قالپىنا كەلۋىنە پايداسىز بولىپ قالماستان، باسقا ماسەلەلەردى تۋىنداتۋى دا مۇمكىن. ءسوزسىز، ءوزىڭىزدىڭ ناۋقاس جاعدايىڭىزعا جانە دەنساۋلىق جاعدايىڭىزعا قاراي ارەكەتتى قالپىنا كەلتىرگەنىڭىز ءجون. ءبىرشاما جەڭىل ارەكەتتەردى ىستەسەڭىز بولادى. ارەكەت مولشەرى ءوزىڭىزدىڭ ادەتتەگى ارەكەت مولشەرىڭىزدىڭ ۇشتەن بىرىنەن اسىپ كەتپەگەنى ابزال، سوڭىنان بىرتىندەپ ارتتىرۋىڭىزعا بولادى.
— بەيجيڭ جۇڭگوشا شيپاگەرلىك ەمحاناسىنىڭ باستىعى ليۋ چيڭچۋان
سۋىق تيگىزىپ الۋدان اباي بولىڭىز
جۇعىمدالىپ جازىلعاننان كەيىن، دەنساۋلىقتىڭ قالپىنا كەلۋىنە 2 – 3 اپتا ۋاقىت قاجەت، دەنە قۋاتىڭىز ءالسىز، كۇن سۋىق بولعان كەزدە، ەگەر سۋىق تيۋدەن ساقتانباساڭىز، جۇقپالى تۇماۋدىڭ تاعى دا ءتيۋى نەمەسە سۋىق وتۋدەن تۇماۋ ءتيۋى مۇمكىن، مۇنداي جاعدايدا جانعا باتاتىن اۋرۋ بەلگىلەرى «قايتا اينالىپ سوعۋدان» سىرت، دەنساۋلىقتىڭ قالپىنا كەلەتىن ۋاقىتى دا ۇزارا تۇسەدى. سوندىقتان، سۋىق وتۋدەن ساقتانىپ، جىلى ءجۇرۋ وتە ماڭىزدى.
— حۋبەي ولكەلىق جۇڭگوشا شيپاگەرلىك ەمحاناسى (حۋبەي جۇڭگوشا شيپاگەرلىك جانە ءدارى – دارمەك داشۋەسىنىڭ قاراماعىنداعى ەمحانا) سالاماتتىقتى باسقارۋ (اۋرۋعا شالدىعۋدىڭ الدىن الۋ) ورتالىعىنىڭ مەڭگەرۋشىسى ياڭ فان
كوڭىل – كۇيدى جاقسى ۇستاڭىز، تورىعىپ كەتپەڭىز
جاڭا تيپتى ايدارشا ۆيرۋسپەن جۇعىمدالۋ جانە دەنساۋلىقتىڭ قالپىنا كەلۋى بارىسىندا، ۇرەيلەنۋ، ابىرجۋ جانە ۋايىمداۋ سىندى جاعداي تۋىلاتىنى تابيعي، اسا ابىرجىپ كەتۋدىڭ قاجەتى جوق. ۇرەيلەنۋ، ابىرجۋ جانە ۋايىمداۋ جاعدايى تۋىلسا، كوڭىل – كۇيدى بەلسەندىلىكپەن رەتتەپ، باسقالارمەن اڭگىمەلەسىپ، ءوزارا دەم بەرىپ، ءوزارا كوڭىل ءبولىپ، قولداۋ كورسەتۋ، كوڭىل – كۇيدى باسقاعا شوعىرلاندىرۋ كەرەك. تىنىس الۋ ارقىلى بوي سەرگىتۋ جاتتىعۋى، وتتەكتى جاتتىعۋ، نازاردى شوعىرلاندىرىپ جىم – جىرت وتىرۋ، تەرەڭ ويلاۋ قاتارلى تاسىلدەرمەن كوڭىل – كۇيدى رەتتەۋگە بولادى.
— بەيجيڭ قالالىق دەنساۋلىق ساقتاۋ – سالاماتتىق كوميتەتى (جاڭا تيپتى ايدارشا ۆيرۋسپەن جۇعىمدالعانداردىڭ دەنساۋلىعىن قالپىنا كەلتىرۋگە ارنالعان ماماندار باعدارناماسى (ءبىرىنشى نۇسقاسى)
مايلى تاماقتاردى تۇتىنباعانىڭىز ءجون
تاماقتى ءار رەتتە از مولشەردەن، كوپ رەت جەۋگە بولادى، تۇراقتى ۋاقىتتا، تۇراقتى مولشەردە ازىقتانۋعا، ازىق ءتۇرىنىڭ الۋان ءتۇرلى بولۋىنا، ۇيلەسىمدى سايكەستىرۋگە كوڭىل بولگەنىڭىز ءجون. ازىق ءتۇرىنىڭ الۋان ءتۇرلىلىگىن ساقتاپ، كوكونىس پەن ەتتى تۇتىنۋعا بىردەي ءمان بەرىپ، قارا استىق پەن اق استىقتى ۇيلەستىرىپ تۇتىنۋ كەرەك؛ سونى كوكونىس، جەمىس – جيدەك، سويا بۇرشاق، ءسۇت، ءداندى داقىل قاتارلى ازىقتىقتاردى كوبىرەك تۇتىنۋ قاجەت؛ بالىق، ءۇي قۇستارىنىڭ ەتى، جۇمىرتقا، قارا كەسەك ەت قاتارلىلاردى ۇيلەسىمدى تۇتىنۋعا بولادى، بالىق، قۇس ەتى جانە قارا كەسەك ەتتى جەۋگە باسا ءمان بەرىپ، مايلى ەتتى از جەپ، مايسىز تاعامداردى كوبىرەك تۇتىنعان ابزال. اشتى، تىتىركەندىرگىش ازىقتاردى، مايعا قۋىرعان، مايلى ازىقتاردى تۇتىنۋدان ساقتانعان ءجون. سۋ ءىشۋ مولشەرىنە كەپىلدىك ەتىپ، باستىسى قايناق سۋ ءىشۋ قاجەت، قانتتى سۋسىندىقتاردى از ءىشۋ نەمەسە ىشپەۋ كەرەك.
— بەيجيڭ قالالىق دەنساۋلىق ساقتاۋ – سالاماتتىق كوميتەتى (جاڭا تيپتى ايدارشا ۆيرۋسپەن جۇعىمدالعانداردىڭ دەنساۋلىعىن قالپىنا كەلتىرۋگە ارنالعان ماماندار باعدارناماسى (ءبىرىنشى نۇسقاسى)
دەنساۋلىعىڭىز قالپىنا كەلۋ بارىسىندا دەگبىرسىزدەنۋگە بولمايدى
جاڭا تيپتى ايدارشا ۆيرۋسپەن جۇعىمدالىپ قالپىنا كەلۋ بارىسىندا، حىسۋان، انتيگەن تەكسەرۋ ناتيجەلەرى تۇگەلدەي بولىمسىز بولىپ شىقسا دا، دەنساۋلىعىڭىزدىڭ ناۋقاستانۋدان بۇرىنعى قالپىنا كەلۋىنە 1 – 2 اپتا، ءتىپتى ونان دا ۇزاق ۋاقىت قاجەت. وسى مەزگىلدە جەكەلىك ساقتانۋ، كۇندەلىكتى تۇرمىس، ارەكەتتەنۋ جانە جاتتىعۋ، قىزمەت ورىنعا قايتۋ قاتارلى جاقتاردا بىرتىندەپ قالپىنا كەلتىرۋ، شاماعا قاراي ىستەۋ پرينسيبىنە بويسۇنىپ، بۇرىنعى قالىپقا بىرتىندەپ ورالعانىڭىز وڭ.
— بەيجيڭ قالالىق دەنساۋلىق ساقتاۋ – سالاماتتىق كوميتەتى (جاڭا تيپتى ايدارشا ۆيرۋسپەن جۇعىمدالعانداردىڭ دەنساۋلىعىن قالپىنا كەلتىرۋگە ارنالعان ماماندار باعدارناماسى (ءبىرىنشى نۇسقاسى)
قىزمەت بارىسىندا قاتتى شارشاۋدان اباي بولىڭىز
قىزمەت ورىنعا قايتقان العاشقى مەزگىلدە، جەڭىل قىزمەتتەردەن باستاپ ىستەپ، بىرتىندەپ قالىپتى قىزمەت مولشەرى مەن قىزمەت كۇيىنە ورالعانىڭىز ءجون، وتە قاربالاس بولۋ، ۇستەمە جۇمىس ىستەۋ، تۇندەلەتىپ قىزمەت ىستەۋ قاتارلى ارەكەتتەردەن اۋلاق بولىڭىز. ەگەر مۇمكىندىك بولسا، تۇستە 20 – 30 مينۋت دەمالعانىڭىز ورىندى. ءار ادامنىڭ دەنە قۋاتى، جاس شاماسى، اۋرۋ جاعدايى ءار ءتۇرلى بولاتىندىقتان، قالپىنا كەلۋ مەزگىلىندە دە پارىق بولادى، سوندىقتان، قىزمەتتى بىرتىندەپ قالپىنا كەلتىرگەن ءجون، قىزمەت ىستەگەندە وتە شارشاماۋدى ولشەم ەتكەنىڭىز وڭ.
— بەيجيڭ قالالىق دەنساۋلىق ساقتاۋ – سالاماتتىق كوميتەتى (جاڭا تيپتى ايدارشا ۆيرۋسپەن جۇعىمدالعانداردىڭ دەنساۋلىعىن قالپىنا كەلتىرۋگە ارنالعان ماماندار باعدارناماسى (ءبىرىنشى نۇسقاسى)
وتە جاي ۇيىقتاماعانىڭىز ءجون
دەنساۋلىقتىڭ قالپىنا كەلۋى بارىسىندا، كوبىرەك دەمالۋ ءال – قۋاتىڭىزدىڭ قالپىنا كەلۋىنە پايدالى. عىلمي، جۇيەلى ۇيىقتاۋ دەنساۋلىقتى كۇتىمدەۋدىڭ ماڭىزدى ءتاسىلى. جەتكىلىكتى ۇيقىعا كەپىلدىك ەتۋ كەرەك. دەنساۋلىقتى قالپىنا كەلتىرۋ مەزگىلىندە قىزمەت ريتىمىنە كوڭىل ءبولىڭىز، اۋىرعان كەزدە ىستەلمەي قالعان قىزمەتتەردى بىرنەشە كۇندە تولىقتاپ جىبەرۋدى ويلاماڭىز، ەڭ جاقسىسى تۇندەلەتىپ ۇستەمە قىزمەت ىستەمەڭىز.
—بەيجيڭ جۇڭگوشا شيپاگەرلىك ەمحاناسىنىڭ باستىعى ليۋ چيڭيۋان
ديزەنفەكسيالاۋدى شەكتەن اسىرىپ جىبەرمەگەنىڭىز ءجون
وتباسىندا ديزەنفەكسيالاۋ ىستەگەندە عىلىمي، جۇيەلى بولۋىنا كوڭىل ءبولىپ، شەكتەن تىس ديزەنفەكسيالاۋدان ساقتانۋ قاجەت، ديزەنفەكسيالاۋ سۇيىقتىعىمەن ادام دەنەسىن تىكەلەي ديزەنفەكسيالاۋعا بولمايدى، بولمە ىشىندەگى اۋانى بولمەدە ادام جوق كەزدە ديزەنفەكسيالاۋ كەرەك، سپيرتتى اۋاعا بۇركۋ ارقىلى ديزەنفەكسيالاۋعا بولمايدى، كەڭ كولەمدە ديزەنفەكسيالاۋعا بولمايدى.
— بەيجيڭ قالالىق دەنساۋلىق ساقتاۋ – سالاماتتىق كوميتەتى (جاڭا تيپتى ايدارشا ۆيرۋسپەن جۇعىمدالعانداردىڭ دەنساۋلىعىن قالپىنا كەلتىرۋگە ارنالعان ماماندار باعدارناماسى (ءبىرىنشى نۇسقاسى)
ساقتانۋ شارالارىن بوساڭسىتپاعانىڭىز ءجون
قازىر ءدال قىس مەزگىلىندەگى تىنىس جولى جۇقپالى اۋرۋلارى ءجيى تۋىلاتىن مەزگىل، جاڭا تيپتى ايدارشا ۆيرۋسپەن جۇعىمدالۋدىڭ جۇقپالى تۇماۋ، جاي تۇماۋ قاتارلى قىس مەزگىلىندەگى تىنىس جولى جۇقپالى اۋرۋلارىمەن قاباتتاسا تۋىلۋى سىندى حاۋىپتى جوققا شىعارۋعا كەلمەيدى، جۇعىمدالىپ جازىلعاننان كەيىن جەكەلىك ساقتانۋ ولشەمىن تومەندەتىپ جىەرۋگە بولمايدى، سىرتقا شىققاندا ماسكىنى عىلىمي تاعىپ، باس قوسۋدى ازايتقان ءجون. اسا قاجەت بولماسا ادام توپتاسقان جەرگە نەمەسە تۇمشالانعان ورىندارعا بارماعان وڭ. قولدىڭ تازالىعىن ءار كەز ويداعىداي ساقتاۋ كەرەك، وتە – موتە، لاستانعان كۇمانى بار زاتتارعا جانە ادامدار كوپ جاناساتىن الەۋمەتتىك ورىندارداعى زاتتارعا قول تيگىزگەن سوڭ، قولدى تازالاپ جۋۋ كەرەك.
— بەيجيڭ قالالىق دەنساۋلىق ساقتاۋ – سالاماتتىق كوميتەتى (جاڭا تيپتى ايدارشا ۆيرۋسپەن جۇعىمدالعانداردىڭ دەنساۋلىعىن قالپىنا كەلتىرۋگە ارنالعان ماماندار باعدارناماسى (ءبىرىنشى نۇسقاسى)
كەلۋ قاينارى: حالىق گازەتى، بەيجيڭ قالالىق دەنساۋلىق ساقتاۋ – سالاماتتىق كوميتەتى، چاڭجياڭ گازەتى قاتارلىلار
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
