جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ مازمۇنداماسى
(2023 - جىلى 1 - ايدىڭ 10 - كۇنى جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماقۇلداندى)
2023.01.11 16:12 كەلۋ قاينارى : حالىق تورابى
جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى 2023 - جىلى 1 - ايدىڭ 9 - كۇنىنەن 10 - كۇنىنە دەيىن بەيجيڭدە وتكىزىلدى. جالپى ماجىلىسكە ورتالىق ءتارتىپ تەكسەرۋ كوميتەتىنىڭ مۇشەلەرىنەن 127 ادام قاتىناستى، 207 ادام سىرتتاي قاتىناستى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلى پارتيا مەن مەملەكەت باسشىلارى ماجىلىسكە قاتىناستى.
جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ رۋحىن ىشكەرىلەي دايەكتى تياناقتاندىرىپ، 2023 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن اقىلداسىپ ورنالاستىردى، لي شي جولداستىڭ ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان جاساعان «پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا ساپاردا پارتيانى جاپپاي قاتاڭ باسقارۋدى تاباندىلىقپەن ىلگەرىلەتەيىك» دەگەن تاقىرىپتاعى قىزمەت بايانداماسىن قاراپ ماقۇلدادى.
جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەنىپ، تەرەڭ ۇعىندى. ءبىر اۋىزدان بىلاي دەپ قارادى: باس شۋجيدىڭ سوزىندە جاڭا ءداۋىردىڭ جاڭا جورىعىندا پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، ۇلكەن پارتيانىڭ وزگەشە قيىن ماسەلەسىنىڭ قالىپتاسۋ سەبەبىنە، باستى بەينەسىنە جانە شەشۋ جولىنا ىشكەرىلەي تالداۋ جاسالىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ نىسانالارى مەن مىندەتتەرى، امالياتتىق تالاپتارى تەرەڭ پايىمدالدى، پارتيانى جاپپاي قاتاڭ باسقارۋدى تاباندىلىقپەن ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسالدى. باس شۋجيدىڭ ماڭىزدى ءسوزى بيىك تۇرعىدا تۇرىپ، الىستى بولجاعان، يدەياسى تەرەڭ، مازمۇنى باي، پايىمداۋى ەگجەي - تەگجەيلى بولىپ، باس شۋجي شي جينپيڭنىڭ بيىك تۇرعىدا تۇرىپ الىستى بولجاعان ستراتەگيالىق كورەگەندىگىن، قالتقىسىز، وزىمەن ساناسپايتىن وسكەلەڭ دەڭگەيىن، تەرەڭ دە شىنايى حالىقتىق سۇيىسپەنشىلىگىن، ماسەلەگە بەتپە - بەت كەلەتىن بورىشى مەن جاۋاپكەرلىگىن تولىق ايگىلەدى، اسا كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا يە، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتۋدىڭ ءتۇبىرلى ولشەمى سانالىپ، جاڭا ءداۋىردىڭ جاڭا جورىعىنداعى ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋ جونىنەن ءتۇبىرلى جەتەكشىلىك رول اتقارادى. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ كادرلار قوسىنىنا شىنايى ءۇمىت ارتىپ، ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن سانالىلىقپەن بىرلىككە كەلتىرىپ، جاڭا ءداۋىردىڭ جاڭا جورىعىندا پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، پارتيانىڭ ۇلى وزىندىك توڭكەرىسىن سوڭىنا دەيىن جۇرگىزۋ كەرەك.
جالپى ءماجىلىس مىنالاردى اتاپ كورسەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، ىشكەرىلەي ۇيرەنىپ، ناقتى تەكسەرۋ - زەرتتەۋ جۇرگىزىپ، تياناقتاندىرۋدى مىقتى يگەرىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، جەتە ءتۇسىنىپ، جەتىك يگەرىپ، تىڭعىلىقتى تياناقتاندىرىپ، ونى جاڭا ءداۋىردىڭ جاڭا جورىعىنداعى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن ىشكەرىلەي ىلگەرىلەتۋدىڭ قۇدىرەتتى ەكپىندەي ىلگەرىلەۋ كۇشىنە، ستيلدى دۇرىستاپ، ءتارتىپتى قاتايتۋدىڭ ناقتى ارەكەتىنە، پارتيانىڭ العاباسارلىعىن، كىرشىكسىزدىگىن باتىل قورعاۋدىڭ، پارتيانىڭ ومىرشەڭدىك كۇشىن ماڭگى ساقتاۋدىڭ ءىس جۇزىندىك ونىمدىلىگىنە اينالدىرۋ كەرەك. پارتيا 20 - قۇرىلتايىنىڭ پارتيانى جاپپاي قاتاڭ باسقارۋ جونىندەگى ستراتەگيالىق ورنالاستىرۋىن ىشكەرىلەي دايەكتى تياناقتاندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋ» سىندى كەلەلى ساياسي جاۋاپكەرلىكتى بۇلجىماي ارقالاۋ؛ دۇرىس ساياسي بەتالىستا باستان - اياق تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى ءتارتىپ تەكسەرۋ، باقىلاۋ - تەكسەرۋ سالاسىنىڭ بارلىق قىزمەتىنە ءبىر تۇتاس باسشىلىق ەتۋ؛ پارتيا ۋستاۆىن ۇيرەنىپ، پارتيا ۋستاۆىن قاستەرلەپ، پارتيا ۋستاۆىندا جۇكتەلگەن قىزمەت جاۋاپكەرلىگىن بۇلجىتپاي اتقارۋ؛ ۇلكەن پارتيانىڭ وزگەشە قيىن ماسەلەلەرىن شەشۋ سەرگەكتىگى مەن تاباندىلىعىن قاي - قاشان دا ساقتاپ، پارتيانى جاپپاي قاتاڭ باسقارۋ جۇيەسىن كەمەلدەندىرۋدى تاباندىلىقپەن ىلگەرىلەتۋ؛ باتىلدىقپەن، شەبەرلىكپەن كۇرەس جۇرگىزىپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدىڭ ىشكەرىلەي دامۋىن تاباندىلىقپەن ىلگەرىلەتىپ، پارتيا مەن حالىق جۇكتەگەن بورىش پەن جاۋاپكەرلىكتى اناعۇرلىم ويداعىداي ارقالاۋ كەرەك.جالپى ءماجىلىس مىنالاردى دارىپتەدى: 2023 - جىل − پارتيا 20 - قۇرىلتايىنىڭ رۋحىن دايەكتىلەندىرۋدىڭ باستاما جىلى، «14 - بەسجىلدىق» جوبانى اتقارۋدا بۇرىنعىعا مۇراگەر بولىپ، كەيىنگىگە جول اشاتىن شەشۋشى جىل، جاپپاي سوتسياليستىك وسىزاماندانعان مەملەكەت قۇرۋعا نەگىز قالاۋداعى ماڭىزدى ءبىر جىل. ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتى تياناقتاندىرىپ، پارتيانى جاپپاي قاتاڭ باسقارۋ ستراتەگيالىق ورنالاستىرۋىن باتىل دايەكتىلەندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ مىندەتتەرى مەن تالاپتارىن مۇقيات تياناقتاندىرىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، جاڭا ءداۋىردىڭ جاڭا جورىعىنداعى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن ىشكەرىلەي ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما باستاۋ، جاقسى قادام تاستاۋ ءۇشىن پارمەندى كەپىلدىك ازىرلەۋ كەرەك.
ءبىرىنشى، پارتيا 20 - قۇرىلتايىنىڭ ستراتەگيالىق ورنالاستىرۋلارىن تياناقتاندىرۋدى ارقاۋ ەتىپ، ساياسي باقىلاۋدى كۇشەيتۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن باتىل قورعاپ، ءار دارەجەلى پارتيا ۇيىمدارىنىڭ پارتيانىڭ ساياسي قۇرىلىسىن كۇشەيتۋىن ىلگەرىلەتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا كەپىلدىك ەتۋ كەرەك. ساياسي ءتارتىپ پەن ساياسي قاعيدانى قاتايتىپ، «جەتى ءتۇرلى نىساي» ماسەلەسىن دەر كەزىندە بايقاپ، كۇش سالا شەشۋ كەرەك. ساياسي باقىلاۋدىڭ ناقتىلانۋىن، دالدىگىن، ۇدايىلانۋىن ىلگەرىلەتىپ، جاڭا دامۋ تانىمىن تولىق، دالمە - ءدال، جاپپاي دايەكتىلەندىرۋ، جاڭا دامۋ ارناسىن جەدەل ورناتۋ، ساپالى دامۋدى كۇش سالا ىلگەرىلەتۋ سياقتى كەلەلى ستراتەگيالىق ورنالاستىرۋلاردى ارقاۋ ەتىپ، پارتيا ورتالىق كوميتەتىنىڭ ۋاقىتقا، جاعدايعا قاراي جاساعان شەشىم، ورنالاستىرۋلارىنا بايلانىستى باقىلاۋ - تەكسەرۋدى كۇشەيتىپ، اتقارۋدىڭ اۋىتقىماۋىنا، وزگەرمەۋىنە، قۇبىلماۋىنا شىنايى كەپىلدىك ەتۋ كەرەك.
ەكىنشى، پارتيانىڭ وزىنە توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋدى ىلگەرىلەتۋ كەرەك. پارتيا ىشىندەگى زاڭ - ەرەجە، ءتۇزىم جۇيەسىن كەمەلدەندىرۋدى جەبەپ، پارتيا ءتارتىبى جازاسى ەرەجەسىنە وزگەرىس ەنگىزۋدى زەرتتەپ، مەملەكەتتىڭ شىرىكتەسۋگە قارسى تۇرۋ جونىندە زاڭ شىعارۋىن ىلگەرىلەتىپ، ءتارتىپ تەكسەرۋ، باقىلاۋ - تەكسەرۋ زاڭ - ەرەجە، ءتۇزىم جۇيەسىن ۇزدىكسىز اقاۋسىزداندىرۋ جانە كەمەلدەندىرۋ كەرەك. پارتيا ءبىر تۇتاس باسشىلىق ەتۋ، جاپپاي قامتۋ، بەدەلدى، جوعارى ءونىمدى بولۋ تالابىنا ساي، ءتارتىپ تەكسەرۋ، باقىلاۋ - تەكسەرۋ ارناۋلى جاۋاپكەرلىگىن باقىلاۋ جۇيەسىن، پارتيا ىشىندەگى باقىلاۋ جۇيەسىن، ءتۇرلى باقىلاۋدى ۇلاستىرۋ، سايكەستىرۋ مەحانيزمى مەن نەگىزگى ساتى باقىلاۋ جۇيەسىن كەمەلدەندىرۋدى ىلگەرىلەتىپ، باقىلاۋدىڭ بىرىككەن كۇشىن قالىپتاستىرۋ كەرەك. كۇندەلىكتى باقىلاۋدى ەگجەي - تەگجەيلى، ناقتى ىستەپ، باقىلاۋدى ۇنەمى جالعاستىرىپ، ۇدايىلانعان جاعداي قالىپتاستىرۋ كەرەك. «ءبىرىنشى باسشىنى» جانە باسشىلىق القانى باقىلاۋدى كۇشەيتىپ، ولاردىڭ تارتىپكە قاتاڭ بويسۇنۋىنا، ءوز جاۋاپكەرلىگىن قاتاڭ اتقارۋىنا، وزىنە قاراستى ورىنداردى قاتاڭ باسقارۋىنا قۋزاۋشىلىق ەتۋ كەرەك. قازىنالىق باقىلاۋ ورگاندارىمەن سايكەسۋدى، سەلبەسۋدى كۇشەيتىپ، قازىنالىق باقىلاۋ جەتىستىكتەرىن ويداعىداي پايدالانۋ كەرەك. پارتيانى جاپپاي قاتاڭ باسقارۋدىڭ ساياسي جاۋاپكەرلىگىن ناقتىلاندىرىپ، جاۋاپقا تارتۋ قارۋىنان ويداعىداي پايدالانىپ، جاۋاپقا تارتۋدىڭ دارمەنسىزدىگىنەن جانە جاۋاپقا تارتۋ كولەمىن ەرەپايسىز كەڭەيتىپ جىبەرۋدەن ساقتانۋ كەرەك.
ءۇشىنشى، ساياسي شارلاۋدىڭ وتكىر قانجارلىق رولىن پارمەندى ساۋلەلەندىرۋ كەرەك. ساياسي شارلاۋدىڭ ورنىن كورنەكتىلەندىرىپ، ورتالىقتىڭ شارلاۋ قىزمەتى باعىتىن جاپپاي دايەكتىلەندىرىپ، «ەكىنى قورعاۋدى» ءتۇبىرلى مىندەت ەتىپ، قاتاڭ تالاپتى شارلاۋدىڭ تۇتاس بارىسىندا، ءار بۋىنىندا دايەكتىلەندىرۋ كەرەك. شارلاۋ قىزمەتى ەرەجەسىنە وزگەرىس ەنگىزىپ، ورتالىقتىڭ شارلاۋ قىزمەتىنىڭ 5 جىلدىق جوباسىن جاساۋ كەرەك. داعدىلى شارلاۋدى، ارناۋلى شارلاۋدى، يكەمدى شارلاۋدى جانە «قايىرىلا قاراۋدى» ءبىر تۇتاس جوسپارلاپ ورنالاستىرىپ، ورتالىقتىڭ شارلاۋ قىزمەتىن ءتارتىپتى ىلگەرىلەتىپ، 20 - كەزەكتى ورتالىق كوميتەتتىڭ 1 - ، 2 - كەزەكتى شارلاۋ قىزمەتىن تىڭعىلىقتى ويداعىداي ىستەۋ كەرەك. شارلاۋدى، رەتتەۋ - تۇزەتۋدى جانە جەتىستىكتەردەن پايدالانۋدى كۇشەيتىپ، شارلاۋدىڭ، شارلاپ تەكسەرۋدىڭ جوعارى - تومەن بىرلەسىپ قيمىلدايتىن قىزمەت جاعدايىن كەمەلدەندىرۋ كەرەك.
ءتورتىنشى، ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋدى ۇزدىكسىز تەرەڭدەتىپ، «ءتورت بۇرىس ستيلدى» تۇزەتۋ كەرەك. پارتيانىڭ وبرازىنا داق سالاتىن، بۇقارانىڭ اڭىسى كۇشتى بولعان راقاتقۇمارلىق، استا - توك ىسىراپشىلدىق ماسەلەلەرىن قاتاڭ جونگە سالىپ، تارتىپكە قاسارىسا قايشىلىق جاساۋ ارەكەتتەرىن ءپاش ەتىپ، قاتاڭ تەكسەرىپ ءبىر جاقتى ەتىپ، قايتا باس كوتەرۋدەن، قايتا ورشۋدەن، كومەسكى وزگەرۋدەن، شايقاستان جالىعۋدان ساقتانۋ كەرەك. قايتالانبالى، توڭمويىندىق سيپات العان، ءتۇسى وزگەرگەن، كومەسكى ماسەلەلەردىڭ ىزىنە ءتۇسىپ، تەكسەرىپ ءبىر جاقتى ەتۋ، جاۋاپقا تارتۋ تەبىنىن ارتتىرىپ، ەرەكشە ۇقىق يدەياسى مەن ەرەكشە ۇقىق ارەكەتىن باتىل الاستاۋ كەرەك. فورماشىلدىقتى، تورەشىلدىكتى ءتۇيىندى تۇردە وڭاپ، پارتيا ورتالىق كوميتەتىنىڭ كەلەلى شەشىم، ورنالاستىرۋلارىن دايەكتىلەندىرۋدە جاۋاپكەرلىك ارقالاماۋ، كۇش سالماۋ، ساياساتتىق شارالار مەن قىزمەت ورنالاستىرۋلارىن سىڭار جاقتى ءتۇسىنىپ، مەحانيكالى تۇردە اتقارۋ، تاعىلىقپەن مەڭگەرۋ، قىزمەتىنە نەمقۇرايدى قاراپ، ءىس تىندىرماۋ، ۇقىقتى بەتالدى پايدالانۋ، ۇقىق كوزقاراسىنىڭ بوگدەلەنۋى، ساياسي ناتيجە كوزقاراسىنىڭ بۇرمالانۋى، كاسىپ كوزقاراسىنداعى اعاتتىق سياقتى ماسەلەلەردى ءتۇپ تامىرىن تەرەڭ قازىپ، ءتۇيىندى ءداپ باسىپ تاۋىپ، دالمە - ءدال تۇزەتىپ، ناقتى ونىمدىلىكتى كۇشەيتۋ كەرەك. «ءتورت بۇرىس ستيلدى» تۇزەتىپ، جاڭا ستيل ورناتۋدى قاتار جۇرگىزۋدە تاباندى بولىپ، پارتيالى كادرلاردى «ءۇشتى ءسوزسىز ورىنداۋدى» ەستە بەرىك ساقتاۋعا تاربيەلەپ جانە جەتەكتەپ، ستيل قۇرىلىسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتۋ كەرەك.
بەسىنشى، پارتيانىڭ ءتارتىپ قۇرىلىسىن جاپپاي كۇشەيتۋ كەرەك. ۇنەمىلىك ءتارتىپ تاربيەسىن كۇشەيتىپ، كۇندەلىكتى باسقارۋ مەن باقىلاۋدى توعىستىرىپ، پارتيالى كادرلاردىڭ ءتارتىپ تانىمىن كۇشەيتۋىن جەبەپ، پارتيانىڭ ءتارتىپ - ەرەجەلەرىن كوكەيگە بەرىك ساقتاۋ كەرەك. جاس باسشى كادرلاردىڭ ءتارتىپ تاربيەسىنە ايرىقشا ءمان بەرۋ كەرەك. تارتىپكە، زاڭعا قايشى ءىرى دەلولار تۋىلعان قاتىستى ورىنداردىڭ پارتكومدارىن، پارتيا باسشىلىق گرۋپپاسىن ارناۋلى دەموكراتيالىق تۇرمىس جيىنىن اشۋعا قۋزاپ، جەتەكشىلىك ەتىپ، بىرەۋى ارقىلى وزگەسىن تۇسپالداپ، دەلو ارقىلى ءتارتىپتى قاتايتۋ كەرەك. پارتيانىڭ ءتارتىپ - بەلگىلەمەلەرى مەن ەرەجە - تۇزىمدەرىن قاتاڭ اتقارىپ، پارتيا تارتىبىنە قايشىلىق جاساعان ماسەلەلەر بايقالا سالا قاتاڭ تەكسەرىپ ءبىر جاقتى ەتۋ كەرەك. «ءتورت ءتۇرلى فورماتسيادان» دالمە - ءدال پايدالانىپ، «ءۇشتى پارىقتاۋدى» تياناقتاندىرىپ، كادرلاردى باتىلدىقپەن جاۋاپكەرلىك ارقالاۋعا، بەلسەنە ىسكەرلىك كورسەتۋگە شابىتتاندىرىپ، ساياسي ونىمدىلىكتىڭ، ءتارتىپ - زاڭ ونىمدىلىگىنىڭ، قوعامدىق ونىمدىلىكتىڭ ورگانيكالى بىرلىگىن جۇزەگە اسىرۋ كەرەك.
التىنشى، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ جەڭىسىنە باتىل قول جەتكىزۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە تاباندى بولىپ، ارتۋ مولشەرىن اناعۇرلىم پارمەندى تەجەپ، ساقتالۋ مولشەرىن اناعۇرلىم ءونىمدى الاستاۋ كەرەك. ءتۇيىندى ماسەلەلەردى قاتاڭ تەكسەرىپ، ساياسي ماسەلەلەر مەن ەكونوميكالىق ماسەلەلەر قاباتتاسقان شىرىكتەسۋدى باتىل تەكسەرىپ ءبىر جاقتى ەتىپ، باسشى كادرلاردىڭ مۇددە توبى مەن بيلىك توبىنىڭ جارشىسىنا، ۋاكىلىنە اينالۋىنان باتىل ساقتانىپ، ۇكىمەت پەن ساۋدانىڭ استاسۋى، كاپيتالدىڭ ساياسي سالاعا ءسىڭىپ كىرۋى سياقتى ساياسي ەكولوگيا مەن ەكونوميكالىق دامۋ ورتاسىن ءبۇلدىرۋ ماسەلەلەرىنەن باتىل ساقتانۋ؛ ءتۇيىندى سالالاردى كورنەكتىلەندىرىپ، فينانىس، مەملەكەت كاسىپورىندارى، ساياسي - زاڭ، استىق ساتىپ الۋ - ساتۋ سياقتى ۇقىق شوعىرلانعان، قاراجات شوعىرلانعان، بايلىق توپتالعان سالالارداعى شىرىكتەسۋدى تۇزەۋدى تەرەڭدەتۋ؛ نازاردى ءتۇيىندى وبيەكتىلەرگە ءجىتى اۋدارىپ، پارتيانىڭ 18 - قۇرىلتايىنان بەرگى تىزگىنىن تارتپاي، الىنەن اسقانداردى ءتۇيىن ەتىپ، باسشى كادرلاردىڭ جۇبايى، پەرزەنتتەرى جانە ولاردىڭ جۇبايلارى سياقتى تۋىس - تۋعاندارى مەن جانىنداعى قىزمەتكەرلەردىڭ ىقپال كۇشتەن پايدالانىپ جەكە باسىنىڭ قامىن كۇيتتەپ، شىرىكتەسۋ ماسەلەسىن قاتاڭ تەكسەرىپ ءبىر جاقتى ەتۋ كەرەك. بۇقارانىڭ مۇددەسىنە زيان جەتكىزەتىن ءتۇرلى شىرىكتەسۋ ماسەلەلەرىن باتىل جونگە سالۋ كەرەك. جاڭاشا شىرىكتەسۋ مەن كومەسكى شىرىكتەسۋدى باتىل تەكسەرىپ ءبىر جاقتى ەتۋ كەرەك. پارا الۋ مەن پارا بەرۋدى بىردەي تەكسەرۋدە تاباندى بولىپ، پارا بەرۋ ارەكەتىن جازالاۋ تەبىنىن ارتتىرىپ، پاكتىكتى قاستەرلەيتىن، شىرىكتەسۋگە قارسى تۇراتىن تاماشا سالت قالىپتاستىرۋ جانە ونى اسقاقتاتۋ كەرەك. شىرىكتەسۋگە قارسى تۇرۋداعى حالىقارالىق سەلبەستىكتى تەرەڭدەتىپ، «اسپان تورى ارەكەتىن» ۇزدىكسىز ورىستەتىپ، قاشقىنداردى قۋعىنداۋ، قاشۋدان ساقتانۋ، ارام ولجانى قايتارىپ اكەلۋ مەحانيزمىن ءبىر تۇتاس قۇرۋ كەرەك.
جەتىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ىشكەرىلەي ىلگەرىلەتۋ كەرەك. رەفورما جەتىستىكتەرىن بەكەمدەپ، كەڭەيتىپ، پارتيانىڭ ءتارتىپ تەكسەرۋ ءتۇزىلىسى رەفورماسىن، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن، ءتارتىپ تەكسەرۋ، باقىلاۋ - تەكسەرۋ قۇرىلىمدارى رەفورماسىن ءبىر تۇتاس ىلگەرىلەتىپ، «ءۇش ءتۇرلى رەفورمانى» ءبىر تۇتاس ىلگەرىلەتۋدىڭ باسشىلىق ءتۇزىلىسى مەن قىزمەت مەحانيزمىن اقاۋسىزداندىرۋ كەرەك. جىبەرىپ باقىلاۋ جۇيەسى مەحانيزمىن كەمەلدەندىرىپ، جىبەرىلگەن قۇرىلىمداردىڭ، شىعارىلعان قۇرىلىمداردىڭ باقىلاۋ - تەكسەرۋ ۇقىعىن جاپپاي قولدانۋىن ىلگەرىلەتۋ كەرەك. رەفورما ارقىلى كۇش پەن بايلىقتى بىرىكتىرۋدى ىلگەرىلەتىپ، ينفورماتسيانى بايلانىستىرۋ، دەرەكتەردى جولداۋ، شارالاردى سايكەستىرۋ، جەتىستىكتەردەن ورتاق يگىلىكتەنۋ قىزمەت مەحانيزمىن كەمەلدەندىرۋدى ىلگەرىلەتۋ كەرەك. پارتيا ءتارتىبى مەن مەملەكەت زاڭى ءوزارا ۇشتاسقان، بەدەلدى، جوعارى ءونىمدى اتقارۋ مەحانيزمىن اقاۋسىزداندىرۋ كەرەك.
سەگىزىنشى، جاڭا ءداۋىردىڭ جاڭا جورىعىنىڭ اۋىر مىندەتىن ارقالاي الاتىن ساپالى ءتارتىپ تەكسەرۋ، باقىلاۋ - تەكسەرۋ كادرلارى قوسىنىن سومداۋ كەرەك. ساياسي قۇرىلىستى كۇشەيتىپ، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ونەگەلىك رولىن ساۋلەلەندىرىپ، تۇتاس جۇيەنى ەرەجەگە، تارتىپكە بويسۇنۋدىڭ ۇلگىسى بولۋعا جەتەكتەپ، پارتياعا مۇلدەم ادال ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك. قابىلەت قۇرىلىسىن كۇشەيتىپ، كۇرەس رۋحىن ساۋلەلەندىرىپ، ەرىك - جىگەردى بەكەمدەپ، كۇرەس قابىلەتىن كۇشەيتىپ، ىشكەرىلەي ۇيرەنۋ، ناقتى تەكسەرۋ - زەرتتەۋ، تياناقتاندىرۋ قىزمەتىن يگەرۋ ادىستەرىنەن ويداعىداي پايدالانىپ، كۇرەس جۇرگىزۋگە باتىل ءارى شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك. پاكتىك قۇرىلىسىن كۇشەيتىپ، «ءۇش جاقتان شىرىكتەسپەۋ» تانىمىن ءبىر تۇلعالادا ىلگەرىلەتۋدى وزىندىك قۇرىلىسقا ءسىڭىرىپ، ءتارتىپ - ءتۇزىمدى اتقارۋدا تارتىپكە قايشىلىق جاساۋ، زاڭ اتقارۋدا زاڭعا قايشىلىق جاساۋ قۇبىلىستارىنا استە جول بەرمەي، جۇرتتى زيانداۋشىلاردى باتىل الاستاپ، «شامنىڭ ءتۇبى قاراڭعى» بولۋدان باتىل ساقتانىپ، ءتۇزۋ ءارى قاتاڭ بولعان ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك.
جالپى ءماجىلىس مىناعان ۇندەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيانىڭ 20 - قۇرىلتايى نۇسقاعان بەتالىستى بويلاپ، پارتيا قۇرۋ ۇلى رۋحىن اسقاقتاتىپ، سەنىمدى بەكەمدەپ، ءوزىن الۋەتتەندىرىپ، تۋراشىلدىقتان اينىماي جاڭالىق اشىپ، قايراتتانا العا ۇمتىلىپ، ەرلىكپەن العا باسىپ، العان بەتتەن قايتپايتىن كۇرەسكەرلىك بەينەمەن، ماڭگى بويكۇيەزدىككە سالىنبايتىن رۋحاني كۇيمەن مىندەتتى اتقارىپ، جاۋاپكەرلىكتى ادا ەتىپ، پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ تىڭ تابىستارىنا ۇزدىكسىز قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك!
(شينحۋا اگەنتتىگى، 1 - ايدىڭ 10 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
