سىرتقى ىستەر مينيسترلىگىنىڭ مالىمدەمەشىسى
جۇڭگونىڭ ىندەتتەن ساقتانۋ - تىزگىندەۋ ساياساتى عىلىمي، ءونىمدى، تاريحتىڭ سىنىنان وتە الادى
2023.01.11 14:30 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 10 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 1 - ايدىڭ 10 - كۇنى وتكىزىلگەن كەزەكتى تىلشىلەر جينالىسىندا قاتىستى سۇراۋلارعا جاۋاپ بەرگەندە بىلاي دەدى: جۇڭگونىڭ ىندەتتەن ساقتانۋ - تىزگىندەۋ ساياساتى عىلىمي، ءونىمدى، جۇڭگونىڭ مەملەكەت جاعدايىنا ۇيلەسەدى، تاريحتىڭ سىنىنان وتە الادى.
«وتكەن ءبىر مەزگىلدە ‹يكەمدى نولگە ءتۇسىرۋ› باس باعىتىنا تاباندى بولعاندىقتان، ءبىز دەلتا سياقتى ۋىتى ءبىرشاما كۇشتى ۆيرۋس تۇبىرشىگىنەن اۋلاق بولا الدىق، جاڭا تيپتى ايدارشا ۆيرۋس وكپە قابىنۋىنان تۋىلعان سالماقتى اۋرۋ مولشەرى مەن ءولۋ مولشەرىن ەڭ جوعارى شەكتە تومەندەتىپ، حالىق بۇقاراسىنىڭ باس اماندىعى مەن سالاماتتىعىن ەڭ جوعارى مۇمكىندىگىنشە قورعادىق» دەدى ۋاڭ ۋىنبين.
«وتكەن ءبىر مەزگىلدە ‹يكەمدى نولگە ءتۇسىرۋ» باس باعىتىنا تاباندى بولعاندىقتان، ءبىز ۆاكسينا ەگۋدى ىلگەرىلەتۋ ءۇشىن قىمباتتى ۋاقىت ۇتا الدىق» دەدى ۋاڭ ۋىنبين، 2023 - جىلى 1 - ايدىڭ 4 - كۇنىنە دەيىن، جۇڭگو جاڭا تيپتى ايدارشا ۆيرۋس ۆاكسيناسىن جالپى 3 ميلليارد 480 ميلليون رەت ەككەندىگىن مالىمدەگەن، ەگىلگەن جالپى ادام سانى ٴبىر ميلليارد 309 ميلليون 886 مىڭعا، بارلىق ۆاكسينانى ەكتىرىپ بولعان ادام سانى ءبىر ميلليارد 275 ميلليون 855 مىڭ ادامعا، قامتىعان ادام سانى بۇكىل ەلدەگى جالپى حالىق سانىنىڭ %92.9 ىنە جەتكەندىگىن، جاڭا تيپتى ايدارشا ۆيرۋسىنىڭ سالماقتى اۋرۋعا شالدىقتىرۋ مولشەرىن ءونىمدى تومەندەتكەندىگىن مالىمدەگەن.
ۋاڭ ۋىنبين بىلاي دەدى: وتكەن ءبىر مەزگىلدە «يكەمدى نولگە ءتۇسىرۋ» باس باعىتىنا تاباندى بولعاندىقتان، 2020 – جىلى، جۇڭگو دۇنيە ءجۇزى بويىنشا ەكونوميكانىڭ وڭ ارتۋىن الدىمەن جۇزەگە اسىرعان نەگىزگى ەكونوميكالىق تۇلعاعا اينالدى. 3 جىلدان بەرى، جۇڭگو ەكونوميكاسى شامامەن %4.5 تىك ورتاشا ارتۋدى ساقتاپ، دۇنيە ءجۇزىنىڭ ورتاشا دەڭگەيىنەن كورنەكتى جوعارى بولىپ، دۇنيە ءجۇزى ەكونوميكاسىنىڭ ارتۋىنا ماڭىزدى ۇلەس قوستى. دۇنيە ءجۇزى بويىنشا ىندەتكە قارسى تۇرۋدىڭ ەڭ قيىن كەزەڭىندە، جۇڭگو دۇنيە ءجۇزى بويىنشا ىندەتكە قارسى زاتتىق ماتەريالدارمەن قامدايتىن ۇلكەن ارتقى شەپكە اينالىپ، دۇنيە جۇزىندەگى ءار ەلدىڭ ىندەتكە توتەپ بەرۋىن بەرىك كەپىلمەن قامدادى، سونداي - اق دۇنيە ءجۇزى كاسىپ تىزبەگى مەن قامداۋ تىزبەگىنىڭ ورنىقتى بولۋىندا ورنىن وگەيسىتۋگە بولمايتىن ماڭىزدى رول اتقاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
