مەملەكەتتىك حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى ءماجىلىس وتكىزدى
باس شۋجي شي جينپيڭنىڭ ماڭىزدى ءسوزى مەن ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن ۇيرەندى، دايەكتىلەندىردى
لي جانشۋ ءماجىلىستى باسقاردى ءارى ءسوز سويلەدى
2023.01.12 16:14 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 11 - كۇنى، بەيجيڭ. ج ك پ مەملەكەتتىك حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى 1 - ايدىڭ 10 - كۇنى ءماجىلىس اشىپ، باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزى مەن جالپى ءماجىلىستىڭ رۋحىن ۇيرەنىپ، حالىق قۇرىلتايى قىزمەتىنىڭ ءىس جۇزىندىك جاعدايىمەن ۇشتاستىرىپ، دايەكتىلەندىرۋ، تياناقتاندىرۋ قىزمەتىن اقىلداستى، ورنالاستىردى. مەملەكەتتىك حالىق قۇرىلتايى تۇراقتى كوميتەتىنىڭ باستىعى، پارتيا باسشىلىق گرۋپپاسىنىڭ شۋجيى لي جانشۋ ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: باس شۋجي شي جينپيڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى سوزىندە پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ساياتىن بيىك تۇرعىدا تۇرىپ، پارتيانى جاپپاي قاتاڭ باسقارۋدى تاباندىلىقپەن ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى، ۇلكەن پارتياعا عانا ءتان قيىن ماسەلەلەردى شەشۋ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋ، ساياسي باقىلاۋدى كۇشەيتۋ، ستيل قۇرىلىسىنىڭ ۇدايىلانۋىن، باياندى بولۋىن ىلگەرىلەتۋ، ءتارتىپ قۇرىلىسىن اناعۇرلىم كورنەكتى ورىنعا قويۋ، شىرىكتەسۋگە قارسى تۇرۋ كۇرەسىن ءبىر ءسات تە توقتاتپاي ىلگەرىلەتۋ سياقتىلاردى ارقاۋ ەتىپ، ايقىن تالاپتار قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، |ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا 20 - قۇرىلتايىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ پارتيانىڭ وزىنە توڭكەرىس جاساۋ ستراتەگيالىق يدەياسىن حالىق قۇرىلتايىنىڭ پارتيا قۇرىلىسىنىڭ جالپى بارىسىنا ءسىڭىرىپ، پارتيانى باسقارۋ، پارتيانى جونگە سالۋ ساياسي جاۋاپكەرلىگىن اتقارۋدى ەڭ ءتۇبىرلى ساياسي مىندەت ەتىپ، ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇرىپ، حالىق قۇرىلتايىنىڭ پارتيا قۇرىلىسى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك.
ءماجىلىس مىنالاردى دارىپتەدى: پارتيانىڭ حالىق قۇرىلتايى قىزمەتىنە جاپپاي باسشىلىق ەتۋىندە، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، ءارقانداي ۋاقىتتا، ءارقانداي جاعدايدا پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى سىندى وسى ەڭ جوعارى ساياسي پرينسيپتە تاباندى بولىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، حالىق قۇرىلتايى قىزمەتىن پارتيا ورتالىق كوميتەتى قىزمەتىنىڭ جالپى جاعدايى ىشىنە قويا وتىرىپ سانالى تۇردە وي جۇگىرتۋ جانە ورنالاستىرۋ جاساۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن توعىستىرىپ، رۋحتى سومداۋدا تاباندى بولىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالىپ، ءىس جۇزىندىكپەن ۇشتاستىرا جاسامپازدىقپەن دايەكتىلەندىرۋ، تياناقتاندىرۋ جاعىنا كۇش سالىپ، وندا قامتىلعان دۇنيەگە كوزقاراس پەن مەتودولوگيانى تەرەڭ يگەرىپ، وعان سىڭىرىلگەن مايدان، كوزقاراس، ادىستەن سانالى تۇردە پايدالانىپ، پارتيانىڭ عىلمي نازارياسىن امالياتقا جەتەكشىلىك ەتەتىن، قىزمەتتى ىلگەرىلەتەتىن قۋاتتى كۇشكە شىن مانىندە اينالدىرىپ، حالىق قۇرىلتايى ءتۇزىمى نازارياسى مەن امالياتىنىڭ ۇزدىكسىز دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: پارتيا مەن مەملەكەتتىڭ باقىلاۋ جۇيەسىن اقاۋسىزداندىرىپ، كەمەلدەندىرىپ، حالىق قۇرىلتايىنىڭ باقىلاۋ قىزمەتىن كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەنۋىن، تياناقتانۋىن ىلگەرىلەتىپ، نەگىزگى زاڭ مەن زاڭداردىڭ جاپپاي، ءونىمدى اتقارىلۋىنا، اكىمشىلىك ۇقىقتىڭ، باقىلاۋ - تەكسەرۋ ۇقىعىنىڭ، سوت جۇرگىزۋ ۇقىعىنىڭ، پروكۋراتۋرا ۇقىعىنىڭ دۇرىس جۇرگىزىلۋىنە، حالىقتىڭ ۇقىق - مۇددەسىنىڭ قورعالۋىنا جانە جۇزەگە اسۋىنا كەپىلدىك ەتۋ كەرەك. ستيلدى دۇرىستاپ، ءتارتىپتى قاتايتۋ جانە شىرىكتەسۋگە قارسى تۇرۋ كۇرەسىن ۇزدىكسىز كۇشەيتىپ، ۇلكەن پارتياعا عانا ءتان قيىن ماسەلەلەردى شەشۋدىڭ سەرگەكتىگى مەن باتىلدىعىن قاي - قاشان دا ساقتاپ، ماڭگى جالعاستىراتىن قايسارلىق پەن قاجىماس رۋحتى قاي - قاشان دا ساقتاپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاجىماي - تالماي قاتاڭ دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ ۇلى وزىندىك توڭكەرىسىن سوڭىنا دەيىن جۇرگىزۋ كەرەك.
مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسى شۋجيىنىڭ ورىنباسارى ۋاڭ چىن، مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەلەرى جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋاڭ دۇڭميڭ، بايماچىلين، ياڭ جىن - ۋ ماجىلىسكە قاتىناستى ءارى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
