جاقسى حابار! ءتىس سالۋ اقىسى ارزاندايتىن بولدى
2023.01.12 15:54 كەلۋ قاينارى : حالىق تورابى
1 – ايدىڭ 11 -كۇنى، جاساندى ءتىس ءتۇبىرىن شوعىرلى، مولشەرلى ساتىپ الۋعا مەردىگەر شاقىرۋ سىچۋاندا وتكىزىلىپ، تاڭداۋ ناتيجەسى شىقتى. مەملەكەتتىك مەديتسينالىق قامتاماسىزداندىرۋ مەكەمەسىنىڭ جەتەكشىلىك ەتۋى مەن سايكەسۋىندە، سىچۋان ولكەلىك مەديتسينالىق قامتاماسىزداندىرۋ مەكەمەسىنىڭ باستاماشىلدىعىمەن جاساندى ءتىس ءتۇبىرىن ولكەلەر ارا ساتىپ الۋ بىرلەستىگى قالىپتاسىپ، ەلىمىزدەگى ءارقايسى ولكەلەر تۇگەلدەي بەلسەندى قاتىناستى. تاڭدالعان ونىمدەردىڭ ورتاشا باعاسى 900 يۋاننان استام ارزانداعان، شوعىرلى ساتىپ الۋ الدىنداعى باعاسىمەن سالىستىرعاندا، ارزانداۋ مولشەرى ورتا ەسەپپەن %55 بولعان. وسى رەت شوعىرلى ساتىپ الۋ بارىسىندا ەلىمىزدەگى 18 مىڭعا جۋىق ەمدەۋ قۇرىلىمىنىڭ قاجەتسىنۋ مولشەرى ءبىر اراعا شوعىرلاندىرىلىپ، ساتىپ الاتىن جاساندى ءتىس ءتۇبىرى 2 ميلليون 870 مىڭ داناعا جەتكەن، شامامەن ەلىمىزدەگى ءبىر جىل ىشىندە وندىرىلگەن جاساندى ءتىس ءتۇبىرى سانىنىڭ (4 ميلليون دانا) %72 ىن ۇستاعان، وسىعان بايلانىستى ءتىس سالدىراتىنداردىڭ ۇنەمدەيتىن قاراجاتى جىلىنا 4 ميلليارد يۋان اينالاسىنا جەتەدى.
وسى رەتكى شوعىرلى ساتىپ الۋعا جيىنى 55 سەرىكتەستىك قاتىناسقان، ولاردان 39 سەرىكتەستىك تاڭدالعان، تاڭدالۋ مولشەرى %71 بولعان. تاڭدالعان سەرىكتەستىكتەردىڭ ىشىندە تانىمالى حالىقارالىق سەرىكتەستىكتەر قامتىلۋمەن بىرگە، ۋەيحاي ۋەيگاۋ، چاڭجوۋ بايكاڭتى قاتارلى ەل ىشىندەگى كاسىپورىندار دا قامتىلعان. شوعىرلى ساتىپ الۋدان بۇرىنعى باعاسى ءبىرشاما قىمبات سانالاتىن ستراۋمان، دەنسپلاي، نوباۋكى قاتارلى جاساندى ءتىس تۇبىرلەرىن ساتىپ الۋدىڭ اسىلگى ورتاشا سان باعاسى 5000 يۋاننان 1850 يۋان اينالاسىنا تومەندەگەن، بازاردىڭ قاجەتسىنۋ مولشەرى ەڭ كوپ بولعان وسستەم، دەنتيۋم قاتارلى جاساندى ءتىس تۇبىرلەرىن ساتىپ الۋدىڭ ورتاشا سان باعاسى 1500 يۋاننان 770 يۋان اينالاسىنا دەيىن ارزانداعان، تاڭدالعان ونىمدەردىڭ ءتۇرى مول بولىپ، كلينيكالىق قاجەتسىنۋ مولشەرىمەن ءبىرشاما ويداعىداي سايكەسكەن؛ ءتورت دارەجەلى تازا تيتان مەن تيتان قوسپاسى سىندى 2 ءتۇرلى ماتەريالدان جاسالعان ساپاسى ءتىپتى جاقسى، كلينيكالىق سالاداعىلاردىڭ مويىنداۋ دارەجەسى اناعۇرلىم جوعارى بولعان جاساندى ءتىس ءتۇبىرى وسى كولەمگە ەنگىزىلگەن ءارى جاساندى ءتىس ءتۇبىرىنىڭ باسقا ماتەريالدارى مەن زاپشاستارى دا قامتىلعان، كلينيكالىق سالاداعى باسىم كوپ سانداعى پايدالانۋ قاجەتىن قاناعاتتاندىرا الادى. حالىقتىق ەمدەۋ قۇرىلىمدارىنان 14 مىڭ قۇرىلىم وسى رەتكى شوعىرلى ساتىپ الۋعا بەلسەندى قاتىناسقان، بۇل ەمدەۋ قۇرىلىمدارى جالپى سانىنىڭ %80 ىن ۇستايدى. حالىقتىق ەمدەۋ قۇرىلىمدارىنىڭ كەڭىنەن قاتىناسۋى بۇقارانىڭ لايىقتى باعادا ءتىس سالدىرۋىنا بارىنشا قولايلىلىق جاراتادى.
كەلەسى قادامدا، مەديتسينالىق قامتاماسىزداندىرۋ تاراۋلارى شوعىرلى ساتىپ الۋدا تاڭدالعان ناتيجەلەردى تياناقتاندىرۋ الدىنداعى دايىندىق قىزمەتتەردى ويداعىداي ىستەپ، جۋىق ارادا ءتىس سالدىرۋ بارىسىندا سايكەستى پايدالاناتىن ءتىس قابى ماتەريالدارىنا باسەكەلەسە باعا كورسەتۋدى ينتەرنەتتە جاريالاپ، جاساندى ءتىس سالدىرۋعا مەديتسينالىق جاقتان قىزمەت وتەۋدىڭ باعاسىن جالپى بارىس بويىنشا رەتتەۋ – مەڭگەرۋدى ءبىر ۋاقىتتا تياناقتاندىرىپ، ءتىس سالدىرۋ بارىسىنداعى ءۇش ءتۇرلى قاراجاتتى ءبىر ۋاقىتتا ارزانداتادى. ءتۇرلى شارالاردى اتقارۋعا ءبىر ۋاقىتتا كۇش سالۋ ارقىلى 2023 – جىلى 3 – ايدىڭ سوڭعى شەنىنەن 4 – ايدىڭ باس شەنىنە دەيىن، ءتىس سالدىرۋ قاراجاتىن جان – جاقتى جونگە سالۋ ناتيجەسىن اتقارۋدى تياناقتاندىرادى، ءتىس سالدىراتىندار باعاسى ارزانداتىلعاننان كەيىنگى ءتىس سالۋ قىزمەتىنەن جاپپاي يگىلىكتەنە الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
