”بەرەكەلى بىرگە جاساۋ − 3 - كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسى“ اشىلدى
جۇڭگو مەن شەتەلدىڭ 260 كوركەمونەر تۋىندىسى كورسەتىلدى
2023.01.12 16:25 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ مىڭمىڭ 1 - ايدىڭ 10 - كۇنى ۇرىمجىدەن حابارلايدى. ”بەرەكەلى بىرگە جاساۋ − 3 - كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسى“ 1 - ايدىڭ 10 - كۇنى شينجياڭ اسەمونەر سارايىندا اشىلدى، 11 مەملەكەتتەن كەلگەن، جۇڭگو مەن شەتەلدىڭ 143 كوركەمونەرشىسىنىڭ 260 كوركەمونەر تۋىندىسى شوعىرلى كورسەتىلدى.
وسى كەزەكتى قوس جىلدىق كورمە ”وركەنيەت پەن توعىسۋ“، ”بىرگە جاساۋ جانە تىلدەسۋ“، ”ەكولوگيا مەن اۋىل“ سىندى 3 نەگىزگى كورمە جانە ”شينجياڭ سۋرەتى“، ”جەر مەن كوكتىڭ اراسى“ سىندى 2 ەرەكشە كورمەدەن قۇرالعان، باس نەگىزگى تاقىرىپ ”بەرەكەلى بىرگە جاساۋ“ اياسىندا 5 تاراۋشا تاقىرىپ ورنالاستىرىلىپ، شينجياڭ كوركەمدىگىن، ورتا ازيا كوركەمدىگىن، دۇنيە ءجۇزى كوركەمدىگىن، ەكولوگيا كوركەمدىگىن، ءداستۇر كوركەمدىگىن رەتىمەن بىرتىندەپ ايگىلەدى. ”’بەرەكەلى بىرگە جاساۋ‘ ۋاقىت تۇرعىسىنان جۇڭگونىڭ ءداستۇرلى سيا سۋرەتىنەن عىلىم - تەحنيكالىق كوركەمونەرىنە دەيىن قارىشتاپ دامۋىن بەينەلەسە، كەڭىستىك تۇرعىسىنان شينجياڭنان دۇنيە جۇزىنە دەيىنگى كوركەمونەر اۋقىمىن بەينەلەدى“، - دەدى وسى كەزەكتى قوس جىلدىق كورمەنىڭ باس جوبالاۋشىسى، ورتالىق اسەمونەر شۋەيۋانى اسەمونەر سارايىنىڭ باستىعى جاڭ زىكاڭ.
«جاساندى اي» دەگەن تۋىندىنىڭ الدىندا، كورەرمەن انايات راحىمان دوستارىمەن بىرگە قايران قالارلىق بەينەلەۋ ونەرىن ەلىتە تاماشالادى، ديامەترى 6 مەتر كەلەتىن، ەنەرگيا ۇنەمدەيتىن 25 مىڭ لامپوچكادان جاسالعان وسى الىپ ساۋلەلى شار كوپتەگەن كورەرمەندى ايالداپ سۋرەتكە تۇسىرۋگە باۋرادى. ”بۇدان بۇرىنعى كورمەدە كوبىنەسە جازىقتىقتاعى اسەمونەردى كورەتىنبىز، قوس جىلدىق كورمە كوپتەگەن جوعارى عىلىم - تەحنيكانى توعىستىردى، كورمەنى مۇنداي بەرىلە تاماشالاپ كورمەگەن ەكەنمىن“، - دەدى انايات.
”وسى كەزەكتى قوس جىلدىق كورمەدەگى تۋىندىلاردىڭ ىقپالداستىق سيپاتى، سەزىنۋ سيپاتى، قىزىقتىرۋ سيپاتى ەرەكشە كۇشتى، كورەرمەندەر ىقپالداستىق تۇرىندەگى تۋىندىلاردى مەڭگەرىپ، ءاربىر كوركەمونەر تۋىندىسىنىڭ تارتىمدىلىعىن ەلىتە تاماشالايدى جانە سەزىنەدى“. شينجياڭ اسەمونەر سارايىنىڭ باستىعى ۋاڭ شۋشىڭ بىلاي دەدى: بۇدان بۇرىنعى ءداستۇرلى اسەمونەر كورمەسىمەن سالىستىرعاندا، وسى كەزەكتى قوس جىلدىق كورمە كوپتەگەن ىقپالداستىق قۇرىلعىلارى مەن كەسكىن تۇرىندەگى تۋىندىلاردى كورمەگە قويىپ، كورەرمەندەرگە ەرەكشە قايران قالدىرارلىق جانە ءدال وزىندەي كوركەمونەرلىك ءلاززات سيلادى.
”كورمەدەگى كوپتەگەن تۋىندىلار ادامعا تەرەڭ اسەر قالدىرادى، ودان كوركەمونەرشىلەردىڭ ەكولوگيا، قورشاعان ورتا سياقتى تاقىرىپتارعا تەرەڭ تولعانىسىن بايقاۋعا بولادى، بۇل ءبىزدىڭ جەرگىلىكتى كوركەمونەرشىلەرگە زور شابىت سيلادى“. شينجياڭ اسەمونەرشىلەر قوعامى ويما سۋرەت كوركەمونەر كوميتەتىنىڭ مەڭگەرۋشىسى لۇي جيانلي بىلاي دەدى: شينجياڭ قوس جىلدىق كورمەسى جوعارى ساپالى كوركەمونەر كورمەسى بولىپ، دۇنيەنىڭ جەر - جەرىنەن كەلگەن كوركەمونەرشىلەرگە مادەنيەت اۋىس - كۇيىس تۇعىرىن ورناتىپ بەردى.
وسى كەزەكتى قوس جىلدىق كورمە اشىلعان كۇنى ”بەرەكەلى تىلدەسۋ“ جەلىلەس مادەنيەت سالونى، كوركەمونەردە جاڭالىق اشۋ ارقىلى قوعامدىق، ەكونوميكالىق مادەنيەتتە جاڭالىق اشۋدى جەتەكتەۋ، مادەنيەت - كوركەمونەر ارقىلى قالا وبرازىن سومداۋ، قالا مادەنيەت تانىسقىسىن تۇلعالاۋ سياقتى تاقىرىپتاردى ارقاۋ ەتىپ، ديڭ ي، سۇڭ دۇڭ، يىن شيۋجىن قاتارلى ايگىلى كوركەمونەرشىلەر بىرگە تالقىلاپ، ۇسىنىس قويىپ، كەڭەس بەردى. ”مەن وسى جولعى قوس جىلدىق كورمەسىنە «ۋاقىت بارىنەن ماڭىزدى» اتتى كەسكىن تۋىندىمدى الا كەلدىم، سەزىم تۇيسىكتەرىمەن ءوزارا سەزىندىرۋ ارقىلى كورەرمەندەردى ۋاقىت پەن ءومىر ءسۇرۋدىڭ شەكسىز مۇمكىندىگى جونىندەگى ويعا جەتەلەۋدى ءۇمىت ەتەمىن“، - دەدى ديڭ ي.
ۇعىسۋعا قاراعاندا، جۇڭگو شينجياڭ حالىقارالىق كوركەمونەر قوس جىلدىق كورمەسى 2 كەزەك وتكىزىلگەن، تۇڭعىش كەزەكتى ”جىبەك جولىندا جولىعۋدان“ 2 - كەزەكتى ”كوركەمونەر مەن عىلىمنىڭ تىلدەسۋىنە“ دەيىن سودان 3 - كەزەكتى ”بەرەكەلى بىرگە جاساۋعا“ دەيىن شينجياڭ مادەنيەتىندىك كوزاياعا جانە وزىندىك ەرەكشەلىككە يە قوس جىلدىق كورمە ۇلگىسىن قالىپتاستىردى.
وسى كەزەكتى قوس جىلدىق كورمەنى مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى باس بولىپ ۇيىمداستىرىپ، مادەنيەت جانە ساياحات مينيسترلىگىنىڭ حالىقارالىق اۋىس - كۇيىس جانە سەلبەستىك مەكەمەسى (شياڭگاڭ، اۋمىن، تايۋان كەڭسەسى)، اۆتونوميالى رايوندىق مادەنيەت جانە ساياحات مەڭگەرمەسى ۇستىنە الىپ وتكىزدى، كورمە كەزىندە ”بەرەكەلى تىلدەسۋ“ سياقتى قيمىلدار بىرگە ورىستەتىلىپ، جۇرتقا كوپ نەگىزدى، كوپ ساتىلى، كوپ ولشەمدى جالپىلىق بەينەلەۋ ونەرىنىڭ سەزىنۋىن سيلايدى.
كورمە 2 - ايدىڭ 25 - كۇنىنە دەيىن جالعاسادى. كورەرمەندەردىڭ الدىن الا شينجياڭ اسەمونەر سارايى ۋيشين الەۋمەتتىك نومىرىنە نازار اۋدارىپ، ينتەرنەت جەلىسىندە كەلىسىپ، ەكسكۋرسيالاۋىنا بولادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
